Fjölmenni á stelpuæfingum í Eyjum

Það varð algjör sprenging á æfingu fyrir stelpurnar í gær í Eyjum.  Alls mættu 22 stelpur á æfinguna og hafa að sjálfsögðu aldrei verið fleiri stelpur á skákæfingu hér í Eyjum.  Byrjað var að bjóða upp á stelpuskákæfingar í síðustu viku og mættu þá sjö stelpur, sem þótti bara nokkuð gott.  En það met stóð ekki lengi og núna voru stelpurnar tuttugu og tvær á aldrinum 6 til 11 ára.  Þær virðast láta sér það vel líka þó strákarnir séu þeim ekki til skemmtunar, en á venjulegar æfingar hafa kannski 3-4 stelpur mætt með strákaskaranum. 

Björn Ívar sá um kennsluna en Gauti bauð stelpurnar velkomnar í skákina og kynnti þeim starfið.  Bæjarstjórinn í Vestmannaeyjum, Elliði Vignisson kom með dóttur sína á æfinguna og var að vonum steinhissa á öllum áhuganum.  Já, það er því bjart framundan í kvennaskákinni í Eyjum ef framhald verður á þessum áhuga.

Atskákmót öðlinga hefst í kvöld

Atskákmót öðlinga,40 ára og eldri ,hefst miðvikudaginn 19. nóvember nk. í Félagsheimili TR Faxafeni 12 kl, 19:30.   Tefldar verða 9.umferðir eftir svissneska-kerfinu, þrjár skákir á kvöldi með umhugsunartímanum 25 mínútur á skák.

Mótinu er svo framhaldið miðvikudagana 26. nóvember og 3. desember á sama tíma.

Veitt eru verðlaun fyrir þrjú efstu sætin.     Heitt á könnunni!!

Þátttökugjald er kr  1.500,00

Skráning og upplýsingar veitir Ólafur S. Ásgrímsson í síma 895-5860.  Netfang [e-mail]

Björn Þorsteinson sigraði á haustmóti skákdeildar F E B.

Björn Þorsteinsson sigraði með 12½ vinningi af 13 mögulegum á Haustmóti Skákdeild Félags eldri borgara sem fram fór nýlega.  Í öðru sæti varð Jóhann Örn Sigurjónsson með 11½ vinning og í þriðja sæti varð Össur Kristinsson með 9 vinninga.

Í hópi 75 ára og eldri varð Haraldur Axel  Sveinbjörnsson efstur  með 7 vinninga, annar varð Birgir Sigurðsson með 6 ½ vinning og þriðji varð Sveinbjörn Einarsson með 6 vinninga.

Heildarúrslit:

• 1           Björn Þorsteinson                            12 ½           vinning
• 2           Jóhann Örn Sigurjónsson                11 ½
• 3           Össur Kristinsson                             9                  ----
• 4           Gísli Gunnlaugsson                          8 ½              ----
• 5-6        Grétar Áss Sigurðsson                     8                  ----
•              Þór Valtýsson                                   8                  ----
• 7-9        Haraldur Axel Sveinbjörnsson         7                  ----
•              Bragi G Bjarnason                            7                  ----
•              Þorsteinn Guðlaugsson                     7                  ----
• 10-18    Gísli Sigurhansson                           6 ½               ----
•              Jónas Ástráðsson                              6 ½              ----
•              Birgir Sigurðsson                             6 ½               ----
•              Halldór Skaftason                             6 ½               ----
•              Einar S Einarsson                              6 ½               ----
•              Birgir Ólafsson                                 6 ½               -----
•              Finnur Kr Finnsson                          6 ½               -----
•              Egill Sigurðsson                               6 ½                ----
•              Hermann Hjartarson                         6 ½                -----
• 19-20    Jón Víglundsson                               6                   -----
•              Sveinbjörn Einarsson                        6                   -----
• 21-22    Friðrik Sófusson                               5 ½                -----
•              Óli Árni Vilhjálmsson                       5 ½               -----
• 23         Baldur Garðarsson                            5                    -----
• 24         Magnús V Pétursson                         4 ½               ------
• 25         Jón Bjarnason                                    4                   ------
• 26         Grímur Jónsson                                 3                   ------
• 27-28    Ingi E Árnason                                  2 ½              ------
•              Hrafnkell Guðjónsson                       2 ½               ------

