Gjöf frá Reggio Emila

Ítalski skákmaðurinn Luca Barillo (2186) gaf íslenskri skákhreyfingu skemmtilega gjöf sl. laugardag við viðureign Hellis og Hauka í Hraðskákkeppni taflfélaga.  Um er að ræða mjög veglega taflmenn á sýningartafl.  Þetta er ekki venjulegir taflmenn heldur handsmíðaðir af borgarlistamanninum í Reggio Emila.  Á myndinni tekur Björn Þorfinnsson framkvæmdastjóri Skákakademíu Reykjavíkur við gjöfinni.

Atkvöld hjá Helli í kvöld - tilvalin upphitun fyrir áskorendaflokk

Taflfélagið Hellir heldur atkvöld mánudaginn  24. ágúst 2009 og hefst mótið kl. 20:00. Fyrst eru tefldar 3 hraðskákir þar sem hvor keppandi hefur 5 mínútur til að ljúka skákinni og síðan þrjár atskákir, með tuttugu mínútna umhugsun.

Sigurvegarinn fær í verðlaun pizzu frá Dominos Pizzum. Þá hefur einnig verið tekinn upp sá siður að draga út af handahófi annan keppanda, sem einnig fær pizzu hjá Dominos Pizzum. Þar eiga allir jafna möguleika, án tillits til árangurs á mótinu. Þátttökugjöld eru kr. 300 fyrir félagsmenn (kr. 200 fyrir 15 ára og yngri) og kr. 500 fyrir aðra (kr. 300 fyrir 15 ára og yngri).

Tilvalin upphitun fyrir áskorendaflokk!

Barna- og unglingaæfingar Hellis hefjast í dag

Barna- og unglingaæfingar Hellis hefjast aftur mánudaginn 24. ágúst 2009. Taflið byrjar kl. 17:15 og fyrirkomulagið verður það sama og síðasta vetur.  Æfingarnar eru opnar öllum 15 ára og yngri. Engin þátttökugjöld.

Æfingarnar verða haldnar í félagsheimili Hellis í Álfabakka 14a, Mjódd. Inngangurinn snýr að Kópavogi og er þar sem Sparisjóður Reykjavíkur var áður en salur félagsins er á þriðju hæð hússins. Á æfingunum verða 5 eða 6 umferðir með umhugsunartíma 10 eða 7 mínútur. Einnig verður farið í dæmi og endatöfl eins og tími vinnst til. Umsjón með æfingunum hefur Vigfús Ó. Vigfússon.

Á döfinni er svo að halda alþjóðlegt barna- og unglingamót á þessum vetri svipað og félagið hefur haldið tvisvar áður.

Hellismenn sigruðu Hauka

Taflfélagið Hellir vann öruggan sigur, 44-28 á skákdeild Hauka, í lokaviðureign 2. umferð Hraðskákkeppni taflfélaga, sem fram fór í Hellisheimilinu í kvöld.  Staðan í hálfleik var 24½-11½ svo leikar voru mun jafnari í seinni hálfleik.  Jóhann Hjartarson fór mikinn fyrir Helli, sem tefldu fram 13 skákönnum í kvöld, en hann fékk 9½ vinning í 10 skákum, aðeins Hlíðar Þór Hreinsson gerði við hann jafntefli.  Sverrir Þorgeirsson var bestur Haukamanna en hann fékk 6½ vinning.

Með Helli í kvöld tefldi ítalski skákmeistarinn Luca Barillaro (2186) en hann skipulagði t.a.m.  hið sögufræga mót í Reggio Emila í fyrra þar sem Björn Þorfinnsson og Jón Viktor Gunnarsson slógu svo eftirminnilega í gegn þegar þeir sigruðu í b-flokki.

Barillaro gaf íslenskri skákhreyfingu skemmtilega gjöf sem nánar verður fjallað um síðar. 

Árangur Hellismanna:

• Jóhann Hjartarson 9½ v. af 10
• Magnús Örn Úlfarsson 6½ v. af 11
• Hjörvar Steinn Grétarsson 5 v. af 6
• Ingvar Þór Jóhannesson 4½ v. af 9
• Róbert Lagerman 4 v. af 5
• Björn Þorfinnsson 3½ v. af 5
• Andri Áss Grétarsson 3½ v. af 5
• Luca Barillaro 3½ v. af 8
• Davíð Ólafsson 2½ v. af 4
• Sigurbjörn J. Björnsson 1½ v. af 2
• Rúnar Berg 0 v. af 2
• Gunnar Björnsson 0 v. af 2
• Vigfús Ó. Vigfússon 0 v. af 2

