Vigfús sigraði á hraðkvöldi

Vigfús Ó. Vigfússon sigraði með 7,5v af 9 mögulegum á hraðkvöldi Hellis sem fram fór 7. febrúar sl. Önnur varð Elsa María Kristínardóttir með 7v og þriðji varð Eiríkur Örn Brynjarsson með 6,5v. Eins og á síðast hraðkvöldi dró sigurvegarinn þann sem varð í öðru sæti út í happdrættinu.

Lokastaðan á hraðkvöldinu:

• 1.    Vigfús Ó. Vigfússon             7,5v
• 2.    Elsa María Kristínardóttir     7v
• 3.    Eiríkur Örn Brynjarsson       6,5v
• 4.    Jón Úlfljótsson                     6v
• 5.    Egill Steinar Ásgeirsson       5v
• 6.    Dagur Kjartansson              4,5v
• 7.    Kristinn Andri Kristinsson     4,5v
• 8.    Björgvin Kristbergsson         2v
• 9.    Pétur Jóhannesson              1v

Bandaríski stórmeistarinn Robert Hess til liðs við KR

Hinn ungi stórmeistari Robert  Hess , nýjasti GM Bandaríkjanna,  mætir til leiks og teflir með KR-A á fyrsta borðii í síðustu 3 umferðum Íslandsmóts skákfélaga.    Hann var með 2602 stig í lok 2010 og verður án vafa mikill liðstyrkur fyrir skáksveit KR, sem berst fyrir veru sinni í 1. deildinni.  Robert  Hess er 19 ára, varð stórmeistari aðeins 17 ára gamall. Hann var valinn í Ólympíusveit Bandaríkjanna í Síberíu í fyrrahaust með litlum fyrirvara og komst því ekki til að tefla með KR í fyrri hluta keppninnar. Hann teflir nú í  A-flokki í hinu sterka Aeroflot móti í Moskvu.

 Hess á það sammerkt með GunnaGunn, fyrrum Íslandsmeistara í skák 1966 og knattspyrnu með Val 1956,  að hafa orðið meistari í tveimur greinum, skák og bandrískum ruðningi með skólaliði sínu

Haraldur Axel og Sigfús efstir á skákdegi Ása

Haraldur Axel Sveinbjörnsson varð efstur ásamt Sigfúsi Jónssyni í skákdegi Ása Stangarhylnum í dag þeir fengu báðir 7 vinninga af 10 mögulegum.   Þrír voru jafnir  í 3-5 sæti með 6.5 v.

Heildarúrslit:

• 1-2            Haraldur Axel Sveinbjörnsson               7 vinninga    46.5 stig
•                  Sigfús Jónsson                                    7      -          44.5
• 3-5            Gísli Sigurhansson                               6.5   -          46.5
•                  Ásgeir Sigurðsson                                6.5   -          42.5
•                  Jón Víglundsson                                   6.5   -          42.5
• 6-7            Birgir Sigurðsson                                  6      -        
•                  Halldór Sigurðsson                               6      -         
• 8-10          Birgir Ólafsson                                     5.5   -         
•                  Valdimar Ásmundsson                          5.5   -         
•                  Hermann Hjartarson                             5.5   -         
• 11-15        Egill Sigurðsson                                    5      -
•                 Eiður Á Gunnarsson                               5      -
•                 Jónas Ástráðsson                                   5      -
•                 Bragi G Bjarnarson                                5       -
•                 Óli Árni Vilhjálmsson                               5       -
• 16            Viðar Arthúrsson                                   4.5     -
• 17            Finnur Kr Finnsson                                 4       -
• 18            Sæmundur Kjartansson                          3.5    -
• 19            Hrafnkell Guðjónsson                              1      -

Skákþing Goðans hefst á föstudaginn

Skákþing Goðans 2011 fer fram helgina 18.-20. febrúar nk. í sal Framsýnar-stéttarfélags að Garðarsbraut 26 á Húsavík. Mótið er öllum opið.

Tefldar verða 7 umferðir eftir monrad-kerfi, 4 atskákir og 3 kappskákir.
Mótið verður reiknað til Íslenskra og fideskákstiga.                                 

