Hraðkvöld hjá Helli í kvöld - erlendir þátttakendur

Hraðkvöld hjá Helli verður haldið mánudaginn 4. febrúar í Hellisheimilinu í Mjódd og hefst kl. 20.  Eins og venjulega eru tefldar 7 umferðir með 7 mínútna umhugsunartíma þannig að mótið tekur tiltölulegan stuttan tíma!  Ljúffeng verðlaun í boði! Von er á að einhverjir af þátttakendum á alþjóðlega unglingamóti Hellis verði með á hraðkvöldinu.

Sigurvegarinn fær pizzu fyrir tvo frá Dominos auk þess sem einn heppinn útdreginn keppandinn fær sömu verðlaun. 

Þátttökugjald er kr. 300 fyrir félagsmenn en kr. 500 fyrir aðra.

Þátttökugjald er kr. 200 fyrir 15 ára og yngri félagsmenn en kr. 300 fyrir aðra.

Teflt er í Hellisheimilinu, Álfabakka 14a.  

Allir velkomnir!

Öflugar og fjölmennar skákæfingar hjá Fjölni

Skákdeild Fjölnis hefur allt frá stofnun 2004 boðið upp á skákæfingar og skákmót fyrir börn og unglinga. Æfingarnar eru haldnar í Rimaskóla alla laugardaga kl. 11:00 - 12:30. Skákdeildin hefur fengið góða kennara og leiðbeinendur á öllum aldri til aðstoðar og úr  sterkustu skákmanna landsins, bestu skákkennara, foreldra og eldri borgara.

Á hverja æfingu mæta að jafnaði 25 - 30 krakkar. Skipt er upp í 2- 3 hópa eftir færni og getu hverju sinni.  Mikilvægt er að æfingarnar séu fjölbreyttar og skemmtilegar. Skákdeild Fjölnis hefur lánast það mjög vel.

Á Íslandsmóti barna 2008 sem er nýlokið tefldu 100 krakkar. Fimmtán þeirra komu úr skákdeild Fjölnis og þar af urðu sjö af þeim í efstu sætum mótsins.

Meðfylgjandi eru þrjár myndir frá æfingu í morgun:

1. Hrafn Loftsson (foreldri og skákmeistari) leiðbeinir miðstigshóp
2. Helgi Ólafsson (foreldri og skákmeistari) leggur inn grunnatriði í byrjendaflokk
3. Davíð Kjartansson (skákþjálfari Fjölnis og skákmeistari) kennir framhaldshópi, krökkum sem voru að vinna til verðlauna á nýloknu Íslandsmóti barna

Björn Ívar efstur á Skákþingi Vestmannaeyja

Björn Ívar Karlsson (2130) er efstur með 4,5 vinning að loknum 5 umferðum á Skákþingi Vestmannaeyja.  Í 2.-3. sæti eru Einar Guðlaugsson (1800) og Karl Gauti Hjaltason (1635).

Alls taka 16 skákmenn þátt í mótinu.

Heimasíða mótsins 

Elsa og Hallgerður unnu í fyrstu umferð

Hallgerður Helga Þorsteinsdóttir (1867) og Elsa María Þorfinnsdóttir (1721) sigruðu báðar í sínum skákum í fyrstu umferð Noregsmót stúlkna, sem fram fór í dag en þær tefla í flokki fæddra 1982 og síðar.  Þær mætast í 2. umferð sem fram fer í fyrramálið.

Alls eru tefldar sex umferðir og þar af þrjár á morgun. 

Heimasíða mótsins 

Skákþing Akureyrar hefst 3. febrúar

Opinn flokkur Skákþings Akureyrar 2008 hefst sunnudaginn 3. febrúar kl. 14.00. Tefldar verða sjö umferðir eftir Monrad-kerfi og eru tímamörk 90 mínútur og + 30 sekúndur á hvern leik. Teflt verður á sunnudögum og fimmtudagskvöldum.

Keppnisgjald fyrir 16 ára og eldri er kr. 2000,-  og er hagt að skrá sig á netfangið  [e-mail] Teflt er í Íþróttahöllinni.  Mótinu lýkur sunnudaginn 24. febrúar.

Nú eru liðin sjötíu ár að fyrsta Skákþing Akureyrar fór fram 1938 en þá varð Jóhann Snorrason skákmeistari Akureyrar. Júlíus Bogason sem hefur hampað titlinum oftast eða alls nítján sinnum.