Árangur Hauka

• Sverrir Þorgeirsson 6½ v. af 12
• Ágúst Sindri Karlsson 5½ v. af 10
• Hlíðar Þór Hreinsson 5½ v,. 12
• Sverrir Örn Björnsson 4½ v. af 11
• Þorvarður F. Ólafsson 3 v. af 10
• Jorge Fonseca 2 v. af 7
• Heimir Ásgeirsson 1 v. af 10

Heimasíða Hellis

Áskorendaflokkur Íslandsmótsins í skák

Áskorendaflokkur Skákþings Íslands fer fram dagana 29. ágúst - 6. september nk.   Mótið fer fram í Hellisheimilinu, Álfabakka 14a.   Efstu tvö sætin gefa föst sæti í Landsliðsflokki að ári. Skráning fer fram á Skák.is.  Upplýsingar um skráða keppendur má nálgast hér. 

Dagskrá:

• Laugardagur               29. ágúst                     kl. 13.00                     1. umferð
• Laugardagur               29. ágúst                     kl. 19.00                     2. umferð
• Sunnudagur                30. ágúst                     kl. 13.00                     3. umferð
• Þriðjudagur                   1. sept.                      kl. 18.00                     4. umferð
• Miðvikudagur               2. sept.                      kl. 18.00                     5. umferð
• Fimmtudagur                3. sept.                      kl. 18.00                     6. umferð
• Laugardagur                 5. sept.                      kl. 11.00                     7. umferð
• Laugardagur                 5. sept.                      kl. 18.00                     8. umferð
• Sunnudagur                  6. sept                       kl. 13.00                     9. umferð

Umhugsunartími:        90 mín. + 30 sek. til að ljúka.

Verðlaun:

• 1.                  50.000.-
• 2.                  30.000.-
• 3.                  20.000.-

 

Aukaverðlaun:

• U-2000 stigum           10.000.-
• U-1600 stigum           10.000.-
• U-16 ára                     10.000.-
• Kvennaverðlaun         10.000.-
• Fl. stigalausra             10.000.-

Aukaverðlaun eru háð því að a.m.k. 5 keppendur séu í hverjum flokki og eingöngu er hægt að vinna til einna aukaverðlauna.  Reiknuð verða stig séu fleiri en einn í efsta sæti.  Stigaverðlaunin miðast við íslensk skákstig.

Þátttökugjöld: 

• 18 ára og eldri            3.000.-
• 17 ára og yngri           2.000.-

Skráning fer fram á Skák.is.  Einnig er hægt að skrá sig í tölvupósti á [e-mail] eða tilkynna í síma 568 9141 virka daga kl. 10-13 í síðasta lagi 26. ágúst 2009. 

Atkvöld hjá Helli

Taflfélagið Hellir heldur atkvöld mánudaginn  24. ágúst 2009 og hefst mótið kl. 20:00. Fyrst eru tefldar 3 hraðskákir þar sem hvor keppandi hefur 5 mínútur til að ljúka skákinni og síðan þrjár atskákir, með tuttugu mínútna umhugsun.

Sigurvegarinn fær í verðlaun pizzu frá Dominos Pizzum. Þá hefur einnig verið tekinn upp sá siður að draga út af handahófi annan keppanda, sem einnig fær pizzu hjá Dominos Pizzum. Þar eiga allir jafna möguleika, án tillits til árangurs á mótinu. Þátttökugjöld eru kr. 300 fyrir félagsmenn (kr. 200 fyrir 15 ára og yngri) og kr. 500 fyrir aðra (kr. 300 fyrir 15 ára og yngri).

Tilvalin upphitun fyrir áskorendaflokk!

Mikael Jóhann sigraði á ágúst-hraðskákmóti SA

Mikael Jóhann Karlsson sigraði á ágúst hraðskákmótinu í gær, fékk 11,5 vinning af 16 mögulegum. Þetta er í fyrsta skipti sem, þessi þrettán ára piltur, Mikael Jóhann, vinnur mót hjá fullorðnum.  

Mikael hefur verið mjög sigursæll á unglingamótum. Keppninn var mjög jöfn nánast allt mótið, og í hálfleik voru Mikael og Tómas Veigar Sigurðarson efstir með 6. vinninga. Þeir höfðu sætaskipti annað slagið og fyrir næst síðustu umferð var Tómas með hálfan vinning forskot, og þeir tefldu saman í þessari umferð sem lauk með sigri Mikael, (drap kóng) en Tómas var með gjörunnið.   

