Íslandsmót kvenna - a-flokkur

Íslandsmót kvenna 2010 - A flokkur fer fram dagana 10. - 16. júní n.k. og verður teflt í Faxafeni 12, Reykjavík.  Gert er ráð fyrir 8 - 10 manna lokuðum flokki.  Valið verður eftir alþjóðlegum stigum ef fleiri en 10 gefa kost á sér.  Tvær hafa þegar unnið sér þátttökurétt: Lenka Ptacnikova sem Íslandsmeistari 2009 og Hrund Hauksdóttir sem sigurvegari B-flokks 2009.

Tímamörk:   90 mín. á fyrstu 40 leiki + 15 mín. til að ljúka skákinni + 30 sek. á leik.

Dagskrá:        

• Fimmtud. 10. júní       kl. 18.00          1. umferð
• Föstud. 11. júní          kl. 18.00          2. umferð
• Laugard. 12. júní        kl. 11.00          3. umferð
• Laugard. 12. júní        kl. 17.00          4. umferð
• Sunnud. 13. júní         kl. 11.00          5. umferð
• Sunnud. 13. júní         kl. 17.00          6. umferð
• Mánud. 14. júní          kl. 18.00          7. umferð
• Þriðjud. 15. júní          kl. 18.00          8. umferð
• Miðvikud. 16. júní      kl. 18.00          9. umferð

Dagskrá breytist verði keppendur færri en 9.

Verðlaun:       

• 1. 40.000.-
• 2. 25.000.-
• 3. 15.000.-

Tilkynna skal þátttöku til Skáksambands Íslands í síma 568 9141 eða email: [e-mail] fyrir 1. júní nk.

Íslandsmót kvenna - b-flokkur

Íslandsmót kvenna 2010 - B flokkur mun fara fram dagana 11. - 14. júní nk.  Teflt verður í Faxafeni 12, Reykjavík og 1. umferð hefst föstudaginn 11. júní kl. 18.00. 

Fyrirkomulag:  Tefldar verða 7 umferðir (gæti breyst eftir fjölda þátttakenda), 45 mín. + 30 sek. á leik.

Öllum stúlkum/konum er heimil þátttaka.  Sigurvegari mótsins vinnur sér rétt til setu í A-flokki að ári.  Þátttaka tilkynnist fyrir 5. júní í síma 568 9141 eða með tölvupósti- [e-mail]

Heimsókn á Bitru

Þeir Gunnar Björnsson, Magnús Matthíasson og Arnar Valgeirsson skruppu austur að Bitru á miðvikudaginn og færðu fyrirmyndarföngunum þar þrjú skáksett og klukkur auk nokkurra skákbóka.

Hrókurinn og Skáksamband Íslands færðu gjöfina í sameiningu.

Bitra er fyrir austan Selfoss og þar eru tólf manns í afplánun, en verða væntanlega átján innan skamms, þar sem tiltölulega stutt er síðan staðurinn var tekinn í gagnið sem fangelsi. Þar dvelja nú fyrirmyndarfangar enda engar girðingar, nema andlegar þar sem ekki þykir borga sig að fara í burtu í óleyfi.

 

Piltunum þremur var tekið með kostum og kynjum, boðið í kaffi og köku og svo var skellt í fjögurra umferða mót þar sem mönnum gekk misvel eins og gengur.

Tekið var loforð af þremenningunum um að koma aftur við fyrsta tækifæri og endurtaka leikinn, enda nokkrir vaskir skákmenn að Bitru.

En allir voru sáttir og glaðir, þó kannski ekki allir því er forsetinn og varaforsetinn óku til Reykjavíkur til að ná á hraðskákmót öðlinga var svolítið dimmt yfir VP Magnúsi sem hugði á grimmilegar hefndir það kvöldið....

Jóhann í framboði til stjórnar Evróska skáksambandsins

Stórmeistarinn Jóhann Hjartarson er í framboði til stjórnar Evrópska skáksambandsins.    Jóhann er í  framboðsliði forseta Þýska skáksambandsins, Pr. Robert von Weizsäcker (sem er sonur fyrrverandi forseta Þýskalands).  Aðrir í framboðsliði Weizsäcker eru Nigel Short, Ivan Sokolov og Úkraínumaður (nafn óstaðfest).  

