Síðasti dagur til að skila mótum til útreiknings í dag

Síðasti dagur til að skila mótum til skákstigaútreiknings er í dag.  Senda skal mótstöflur í netfangið [e-mail].

 

Sigur vannst á Dönum

Skáksveit KR fór mikla sigurför til Danmerkur um síðustu helgi þar sem keppt var undir nafninu "KR Skak Artilleriet", Dönum til hrellingar, enda fór svo að sigur vannst á bæði Jótum og Köbenhavn United. 

Laugardaginn 10. maí var keppt  við sameinað lið Jóta í Herning á 22 borðum.   Í fyrri umferð vann "Stórskotalið KR" með 14 v.gegn 8 og í síðari umferð með 13 v. gegn 9 eða alls báðar viðureignirnar með 27 v. -17 v.         Tefldar voru atskákir með 25 mín. umhugsunartíma.

Þriðjudaginn 13. maí var síðan att kappi við styrkt lið Öbro Skakforening í Kaupmannahöfn á 21 borði , en skákklúbburinn hafði fengið ýmsa aðra til liðs við sig.  Sú keppni var mun jafnari og endaði með jafntefli eða 10½ gegn 10½ í báðum uMyndirmferðum eða  alls .21 v. gegn -21.  Því var efnt til bráðbana og tefld 7 mín. hraðskák til úrslita ein umferð, sem KR vann 12½ -8½.. Heildarúrslit urðu því  33½  v. gegn  29½ v. KR í hag.

Sveit KR skipuðu eftirtaldir skákmenn í borðaröð:   Gunnar Kr. Gunnarsson; Gunnar Finnlaugsson; Harway G. Tousigant; Jón Friðjónsson; Árni Einarsson; Hilmar Viggósson; Dr. Ingimar Jónsson; Guðmundur G. Þórarinsson; Daði Guðmundsson; Kristjón Stefánsson,  form; Össur Kristinsson; Stefán Þormar Guðmundsson; Guðfinnur R. Kjartansson; Sigurður E. Kristjánsson; Gísli Gunnlaugsson; Páll G. Jónsson; Kristinn Bjarnason; Grímur Ársælsson; Björn Víkingur Þórðarson; Jón Steinn Elíasson; Einar S. Einarsson, fararstjóri; Árni Þór Árnason.

Var þessi keppnisför og selskapsreisa klúbbfélaganna og eiginkvenna þeirra afar vel lukkuð í alla staði og móttökur höfðinglegar að Dana hálfu. Þetta er þriðja för klúbbsins af þessu tagi og stefnt er að því að að herja á fleiri lönd í fyllingu tímans.  

Ávallt hafa sigrar unnist. 

Myndir má finna í myndaalbúmi 

Hraðkvöld hjá Helli á mánudag

Hraðkvöld hjá Helli verður haldið mánudaginn 19. maí í Hellisheimilinu í Mjódd og hefst kl. 20.  Eins og venjulega eru tefldar 7 umferðir með 7 mínútna umhugsunartíma þannig að mótið tekur tiltölulegan stuttan tíma!  Ljúffeng verðlaun í boði! 

Sigurvegarinn fær pizzu fyrir tvo frá Domionos auk þess sem einn heppinn útdreginn keppandinn fær sömu verðlaun. 

Þátttökugjald er kr. 300 fyrir félagsmenn en kr. 500 fyrir aðra. Þátttökugjald er kr. 200 fyrir 15 ára og yngri félagsmenn en kr. 300 fyrir aðra.

Teflt er í Hellisheimilinu, Álfabakka 14a.  

Allir velkomnir!

Minningarmótið um Pál Gunnarsson 20.-22. júní - Skemmtilegt mót í uppsiglingu!

Fjölmargir hafa þegar skráð sig til leiks á stórmóti Hróksins í Djúpavík á Ströndum, sem helgað er minningu Páls Gunnarssonar, og fer fram helgina 20.-22. júní. Mótið er öllum opið og eru vegleg verðlaun í mörgum flokkum.

            Tefldar verða 9 umferðir, þrjár föstudagskvöldið 20. júní og sex laugardaginn 21. júní. Umhugsunartími er 20 mínútur fyrir hverja skák. Sunnudaginn 22. júní fer svo fram hraðskákmót í Trékyllisvík.

            Meðal skákmeistara sem þegar hafa skráð sig til leiks eru Björn Þorfinnsson, Róbert Harðarson, Elvar Guðmundsson, Einar K. Einarsson og Guðfríður Lilja Grétarsdóttir.

            Þá mun vinir og félagar Páls Gunnarssonar úr Hróknum fjölmenna og segir Sigrún Baldvinsdóttir dagskrárstjóri hátíðarinnar að menn hafi boðað komu sína siglandi, fljúgandi, ríðandi og akandi.

            1. verðlaun á minningarmótinu eru 100 þúsund krónur, 2. verðlaun 50 þúsund, 3. verðlaun 30 þúsund, 4. verðlaun 20 þúsund og 5. verðlaun 15 þúsund.