Lokastaðan:

		vinningar
1.	Mikael Jóhann Karlsson	11,5 af 16.
2.	Tómas Veigar Sigurðarson	11
3.	Sigurður Eiríksson	10,5
4.	Sigurður Arnarson	10
5.	Gylfi Þórhallsson	9,5
6.	Jón Kristinn Þorgeirsson	8,5
7.	Smári Ólafsson	5
8.	Sveinbjörn Sigurðsson	4,5
9.	Ari Friðfinnsson	1,5

Næsta mót er "Startmót" (hraðskákmót) sunnudag 6. september, en þá hefst vetrastarf Skákfélags Akureyrar.

		1	2	3	4	5	6	7	8	9	v
1.	Mikael Jóhann	X	1	0	1,5	2	1	2	2	2	11,5
2.	Tómas Veigar	1	X	2	1	0	1	2	2	2	11
3.	Sigurður E.	2	0	X	0	1	2	1,5	2	2	10,5
4.	Sigurður A.	0,5	1	2	X	1	2	1	0,5	2	10
5.	Gylfi	0	2	1	1	X	1	2	2	0,5	9,5
6.	Jón Kristinn	1	1	0	0	1	X	1,5	2	2	8,5
7.	Smári	0	0	0,5	1	0	0,5	X	1	2	5
8.	Sveinbjörn	0	0	0	1,5	0	0	1	X	2	4,5
9.	Ari	0	0	0	0	1,5	0	0	0	X	1,5

TR-ingar sigruðu Fjölnismenn

Reynslumikil skáksveit TR með hinn sjóðheita Guðmund Kjartansson í fararbroddi vann öruggan sigur á Skákdeild Fjölnis í 2. umferð hraðskákkeppninnar. Teflt var í Rimaskóla og skákstjóri var Helgi Árnason frá Fjölni.

TR-ingar náðu góðri forystu strax eftir fyrstu umferðirnar og höfðu yfir í hálfleik 27 - 7. Í síðari hálfleik fengu Fjölnismenn fleiri vinninga og unnu tvær umferðir af sex. Lokastaðan reyndist 48,5 - 23, 5 gestunum frá TR í vil.

Líkt og í fyrri viðureignum vöktu ungu keppendurnir athygli fyrir góða og yfirvegaða taflmennsku, einkum þeir Daði Ómarsson TR og Dagur Andri Friðgeirsson Fjölni. Skáksveit TR er með sigrinum komin í undanúrslitakeppnina.

Frammistaða einstakra skákmanna:

Skákdeild Fjölnis:

• Erlingur Þorsteinsson            7  /  12
• Dagur Andri Friðgeirsson      6,5 / 12
• Guðni Stefán Pétursson         5  /   12
• Hörður Aron Hauksson           4  /   12
• Mikael Luis Gunnlaugsson      1  /   11

TR

• Guðmundur Kjartansson         11 /   12
• Björn Þorsteinsson                    10 /   12
• Daði Ómarsson                           8,5 /  12
• Júlíus L. Friðjónsson                   6,5  /  12
• Kristján Örn Elíasson                  6,5  /  12
• Eiríkur K. Björnsson                        5  /  10
• Óttar Felix Hauksson                      1  /   2

 

Heimasíða Hellis

Sigurður Daði í TR

FIDE-meistarinn, Sigurður Daði Sigfússon (2335) er genginn til liðs við Taflfélag Reykjavíkur úr Taflfélaginu Helli.

 

Bolvíkingar lögðu Eyjamenn

Íslandsmeistararnir í Taflfélagi Bolungarvíkingur unnu öruggan sigur, 45½-26½, í 2. umferð Hraðskákkeppni taflfélaga, sem fram fór í húsakynnum SÍ í gær.  Staðan í hálfleik var 22-14.  Þröstur Þórhallsson og Jón Viktor Gunnarsson stóðu sig best Bolvíkingana en Helgi Ólafsson var langbestur Eyjamanna.

Árangur einstakra skákmanna.

Lið TB:

Þröstur Þórhallsson 10½ v. af 12
Jón Viktor Gunnarsson 10½ v. af 12
Dagur Arngrímsson 8 v. af 12
Stefán Kristjánsson 7½ v. af 12
Magnús Pálmi Örnólfsson 3½ v. af 5
Elvar Guðmundsson 3½ v. af 10
Magnús Sigurjónsson 1½ v. af 5
Guðmundur M. Daðason ½ v. af 2
Halldór Grétar Einarsson 0 v. af 2

Lið TV:

Helgi Ólafsson 9½ v. af 12
Tómas Björnsson 4½ v. af 12
Þorsteinn Þorsteinsson 3½ v. af 12
Björn Ívar Karlsson 3½ v. af 12
Lárus Knútsson 2½ v. af 12
Sævar Bjarnason 2 v. af 9
Einar K. Einarsson 1 v. af 3

Heimasíða Hellis