Þór sigraði á minningarmóti

Minningarmót um Gunnlaug Guðmundsson fyrrum formann Skákfélags Akureyrar fór fram um sl. helgi. Þór Valtýsson sigraði, fékk 11 vinninga af 15 mögulegum.  Í 2.-3. sæti urðu Sigurður Arnarson og Sigurður Eiríksson með 10,5 v. Tefldar voru fimm mínútna skákir.

Næsta mót hjá S.A. verður á sunnudag 25. maí kl. 14.00 en þá hefst maí hraðskákmótið.

Omar sigraði á hraðkvöldi

Omar Salama sigraði örugglega með 7 vinningum í sjö skákum á hraðkvöldi Hellis  sem fram fór 19 maí. Þótt andstæðingar hans væru nokkuð duglegir að sprikla þá dugði það ekki til. Í öðru sæti varð Hallgerður Helga Þorsteinsdóttir með 5 vinninga.   Næst komu í einni bendu Vigfús Ó. Vigfússon, Elsa María Þorfinnsdóttir, Jóhanna Björg Jóhannsdóttir og Birkir Karl Sigurðsson.

Lokastaðan á hraðkvöldinu:

• 1.   Omar Salama 7v/7
• 2.   Hallgerður Helga Þorsteinsdóttir 5v
• 3.   Vigfús Ó. Vigfússon 4,5v
• 4.   Elsa María Þorfinnsdóttir 4,5v
• 5.   Jóhanna Björg Jóhannsdóttir 4,5v
• 6.   Birkir Karl Sigurðsson 4,5v
• 7.   Dagur Andri Friðgeirsson 3,5v
• 8.   Örn Stefánsson 3,5v
• 9.   Arnar Valgeirsson 3v
• 10. Patrekur Maron Magnússon 3v
• 11. Benjamín Gísli Einarsson 3v
• 12. Dagur Kjartansson 3v
• 13. Björgvin Kristbergsson 3v
• 14. Brynjar Steingrímsson 3v
• 15. Pétur Jóhannesson 1v

Jónas Pétur Erlingsson látinn

Jónas Pétur Erlingsson, skákmeistari, lést  18. maí sl, fimmtugur að aldri.  Jónas var einn af okkar sterkustu skákmönnum upp úr 1980 og tefld m.a. fyrir Íslands hönd í sexlanda keppninni á unglingaborði.   Einnig tefldi hann í landliðsflokki. 

Jónas var ekki bara hæfileikamaður í skák, því hann náði bæði Íslandsmeistaratitli í bridge og snóker og svo hafði hann náð eftirtektarverðum árangri í golfi.

Hraðkvöld hjá Helli í kvöld

Hraðkvöld hjá Helli verður haldið mánudaginn 19. maí í Hellisheimilinu í Mjódd og hefst kl. 20.  Eins og venjulega eru tefldar 7 umferðir með 7 mínútna umhugsunartíma þannig að mótið tekur tiltölulegan stuttan tíma!  Ljúffeng verðlaun í boði! 

Sigurvegarinn fær pizzu fyrir tvo frá Domionos auk þess sem einn heppinn útdreginn keppandinn fær sömu verðlaun. 

Þátttökugjald er kr. 300 fyrir félagsmenn en kr. 500 fyrir aðra. Þátttökugjald er kr. 200 fyrir 15 ára og yngri félagsmenn en kr. 300 fyrir aðra.

Teflt er í Hellisheimilinu, Álfabakka 14a.  

Allir velkomnir!

Sumarhátíð unglingadeildar TR

Þó nokkurra góðra félaga væri saknað var samt ágæt mæting á Sumarhátíð Unglingadeildar TR laugardaginn 17 maí. Byrjað var á að efna til hraðskákmóts og skráðu 13 krakkar sig til leiks.

Tefldar voru 13 umferðir og var allan tímann hressilega teflt og hart tekist á. Dagur Andri og Páll Andrason háðu hnífjafna baráttu og Guðmundur Lee var aldrei langt undan. 

Þessir þrír fengu allir DVD gamanmyndir með Jim Carrey í verðlaun, en allir fengu þó súkkulaði og gos til að gæða sér á. 

Úrslit mótsins urðu eftirfarandi:

 

• 1. Dagur Andri Friðgeirsson  Fjölni      12½/13
• 2. Páll Andrason             TR          12
• 3. Guðmundur Kristinn Lee    TR          10
• 4. Dagur Kjartansson         Helli       9
• 5.-6. Stefanía Stefánsdóttir TR          8
• 5.-6. Friðrik Þ. Stefánsson  TR          8
• 7. Birkir Karl Sigurðsson    TR          7½
• 8. Geirþrúður Guðmundsdóttir TR          7
• 9. Einar Ólafsson            TR          5½
• 10.Benjamín Gísli Einarsson  TR          5
• 11.Eyjólfur Emil Jóhannsson  TR          3½
• 12.Kristófer Þór Pétursson   TR          2
• 13.Figgi Truong              TR          1

Að lokinni taflmennsku var slegið upp svaka pizzuveislu og ávarpaði Óttar Felix Hauksson formaður TR hópinn og bauð  nýja sterka unglinga úr Kópavoginum og víðar að velkomna í félagið og greindi jafnframt frá sumaráætlun félagsins. 

