Sigurlaug endurkjörin formaður TR

Sigurlaug Regína Friðþjófsdóttir var endurkjörin formaður Taflfélags Reykjavíkur á aðalfundi félagsins sem fór fram síðastliðið mánudagskvöld.  Meðstjórnendur starfsárið 2010-2011 eru:

• Björn Jónsson
• Elín Guðjónsdóttir
• Eiríkur K. Björnsson
• Magnús Kristinsson
• Ólafur S. Ásgrímsson
• Ríkharður Sveinsson

Varamenn eru:

• Þórir Benediktsson
• Torfi Leósson
• Áslaug Kristinsdóttir
• Atli Antonsson

Sigurlaug er önnur konan til að gegna formennsku í félaginu og sú fyrsta sem situr í formannsstól lengur en eitt starfsár.

Hraðskákmót öðlinga fer fram annað kvöld

Hraðskákmót öðlinga fer fram á morgun, miðvikudaginn 19. maí, og hefst kl. 19:30.  Í lok mótsins fer fram verðlaunaafhending fyrir hraðskákmótið og sjálft aðalmótið þar sem Bragi Halldórsson sigraði.   Þátttökugjald 500 kr.  Þá verða góðar veitingar, rjómavöfflur og annað góðgæti, sem Birna sér um, nokkurs konar töðugjöld eins og tíðkaðist til sveita hér áður fyrr og tíðkast trúlega enn!

 

Tommi glæpakóngur í Vin

Glæpafaraldur í Vin gekk yfir í dag viðHverfisgötuna.  Það var algjör reifari aðhorfa á lætin við skákborðið og farsakennd mistök litu dagsins ljós, þóígrundaðar fléttur og mannfórnir dygðu stundum til að ganga frá andstæðingnum.

Skákfélag Vinjar og Hrókurinn buðu upp áglæpafaraldurinn en verðlaun buðu þeir heiðurspiltar í Bókinni ehf, eðafornbókabúð Braga, eins og sumir segja, upp á. Bragi sjálfur komst ekki til aðleika fyrsta leikinn, en Eiríkur Ágúst Guðjónsson, hinn ótrúlega glöggi bókaormur og starfsmaður í Bókinni, mætti og hélt stutta tölu við setningu

 mótsins, þar sem hann ræddi um taflmennsku sína við fanga og fremur  dapra uppskeru gegn þeim, er hann var fangavörður fyrir nokkrum árum síðan. Svo lék hann fyrsta leikinn í viðureign Róberts Lagerman og Hauks Halldórssonar í fyrstu umferð og fékk frjálst val.

Eftir síðustu umferðina hélt menntamálaráðherra, Katrín Jakobsdóttir, lifandi og skemmtilegan fyrirlestur um sögu íslenskra glæpabókmennta, styttri útgáfuna, en hún er vel að sér um þau fræðin og með prófgráður upp á það. Að því loknu aðstoðaði hún Eirík Ágúst viðútdeilingu verðlauna, en allir þátttakendur fengu glæpasögu með sál. Þess má geta að þeir heiðursmenn í Bókinni færðu Katrínu góða gjöf sem var rit eftir Steindór Sigurðsson skáld. Eitt af mörgum dulnefnum Steindórs var Valentínus, en það 

notaði Steindór þegar hann skrifaði glæpasögur úr Reykjavíkurlífinu.

Þessu stórskemmtilega sextán manna móti varstjórnað af fyrirliða Skákfélags Vinjar, Hrannari Jónssyni, og forseta Skáksambands Íslands, Gunnari Björnssyni og voru vinnubrögðin fumlaus.

Tómas Björnsson, sem fær titilinn glæpakóngur, sigraði með fimm vinninga af sex mögulegum, en sex umferðir voru tefldar og umhugsunartíminn sjö mínútur á mann. Eftir fjórðu umferð var kaffihlaðborð,  þar sem kökur, ís og ávextir dempuðu aðeins mannskapinn.

