Jón Viktor með skákkennslu

Alþjóðlegi meistarinn Jón Viktor Gunnarsson býður uppá einkatíma fyrir skákmenn sem hafa áhuga á að bæta sig sem skákmenn. Kennslan fer fram með þeim hætti að nemandinn fær sér símaforritið Skype, sé hann ekki með það fyrir. tímarnir eru hugsaðir fyrir skákmenn með um og yfir 1600 eló stig til allt að 2200 stig.

Á Skype er boðið uppá myndbandssamtal og því horfir nemandinn einfaldlega á skjá kennarans á meðan kennslustundinni stendur. Að loknum tímanum fær svo nemandinn efnið sent á pgn-formi og getur þá haldið öllum kennslustundunum til haga. Það er ekki nauðsynlegt að eiga gagnagrunnsforrit eins og Chessbase eða Chess-Assistant þar sem hægt er að niðurhala Chessbase Light sem er forrit til að lesa pgn-skrá.

Hver tími er cirka 75-90 mín. langur og kostar stakur tími 3.000 kr. Hafi nemendur áhuga á að festa marga tíma verður verður veittur sanngjarn afsláttur samkvæmt samkomulagi.

Áhugasamir geta haft samband í þetta netfang [e-mail] eða síma 848 8666.

Aðalfundur TR fer fram á mánudag

Aðalfundur Taflfélags Reykjavíkur verður haldinn mánudaginn 17. maí kl. 20 í húsnæði félagsins að Faxafeni 12.  Dagskrá fundarins er venjuleg aðalfundarstörf.

 

Fimmtudagsmót hjá TR í kvöld

Að venju fer fram fimmtudagsmót T.R. í kvöld kl. 19.30.  Tefldar verða 7 umferðir með 7 mínútna umhugsunartíma.  Mótin fara fram í félagsheimili T.R., skákhöllinni að Faxafeni 12, og opnar húsið kl. 19.10.  Glæsilegur verðlaunapeningur er í boði fyrir sigurvegarann.

Mótin eru öllum opin og er aðgangseyrir kr. 500 fyrir 16 ára og eldri en frítt er fyrir 15 ára og yngri.  Boðið er upp á kaffi ásamt léttum veitingum án endurgjalds.

Ísland styður framboð Karpov sem forseta FIDE

Stjórn Skáksambands Íslands ákvað nýlega á stjórnarfundi að styðja Karpov sem næsta forseta Alþjóðskáksambandsins, FIDE.   Tilkynning þess efnis send á skrifstofu hans í gær.

 Anatoly Karpov, fyrrverandi heimsmeistari í skák, árið 1951 og varð heimsmeistari í skák árið 1975 og hélt titlinum í 10 ár samfleytt. Karpov hefur teflt tvívegis á Íslandi.  Kirsan Ilyumzhinov, sem hefur verið forseti síðustu 15 ár, er einnig í kjöri. 

Samkvæmt upplýsingum Gunnars Björnssonar, forseta Skáksambands Íslands, hafði Garry Kasparov samband við íslenska skákhreyfingu og óskaði eftir stuðningi við Karpov. „Að Kasparov skuli óska eftir stuðningi við sinn forna fjanda er út af fyrir sig merkileg staðreynd," segir Gunnar.

Vefsíða framboðs Karpovs

Hannes og Guðmundur unnu í sjöundu umferð í Sarajevo

Stórmeistarinn Hannes Hlífar Stefánsson (2588) og Guðmundur Gíslason (2372) unnu báðir í sjöundu umferð Bosna Sarajevo sem fram fór í dag.    Hannes vann króatíska stórmeistarann Ante Saric (2489) og Guðmundur lagði Bosníumanninn Amir Hadzovic (2067).   Bragi Þorfinnsson (2422) tapaði fyrir króatíska stórmeistaranum Ivan Saric (2580).  Hannes hefur 14 stig (5 v.), Bragi hefur 10 stig (3½ v.) og Guðmundur hefur 9 stig (3 v.).