Dagskrá:
Föstudagur   18 febrúar  kl 20:00  1-4 umferð.   (atskák 25 mín )
Laugardagur 19 febrúar  kl 10:00  5. umferð.     (90 mín +30 sek á leik)
Laugardagur 19 febrúar  kl 15:00  6. umferð.       -------------------
Sunnudagur  20 febrúar  kl 10:00  7. umferð.       -------------------
 
Verðlaun verða með hefðbundnu sniði. 3 efstu í fullorðins flokki og 3 efstu í 16 ára og yngri.
Farandbikar fyrir sigurvegarann.
 
Þátttökugjald er 2000 krónur fyrir fullorna og 1000 krónur fyrir 16 ára og yngri. 
Skráning í mótið fer fram á heimasíðu Goðans. Einnig er hægt að skrá sig til leiks í síma 464 3187 eða 821 3187.
Listi yfir skráða keppendur er hér.

Núverandi skákmeistari Goðans er Rúnar Ísleifsson.

Þetta verður 8. skákþing Goðans og lista yfir titilhafanna er hér fyrir neðan:

2004    Baldur Daníelsson.
2005    Ármann Olgeirsson
2006    Ármann Olgeirsson      
2007    Smári Sigurðsson        
2008    Smári Sigurðsson
2009    Benedikt Þorri Sigurjónsson
2010    Rúnar Ísleifsson 
2011       ? 

Heimasíða Goðans

Henrik með skákkennslu í gegnum vefinn

Stórmeistarinn Henrik Danielsen býður áhugasömum skákmönnum upp á skákkennslu í gegnum netið.  Kennslan fer fram með skákmyndböndum.  Henrik mun daglega senda myndbönd með útreikningum, byrjunum og endatöflum.   Einu sinni á mánuði hittir hann svo skákmennina í gegnum Skype.

Nánar á Skákhorninu.

Áhugasamir hafi samband við Henrik í netfangið [e-mail]

Kærleikur og súkkulaði

Nítján manns skráðu sig til leiks á Valentínusarmóti í Vin í dag, mánudag. Mótið hófst klukkan eitt og nokkrir öflugir skákmenn náðu ekki í tæka tíð, en fylgdust með yfir kaffibolla þar sem hamingja og kærleikur réðu ríkjum undir hjartalaga skreytingum til að byrja með.  Þangað til menn fóru að rústa og drepa og berja á klukkur.

Eiríkur Ágúst frá Bókinni ehf, sérfræðingur í rómantík og bókmenntum, setti mótið með Valentínusarkvæði dagsins:

Sátu tvö að tafli þar,
taflsóvön í sóknum.
Afturábak og áfram var,
einum leikið hróknum.

Að því loknu lék hann fyrsta leikinn fyrir skákstjórann sem gengur undir nafninu Valentínus Lagerman, gegn Bjarna Davíðssyni og skellti riddaranum á A3.

Tékknesk súkkulaðikaka og framandi ávextir runnu niður í hléinu en tefldar voru sex umferðir með sjö mínútna umhugsunartíma. Ólafur B. Þórs lagði Lagerman í hörkuskák en tapaði svo fyrir Hrafni Jökuls svo pilturinn kom sjónarmun á eftir skákstjóranum, þó báðir með fimm af sex.

Fyrir verðlaunaafhendinguna fór Hrafn svo með ljóð úr tvítugri ljóðabók sinni, „Húsinu fylgdu tveir kettir" en ljóðið heitir „istanbúl er borgin mín", en þar kemur skák nokkuð við sögu.

Allir þátttakendur fengu kærleiksríkar bækur með sál að gjöf frá Bókinni ehf og stelpurnar í Vin fengu innilegar ljóðabækur.