Torfi Leósson kom síðan í heimsókn og kynnti æfingaáætlun fyrir úrvalslið unglingadeildar, en æfingar hjá úrvalsliðinu hefjast fimmtudaginnn 5. júní og verða í sumar á fimmtudögumkl 17:30 -19:00 og á sunnudögum kl. 19:30 - 21:00.

Sumarhátíðin endaði með sameiginlegri bíóferð í Laugarásbíó þar sem boðið var upp á nýja gamanmynd um þá félaga Harold og Kumar, og ævintýri þeirra í Guantanamo.

Óttar Felix Hauksson formaður, Sigurlaug Regína Friðþjófsdóttir varaformaður TR og Elín Guðjónsdóttir frá unglinganefnd TR sáu um alla framkvæmd þessarar velheppnuðu hátíðar.

Eiríkur Örn í TR

Enn einn
sterkur liðsaukinn barst Taflfélagi Reykjavíkur nú um helgina, þegar
Eiríkur Örn Brynjarsson ákvað að ganga til liðs við félagið. Eiríkur
Örn er fjórði liðsmaður hinnar öflugu skáksveitar Salaskóla sem á
undanförnum vikum hafa gengið í raðir TR. 

Vefsíða um stórmótið í Djúpavík til minningar um Pál Gunnarsson

Sett hefur verið upp vefsíða um Stórmótið í Djúpavík til minningar um Pál Gunnarsson sem fram fer 20. og 21. júní nk.  

Vefsíða mótsins 

Sverrir sigraði á Grand Prix-móti

Fall er fararheill er oft sagt. Sverrir Þorgeirsson skákmeistarinn efnilegi úr Hafnarfirði mætti alþjóðlega meistaranum Arnari E.Gunnarssyni í fyrsu umferð Grand Prix mótsins í gærkvöldi og varð að lúta í lægra haldi. 

Sverrir lét síðan engan bilbug á sér finna, lagði hvern andstæðingin af öðrum að velli og stóð að lokum uppi sem sigurvegari kvöldsins með 6 vinninga af 7 mögulegum. Þrátt fyrir að þurfa að láta sér lynda annað sætið i þessu móti, með 5 af 7, er  Arnar E. Gunnarsson efstur í Grand Prix mótaröðinni. Pálmi R. Pétursson  og Jorgé Fonseca urðu jafnir Arnari í 2.- 4. sæti með 5 vinninga.  Jafnir í 5.- 6. sæti urðu Helgi Brynjarsson og Kristján Örn Elíasson með 4½.  

Gaman að sjá Pálma R. Pétursson sestan við skákborðið hér sunnan heiða. Hann var um árabil einn sterkasti skákmaður Norðlendinga en er nú búsettur sunnanlands. Unglingaverðlaunin skiptust á milli Benjamíns G. Einarssonar og Dags Kjartanssonar en þeir hlutu báðir 3½ vinning. Þátttakan var nokkuð góð 16 keppendur mættu til leiks að þessu sinni. Grand Prix kannan góða féll sigurvegaranum í skaut og góð tónlistarverðlaun hlutu allir efst menn og unglingar.

Skákstjórninni skiptu þeir bróðurlega á milli sín Helgi Árnason úr Fjölni og Óttar Felix Hauksson TR.

Guðmundur Kristinn Lee í TR

Hinn efnilegi Guðmundur Kristinn Lee, einn af heimsmeisturum Salaskóla, hefur ákveðið að ganga til liðs við Taflfélag Reykjavíkur. Guðmundur hefur verið í Taflfélaginu Helli fram til þessa.

Guðmundur verður öflug viðbót við unglingalið TR, sem ætlar sér stóra hluti á næsta ári, en nýverið gengu tveir aðrir Salaskólastrákar til liðs við TR.

 

Stigamót Hellis fer fram 23.-25. maí

Stigamót Taflfélagsins Hellis verður haldið í sjöunda sinn dagana 23.-25. maí.   Fyrirkomulagi hefur nú verið breytt en að þessu sinni er mótið helgaratskákmót og er öllum opið.  Góð verðlaun eru í boði á mótinu.  

Skráðir keppendur:

• Henrik Danielsen (2510)
• Halldór Brynjar Halldórsson (2221)
• Sævar Bjarnason (2220)
• Páll Sigurðsson (1870)
• Paul Joseph Frigge (1827)
• Dagur Andri Friðgeirsson (1810)

Þátttökugjöld eru kr. 3.000 fyrir fullorna og 2.000 kr. fyrir 15 ára og yngri og rennur óskipt í verðlaunasjóð mótsins.  

Síðasta tækifæri fyrir flesta til að tefla kappskákir innlands í sumar.   

Núverandi Stigameistari Hellis er Omar Salama

Umferðatafla: 

• 1.-4. umferð, föstudaginn 23. maí (19:30-23:30)
• 5. umferð, laugardaginn 24. maí (11-15)
• 6. umferð, laugardaginn 24. maí (17-21)
• 7. umferð, sunnudaginn 25. maí (11-15)

Verðlaun:

• 1. 50% af þátttökugjöldum
• 2. 30% af þátttökugjöldum
• 3. 20% af þátttökugjöldum

Skráning:

• Vefsíða: http://www.hellir.com/
• Sími: 866 0116 (Vigfús eða símsvari)

Tímamörk:

• 1.-4. umferð: 20 mínútur + 5 sekúndur á leik
• 5.-7. umferð: 1½ klst. + 30 sekúndur á leik