Rússneski stórmeistarinn  Artyom Timofeev (2677) ef efstur með 19 stig (6½ v.).  Sex keppendur hafa 16 stig (5½ v.)  Hannes er í 16. sæti, Bragi í 66. sæti og Guðmundur í því 81.

Í áttundu og næstsíðustu umferð, sem fram fer á morgun, teflir Hannes við sænska alþjóðlega meistarann Nils Grandelius (2476), Bragi við tyrkneska FIDE-meistarann Ogulcan Kanmazalp (2287) og Guðmundur við Bosníumanninn Srdjan Zlobec (2215).    Hannes verður í beinni útsendingu og hefst skákin kl. 12:30. 

Alls taka 169 skákmenn þátt í mótinu og þar af 44 stórmeistarar og 38 alþjóðlegir meistarar.  Stigahæstur er kínverski stórmeistarinn Wang Hao (2722) en meðal annarra keppenda má nefna Ivan Sokolov (2654) sjálfan sem er mótsstjóri.  Hannes er nr. 18 á stigum, Bragi nr. 66 og Guðmundur nr. 81.  Veitt eru 3 stig fyrir sigur, 1 stig fyrir jafntefli og 0 stig fyrir tap.

 

• Heimasíða mótsins
• Beinar útsendingar
• Chess-Results

KR-ingar töpuðu í Berlínarslag

KR-ingar töpuðu naumlega fyrir fyrna sterku liði öflugasta og virtasta skáklúbbs Berlinar, Kreuzberg, á laugardaginn var. Keppnin fór fram á 21 borði og var tefld tvöföld umferð með skiptum litum, atskákir með 20 mín. umhugsunartíma + 5 sek. á leik.  KR vann fyrri umferðina með 11-10, en tapaði þeirri síðari með  8 1/2 v. gegn 12 1/2, heildarúrslit því 22 1/2 gegn 19 1/2 Þjóðverjunum í vil.  Slagurinn var einkar spennandi en tvær skákir skiptu um eigendur á síðustu metrunum sem riðu baggamuninn.

Skák(her)deildin hefur áður herjað á Færeyjar, Skotland, Danmörk og jafnan haft sigur en menn geta samt komið heim hnarreistir enda við ramman reip að draga í þetta sinn og ekki ráðist á garðinn þar sem hann er lægstur.  Eftir tvo ár er fyrirhuguð herför New York eða Hollands  til að lemja á þarlendum. Þessar ferðir hafa verið farnar ásamt mökum og öflugu fylgdarliði en alls voru 45 manns með í för. Eftirtaldir valinkunnir skákmenn öttu kappi:    Andri V. Hrólfsson, Daði Guðmundsson, Einar S. Einarsson (liðstj.), Finnbogi Guðmundsson, Guðmundur Ingason, Gunnar Finnsson, Jónas Elíasson, Jón G. Friðjónsson, Jón Steinn Elíasson, Hálfdán Hermannsson, Kristinn Bjarnason, Kristján Stefánsson (form.), Leifur Eiríksson, Ólafur Gísli Jónsson, Páll G. Jónsson, Sæbjörn G. Larsen, Össur Kristinsson. Stefán Þormar Guðmundsson, Sigurður E. Kristjánsson, Sverrir Gunnarsson, þá hinn gamalkunni meistari   Andrés Fjeldsted, sem býr ytra, með liðinu.

Bestum árangri náðu:  Ólafur Gísli Jónsson, Sigurður E. Kristjánsson, Jón Steinn Elíasson, Guðmundur Ingason sem unnu báðar sínar skákir.  Næstir komu með 1 1/2 vinning þeir:   Andri Hrólfsson; Kristinn Bjarnason; Sæbjörn G. Larsen,og Össur Kristinsson,   Vel var tekið á móti hópnum af þeim Brigitte Grosse-Honebrink sem sá um skipulagninguna og Werner Ott, varaformanni og aldursforseta klúbbsins. Kristján Stefánsson flutti gott ávarp í leikslok og fór með gamanmál að sínum hætti, sem Andrés Fjeldsted túlkaði, og afhenti verðlaun og gjafir frá KR og silfurdrengjunum.