Úrslit:

• 5 vinningar Róbert Lagerman
• 5  Ólafur B. Þórs
• 4,5 Þorvarður Fannar Ólafsson
• 4 Arnar Ingólfsson
• 4 Páll Andrason
• 4 Kjartan Guðmundsson
• 3,5  Jón Úlfljótsson
• 3,5  Hrafn Jökulsson
• 3  Gunnar Nikulásson
• 3  Haukur Halldórsson
• 3  Guðmundur Valdimar Guðmundsson
• 2,5  Aðalsteinn Thorarensen
• 2   Finnur Kr. Finnsson
• 2  Björgvin Kristbergsson
• 2  Óskar Einarsson
• 1,5 Jón Gauti Magnússon
• 1,5 Arnar Valgeirsson
• 0 Bjarni Viðarsson

Myndaalbúm mótsins

Smári og Sigurður efstir og jafnir á Skákþingi Akureyrar - einvígi þarf

Sjöunda og síðasta umferð Skákþings Akureyrar var háð í dag. Hart var barist á öllum borðum, enda mikið í húfi.  Sigurvegarar mótsins, þeir Sigurður A og Smári, þurfa nú að tefla einvígi um titilinn"Skákmeistari Akureyrar". Sömuleiðis munu þeir Karl Egill og Hjörleifur tefla einvígi um meistaratitilinn í öldungaflokki, 60 ára og eldri. Þriðja titilinn, sem er skákmeistari Akureyrar í unglingaflokki, hreppir svo Mikael Jóhann Karlsson.

Úrslit urðu svörtu mönnunum mjög í vil, eins og sjá má:

Hjörleifur- Sigurður A 0-1
Jón Kristinn - Smári 0-1
Tómas Veigar - Mikael 0-1
Jakob Sævar - Karl Egill 1/2-1/2
Sigurður E - Andri Freyr 1-0
Hermann - Hersteinn 1/2-1/2

Lokastaðan á mótinu (efstu menn):

1-2. Sigurður Arnarson                  6
        Smári Ólafsson                      6
3.     Mikael Jóhann Karlsson        5
4-5.  Rúnar Ísleifsson                     4
        Sigurður Eiríksson                  4
6-10.Hjörleifur Halldórsson          3,5
         Jakob Sævar Sigurðsson     3,5
         Jón Kristinn Þorgeirsson     3,5
         Karl Egill Steingrímsson      3,5
         Tómas Veigar Sigurðarson 3,5

Skákþingi Akureyrar (að einvígjunum undanskildum) lýkur svo sunnudaginn 20. febrúar með hraðskákmóti Akureyrar, sem hefst kl. 13.

 

• Heimasíða SA
• Chess-Results
• Skákir mótsins (allar)

Björn Ívar öruggur sigurvegari Skákþings Vestmannaeyja

Lokaumferð skákþings Vestmannaeyja fór fram í gær.  Einni skák var frestað en það var skák Sverris Þórs Unnarssonar og Einars Guðlaugssonar.  Ekki er því endanlega ljóst hverjirv verða í verðlaunasætum.  Ítarlega frásögn af gangi máli má lesa á heimasíðu TV

 

úrslit 9. umferðar
Bo.	Nafn	Vi	Úrslit	Vi	Nafn
1	Kristofer Gautason	4	0  -  1	7½	Bjorn-Ivar Karlsson
2	Sverrir Unnarsson	5½	frestað	5	Einar Gudlaugsson
3	Thorarinn I Olafsson	4	0  -  1	5½	Nokkvi Sverrisson
4	Hafdis Magnusdottir	2	0  -  1	5	Sigurjon Thorkelsson
5	Robert Aron Eysteinsson	4½	½  -  ½	4	Karl Gauti Hjaltason
6	Jorgen Freyr Olafsson	2	-  -  +	4½	Dadi Steinn Jonsson
7	Stefan Gislason	4½	1  -  0	½	Tomas Aron Kjartansson
8	Eythor Dadi Kjartansson	2	1  -  0	3½	Sigurdur A Magnusson

Mótinu er þá lokið fyrir utan frestuðu skákina hjá Sverri og Einari. Sú skák getur breytt ýmsu í baráttunni um 2. og 3. sætið en Sverrir getur tryggt sér 2. sætið með sigri en Einar getur nælt sér í 3. sætið með sigri.