Myndalbúm mótsins (AV) 

Úrslit:

 

• 1.      Tómas Björnsson                   5,5
• 2.      Róbert Lagerman                  5
• 3.      Gunnar Björnsson                 5
• 4.      Gunnar Finnsson                   4
• 5.      Finnur Kr. Finnsson               4
• 6.      Jóhannes Lúðvíksson            3,5
• 7.      Hrannar Jónsson                    3,5
• 8.      Ingi Tandri Traustason          3
• 9.      Jón Úlfljótsson                        3
• 10.  Haukur Halldórsson               3
• 11.  Eymundur Eymundsson        2
• 12.  Arnar Valgeirsson                   2
• 13.  Óskar Einarsson                      2
• 14.  Ingvar Sigurðsson                   2
• 15.  Guðný Erla Guðnadóttir        2
• 16.  Björn sænski                       0

 

Aðalfundur TR fer fram í kvöld

Aðalfundur Taflfélags Reykjavíkur verður haldinn mánudaginn 17. maí kl. 20 í húsnæði félagsins að Faxafeni 12.  Dagskrá fundarins er venjuleg aðalfundarstörf.

 

Vel sóttur Vesturbæjarbiskup

Laugardaginn 15. maí fór fram skákmótið Vesturbæjarbiskupinn og var teflt í safnaðarheimili Neskirkju. Mótið var fyrst haldið í fyrra og fór því nú fram í annað sinn. Að þessu sinni voru um 40 skákmenn mættir til leiks á aldrinum 6-16 ára og var teflt í fjórum flokkum. Skákmennirnir eiga það allir sameiginlegt að koma úr Vesturbænum og er Vesturbæjarbiskupinn 2010 enn ein staðfesting á þeim rísandi skákáhuga sem er vestur í bæ.

Tefldar voru 5 umferðir með 7 mínútna umhugsunartíma.

1.-2. Bekkur

1. Ísafold Kristín Halldórsdóttir - Landakotsskóli 5 V.

2. Ólafur Snorri Rafnsson - Grandaskóli 4 V.

3. Bryndís Líf Bjarnadóttir - Melaskóli 3 V.

3.-4. Bekkur 

1. Smári Arnarson - Melaskóli 5 V.

2. Hákon Rafn Valdimarsson - Melaskóli 4 V.

3. Oddur Stefánsson - Ísaksskóli 3 V.

5.-7. Bekkur

1. Gauti Páll Jónsson Grandaskóli - 5 V.

2.-4. Dagur Logi Jónsson Melaskóli - 4 V.

2.-4. Veronika Steinunn Magnúsdóttir - Melaskóli 4 V.

2.-4. Fannar Skúli Birgisson - Melaskóli 4 V.

8.-10. Bekkur

1. Sindri Ingólfsson - Hagaskóli 4 V.

2-3. Mikael Luis Gunnlausson - MR  3 V.

2-3. Ólafur Örn Haraldsson - Hagaskóli 3 V.

Frumkvæði að mótinu hafði formaður hverfaráðs Vesturbæjar Vala Ingimarsdóttir. Þjónustumiðstöð Vesturbæjar sá um undirbúning og kynningu á mótinu. Auk þessara aðila má nefna hlut foreldra í mótinu og má þá helst nefna formann foreldrafélags Grandaskóla Maríu Helenu Sarabia. Framkvæmd mótsins var svo í höndum Skákakademíu Reykjavíkur.

Að móti loknu veitti Kjartan Magnússon formaður menntaráðs Reykjavíkur sigurvegurunum glæsilega bikara auk þess sem allir keppendur fengu verðlaunapening.

Myndir væntanlegar.  

Anand og Topalov takast á - grein eftir Helga Ólafsson

Það líður að úrslitastund í einvígi Anands og Topalovs um heimsmeistaratitilinn. Hér er fjallað um keppendurna og tæpt á litríkri sögu heimsmeistaraeinvígja í skák.  Grein eftir Helga Ólafsson sem birtist í sunnudagsmogganu, 2. maí 2010.