            Þá eru veitt verðlaun fyrir besta frammistöðu Strandamanna, stigalausra skákmanna og skákmanna með minna en 2200 stig. Í hverjum flokki eru 1. verðlaun 15 þúsund, 2. verðlaun 10 þúsund og ný bók í 3. verðlaun.

            Ennfremur eru veitt 15 þúsund króna verðlaun fyrir bestan árangur kvenna, heldri borgara og grunnskólabarna, auk bókavinninga. Fleiri eiga von á glaðningi, en meðal verðlaunagripa verða handunnin listaverk af Ströndum.

            Þá verða vegleg verðlaun á hraðskákmótinu, sem haldið verður í kjölfar atskákmótsins.

            Skákmenn á öllum aldri eru hvattir til að skrá sig sem fyrst til þátttöku hjá Róbert Harðarsyni ([e-mail]) eða hjá Sigrúnu Baldvinsdóttur í ([e-mail], sími 698-7307) og mun hún m.a. hjálpa fólki við að finna gistingu og veita upplýsingar um hátíðina að öðru leyti.

Gistingu er hægt að fá í Hótel Djúpavík og víðar í Árneshreppi, auk þess sem tjaldstæði er í Trékyllisvík og Norðurfirði. Gestir í Árneshreppi, sem er afskekktasta sveit á Íslandi, eiga í vændum að kynnast stórbrotinni náttúru og sögu við ysta haf.

Páll Gunnarsson (1961-2006) tók þátt í stofnun Hróksins 1998 og tefldi flestar skákir allra liðsmanna félagsins á Íslandsmóti skákfélaga. Páll, sem ættaður var af Ströndum, var einn traustasti liðsmaður Hróksins og tók virkan þátt í skáklandnáminu á Grænlandi. Með mótinu vilja vinir hans, félagar og fjölskylda heiðra minningu þessa góða drengs.

Grand Prix - mót í kvöld

Í kvöld fimmtudaginn 8. maí verður Grand Prix mótaröðinni fram haldið í Skákhöllinni í Faxafeni.

Tefldar verða sjö umferðir með sjö mínútna umhugsunartíma á skák. Mótið hefst klukkan 19:30.

Grand Prix kannan góða er veitt fyrir efsta sætið ásamt tónlistarverðlaunum.

Sá er bestum samanlögðum árangri nær í mótaröðinni fær vegleg ferðaverðlaun, en mótaröðinni lýkur fimmtudaginn 29. maí.

Skákdeild Fjölnis og Taflfélag Reykjavíkur standa sameiginlega að Grand Prix mótaröðinni.

Skákmenn- og konur eru hvött til að mæta. Þátttökugjald er kr. 500 fyrir 16 ára og eldri en frítt fyrir alla á grunnskólaaldri.

Róbert hraðskákmeistari öðlinga

Róbert Harðarson varð í kvöld hraðskákmeistari öðlinga eftir spennandi og fjölmennt mót sem fram fór í félagsheimili TR í kvöld.  Róbert fékk 7 vinninga í 9 skákum og hafði betur en Kristján Guðmundsson og Jóhann H. Ragnarsson eftir stigaútreikning.  Í kvöld fór jafnframt fram verðlaunaafhending fyrir sjálft aðalmótið.  Birna bauð upp á glæsilegt bakkelsi.

Ólafur og Birna gáfu nýjan bikar til mótsins þar sem ekki var hægt að koma fyrir fleiri nafnspjöldum á fyrri bikar sem gefin var af Nesti.  Fyrsta mótið fór fram 1992 og þar sigraði Jóhann Örn Sigurjónsson.   

Lokastaðan

1. Róbert Harðarson 7 v. (41 stig - 46 stig)
2. Kristján Guðmundsson 7 v. (41 stig - 45 stig)
3. Jóhann H. Ragnarsson 7 v. (38,5 stig)
4. Gunnar Freyr Rúnarsson 6½ v.
5. Júlíus Friðjónsson 5½ v.
6. Pálmi R. Pétursson 5½ v.
7. Sigurjón Sigurbjörnsson 5½ v.
8. Magnús Gunnarsson 5 v.
9. Björn Þorsteinsson 5 v.
10. Jóhann Örn Sigurjónsson 5 v.
11. Kristján Örn Elíasson 5 v.
12. Frímann Benediktsson 5 v.
13. Haukur Sveinsson 5 v.
14. Haukur Bergmann 4½ v.
15. Magnús Matthíasson 4½ v.
16. Vigfús Ó. Vigfússon 4 v
17. Bjarni Sæmundsson 4 v.
18. Sæbjörn Guðfinnsson 4 v.
19. Þorsteinn Guðlaugsson 4 v.
20. Finnur Kr. Finnsson 3½ v.
21. Jóhannes Jensson 3½ v.
22. Óttar Felix Hauksson 3½ v.
23. Sigurlaug R. Friðþjófsdóttir 3 v.
24. Friðþjófur Max Karlsson 2 v.
25. Pétur Jóhannesson 1½ v.
26. Björgvin Kristbergsson 1½ v.