Íslandsmót grunnskólasveita 2008 - stúlknaflokkur

Íslandsmót grunnskólasveita 2008 - stúlknaflokkur fer fram laugardaginn 9. febrúar nk. í húsakynnum Skáksambands Íslands, Faxafeni 12, Reykjavík. 

Hver skóli má senda fleiri en eina sveit.  Hver sveit er skipuð fjórum keppendum (auk varamanna).  Mótið hefst kl. 14.00 og tefldar verða 7 umferðir, 2 x 15 mín. eftir Monrad-kerfi.  Skráning fer fram á skrifstofu S.Í. sími 568 9141 kl. 10-13 virka daga og í tölvupósti:  [e-mail]

Íslandsmót stúlkna 2008 - einstaklingskeppni

Íslandsmót stúlkna 2008 - einstaklingskeppni fyrir stúlkur á grunnskólaaldri fer fram sunnudaginn 10. febrúar nk. í húsakynnum Skáksambands Íslands, Faxafeni 12, Reykjavík og hefst kl. 13.00.

Teflt verður í tveimur flokkum:

• Fæddar 1992-1994
• Fæddar 1995 og síðar.

Tefldar verða 15 mín. skákir - umferðafjöldi fer eftir fjölda þátttakenda. 

Fjórar efstu stúlkurnar í yngri flokki tefla síðan um þátttökurétt í Norðurlandamóti stúlkna sem fram fer í Noregi 18.- 20. apríl nk. 

Veitt verða verðlaun í hverjum aldursflokki og dregið í happdrætti.

 

Bikararnir komnir til Eyja!

Eins og áður hefur komið fram gekk Eyjamönnum ákaflega vel Íslandsmóti barna sem fram fór á laugardag.  Alls sigruðu þeir í þremur flokkum af sex auk þess sem sjálfur Íslandsmeistarinn Kristófer Gautason kemur frá Eyjum.  

Þar sem mótið dróst á langinn þurftu Eyjamenn að fara fyrir verðlaunaafhendinguna nema að Kristófer fékk sinn bikar strax.  Sinn tímann tók svo að koma bikurunum fyrir hina sigurvegarana suður vegna veðurs en það tókst loks á þriðjudag.   

Við það tilefni voru eftirfarandi mynd tekin af þeim Ágústi Már Þórðarsyni, sem var efstur fæddra árið 2000 og Róberti Aroni Eysteinssyni sem var efstur í fæddra árið 1999.

Myndunum hefur einnig verið bætt við í myndaalbúm mótsins.

 

Skákþing Akureyrar hefst 3. febrúar

Opinn flokkur Skákþings Akureyrar 2008 hefst sunnudaginn 3. febrúar kl. 14.00. Tefldar verða sjö umferðir eftir Monrad-kerfi og eru tímamörk 90 mínútur og + 30 sekúndur á hvern leik. Teflt verður á sunnudögum og fimmtudagskvöldum.

Keppnisgjald fyrir 16 ára og eldri er kr. 2000,-  og er hagt að skrá sig á netfangið  [e-mail] Teflt er í Íþróttahöllinni.  Mótinu lýkur sunnudaginn 24. febrúar.

Nú eru liðin sjötíu ár að fyrsta Skákþing Akureyrar fór fram 1938 en þá varð Jóhann Snorrason skákmeistari Akureyrar. Júlíus Bogason sem hefur hampað titlinum oftast eða alls nítján sinnum.

Keppendalisti Reykjavíkurskákmótsins

Á vefsíðu Reykjavíkurskákmótsins má nú finna keppendalista mótsins eins og hann lítur út núna.  59 skákmenn eru skráðir til leiks og þar af eru 25 stórmeistarar.   Stigahæstir eru kínversku stórmeistararnir Wang Yue (2698) og Wang Hao (2665).   

Meðal skráðra Íslendinga má nefna stórmeistaranna Hannes Hlífar Stefánsson (2564), Héðin Steingrímsson (2554) og Henrik Danielsen (2506) og alþjóðlegu meistaranna Stefán Kristjánsson (2476), Jón Viktor Gunnarsson (2429) og Braga Þorfinnsson (2406).

Heimasíða Reykjavíkurskákmótsins