Arnar sigraði á fyrsta Grand Prix-mótinu

Þrátt fyrir snjóþyngsli og þunga færð í Reykjavík var tugur vaskra skákmanna mættur í Skákhöllina Faxafeni, þegar önnur Grand Prix mótaröð TR og Fjölnis hófst þar fimmtudagskvöldið 7. febrúar. Tefldar voru 9 umferðir og var umhugsunartíminn 7 mínútur á mann fyrir hverja skák. Það var hart barist og þegar upp var staðið var röð efstu manna eftirfarandi:

1. Arnar E. Gunnarsson     8½
2. Torfi Leósson                8
3. Davíð Kjartansson         6½
4. Stefán Bergsson           6

Gott er að Grand Prix mótaröðin er komin í gang aftur og bætist við flóru skákiðkunar á höfuðborgarsvæðinu. 15 mót eru ráðgerð. Allir geta unnið til einhverra verðlauna.  Tíu bestu mót af 15 hjá hverjum og einum gilda til útreiknings. Ferðavinningar á Politiken Cup verða í boði sem og hvatningarverðlaun fyrir mætingu. Hver sem hefur náð að mæta á fimm Grand Prix mót fær frían bíómiða. Næsta Grand Prix mót verður haldið fimmtudaginn 14. febrúar í Skákhöllinni í Faxafeni .

 

Björn Ívar með vinningsforskot

Björn Ívar Karlsson (2130) hefur vinnings forskot á næsta mann að lokinni 7. umferð Skákþings Vestmannaeyja sem fram fór í gær.  Björn hefur 6,5 vinning.  Annar er Einar Guðlaugsson með 5,5 vinning og í 3.-5. sæti með 4,5 vinning eru Karl Gauti Hjaltason (1635), Sigurjón Þorkelsson (1900) og Ólafur Týr Guðjónsson (1620).   Áttunda og næstsíðasta umferð verður tefld á fimmtudag.  

Alls taka 16 skákmenn þátt í mótinu.

Heimasíða mótsins 

Enn jafntefli hjá Stefáni og Degi

Stefán Kristjánsson (2476) og Dagur Arngrímsson (2359) gerðu báðir jafntefli, aðra umferðina í röð, í sjöttu umferð First Saturdays-mótsins, sem fram fór í dag í Búdapest.    Stefán gerði jafntefli við víetnamska alþjóðlega meistarann Vinh Bui (2482) en Dagur við makedónska stórmeistarann Dragan Kosic (2511). Stefán hefur 3 vinninga í 5 skákum og er í 8.-8. sæti en Dagur hefur 2 vinninga í 6 skákum og er í 9-10. sæti.  

Báðir tefla í þeir í stórmeistaraflokki.   Alls taka 13 skákmenn þátt í flokknum og eru meðalstig 2435 skákstig.  Til að ná stórmeistaraáfanga þarf 9 vinninga.  

Stefán hefur náð öllum tilskyldum stórmeistaraáföngum en vantar 16 stig til að vera útnefndur stórmeistari.  Dagur hefur náð tilskyldum áföngum til að verða alþjóðlegur skakmeistari en vantar 13 skákstig til að vera útnefndur.  

Heimasíða mótsins 

 

Skákþing Akureyrar: Röðun 2. umferðar

Nú liggur fyrir röðun í 2. umferð Skákþings Akureyrar sem fram fer í kvöld.  Þá mætast m.a. tvær stigahæstu keppendur mótsins, Gylfi Þórhallsson (2198) og Sigurður Arnarson (2125). 

Röðun 2. umferðar:

• Sigurður Eiríksson - Hermann Aðalsteinsson
• Sveinn Arnarsson - Hjörleifur Halldórsson
• Gylfi Þórhallsson - Sigurður Arnarson
• Haukur Jónsson - Ulker Gasanova
• Gestur Baldursson - Hreinn Hrafnsson
• Andri Freyr Björgvinsson - Mikael Jóhann Karlsson
• Jakob Sævar Sigurðsson - Hjörtur Snær Jónsson
• Sveinbjörn Sigurðsson - Sigurjón Ásmundsson
• Frí  Hugi Hlynsson. 