Hjörvar sigraði á atkvöldi Hellis

Hjörvar Steinn Grétarsson sigraði öruggleg á atkvöldi Hellis sem haldið var 17. nóvember. Hjörvar fékk 6v í sex skákum. Annar varð Þorvarður Fannar Ólafsson með 4,5v. Þriðji varð svo Rúnar Berg með 4v. Rúnar náði sér vel á strik eftir tap í fyrstu umferð og fékk í lokaumferðinn úrslitaskák við Hjörvar sem að vísu tapaðist.

Lokastaðan á atkvöldinu:

• 1.   Hjörvar Steinn Grétarsson    6v/6
• 2.   Þorvarður Fannar Ólafsson   4,5v
• 3.   Rúnar Berg                            4v
• 4.   Vigfús Ó. Vigfússon               3,5v
• 5.   Patrekur Maron Magnússon  3,5v
• 6.   Dagur Andri Friðgeirsson       3v
• 7.   Ingi Tandri Traustason          3v
• 8.   Jón Gunnar Jónsson              3v
• 9.   Birkir Karl Sigurðsson             2,5v
• 10. Tjörvi Schiöth                         2,5v
• 11. Guðmundur Kristinn Lee         2v
• 12. Sveinn Gauti Einarsson          2v
• 13. Dagur Kjartansson                 2v
• 14. Brynjar Steingrímsson            0,5v

Hjörvar efstur á unglingameistaramóti Hellis

Eftir fyrri hlutann á unglingameistaramóti Hellis 2008 er Hjörvar Steinn Grétarsson efstur með 4v í jafn mörgum skákum. Hjörvar virðist því stefna ótrauður að sínum 5 titli. Annar nokkuð óvænt er Dagur Kjartansson með 3,5v og næstir eru svo Dagur Andri Friðgeirsson, Patrekur Maron Magnússon og Guðmundur Kristinn Lee allir með 3v. Efstu menn eiga flestir eftir að tefla innbyrðis svo úrslitin ráðast ekki fyrr en í seinni hlutanum sem fram fer í dag þriðjudaginn 18. nóvember og hefst 5. umferð kl. 16.30.

Staðan eftir fyrri hlutann:

• 1.   Hjörvar Steinn Grétarsson     4v
• 2.   Dagur Kjartansson                 3,5v
• 3.   Dagur Andri Friðgeirsson        3v
• 4.   Patrekur Maron Magnússon   3v
• 5.   Guðmundur Kristinn Lee         3v
• 6.   Jóhanna Björg Jóhannsdóttir  2,5v
• 7.   Oliver Aron Jóhannesson        2v
• 8.   Ástrós Lind Guðbjörnsdóttir    2v
• 9.   Hilmar Freyr Friðgeirsson        2v
• 10. Kristófer Jóel Jóhannesson     2v
• 11. Birkir Karl Sigurðsson              2v
• 12. Hildur Berglind Jóhannsdóttir  2v
• 13. Sæþór Atli Harðarson               2v
• 14. Jóhannes Guðmundsson          1v
• 15. Smári Arnarsson                       1v
• 16. Sigurður Kjartansson                1v
• 17. Styrmir Hettinen                       1v
• 18. Bjarmar Ernir Waage                1v 
• 19. Brynjar Steingrímsson              1v

 Í 5. umferð tefla saman:

