Landsmótið í skólaskák í Bolungarvík að hefjast

Landsmótið í skólaskák fer fram í Bolungarvík dagana 24.- 27.apríl. Keppt er í yngri flokki sem í eru nemendur í 1.-7.bekk og eldri flokki sem í eru nemendur í 8.-10. bekk.

Eftir skóla-, sýslu- og kjördæmamót hafa eftirfarandi krakkar unnið sér rétt til að þátttöku (skákstig í sviga): 

Yngri flokkur:

• Hulda Rún Finnbogadóttir                           Borgarnesi Vesturland
• Ingólfur Daði Guðvarðarson                         Bolungarvík Vestfirðir
• Daði Arnarsson                                         Bolungarvík Vestfirðir
• Mikael Jóhann Karlsson (1415)                   Akureyri Norðurland eystra
• Emil Sigurðarson                                       Laugarvatni Suðurland
• Ólafur Freyr Ólafsson (1155)                       Vestmannaeyjum Suðurland
• Birkir Karl Sigurðsson (1290)                      Salaskóla Reykjanes
• Friðrik Þjálfi Stefánsson (1455)                   Salaskóla Reykjanes
• Guðmundur Kristinn Lee (1365)                  Salaskóla Reykjanes
• Dagur Andri Friðgeirsson (1695)                 Salaskóla Reykjavík
• Dagur Kjartansson (1320)                          Hólabrekkuskóla Reykjavík
• Jón Halldór Sigurbjörnsson                        Húsaskóla Reykjavík

Eldri flokkur:

• Jóhann Óli Eiðsson (1630)                      Borgarnesi Vesturland
• Arnór Gabríel Elíasson                            Ísafirði Vestfirðir
• Páll Sólmundur H. Eydal                         Bolungarvík Vestfirðir
• Hjörtur Þór Magnússon                         HúnavallaskólaNorðurland Vestra
• Magnús Víðisson                                   Akureyri Norðurlandi eystra
• Nökkvi Sverrisson (1545)                        Vestmannaeyjum Suðurlandi
• Jóhanna Björg Jóhannsdóttir (1645)         Salaskóla Reykjanesi
• Patrekur Maron Magnússon (1820)          Salaskóla Reykjanes
• Hallgerður Helga Þorsteinsdóttir (1865)    Hagaskóla Reykjavík
• Svanberg Már Pálsson                           Hvaleyrarskóla Bolungarvík
• Hörður Aron Hauksson (1720)                 Rimaskóla Reykjavík
• Jökull Jóhannsson (1325)                       Húsaskóla Reykjavík

Teflt verður í Grunnskólanum í Bolungarvík og verður mótið sett kl 13:00 á Sumardaginn fyrsta.  Tefldar verða 11 umferðir í hvorum flokki og lýkur mótinu á sunnudeginum. Áhorfendur eru velkomnir og verður heitt á könnunni og skákborð uppi. Nánari upplýsingar um dagskrá er hægt að nálgast á http://taflfelagbolungarvikur.blog.is , en teflt verður frá því snemma að morgni fram að kvöldmat alla daga. 

Opið barna- og unglingamót

Á laugardeginum fer fram opið barna- og unglingaskákmót fyrir vestfirska krakka í 10. bekk og yngri. Mótið byrjar kl 15:30 og lýkur með pizzuveislu kl 18:00.

Verðlaun eru fyrir þrjú fyrstu sætin í 8.-10.bekk, 5.-7.bekk og 4. bekk og yngri.

Aðgangur að mótinu er ókeypis og vonast er eftir að sem flestir mæti.

Loks verður opið æfingaskákmót fyrir vestfirska skákmenn kl 13:00 á sunnudeginum.

Skák.is mun reyna að fylgjast með gangi mála um helgina.    

• Heimasíða TB
• Skákir í beinni
• Vikari.is

Sumarskákmót Fjölnis

Sumarskákmót Grafarvogs verður haldið á hátíðarsvæðinu við Rimaskóla á sumardaginn fyrsta 24. apríl n.k. Skákmótið hefst kl. 14:00 og stendur yfir í tvær klukkustundir. Öllum grunnskólanemendum velkomið að taka þátt í mótinu og verður skráning á staðnum.

Glæsilegir verðlaunagripir frá Rótarýklúbb Grafarvogs fyrir efstu drengi og stúlkur mótsins. Um 20 verðlaun veitt fyrir frábæra frammistöðu.