Heimasíða SA

 

Grand Prix - mótin byrja í kvöld

Fimmtudagskvöldið 7. febrúar kl. 19.30 hefst Grand Prix enn á ný.   Fyrirkomulagið verður að mestu leyti með sama hætti og í haust nema hvað verðlaun verða enn betri. M.a. verða 2 farmiðar í boði á Politiken Cup, bíómiðar og fleira.

Það er TR og Fjölnir sem halda mótin sem fram fer í félagsheimili TR, Faxafeni 12, og hefjast kl. 19:30.

Jesper Skjoldborg sigraði á Hraðkvöldi Hellis

Erlendu skákmennirnir sem tóku þátt í alþjóðlega unglingamóti Hellis settu mikinn svip á hraðkvöld Hellis sem haldið var 4. febrúar sl. og röðuðu sér í fimm efstu sætin Þar fór fremstur í flokki fararstjóri dönsku keppendanna, FIDE-meistarinn, Jesper Skjoldborg sem sigraði með 6 vinninga sjö skákum. Jafnir í 2. - 5. sæti voru Morten Storgaard, Bjorn Moller Ochsner, Maximilian Berchtenbreiter og Kristian Seegert.

Lokastaðan á hraðkvöldinu:

• 1.  Jesper Skjoldborg               6v/7
• 2.  Morten Storgaard                5v
• 3.  Bjorn Moller Ochsner           5v
• 4.  Maximilian Berchtenbreiter   5v
• 5.  Kristian Seegert                  5v
• 6.  Helgi Brynjarsson                4v
• 7.  Geir Guðbrandsson              4v
• 8.  Mads Hansen                       3,5v
• 9.  Vigfús Ó. Vigfússon              3,5v
• 10. Páll Sigurðsson                   3v
• 11. Björgvin Kristbergsson        3v
• 12. Jóhanna Björg Jóhannsdóttir 3v
• 13. Birkir Karl Sigurðsson          3v
• 14. Ingi Þór Ólafsson                 2v
• 15. Pétur Jóhannesson               1v
• 16. Sóley Lind Pálsdóttir             0v

Eftir mótið fannst kennslubókin ,,Þýska fyrir þig" í salnum ásamt pennaveski og verkefnum í skáksalnum. Sá sem saknar þessara hluta getur haft samband í síma 866-0116 (Vigfús).

Íslandsmót grunnskólasveita - stúlknaflokkur

Íslandsmót grunnskólasveita 2008 - stúlknaflokkur fer fram laugardaginn 9. febrúar nk. í húsakynnum Skáksambands Íslands, Faxafeni 12, Reykjavík.

Hver skóli má senda fleiri en eina sveit.  Hver sveit er skipuð fjórum keppendum (auk varamanna).  Mótið hefst kl. 14.00 og tefldar verða 7 umferðir, 2 x 15 mín. eftir Monrad-kerfi.  Skráning fer fram á skrifstofu S.Í. sími 568 9141 kl. 10-13 virka daga og í tölvupósti:  [e-mail].

Á sunnudaginn fer svo fram Íslandsmót stúlkna.

Meistaramót Hellis hefst 11. febrúar

Meistaramót Hellis 2008 hefst mánudaginn 11. febrúar klukkan 19:00. Mótið er 7 umferða opið kappskákmót sem lýkur 25. febrúar.   Vegleg og fjölbreytt verðlaun eru í boði. Umhugsunartíminn verður 1½ klst. á skákina auk hálfrar mínútu á hvern leik. Mótið er öllum opið og er reiknað til alþjóðlegra skákstiga.  Skráning fer fram á Hellir.com.  

Teflt er á mánu-, miðviku- og föstudögum.  Umferðir hefjast kl. 19:00. 