• 1. Dagur Kjartansson - Hjörvar Steinn Grétarsson
• 2. Patrekur Maron Magnússon - Dagur Andri Friðgeirsson
• 3. Jóhanna Björg Jóhannsdóttir - Guðmundur Kristinn Lee
• 4. Hilmar Freyr Friðgeirsson - Oliver Aron Jóhannesson
• 5. Kristófer Jóel Jóhannesson - Ástrós Lind Guðbjörnsdóttir
• 6. Sæþór Atli Harðarson - Birkir Karl Sigurðsson
• 7. Jóhannes Guðmundsson - Hildur Berglind Jóhannsdóttir
• 8. Smári Arnarsson - Sigurður Kjartansson
• 9. Brynjar Steingrímsson - Styrmir Henttinen
• 10. Bjarmar Ernir Waage - Skotta

Smári 15 mínútna meistari Goðans

Smári Sigurðsson sigraði á 15 mín skákmóti Goðans sem fram fór í gær á Húsavík.  Keppnin varð jöfn og spennandi um efsta sætið og úrslit réðust ekki fyrr en í lokaumferðinni.

Smári fékk 5,5 vinninga af 7 mögulegum. Í öðru sæti varð Rúnar Ísleifsson, einnig með 5,5 vinninga og Jakob Sævar Sigurðsson varð í 3. sæti, líka með 5,5 vinninga. Smári stóð uppi sem sigurvegari eftir stigaútreikning. Þetta er annað árið í röð sem Smári vinnur 15. mín. mót Goðans.

Alls tóku 13 keppendur þátt í mótinu. 

Snorri Hallgrímsson sigraði í yngri flokki. Hann fékk 4 vinninga.

Allir keppendur í yngri flokki fengu CD-disk með skákþrautum, sem

og þrír efstu í eldri flokki.

 Úrslit urðu eftirfarandi: 

1.   Smári Sigurðsson                 5,5 vinn af 7 mögulegum  
2.   Rúnar Ísleifsson                   5,5
3    Jakob Sævar Sigurðsson      5,5
4.   Hermann Aðalsteinsson       4,5
5.   Ármann Olgeirsson              4,5
6.   Orri Freyr Oddsson              4
7.   Baldvin Þ Jóhannesson        4
8.   Snorri Hallgrímsson              4         (1. sæti 12 ára og yngri)
9.   Heimir Bessason                  3,5
10. Hlynur Snær Viðarsson         2,5                                                 
11. Valur Heiðar Einarsson         2,5 
12. Ágúst Már Gunnlaugsson     2
13. Axel Smári Axelsson             1

Næsta skákmót hjá félaginu er hraðsákmótið sem haldið verður 27 desember.

Atskákmót öðlinga hefst á miðvikudagskvöld

Atskákmót öðlinga,40 ára og eldri ,hefst miðvikudaginn 19. nóvember nk. í Félagsheimili TR Faxafeni 12 kl, 19:30.   Tefldar verða 9.umferðir eftir svissneska-kerfinu, þrjár skákir á kvöldi með umhugsunartímanum 25 mínútur á skák.

Mótinu er svo framhaldið miðvikudagana 26. nóvember og 3. desember á sama tíma.

Veitt eru verðlaun fyrir þrjú efstu sætin.     Heitt á könnunni!!

Þátttökugjald er kr  1.500,00

Skráning og upplýsingar veitir Ólafur S. Ásgrímsson í síma 895-5860.  Netfang [e-mail]

Sigurður atskákmeistari Akureyrar

Sigurður Eiríksson varð Akureyrarmeistari í atskák sem lauk í gær, eftir afar jafna og spennandi keppni, þar sem keppendur skiptust um forystu í mótinu.  Að loknum fjórum umferðum var Tómas Veigar efstur með fullt hús, en hann tapaði fyrir Sigurði í fimmtu umferð og náði Mikael Jóhann forystu. Mikael tapaði fyrir Sigurði í 6. umferð og náðu þeir feðgar efsta sætinu með 5 v. en Mikael, Áskell og Gylfi voru með 4,5 v. Í 7. umferð vann Áskell Gylfa og Sigurður og Tómas unnu og héldu forystu í mótinu.