Fjórtánda og síðasta umferð stórmótsins í Linares á Spáni, sem sumir hafa kallað Wimbledon skákarinnar, fór fram 10. mars 2005.

Garrí Kasparov, 41 árs gamall, var með vinnings forskot á andstæðing sinn, Búlgarann Venselin Topalov. Eftir 30 leiki varð Kasparov að játa sig sigraðan. Hann gaf þá ástæðu fyrir ósigrinum að hann hefði ekki átt neina orku eftir. Ósigurinn breytti því ekki að Kasparov varð efstur á mótinu í níunda skipti, en síðar þennan sama dag steig hann í pontu og tilkynnti að hann væri hættur taflmennsku sem atvinnumaður og hygðist í framtíðinni snúa sér að stjórnmálum. Indverjinn Wisvantahan Anand, prúður maður til orðs og æðis, lét sér fátt um finnast og sagði við sinn gamla keppinaut: „Þú ætlar sem sagt að skipta út skákferlinum fyrir rússneska byssukúlu."

Þetta fannst Garrí kaldranaleg kveðja.

Arftakinn Topalov

Um leið og hann yfirgaf sviðið var eins og hann kynnti til sögunnar arftaka sinn, Búlgarann Venselin Topalov. Um haustið 2005 kallaði alþjóðaskáksambandið FIDE saman átta sterkustu stórmeistara heims sem tefla skyldu tvöfalda umferð. Þegar mótið var hálfnað hafði Topalov hlotið 6 ½ vinning og sigurinn var nánast í höfn, í mótslok munaði 1 ½ vinningi á honum og næsta manni. Hann varð þá réttmætur heimsmeistari í skák en féllst á að tefla sameiningareinvígi við Vladimir Kramnik, sem enn hékk á heimsmeistaratitli PCA-samtakanna eftir sigur yfir Kasparov í London 2000 og jafntefli í einvígi við Peter Leko 2004.

Hneykslismál þessa einvígis, sem fram fór í Elista í Kalmykíu, heimalandi Kirsans, forseta FIDE, snerust um gagnkvæmar ásakanir keppenda um tölvusvindl og tíðar salernisferðir Kramniks. Hlaut þessi skrýtna skákveisla síðar nafnið „Toiletgate". Að lokum bar Kramnik sigur úr býtum í bráðabana.

Ótvíræður heimsmeistari

Þar lauk tímabili sem hófst 1993 þegar skákheimurinn sat skyndilega uppi með tvo heimsmeistara; FIDE var aftur komið með full yfirráð yfir heimsmeistarakeppninni. Aftur var blásið til heimsmeistarakeppni sem fram fór í Mexíkóborg haustið 2007, fyrirkomulag með sama sniði og tveim árum fyrr.

Þar reis Wisvantahn Anand aftur upp, en hann hafði áður unnið heimsmeistaraeinvígi við Shirov árið 2000, og sigraði með glæsibrag en Kramnik, sem var meðal keppenda og var heitið heimsmeistaraeinvígi ef hann ynni ekki mótið, varð í 2.-3. sæti.

Af því leiddi að haustið 2008 settust Anand og Kramnik niður í Bonn í Þýskalandi en Kramnik tapaði án þess að fá rönd við reist, 4 ½ : 6 ½.

Anand var þar með ótvíræður heimsmeistari og vinsæll sem slíkur. Indverjinn er þjóðhetja í heimalandi sínu og teflir í Búlgaríu íklæddur skyrtu með áletrun NIIT, indverskra samtaka sem hafa tekið að sér auka veg skákarinnar í skólum landsins.