Á blaðamannafundi í Berlín í morgun, þar sem þessi tíðindi voru tilkynnt, voru m.a. Kasparov og Karpov viðstaddir.

Aðrir sem hafa lýst yfir framboði í forsetastól ECU eru Boris Kutin, Slóveníu, núverandi forseti, Ali Nihat, forseti tyrkneska sambandsins og Silvio Danilov, varaforseti búlgarska skáksambandsins. 

Fréttin verður uppfærð síðar í dag og myndir birtar. 

Birkir Karl sigraði á fimmtudagsmóti

Úrslit réðust ekki fyrr en í síðustu umferð á fimmtudagsmóti í gær. Eini taplausi keppandinn, Birkir Karl Sigurðsson, vann sína skák en efsti maður fyrir umferðina, Jón Úlfljótsson, tapaði hins vegar. Síðasta fimmtudagsmótið fyrir sumarfrí verður n.k. fimmtudag, 27. maí. Úrslit í gærkvöldi urðu annars sem hér segir:

Lokastaðan: 

 

 

• 1   Birkir Karl Sigurðsson              6       
• 2   Jón Úlfljótsson                     5.5     
• 3   Elsa María Kristínardóttir          5       
• 4   Dagur Ragnarsson                    4.5     
• 5-7  Hallgerður Helga Þorsteinsdóttir   4       
•       Stefán Pétursson                  4       
•       Vignir Vatnar Stefánsson          4       
• 8-11  Heimir Páll Ragnarsson            3       
•       Björgvin Kristbergsson            3        
•       Óskar Long Einarsson              3       
•       Kristinn Andri Kristinsson        3       
• 12   Pétur Jóhannesson                  2       
• 13-14 Ingvar Egill Vignisson            1       
•       Friðrik Helgason                  1      

Coca Cola-mótið fer fram í kvöld

Coca Cola hraðskákmót Skákfélags Akureyrar fer fram í
kvöld og hefst kl. 20.00 í Íþróttahöllinni á Akureyri. Þrjú síðustu ár hefur Áskell Örn
Kárason unnið mótið.  Endurtekur hann afrekið fjórða árið í röð?

Myndir úr öðlingamóti

Myndir úr skákmóti öðlinga má nálgast á heimasíðu TR en það var Sigurður H. Jónsson sem tók myndirnar.

Myndaalbúm mótsins

Þröstur með fjöltefli í Hólabrekkuskóla

Kennsla Skákakademíu Reykjavíkur í Hólabrekkuskóla hefur gengið með eindæmum vel þennan veturinn. Stefán Bergsson sinnir kennslunni en það er ekki síst Birnu Halldórsdóttur að þakka hversu vel hefur gengið. Sem dæmi um framtakssemi Birnu má nefna kökubasar sem haldinn var um daginn til styrktar skákstarfi skólans. Söfnuðust fleiri tugir þúsunda og verður allur ágóðinn nýttur í að kaupa skákklukkur handa skólanum. Sveitir skólans hafa náð verðlaunum í sveitakeppnum og meðlimir sveitarinnar látið að sér kveða í skólaskákinni og má þar helst nefna Dag Kjartansson í eldri flokki og Heimi Pál Ragnarsson í yngri flokki.

Skákstarfinu í skólanum lauk í dag með fjöltefli Þrastar Þórhallssonar stórmeistara við 26 nemendur. Þröstur vann 24 skákir en gerði jafntefli við Sverri Frey Kristjánsson og Dag Kjartansson. Fjölteflið fór fram á hátíðarsal skólans og heppnaðist í alla staði afbragðs vel og var því veitt töluverð athygli innan skólans meðal nemenda, kennara og skólastjórnenda. Sem dæmi má nefna að heill bekkur kom úr tíma til þess eins að fylgjast með því hvernig fjöltefli fer fram. 