Sigurður vann sína sjöttu skák í röð og var einn efstur fyrir síðustu umferð, því Tómas tapaði fyrir Gylfa. Í loka umferðinni tefldu þeir saman Sigurður og Áskell og var sú skák úrslita skák, sem Sigurði nægði jafntefli. Skák þeirra lauk með jafntefli eftir að Áskell var með lengst framan af skákinni með betra, og þar með tryggði Sigurður sér titilinn Akureyrarmeistari í atskák 2008. Sigurður fékk 7,5 vinning. Tómas vann Mikael í lokaumferðinni og náði Áskeli að vinningum, þeir hlutu báðir 7 v. og jafnmörg stig 24,50, en Tómas vann Áskel innbyrðis í mótinu og hlaut hann því annað sætið.

Lokastaðan:

1.	Sigurður Eiríksson	7,5 v. af 9.
2.	Tómas Veigar Sigurðarson	7
3.	Áskell Örn Kárason	7
4.	Gylfi Þórhallsson	6
5.	Mikael Jóhann Karlsson	5,5
6.	Ulker Gasanova	5
7.	Haukur Jónsson	3
8.	Birkir Freyr Hauksson	2
9.	Hersteinn Heiðarsson	1
10.	Hjörtur Snær Jónsson	1

Unglingameistaramót Hellis hefst í dag

Unglingameistaramót Hellis 2008 hefst mánudaginn 17. nóvember n.k. kl. 16.³⁰ þ.e. nokkru fyrr heldur en venjulegar mánudagsæfingar. Mótinu verður svo fram haldið þriðjudaginn 18. nóvember n.k. kl. 16.^30.  Tefldar verða 7 umferðir eftir Monrad kerfi. Fyrri keppnisdaginn verða fjórar skákir og þrjár þann seinni. Umhugsunartími á hverja skák er 20 mínútur. Mótið er opið öllum 15 ára og yngri en titilinn sjálfan getur aðeins félagsmaður í Helli unnið.

Á meðan á mótinu stendur falla venjulegar barna- og unglingaæfingar niður. Næsta barna- og unglingaæfing verður mánudaginn 24. nóvember n.k. og verður þá boðið upp á pizzur fyrir þátttakendur. Keppnisstaður er Álfabakki 14a, inngangur við hliðina á Sparisjóðnum en salur félagsins er upp á þriðju hæð. Verðlaunagripir verða fyrir þrjú efstu sætin. Allir þátttakendur fá skákbók. Að auki verður dregin út ein pizza frá Dominós.

Umferðatafla: 

1.-4. umferð:                Mánudaginn 17. nóvember kl. 16.³⁰

5.-7. umferð:                Þriðjudaginn 18. nóvember kl. 16.³⁰ 

 

Verðlaun: 

1.   Unglingameistari Hellis fær farandbikar til varðveislu í eitt ár.

2.   Þrír efstu fá verðlaunagripi til eignar.

3.   Allir keppendur fá skákbók.

4.   Dregin verður út ein pizza frá Dominós.

Rétt er að minna keppendur á að slökkva á farsímum sínum meðan á mótinu stendur því í þessu móti verður umhugsunartíminn minnkaður um helming ef síminn hringir hjá keppanda meðan á skák stendur.

Atkvöld hjá Helli í kvöld

Taflfélagið Hellir heldur atkvöld mánudaginn  17. nóvember 2008 og hefst mótið kl. 20:00. Fyrst eru tefldar 3 hraðskákir þar sem hvor keppandi hefur 5 mínútur til að ljúka skákinni og síðan þrjár atskákir, með tuttugu mínútna umhugsun.  

Sigurvegarinn fær í verðlaun pizzu frá Dominos Pizzum. Þá hefur einnig verið tekinn upp sá siður að draga út af handahófi annan keppanda, sem einnig fær pizzu hjá Dominos Pizzum. Þar eiga allir jafna möguleika, án tillits til árangurs á mótinu. Þátttökugjöld eru kr. 300 fyrir félagsmenn (kr. 200 fyrir 15 ára og yngri) og kr. 500 fyrir aðra (kr. 300 fyrir 15 ára og yngri).