Línur skýrast

Hafi sameiningarferlið einhvern tímann þótt flókið fóru línur að skýrast í lok apríl sl. þegar Venselin Topalov var aftur dreginn á flot, nú sem áskorandi heimsmeistarans. Hið magnaða regluverk sem FIDE samdi um keppnina gerir Topalov einmitt kleift að tefla um heimsmeistaratitilinn fjórum árum eftir að hann tapaði í Kalmykíu.

Á þeirri vegferð þurfti hann að vísu að vinna einvígi gegn Gata Kamsky, sem öllum að óvörum hafði komist lifandi frá mikilli eyðimerkurgöngu, þ.e. heimsbikarmóti FIDE í Khanty Manyisk í Síberíu.

Saga heimsmeistarakeppninnar sl. fimm ár hefur vissulega verið viðburðarík, en illu heilli var hið sanngjarna keppnisfyrirkomulag aflagt sem byggði á svæðamótum er náðu til allra aðildarþjóða FIDE, millisvæðamótum, áskorendaeinvígjum og loks heimsmeistaraeinvígi.

Silvio Danailov dularfullur

Heimsmeistaraeinvígi það sem nú stendur yfir í Sofíu, höfuðborg Búlgaríu, er tilkomið m.a. vegna afskipta Georgi Parvanovs, forseta Búlgaríu, sem beitti sér fyrir því að veitt yrði ríkisábyrgð fyrir verðlaunaféð sem nemur tveim milljónum Bandaríkjadala. Teflt er í samkomuhöll búlgarska hersins.

Topalov vann áttundu skák einvígsins sl. þriðjudag og jafnaði þar með metin og enn var allt í járnum eftir jafntefli á fimmtudag. Hann komst yfir með sigri í fyrstu einvígisskákinni en Anand svaraði með því að vinna tvær skákir og virtist hafa alla þræði í hendi sér þegar einvígið var hálfnað. En Topalov er oft seinn í gang og þeim mun sterkari á lokasprettinum. Það er kannski þess vegna sem möguleikar hans á sigri eru taldir meiri auk þess sem heimavöllurinn getur skipt máli.

Á móti kemur auðvitað hin víðtæka reynsla Anand og fáum dylst að hann hefur til að bera meiri hæfileika til skákarinnar en Topalov sem hefur náð svo langt, þökk sé strangri þjálfun og hálfgerðum meinlætalifnaði, ef marka má bók sem aðstoðarmenn Kramniks, þeir Bareev og Levitov, tóku saman eftir einvígið fræga í Elista. Höfundar þeirrar bókar velta vöngum yfir því hvaða skýringar séu á því að Topalov hafi skyndilega skotist fram fyrir helstu keppinauta sína og margoft trónað efstur á elo-stigalista FIDE.

Helsta niðurstaða þeirra er sú að hinn áður vingjarnlegi og hvers manns hugljúfi, Venselin Topalov, sé umsetinn náungum af lakara taginu sem hafi mörg óhrein meðul í pokahorninu og hiki ekki við að beita þeim. Er þar sérstaklega nefndur til sögunnar umbinn og þjálfarinn Silvio Danailov, maðurinn sem hleypti öllu í bál og brand í Elista um árið. Hefur Danailov margoft mátt sitja undir grunsemdum um ólöglegt athæfi. Í þýska dagsblaðinu Süddeutsche Zeitung birtist snemma árs 2007 lýsing á hátterni hans á meðan Topalov sat að tafli í Wijk aan Zee í Hollandi:

„...Danailov yfirgefur skáksalinn með reglulegu millibili, hringir úr gsm-símanum, talar í nokkrar sekúndur, kemur aftur í skáksalinn, tekur sér sæti á afsviknum stað þar sem hann getur séð Topalov og upphefur einhverjar handahreyfingar..."