Um taflmennskuna í mótinu má segja að Björn Ívar hafi sigrað af nokkru öryggi. Hann gerði einungis eitt jafntefli, gegn Nökkva, sem tefldi skínandi vel í mótinu. Eftir óþarfa tap í byrjun móts setti hann í fluggírinn og tefldi af miklu öryggi eftir það. Daði Steinn stóð sig einnig með mikilli prýði í mótinu. Taflmennska hans er alltaf að verða betri og stíllinn er mjög öruggur. Af öðrum ólöstuðum eru Nökkvi og Daði Steinn menn mótsins. Árangur annarra var nokkurn veginn eftir bókinni. Róbert stóð sig vel og endaði með 5 vinninga, eftir að hafa náð punktum gegn sér sterkari andstæðingum. Athygli vekur einnig að Hafdís náði sér í 2 vinninga á sínu fyrsta móti.

Staðan:
Sæti	Nafn	Stig	Vi	BH.
1	Bjorn-Ivar Karlsson	2211	8½	44½
2	Nokkvi Sverrisson	1787	6½	46
3	Sigurjon Thorkelsson	2039	6	44½
4	Sverrir Unnarsson	1926	5½	49	1 frestuð
5	Stefan Gislason	1685	5½	42½
6	Dadi Steinn Jonsson	1590	5½	39
7	Einar Gudlaugsson	1937	5	47½	1 frestuð
8	Robert Aron Eysteinsson	1355	5	35
9	Karl Gauti Hjaltason	1545	4½	37
10	Thorarinn I Olafsson	1697	4	45
11	Kristofer Gautason	1679	4	38
12	Sigurdur A Magnusson	1375	3½	36½
13	Eythor Dadi Kjartansson	1265	3	33
14	Hafdis Magnusdottir	0	2	34½
15	Jorgen Freyr Olafsson	1140	2	33½
16	Tomas Aron Kjartansson	1010	½	34½

• Heimasíða TV
• Chess-Results

Vinjarmót í dag

Á mánudaginn, 14. febrúar, heldur Skákfélag Vinjar mót að Hverfisgötu 47 og hefst það klukkan 13:00.   Tilefnið er tvöfalt og ekki af verri endum, Valentínusardagurinn og átján ára afmæli Vinjar, en 8. feb. sl voru semsagt liðin 18 ár frá opnun athvarfsins.

Bragi Kristjóns og félagar hjá Bókinni ehf hafa tekið til bækur með blússandi kærleik og allir þátttakendur fá vel valda bók af sannkölluðum sérfræðingum bókmenntanna og reyndum rómantíkerum.

Og ekki nóg með það, því allir kvenkyns þátttakendur munu í upphafi móts fá sérvaldar kærleiksríkar ljóðabækur. Eru þær á misjöfnum aldri, en allar með fallega sál og fagurt innihald.

Þeir félagar, Ari Gísli og Eiríkur Ágúst frá Bókinni ehf setja mótið.

Tefldar verða sjö umferðir með sjö mínútna umhugsunartíma og skákstjóri verður sjálfur Valentínus okkar Íslendinga, herra Robert Lagerman.

Eftir fjórðu umferð verður boðið upp á kaffi og eitthvað huggulegt, í anda dagsins.

Kostar ekkert, bara mæta tímanlega og skrá sig.

Vin er athvarf Rauða kross Íslands fyrir fólk með geðraskanir, staðsett að Hverfisgötu 47.

Hraðkvöld hjá Helli í kvöld

Taflfélagið Hellir heldur hraðkvöld mánudaginn 14. febrúar  nk. og hefst taflið kl. 20:00. Tefldar verða 7 umferðir með sjö mínútna umhugsunartíma.  Teflt er í félagsheimili Hellis í Álfabakka 14a í Mjóddinni.

Sigurvegarinn á hraðkvöldinu fær í verðlaun pizzu frá Dominos Pizzum. Einnig verður dreginn út af handahófi annar keppandi, sem einnig fær pizzu hjá Dominos Pizzum. Þar eiga allir jafna möguleika, án tillits til árangurs á mótinu. Þátttökugjöld eru kr. 300 fyrir félagsmenn (kr. 200 fyrir 15 ára og yngri) og kr. 500 fyrir aðra (kr. 300 fyrir 15 ára og yngri).