Að loknu fjöltefli fengu allir þátttakendur viðurkenningarskjal og skákbók frá Hólabrekkuskóla.

Myndaalbúm

Jóhann Örn sigraði á lokaskákmóti Ása

Í gær 18 maí var síðasti skákdagur haldinn í Stangarhyl 4.  Tuttugu og sex skákmenn mættu til leiks og tóku þátt í 11 umferða hraðskákmóti með 7 mínútna.  Jóhann Örn Sigurjónsson sigraði alla sína andstæðinga, fékk 11 vinninga af 11 mögulegum. Sæbjörn Guðfinnsson varð í öðru sæti með 8 vinninga.  Þriðja sætinu náði Þór Valtýsson með 7.5 vinning.

Í kaffihléinu á meðan menn gæddu sér á kaffi og tertu í boði skákklúbbsins, sem Jóhanna ráðskona framreiddi af sinni alkunnu smekkvísi, voru veitt verðlaun fyrir samanlagðan árangur á öllum skákdögum vetrarins.

Fyrst voru afhent sérstök friðarverðlaun Þau fékk formaðurinn Birgir Sigurðsson fyrir að gera flest jafntefli, hann gerði 57 jafntefli í 77 skákum.

Síðan voru afhent verðlaun til þriggja sem flesta vinninga fengu yfir veturinn.

Haraldur Axel Sveinbjörnsson varð vetrarhrókur Nr 1 hann fékk 140.5 vinning í 196 skákum, sem er 71.5 % árangur, honum var afhentur farandbikar og verðlaunapeningur.

Vetrarhrókur Nr 2 varð Sigfús Jónsson,hann fékk 135.5 vinning í 189 skákum sem er 71.5% árangur,hann fékk silfur pening.

Vetrarhrókur Nr 3 varð Þorsteinn Guðlaugsson, hann fékk 106.5 vinninga í 161 skák,sem er árangur uppá 66.2%,hann fékk bronspening.

Heildarúrslit á hraðskákmótinu.

• 1         Jóhann Örn Sigurjónsson                 11         vinninga
• 2         Sæbjörn Guðfinnsson                         8             -
• 3         Þór Valtýsson                                     7.5          -
• 4         Sigfús Jónsson                                   7              -
• 5-7      Gunnar Finnsson                               6.5           -
•            Þorsteinn Guðlaugsson                      6.5           -
•            Össur Kristinsson                              6.5           -
• 8-12    Óli Árni Vilhjálmsson                       6             -
•            Einar S Einarsson                               6            -
•            Magnússon V Pétursson                     6           -
•            Birgir Sigurðsson                               6            -
•            Bragi G Bjarnason                              6            -
• 13-17  Haraldur A Sveinbjörnsson                5.5         -
•            Hermann Hjartarson                           5.5         -
•            Viðar Arthúrson                                 5.5         -
•            Baldur Garðarsson                             5.5         -
•            Egill Sigurðsson                                5.5         -
• 18-19  Finnur Kr Finnsson                           5            -
•            Halldór Skaftason                              5           -
• 20-21  Ásgeir Sigurðsson                             4.5         -
•            Ágúst Ingimundarson                        4.5         -
• 22       Sæmundur Kjartansson                      4            -
• 23-24  Jón Bjarnason                                    3.5        -
•            Birgir  Ólafsson                                 3.5        -
• 25        Friðrik Sófusson                                       1.5   v
• 26        Ingi E Árnason                                          1      -

Hraðskákmót öðlinga fer fram í kvöld

Hraðskákmót öðlinga fer fram í kvöld og hefst kl. 19:30.  Í lok mótsins fer fram verðlaunaafhending fyrir hraðskákmótið og sjálft aðalmótið þar sem Bragi Halldórsson sigraði.   Þátttökugjald 500 kr.  Þá verða góðar veitingar, rjómavöfflur og annað góðgæti, sem Birna sér um, nokkurs konar töðugjöld eins og tíðkaðist til sveita hér áður fyrr og tíðkast trúlega enn!