Skæruhernaður, hótanir og njósnir

Í samanburði við ýmsa aðra heimsmeistara sögunnar er Anand hvítþveginn engill. Ekki finnst eitt einasta dæmi þess að hann hafi reynt að slá andstæðing sinn út af laginu með öðru en góðum leikjum á skákborðinu en hann er vissulega hugaður að tefla þetta einvígi í byggingu sem er í eigu búlgarska hersins. Því heimsmeistaraeinvígi eru enginn barnaleikur. Þau einkennast af mikilli tortryggni, pukri, sálfræðilegum skæruhernaði, hótunum, njósnum og jafnvel mútum.

Á topp 10-listanum yfir kostulegustu uppákomur þessara merkilegu viðburða situr sá atburður þegar ljóshjálmur var tekinn niður og stólar hlutaðir sundur undir lok einvígis Fischers og Spasskís í ágúst 1972. Þar á eftir kemur sennilega hinn magnaði gambítur Viktors Kortsnojs að skarta speglagleraugum þegar hann tefldi við Karpov í Baguio city 1978. Dulsálfræðingurinn Zoukhar var af sovéskum íþróttamálayfirvöldum sendur til Filippseyja og hafði það hlutverk að stara á Kortsnoj tímunum saman.

Fyrsti sovéski heimsmeistarinn Mikhail Botvinnik krafðist þess að biðleikjum yrði stungið í tvö umslög, samkvæmt líkindafræðinni væri eitt umslag líklegra til að „fara á flakk" en tvö. Hann lagði einnig dýpri merkingu í það en aðrir menn hvenær ráðlegt var að mæta á skákstað með kaffibrúsa. Kasparov bar á sér sérstakan verndargrip þegar hann tefldi einvígin við Karpov á níunda áratugnum; hann áleit sem svo að í kringum andstæðinginn væri allt of mikið af „orkusugum" og sjálfur væri Karpov óttalegur blóðmaur.

Sá er munur á einvíginu í Sofíu og þeim sem fram fóru á seinni helmingi síðustu aldar að nú eru aðeins tefldar 12 skákir, lengsta einvígi skáksögunnar var einvígi Karpovs og Kasparovs 1984 -85 en því lauk án niðurstöðu eftir 48 skákir og meira en fimm mánaða taflmennsku. Verði jafnt eftir tólftu skákina á mánudag munu Anand og Topalov útkljá málin með fjórum atskákum. Þar er Anand almennt talinn standa betur að vígi.

Grein eftir Helga Ólafsson sem birtist í sunnudagsmogganum, 2. maí 2010.

Skákþáttur Morgunblaðsins: Gífurleg spenna í HM-einvíginu þegar þrjár skákir eru eftir

Sú spurning gerist áleitin hvort örlaganornir séu nú farnar að spinna sinn myrka vef og ætli indverska heimsmeistaranum Wisvanthan Anand eitthvað annað en sigur í einvíginu við Topalov. Anand hefur greinilega teflt betur en þegar þetta er ritað eftir níu skákir er staðan engu að síður jöfn og Topalov hefur hvítt tvisvar af þeim þrem skákum sem eftir eru. Í áttundu og níundu skák hlaut Anand aðeins ½ vinning en hefði allt eins getað fengið vinningi meira miðað við stöðurnar sem upp komu. Lítum á tvö dæmi úr þessum skákum:

8. einvígisskák: (Sjá Stöðumynd 1)

Topalov - Anand

Stöður með mislitum biskupum er oft ranglega taldar jafnteflislegar en í þessu tilviki gat Anand þó tryggt jafnteflið með 54. .. Bd3 og getur síðan haft kónginn á e8 og d7. Þess í stað lék hann: 54. .... Bc6?? og eftir 55. Kh6 Kg8 56. g4! gafst upp því hann á ekkert svar við áætluninni: 59. g5 60. Bg7 og g6! við tækifæri. Kóngurinn ryður sér leið yfir á drottningarvænginn og þá ræður d7-peðið úrslitum.