Skákstjóri var Ólafur S. Ásgrímsson

Myndaalbúm frá mótinu 

Hraðskákmót öðlinga fer fram í kvöld

Miðvikudaginn 14. maí fer fram hraðskákmót öðlinga (40 ára og eldri) í Skákhöllinni, Faxafeni 12.  Mótið hefst kl. 19:30.   Þá fer jafnframt fram verðlaunaafhending fyrir aðalmótið auk þess sem boðið verður upp á vöfflur a la Birna.  Þátttökugjald verður kr. 500.

Hraðskákmót öðlinga fer fram á miðvikudag

Miðvikudaginn 14. maí fer fram hraðskákmót öðlinga í Skákhöllinni, Faxafeni 12.  Mótið hefst kl. 19:30.   Þá fer jafnframt fram verðlaunaafhending fyrir aðalmótið auk þess sem boðið verður upp á vöfflur a la Birna.  Þátttökugjald verður kr. 500.

Frestur til að skila mótum til skákstigaútreiknings rennur út 15. maí

Frestur til að skila inn mótum til skákstigaútreiknings 1. júní rennur út 15. maí.  Mótshaldarar þurfa að skila mótstöflu til Omars Salama í netfangið [e-mail] fyrir þann tíma. 

Eftirfarandi mót hafa skilað sér:

Kappskák:

• 1 - Skákþing Vestmannaeyja
• 2 - Skákþing Akureyrar
• 3 - Íslandsmót skákfélaga (1.-4. deild) 

Atskák:  

• 1- Unglingameistaramót Reykjavíkur. 
• 2- Atskákmót Austurlands 2008          

Davíð og Arnar sigruðu á minningarmóti um Albert Sigurðsson

Davíð Kjartansson og Arnar Þorsteinsson urðu efstir á minningarmótinu um Albert Sigurðsson sem lauk í gær, þeir fengu 6 vinninga í sjö skákum.  Gylfi Þórhallsson varð í þriðja sæti með 5½ vinning.

 

 

Meðal úrslita í 7. umferð urðu:

• Davíð Kjartansson vann Sveinbjörn Sigurðsson,
• Arnar Þorsteinsson vann Rúnar Berg
• Gylfi Þórhallsson vann Sigurð Eiríksson
• Sævar Bjarnason vann Þór Valtýsson
• Kristján Örn Elíasson vann Tómas Veigar Sigurðarson
• Stefán Bergsson og Ulker Gasanova gerðu jafntefli.
• Eymundur Eymundsson og Mikael Jóhann Karlsson gerðu jafntefli.
• Sigurður Arnarsson vann Sindra Guðjónsson
• Stefán Arnalds vann Ólaf Ásgrímsson.

Lokastaðan:

• 1. Davíð Kjartansson        6 v. og 25 stig
• 2. Arnar Þorsteinsson       6 v. og 23,5 stig
• 3. Gylfi Þórhallsson           5,5 v.
• 4. Sævar Bjarnason          5
• 5.- 6. Rúnar Berg og Kristján Örn Elíasson 4,5 v.
• 7. - 10. Sigurður Arnarson, Sveinbjörn Sigurðsson, Stefán Arnalds og Hjörleifur Halldórsson 4 v.
• 11. - 17. Sigurður Eiríksson, Þór Valtýsson Stefán Bergsson, Sindri Guðjónsson, Sveinn Arnarson, Tómas Veigar Sigurðarson og Ari Friðfinnsson 3,5 v.
• 18. - 23. Ólafur Ásgrímsson, Ulker Gasanova, Mikael Jóhann Karlsson, Ólafur Ólafsson, Eymundur Eymundsson og Haukur Jónsson 3 v.
• 24. Hugi Hlynsson  2,5 v.
• 25. - 26. Gestur Baldursson og Hjörtur Snær Jónsson 2 v.
• 27. Jón Magnússon 1,5 v.
• 28. Magnús Víðisson          0

Auk verðlauna fyrir þrjú efstu sætin voru veitt verðlaun í ýmsum flokkum.

• Í stigaflokki 2000 stig og minna varð Kristján Örn Elíasson efstur með 4,5 v.
• Í flokki 1700 stig og minna kom sigurinn í hlut Sindra Guðjónssonar sem fékk 3,5 v.
• Sveinbjörn Sigurðsson varð efstur í flokki 60 ára og eldri, fékk 4 v.
• Ulker Gasanova sigraði í kvennaflokki og varð einnig sigurvegari í unglingaflokki 20 ára og yngri hlaut 3 v. Mikael Jóhann Karlsson varð annar einnig með 3 v. en lægri á stigum og Ólafur Ólafsson varð þriðji einnig með 3 v. en fékk færri stig en hin tvö.

Skákstjórar voru: Páll Hlöðvesson, Áskell Örn Kárason og Karl Steingrímsson.

Skákfélag Akureyrar þakkar öllum þeim velunnurum, keppendum og öðrum fyrir glæsilegt mótshald. Aðalstyrktaraðili mótsins var Norðurorka og kom fulltrúi frá því fyrirtæki og afhendi verðlaun í mótslok. Myndir úr mótinu fá finna í sérstöku myndaalbúmi og verða fleiri myndir settar inn annað kvöld.