Núverandi skákmeistari Hellis er Björn Þorfinnsson en hann er langsigursælastur allra með sjö meistaratitla.

Skráning:

• Heimasíða: www.hellir.com
• Netfang: [e-mail]
• Sími: 866 0116 (Vigfús eða símsvari)
• Skráning á mótsstað til 18:45

Aðalverðlaun:

1. 35.000
2. 25.000
3. 20.000

Aukaverðlaun:

• Skákmeistari Hellis: Gold Chess Package: Chess Assistant 9.1 Professional, Rybka 2.3.2a
  UCI (multi-processor version, 32 & 64-bit versions) with Chess Openings 2007.
• Besti árangur undir 2200 skákstigum: Silver Chess Package: Chess Assistant 9.1 Professional, Rybka 2.3.2a
  UCI (single-processor version, 32 & 64-bit versions) with Chess Openings 2007.
• Besti árangur undir 2000 skákstigum: Rybka 2.3 UCI Multi-processor version, 32 & 64-bit versions.
• Besti árangur undir 1800 skákstigum: 5.000-
• Besti árangur undir 1600 skákstigum: 5.000-
• Besti árangur stigalausra: Skákklukka eða taflsett
• Unglingaverðlaun (15 ára og yngri): Vegleg bókaverðlaun
• Kvennaverðlaun: Þrenn vegleg bókaverðlaun

Hver keppandi hefur aðeins rétt á einum aukaverðlaunum. Stig verða látin ráða um aukaverðlaun verði skákmenn jafnir í verðlaunasætum.

Þátttökugjöld:

• Félagsmenn kr. 2.500-; Aðrir 3.000-
• Unglingar 15 ára og yngri: Félagsmenn: 2.000; Aðrir 2.500.

Umferðartafla: 

• 1. umferð, mánudaginn,11. febrúar, kl. 19:00
• 2. umferð, miðvikudaginn, 13. febrúar, kl. 19:00
• 3. umferð, föstudaginn, 15. febrúar, kl. 19:00
• 4. umferð, mánudaginn, 18. febrúar, kl. 19:00
• 5. umferð, miðvikudaginn, 20. febrúar, kl. 19:00
• 6. umferð, föstudaginn, 22. febrúar, kl. 19:00
• 7. umferð, mánudaginn, 25. febrúar, kl. 19:00

• Heimasíða Hellis
• Bloggsíða Hellis
• Chess-Results

Skákþing Akureyrar hafið

Skákþing Akureyrar hófst sl. sunnudag í opnum flokki en alls taka 17 skákmenn þátt.

Úrslit 1. umferðar:

• Hermann Aðalsteinsson   -   Andri Freyr Björgvinsson        1 : 0
• Sigurður Eiríksson        -   Jakob Sævar Sigurðsson  1 : 0
• Hjörtur Snær Jónsson      -   Hjörleifur Halldórsson        0 : 1
• Sigurbjörn Ásmundsson    -   Sveinn Arnarsson                   0 : 1
• Sveinbjörn Sigurðsson    -    Gylfi Þórhallsson                     0 : 1
• Sigurður Arnarson          -    Hugi Hlynsson                         1 : 0
• Ulker Gasanova              -        "Skotta"                               1 : 0
• Hreinn Hrafnsson           -    Haukur Jónsson                                    ½ : ½
• Mikael Jóhann Karlsson -  Gestur Vagn Baldursson        frestað.

Skák Mikaels og Gests verður tefld á miðvikudagskvöld og eftir þá skák verður ljóst hverjir tefla saman í 2. umferð sem hefst kl. 19.30 á fimmtudag.

 

Íslandsmóti framhaldsskólasveita frestað

Íslandsmót framhaldsskólasveita sem er á mótaáætlun 9. febrúar nk. hefur verið frestað.  Gert er ráð fyrir að mótið verði haldið samhliða Íslandsmóti grunnskólasveita 12. og 13. apríl nk.