9. einvígisskák: (Sjá Stöðumynd 2)

Anand -Topalov

Maraþonskák þeirra á fimmtudaginn sem lauk með jafntefli eftir 83 leiki hlýtur að hafa reynt á taugarnar. Anand tefldi geysilega vel en missti af ýmsum vænlegum leiðum og baráttukraftur Topalovs í vörninni var aðdáunarverður. En þegar hér er komið sögu átti Anand rakinn vinning sem ýmsir spámenn hafa bent á og forritin Rybka og Fritz sanna:

62. Hdd7! a3(ekki 62. ... b2 63. Hdf7 Dxf7 64. Hxf7 a3 65. Ha7 og vinnur) 63. Kg3! Da1 64. Hc7+ Kb8 (eða 64. ... Kd8 65. Ha7 og vinnur ) 65. Hb7+ Ka8 66. Rxb3 De5+ 67. Kg4 og vinnur t.d. 67. ... a2 68. Ha7+ Kb8 69. Hae7! og vinnur. En Anand lék öðru og lét Topalov sleppa. Einvígið hefur einkennst af geysilegri baráttu, Anand hefur ekki nýtt færin nægilega vel og á lokasprettinum eru möguleikar Topalovs betri. Ellefta skákin er á dagskrá á sunnudag og lokaskákin á mánudag.

Guðmundur Gíslason fer vel af stað í Sarajevo

Hannes Hlífar Stefánsson, Bragi Þorfinnsson og Guðmundur Gíslason taka þessa dagana þátt í geysiöflugu opnu móti í Sarajevo í Bosníu. Keppendur eru 169 talsins og verða tefldar níu umferðir. Meðal keppenda eru 44 stórmeistarar en stigahæsti skákmaður mótsins er Kínverjinn Wang Hao. Þremenningarnir unnu allir í fyrstu umferð en í þeirri næstu töpuðu Hannes og Bragi en Guðmundur Gíslason gerði sér lítið fyrir og vann hið 16 ára gamla undrabarn frá Azerbadsjan, Nijat Abasov. Guðmundur hefur því 2 vinninga og deilir efsta sæti með 21 keppanda. Í gær, föstudag, átti hann að tefla með svörtu á borði nr. 11 við Dragan Solak frá Serbíu. Skákir á 20 efstu borðunum eru í beinni útsendingu og slóðin er: http://open2010.skbosna.ba/en.

Helgi Ólafsson | [e-mail]

Skákþættir Morgunblaðsins eru birtir á Skák.is u.þ.b. viku síðar en í blaðinu sjálfu.  

Grein þessi birtist í sunnudagsmogganum, 9. maí  2010.

Skákþættir Morgunblaðsins

Glæpafaraldur í Vin á mánudaginn

Mánudaginn 17. maí verður sannkallaður glæpafaraldur sem herjar á Vinjarfólk.  Skákmót verður þar haldið og er þemað glæpasögur.

Mótið hefst kl. 13:10 en það er stutt af þeim Braga Kristjónssyni og Ara Gísla syni hans í Bókinni ehf, þannig að allir þátttakendur fá sérvaldar glæpasögur með sál að móti loknu.

Bragi kemur og leikur fyrsta leikinn í sex umferða háspennumóti þar sem umhugsunartíminn er sjö mínútur á mann.

Um leið og síðasti kallinn hefur verið drepinn í síðustu skák mótsins mun Katrín Jakobsdóttir, menntamálaráðherra, flytja stuttan pistil um íslenskar glæpabókmenntir. Að því loknu ætlar Katrín aðstoða þá heiðursfeðga við verðlaunaafhendinguna.

Mótinu verður stýrt af fyrirliða Skákfélags Vinjar, Hrannari Jónssyni sem lengi hefur haft sterk tengsl við undirheima Indlands og sjálfum forseta Skáksambandsins, Gunnari Björnssyni, sem er hvorki meira né minna en bankastarfsmaður.

Þegar spennan er að ganga af þátttakendum dauðum verður tekið hlé og boðið upp á kaffi a la Vin sem aldrei hefur klikkað.