Myndaalbúm frá ESE

Íslandsmeistararnir í skólaskák

 

 

 

 

Jafnt hjá Anand og Topalov - staðan 5,5-5,5

Jafntefli varð í elleftu og næstsíðustu einvígisskák Anand og Topalov sem fram fór í Sofíu í Búlgaríu í dag.  Anand hafði hvítt og lék 1. c4 sem er í fyrsta skipti í einvíginu að skák hefjist ekki með 1. d4.   Tefldur var enskur leikur og jafntefli samið eftir 65 leiki.   Staðan er 5,5-5,5 en lokaskák einvígisins verður tefld á þriðjudag og hefst kl. 12.

Rétt er að benda skák- og skákáhugamönnum á fjörlegar umræður og skýringar um skákir heimsmeistaraeinvígisins á Skákhorninu.

• Heimasíða einvígisins
• Chessdom (bein útsending með skýringum)
• Skákhornið (íslenskir skákmenn skýra skákirnar)
• Video frá skákstað

Emil og Kristófer Íslandsmeistarar í skólaskák

Emil Sigurðarson, Laugalækjaskóla í Reykjavík, og Kristófer Gautason, Grunnskólanum í Vestmannaeyjum urðu í dag Íslandsmeistarar í skólaskák.   Emil í eldri flokki (8.-10. bekk) á sínu fyrsta ári í þeim flokki og Kristófer í yngri flokki (1.-7. bekk).   Báðir tryggðu þér sigur í lokaumferðinni.  Emil með jafntefli gegn Erni Leó Jóhannssyni, sem varð annar, og Kristófer með sigri á Oliveri Aroni Jóhannessyni, sem var efstur fyrir umferðina, í yngri flokki.   

Alls tóku 24 skákmenn þátt í Landsmótinu úr öllum kjördæmum.   Landsmótsstjóri og aðalskákstjóri var Páll Sigurðsson en honum til aðstoðar var Ólafur S. Ásgrímsson.  Kjördæmisstjórar fá miklar þakkir frá Skáksambandinu.  Birna sá að ekki væsti um keppendur á meðan mótinu og eldaði oní fjöldann.

Myndir frá verðlaunaafhendingunni væntanlegar í kvöld.

Eldri flokkur:

Úrslit 11 . umferðar:

Stefansson Fridrik Thjalfi	1 - 0	Grimsson Stefan Logi
Sigurdarson Emil	½ - ½	Johannsson Orn Leo
Karlsson Mikael Johann	½ - ½	Sverrisson Nokkvi
Sayon Russel	0 - 1	Jonsson Dadi Steinn
Kjartansson Dagur	1 - 0	Brynjarsson Eirikur Orn
Oskarsson Nokkvi Jarl	½ - ½	Andrason Pall

Staðan:

Rk.	Name	RtgI	RtgN	Club/City	Pts.	TB1	Rp
1	Sigurdarson Emil	1626	1615	Laugalækjarskóla, Rvík	9,5	45,75	1862
2	Johannsson Orn Leo	1825	1775	Laugalækjarskóla, Rvík	8,5	38,25	1746
3	Stefansson Fridrik Thjalfi	1768	1735	Seltjarnarnesi, Rnes	8	34,5	1715
4	Karlsson Mikael Johann	1767	1705	Akureyri, NE	7	32,75	1642
5	Sverrisson Nokkvi	1781	1760	Vestmannaeyjum, Su	7	28	1641
6	Kjartansson Dagur	1497	1530	Hólabrekkuskóla, Rvík	6,5	24,25	1630
7	Andrason Pall	1617	1645	Salaskóla, Rnes	6	25,25	1590
8	Jonsson Dadi Steinn	0	1580	Vestmannaeyjum, Su	5,5	20,25	1557
9	Brynjarsson Eirikur Orn	1650	1620	Salaskóla, Rnes	4,5	12,5	1486
10	Oskarsson Nokkvi Jarl	0	0	Egilsstöðum, Aust	2,5	4	1381
11	Sayon Russel	0	0	Flateyri, Vestfirðir	1	0	1209
12	Grimsson Stefan Logi	0	0	Húnavallaskóla, NV	0	0	792