Aðalvinningur mótsins er flugferð með Flugfélagi íslands til skákbæjarins Vestmannaeyja. Pítsur og geisladiskar frá Skífunni.

Sumarskákmót Grafarvogs hafa verið fjölsótt undanfarin ár enda mjög skemmtileg mót og óvenju mörg verðlaun. Það er Skákdeild Fjölnis sem hefur umsjón með sumarskákmótinu. Teflum inn í sumarið og mætum stundvíslega kl. 14.00 í Rimaskóla.

Stefnuskrá Björns

Björn Þorfinnsson, forsetaframbjóðandi, hefur gefið út stefnuskrá sína.  Hann má finna í heild sinni á Skákhorninu. 

Sigurbjörn og Þorvarður efstir á Boðsmóti Hauka

Sigurbjörn Björnsson og Þorvarður F. Ólafsson eru efstir með 2 vinninga að lokinni þriðju umferð flokkakeppni Boðsmóts Hauka sem tefld var í gærkveldi.  Torfi Leósson og Jorge Fonseca eru efstir í b-flokki og Stefán Már Pétursson er efstur í c-flokki.  Staðan í öllum flokkum er þó nokkuð óljós vegna fjölda frestaðra skáka.    

A-flokkur:

Hjörvar - Björn        0,5-0,5
Sverrir - Sigurbjörn   0,5-0,5
Omar - Stefán          Frestað
Árni - Þorvarður       0-1

Staðan eftir þrjár umferðir:

Sigurbjörn Björnsson      2
Þorvarður Fannar Ólafsson 2
Björn Þorfinnsson         1,5 + frestað
Hjörvar Steinn Grétarsson 1,5
Árni Þorvaldsson          1
Sverrir Þorgeirsson       1
Omar Salama               0,5 + 2 frestaðar
Stefán Freyr Guðmundsson  0,5 + frestuð

Það er allt að gerast í A-flokki, Sigurbjörn og Þorvarður standa vel að vígi, Björn á frestaða skák gegn Omari líkt og Stefán Freyr. Vert er að benda á árangur Hjörvars hingað til, en hann hefur gert jafntefli við þrjá stigahæstu menn flokksins og er til alls líklegur. Spennandi keppni framundan.

B-flokkur:

Oddgeir - Þórir   0,5-0,5
Helgi - Jorge     0-1
Torfi - Ingi      1-0
Hrannar - Kjartan 1-0

Staðan eftir 3 umferðir:
Torfi Leósson          2 + frestað
Jorge Fonseca          2+ frestað
Hrannar Baldursson     1,5 + frestað
Kjartan Guðmundsson    1 + frestað
Oddgeir Ottesen        1
Helgi Hauksson         1
Ingi Tandri Traustason 1
Þórir Benediktsson     0,5

Hér eru fjórir efstu menn einnig þeir stigahæstu. Kjartan lék sig í mát í vænlegri stöðu gegn Hrannari.  Þórir þráskákaði Oddgeir. Hinar tvær réðust seint og síðar meir....

C-flokkur:

Einar - Stefán         0-1  
Geir - Gísli           0-1
Aðalsteinn - Marteinn  1-0
Guðmundur - Tinna      0-1

Staðan eftir þrjár umferðir:
Stefán Már Pétursson         3 af 4
Gísli Hrafnkelsson           2,5
Aðalsteinn Thorarensen       2
Guðmundur G. Guðmundsson     2 af 5
Tinna Kristín Finnbogadóttir 1,5 af 2
Geir Guðbrandsson            1
Marteinn Þór Harðarson       1
Einar Gunnar Einarsson       0,5

Gísli og Stefán Pétursson eru í bestri stöðu í þessum flokki, Tinna og Aðalsteinn eru ekki langt undan.

• Heimasíða Hauka
• Skákirnar á Skákhorninu
• Myndaalbúm frá mótinu 

Gunnar Björnsson hraðskákmeistari Hellis

Gunnar Björnsson varð í kvöld hraðskákmeistari Hellis eftir harða baráttu við Róbert Harðarson.  Þeir gerðu 1-1 jafntefli í annarri umferð og unnu svo hverja skákina á eftir annarri þar til Vigfús Ó. Vigfússon, sinnti sínum varaformannskyldum af miklum myndugleika og gerði jafntefli við Róbert í næstsíðustu umferð og tryggði þar með formanninum titilinn.   Í 3.-4. sæti urðu Bjarni Jens Kristinsson og Dagur Andri Friðgeirsson.