Vin er athvarf fyrir fólk með geðraskanir og er staðsett að Hverfisgötu 47 í Reykjavík. Það er rekið af Rauða krossi Íslands og síminn er 561-2612.

Skákfélag Vinjar er 40 manna félag sem ætlar að láta að sér kveða á næsta Íslandsmóti, eftir tveggja ára undirbúning í 4. deild. Það var formlega stofnað eftir að Hrókurinn hafði staðið þar fyrir æfingum og mótum á hverjum mánudegi í nokkur ár og hefur staðið fyrir u.þ.b. mánaðarlegum mótum í Vin og Rauðakrosshúsinu undanfarin misseri.

Stefán sigraði á fimmtudagsmóti

Stefán Bergsson sigraði á fimmtudagsmóti í TR á Uppstigningardag. Elsa María Kristínardóttir, sigurvegarinn síðustu tvo fimmtudaga, náði jafntefli gegn honum en aðra andstæðinga sína sigraði Stefán og var að lokum heilum vinningi fyrir ofan næsta mann. Fimmtudagsmótin verða til loka maímánaðar. Önnur úrslit urðu sem hér segir:

 

• 1   Stefán Bergsson                          6.5     
• 2   Jóhannes Lúðvíksson                      5.5     
• 3-4  Jón Úlfljótsson                         4.5     
•      Örn Leó Jóhannesson                     4.5     
•  5-8  Jón Trausti Harðarson                  4       
•       Elsa María Kristínardóttir             4       
•       Gunnar Finnsson                        4       
•       Guðmundur Guðmundsson                  4       
• 9-11  Dagur Ragnarsson                       3.5     
•       Oliver Aron Jóhannesson                3.5     
•       Stefán Pétursson                       3.5     
• 12-13 Óskar Long Einarsson                   3       
•       Gunnar Friðrik Ingibergsson            3       
•  14   Kristinn Andri Kristinsson             2.5     
• 15-17 Kristófer Jóel Jóhannesson             2       
•       Ingvar Egill Vignisson                 2       
•       Vignir Vatnar Stefánsson               2       
•  18   Björgvin Kristbergsson                 1       

Bragi Halldórsson skákmeistari öðlinga

Bragi Halldórsson (2230) er skákmeistari öðlinga en skákmóti öðlinga lauk í gær.  Bragi sigraði Þorstein Þorsteinsson (2271) í lokaumferðinni og hlaut 6 vinninga af 7 mögulegum.  Kristján Guðmundsson (2259) varð annar með 5,5 vinning.  Í 3.-7. sæti, með 5 vinninga, urðu Eiríkur Björnsson (2013), Haukur Bergmann (2142), Halldór Pálsson (1947), Magnús Kristinsson (1415) og Jón Úlfljótsson (1695).

Ólafur S. Ásgrímsson var skákstjóri á mótinu en hann hefur haldið utan um mótið frá upphafi.

Úrslit 7. umferðar:

Name	Pts.	Result	Pts.	Name
Bjornsson Eirikur K	4½	½ - ½	5	Gudmundsson Kristjan
Halldorsson Bragi	5	1 - 0	4½	Thorsteinsson Thorsteinn
Ulfljotsson Jon	4½	½ - ½	4	Thorsteinsson Bjorn
Bergmann Haukur	4	1 - 0	4	Thrainsson Birgir Rafn
Kristinsson Magnus	4	1 - 0	4	Jonsson Loftur H
Palsson Halldor	4	1 - 0	3½	Hjartarson Bjarni
Gudmundsson Einar S	3½	- - +	3½	Ragnarsson Johann
Sigurmundsson Ulfhedinn	3½	1 - 0	3½	Breidfjord Palmar
Sigurdsson Pall	3	1 - 0	3½	Hreinsson Kristjan
Sigurmundsson Ingimundur	3	1 - 0	3	Jonsson Sigurdur H
Isolfsson Eggert	3	1 - 0	3	Einarsson Thorleifur
Thorarensen Adalsteinn	3	1 - 0	3	Matthiasson Magnus
Gunnarsson Magnus	2½	0 - 1	2½	Jonsson Pall G
Fridthjofsdottir Sigurl  Regin	2½	1 - 0	2½	Gudmundsson Sveinbjorn G
Schmidhauser Ulrich	2½	0 - 1	2	Jensson Johannes
Ingason Gudmundur	2	0 - 1	2	Gardarsson Halldor
Bjornsson Gudmundur	2	½ - ½	2	Vikingsson Halldor
Thoroddsen Arni	1½	1 - 0	2	Eliasson Jon Steinn
Kristbergsson Bjorgvin	1	½ - ½	1	Johannesson Petur
Adalsteinsson Birgir	1½	1		bye
Halldorsson Haukur	1	0		not paired