Yngri flokkur:


Úrslit 11. umferðar:

Ragnarsson Heimir Pall	0 - 1	Palsdottir Soley Lind
Sverrisson Atli Geir	0 - 1	Malager Lawrence Sif
Jonsson Robert Leo	1 - 0	Johannesson Daniel Gudni
Gudmundsson Axel Edilon	0 - 1	Bjorgvinsson Andri Freyr
Gautason Kristofer	1 - 0	Johannesson Oliver
Thorgeirsson Jon Kristinn	1 - 0	Ragnarsson Dagur

Staðan:

Rk.	Name	RtgI	RtgN	Club/City	Pts.	TB1	Rp
1	Gautason Kristofer	1681	1545	Vestmannaeyjum, Suðurland	10	46,75	1674
2	Johannesson Oliver	1554	1310	Rimaskóli, Rvík	9,5	42	1612
3	Thorgeirsson Jon Kristinn	1597	1505	Akureyri, NE	9,5	42	1608
4	Ragnarsson Dagur	1598	1545	Rimaskóli, Rvík	9	37,75	1561
5	Bjorgvinsson Andri Freyr	0	1200	Akureyri, NE	7	21	1437
6	Ragnarsson Heimir Pall	0	0	Hólabrekkuskóla, Rvík	5	11,5	1299
7	Palsdottir Soley Lind	0	1075	Hvaleyrarskóli, Rnes	4,5	13,25	1281
8	Jonsson Robert Leo	0	1180	Hjallaskóla, Rnes	4,5	9,25	1272
9	Gudmundsson Axel Edilon	0	0	Hvolsvelli, Suðurland	2,5	3,75	1124
10	Malager Lawrence Sif	0	0	Flateyri, Vestfirðir	2	2,5	1073
11	Sverrisson Atli Geir	0	0	Egilsstöðum, Austurland	1,5	2,25	1026
12	Johannesson Daniel Gudni	0	0	Lýsuhólsskóla, Vesturland	1	4,5	952

• Heimasíða mótsins
• Myndir frá mótinu
• Heimasíða Skákakademíu Reykjavíkur
• Chess Results (eldri flokkur)
• Chess-Results (yngri flokkur)

Ásrún skákmeistari Ó.S.K

Meistaramót Skákfélagsins Ó.S.K. var haldið síðastliðið föstudagskveld. Til leiks voru mættar átta glæsilegar konur, og börðust þær um meistaratitilinn. Skákþjálfarinn Róbert Lagerman sá um skákstjórn. Baráttan var allsráðandi og til marks um það voru aðeins þrjú jafntefli í tuttugu og átta skákum, en ávallt var stutt í systraástina. Eftir æsilega baráttu þá stóð Ásrún Bjarnadóttir á efsta þrepi verðlaunapallsins.

Ásrún gerði sér lítið fyrir og vann allar sínar systur, en úrslit réðust ekki fyrr en á lokasekúndum mótsins, vann hún þar með meistara síðustu ára þær Þorbjörgu Sigfúsdóttur meistara 2008 og Sögu Kjartansdóttur meistara síðasta árs, en Saga hafnaði í öðru sæti í ár með fimm og hálfan vinning. Nokkuð óvænt hafnaði Kadri Sikk í þriðja sæti, með fjóra vinninga, en hún er nýjasti meðlimur félagsins. Guðný Erla Guðnadóttir hlaut sæmdarheitið, PLAYER OF THE YEAR, en það er komið hefð fyrir því að kjósa skákonu ársins, og hlýtur hún kvöldverð með þjálfaranum Róbert.

Aðrir keppendur voru Eyrún Bjarnadóttir, Halla Norðfjörð Guðmundsdóttir og Þrúða Sif Einarsdóttir. Vinningar voru í boði 12 tóna og Skákakdemíu Reykjarvíkur. Halla Norðfjörð var einnig gestgjafi, og sáu stelpurnar um glæsilegt veitingaborð í sameiningu. Brynjar var verndari mótsins að þessu sinni.