Í upphafi mótsins fór fram verðlaunaafhending fyrir Meistaramót Hellis.  Í myndaalbúmi mótsins má sjá myndir frá henni auka nokkurra mynda frá mótinu.

Lokastaðan:

• 1. Gunnar Björnsson 13 v. af 14
• 2. Róbert Harðarson 12½ v.
• 3.-4. Bjarni Jens Kristinsson og Dagur Andri Friðgeirsson 8 v.
• 5.-7. Patrekur Maron Magnússon, Vigfús Ó. Vigfússon og Paul Frigge 7½ v.
• 8.-.11. Helgi Brynjarsson, Páll Andrason, Guðmundur Kristinn Lee og Brynjar H. Níelsson
• 12.-13. Dagur Kjartansson og Birkir Karl Sigurðsson 6 v.
• 14.-15. Brynjar Steingrímsson og Björgvin Kristbergsson 4 v.
• 16. Pétur Jóhannesson 1 v.

Skákstjórn önnuðust Vigfús og Gunnar.

Hraðskákmót Hellis fer fram í kvöld

Hraðskákmót Hellis verður haldið mánudaginn 21. apríl nk. og hefst það kl. 20.00. Teflt er í Hellisheimilinu, Álfabakka 14a. Heildarverðlaun á mótinu er kr. 15.000.  Tefldar verða 7 umferðir 2*5 mínútur.  Núverandi hraðskákmeistari Hellis er Björn Þorfinnsson. Þetta er í fjórtánda sinn sem mótið fer fram.  Björn hefur hampað titlinum oftast eða þrisvar sinnum.  Í upphafi móts verður verðlaunaafhending Meistaramóts Hellis.  

Verðlaun skiptast svo:

1. 7.500 kr.
2. 4.500 kr.
3. 3.000 kr.

Þátttökugjöld eru kr. 400 fyrir félagsmenn en kr. 600 fyrir aðra. Fyrir unglinga í Helli eru þau kr. 300 en kr. 400 fyrir aðra.

Hraðskákmeistarar Hellis:

• 1995: Davíð Ólafsson
• 1996: Andri Áss Grétarsson
• 1997: Hannes Hlífar Stefánsson
• 1998: Bragi Þorfinnsson
• 1999: Davíð Ólafsson (Jón Viktor Gunnarsson sigraði á mótinu)
• 2000: Bragi Þorfinnsson
• 2001: Helgi Áss Grétarsson
• 2002: Björn Þorfinnsson
• 2003: Björn Þorfinnsson
• 2004: Sigurbjörn J. Björnsson
• 2005: Sigurður Daði Sigfússon
• 2006: Hrannar Baldursson
• 2007: Björn Þorfinnsson (Jón Viktor Gunnarsson sigraði á mótinu)

Björn Ívar atskákmeistari Vestmannaeyja

Björn Ívar Karlsson er atskákmeistari Vestmannaeyja efstir sigur á mótinu sem fram fór 17. apríl sl.  Björn Ívar vann allar sínar skákir, fimm talsins.  Annar varð Sverrir Unnarsson með 4 vinninga og í 3.-5. sæti urðu Daði Steinn Jónsson, Sigurjón Þorkelsson og Ólafur Týr Guðjónsson.

 

Hallgerður í 1.-2. sæti fyrir lokaumferðina

Hallgerður Helga Þorsteinsdóttir gerði jafntefli við finnsku stúlkuna Erika Uusiupa í fjórðu og næstsíðustu umferð Norðurlandamóts stúlkna sem fram fór í morgun í Osló.  Hallgerður, sem teflir í flokki 16 ára og yngri, er í 1.-2. sæti ásamt Eriku en lokaumferðinin hefst kl. 12:30. 