Lokastaðan:

Rk.		Name	Rtg	Club/City	Pts.	Rp	rtg+/-
1		Halldorsson Bragi	2230	Hellir	6	2366	18,8
2		Gudmundsson Kristjan	2259	TG	5,5	2245	3,5
3		Bjornsson Eirikur K	2013	TR	5	2163	16,2
4		Bergmann Haukur	2142	SR	5	2023	0,4
5		Palsson Halldor	1947	TR	5	2146	25,4
6		Kristinsson Magnus	1415	TR	5	1951
7		Ulfljotsson Jon	1695	Víkingaklúbburinn	5	2096
8	FM	Thorsteinsson Thorsteinn	2271	TV	4,5	2075	-14,1
9		Thorsteinsson Bjorn	2226	TR	4,5	1944	-13,4
10		Ragnarsson Johann	2124	TG	4,5	1964	-10,8
11		Sigurmundsson Ulfhedinn	1775	SSON	4,5	1808
12		Jonsson Loftur H	1510	SR	4	1769
13		Thrainsson Birgir Rafn	1636	Hellir	4	2010	17
14		Isolfsson Eggert	1845	TR	4	1748
15		Sigurdsson Pall	1881	TG	4	1807	6,4
16		Sigurmundsson Ingimundur	1760	SSON	4	1762
17		Thorarensen Adalsteinn	1741	Haukar	4	1642	3
18		Hjartarson Bjarni	2112		3,5	1681	-18
19		Fridthjofsdottir Sigurl  Regin	1810	TR	3,5	1664	-10,1
20		Breidfjord Palmar	1746	SR	3,5	1583	12,5
21		Gudmundsson Einar S	1705	SR	3,5	1773	13,9
22		Hreinsson Kristjan	1610	KR	3,5	1680
23		Jonsson Pall G	1710	KR	3,5	1756
24		Matthiasson Magnus	1838	SSON	3	1652	-22,3
25		Gardarsson Halldor	1978	TR	3	1623	-21,8
26		Jonsson Sigurdur H	1862	SR	3	1452	0
27		Einarsson Thorleifur	1525	SR	3	1511
28		Jensson Johannes	1535		3	1486
29		Gunnarsson Magnus	2124	SSON	2,5	1596	-9,9
30		Gudmundsson Sveinbjorn G	1665	SR	2,5	1620
31		Vikingsson Halldor	0		2,5	1291
32		Adalsteinsson Birgir	0	TR	2,5	1250
33		Thoroddsen Arni	1555	KR	2,5	1637
34		Bjornsson Gudmundur	0		2,5	1357
35		Schmidhauser Ulrich	1375	TR	2,5	1462
36		Ingason Gudmundur	0	KR	2	1449
37		Eliasson Jon Steinn	0	KR	2	1481
38		Kristbergsson Bjorgvin	1165	TR	1,5	1011
39		Johannesson Petur	1020	TR	1,5	967
40		Halldorsson Haukur	1500	Vinjar	1	0

 

 

• Heimasíða TR
• Chess-Results