U-20:

• Elsa María Kristínardóttir gerði jafntefli og hefu 2 vinninga
• Tinna Kristín Finnbogadóttir gerði jafntefli og hefur 1½ vinning

U-16:

• Hallgerður Helga Þorsteinsdóttir gerði jafntefli og hefur 3½ vinning
• Jóhanna Björg Jóhannsdóttir gerði jafntefli og hefur 2 vinninga
• Geirþrúður Anna Guðmundsdóttir sigraði og hefur 2 vinninga
• Ulker Gasanova tapaði og hefur ½ vinning

U-13:

• Hrund Hauksdóttir tapaði og hefur 1½ vinning.
• Hildur Berglind Jóhannsdóttir tapaði og hefur 1 vinning.
• Hulda Rún Finnbogardóttir gerði jafntefli og hefur 1 vinning

Heimasíða mótsins

Fjórir sterkir skákmenn ganga til liðs við Bolvíkinga

 

Stórfrétt:  Fjórir sterkir skákmenn hafa ákveðið að ganga til liðs við Taflfélag Bolungarvíkur og styrkja fyrstu deildarlið þess fyrir Íslandsmót skákfélaga næstkomandi vetur. Þetta eru Jón Loftur Árnason stórmeistari og alþjóðlegu meistararnir Jón Viktor Gunnarsson, Bragi Þorfinnsson og Dagur Arngrímsson.

Jón L þarf vart að kynna enda hefur hann verið í forystusveit íslenskra skákmanna um áraraðir þó hann hafi minnkað taflmennskuna hin síðari ár. Eftirminnilegasta afrek Jóns L er án efa sigur hans á heimsmeistaramóti sveina 16 ára og yngri árið 1977 þar sem hann varð á undan ekki ómerkari manni en síðar heimsmeistara Garry Kasparov. Jón L var áður í Taflfélaginu Helli.

Alþjóðlegu meistararnir Jón Viktor og Bragi Þorfinnsson eru af þeirri kynslóð sem hefur hin síðari ár verið að taka við keflinu af fjórmenningaklíkunni svokallaðri. Skákmenn af þessari kynslóð stimpluðu sig rækilega inn árið 1995 þegar þeir urðu Ólympíumeistarar sveita yngri en 16 ára. Jón Viktor og Bragi tefldu þar á 1. og 2. borði.  Jón Viktor var áður í Taflfélagi Reykjavíkur og Bragi í Taflfélaginu Helli. Dagur Arngrímsson er einn efnilegasti skákmaður landsins og hefur verið að auka styrkleika sinn jafnt og þétt undanfarin ár. Hann kláraði síðasta skilyrðið fyrir alþjóðlegum meistaratitli í vetur og mun án efa banka á dyr íslenska landsliðsins innan skamms. Dagur var áður í Taflfélagi Reykjavíkur.

Á sama tíma gerir Taflfélag Bolungarvíkur tímamótasamninga við þrjá af þessum öflugu skákmönnum.  Jón Viktor og Bragi Þorfinnsson eru styrktir þannig að þeir geti einbeitt sér algjörlega að taflmennsku næstu árin og stefnan er að þeir verði báðir orðnir stórmeistarar að þeim tíma liðnum. Dagur Arngrímsson er styrktur til að auka styrkleika sinn sem skákmanns. Taflfélag Bolungarvíkur hefur mikla trú á þessum skákmönnum og vill með þessum samningum leggja sitt lóð á vogarskálarnar til þess að efla íslenskt skáklíf.  

Á síðasta keppnistímabili vann Taflfélag Bolungarvíkur tvo titla af fjórum mögulegum, sigur vannst í 2. og 4. deild. Á næsta tímabili verður TB með lið í 1.deild og 3.deild og stefnan er sett á að senda tvö lið í fjórðu deild. Öflugt barna- og unglingastarf er hafið í Bolungarvík og standa vonir til að bolvískir unglingar muni tefla í 4.deild ásamt gamalreyndum bolvískum skákmönnum

 

Níu íslenskar stúlkur tefla á NM stúlkna

Níu íslenskar stúlkur taka á þátt í Norðurlandamóti stúlkna, sem fram fer í Osló, dagana 18.-20. apríl.   Tefld er í þremur flokkum, undir 20 ára, undir 16 ára og undir 13 ára.  Fararstjóri stelpnanna er Omar Salama og stefnir Skák.is að fylgjast vel með mótinu um helgina.   Fyrsta umferð af fimm fer fram í dag og hefst kl. 15.  

U-20

• Elsa María Kristínardóttir (1781)
• Tinna Kristín Finnbogadóttir (1669)

U-16

• Hallgerður Helga Þorsteinsdóttir (1867)
• Jóhanna Björg Jóhannsdóttir (1617)
• Geirþrúður Anna Guðmundsdóttir (1600)
• Ulker Gasanova (1470)

U-13

• Hrund Hauksdóttir (1155)
• Hildur Berglind Jóhannsdóttir
• Hulda Rún Finnbogadóttir

Heimasíða mótsins