Barna- og unglingameistaramót T.R. fer fram nk. sunnudag

Barna- og unglingameistaramót T.R sem og Stúlknameistaramót Taflfélags Reykjavíkur fer fram sunnudaginn 15. nóvember í Skákhöllinni Faxafeni 12. Taflið hefst kl.14.

Tefldar verða 7 umferðir eftir Monrad-kerfi með umhugsunartímanum 15 mín. á skák.

Teflt verður í einum flokki. Verðlaun verða veitt fyrir þrjú efstu sætin í mótinu og þar fyrir utan hlýtur efsti T.R.-ingurinn titilinn Unglingameistari T.R. 2009. Þá verða veitt verðlaun fyrir þrjár efstu stúlkurnar og þar fyrir utan hlýtur efsta stúlkan úr T.R. titilinn Stúlknameistari T.R. 2009. Til viðbótar verða veitt verðlaun fyrir þrjú efstu sætin í aldursflokknum 12 ára og yngri. 

Mótið er opið öllum krökkum 15 ára og yngri.  Skráning fer fram á [e-mail] (vinsamlegast gefið upp nafn, fæðingarár og símanúmer) og einnig er hægt að skrá sig á mótsstað sunnudaginn 15. nóv. frá kl. 13.30- 13.45. 

Aðgangur á mótið er ókeypis.

Björn Ívar sigurvegari Haustmóts TV

Björn Ívar Karlsson (2170) sigraði Daða Stein Jónsson (1455) í frestaðri skák úr lokaumferð Haustmóts Taflfélags Vestmannaeyja.  Þar með tryggði Björn Ívar sér sigur á mótinu.

 

Lokastaðan:

Rk.	Name	Rtg	Pts.
1	Karlsson Bjorn Ivar	2170	6,5
2	Unnarsson Sverrir	1875	5,5
3	Sverrisson Nokkvi	1725	5
4	Gudlaugsson Einar	1810	5
5	Gautason Kristofer	1480	4,5
6	Jonsson Dadi Steinn	1455	3,5
7	Palsson Valur Marvin	1275	3,5
8	Gislason Stefan	1670	3,5
9	Eysteinsson Robert A	1250	3,5
10	Hjaltason Karl Gauti	1615	3,5
11	Olafsson Olafur Freyr	1330	3
12	Ellidason Nokkvi Dan	1165	3
13	Long Larus Gardar	1125	3
14	Sigurdsson Johannes T	1315	2,5
15	Magnusson Sigurdur A	1380	1,5
16	Thorkelsson Sigurjon	1885	1
17	Gislason Johann Helgi	1280	1
18	Johannesson David Mar	1330	1

• Heimasíða TV
• Chess-Results

 

Skákseglið – Minningarmót Gríms Ársælssonar

Hafin er ný GrandPrix  4 mótaröð á vegum Riddarans að Strandbergi, Hafnarfirði,  með sama sniði og áður, þar sem 3 bestu mót hvers keppanda telja til stiga.

Mótið er helgað minningu Gríms heitins Ársælssonar, ástríðuskákmanns, sem lést sviplega í fyrra á 69 aldursári.  Um er að ræða árlegt mót með verður á dagskrá í nóvember ár hvert, sem er fæðingar og dánarmánuður hans.

Grímur var lagði stund á skákina allt frá unga aldri milli þess að hann stundaði erfiðisvinnu og sjómennsku, síðast sem trillukarl.    Hann var einn af frumherjum að stofnun Riddarans fyrir 12 árum og forvígis- og umsjónarmaður klúbbsins frá fyrstu tíð til hinsta dags.  Tefldi auk þess með KR og í fleiri skákklúbbum.

Útbúinn hefur verið fallegur farandgripur "SkákSeglið" tileinkaður minningu hins fallna félaga  "Grímzó",  sem var dulnefni hans á Netinu og eins og hann var oft kallaður í góðra  vina hópi, sem skákfélagar hans hafa kostað.  

Teflt er á miðvikudögum kl. 13 -17, 11 umferðir með 10 mínútna umhugsunartíma. Allir velkomnir.

Haustmót Goðans fer fram næstu helgi

Haustmót Goðans 2009 verður haldið helgina 13.-15. nóvember í sal Framsýnar-stéttarfélags að Garðarsbraut 26 á Húsavík.  Tefldar verða 7 umferðir eftir monrad-kerfi, 3 atskákir og 4 kappskákir.

Mótið verður reiknað til Íslenskra skákstiga og Fide-stiga.                                  

Dagskrá:

Föstudagur 13 nóvember    kl 20:30  1-3 umferð.   (atskák 25 mín )
Laugardagur 14 nóvember kl 10:00  4. umferð.     (90 mín +30 sek á leik)
Laugardagur 14 nóvember kl 14:00  5. umferð.       -------------------
Sunnudagur 15 nóvember  kl 10:00  6. umferð.       -------------------
Sunnudagur 15 nóvember  kl 14:00  7. umferð.        ------------------ 

Hugsanlegt er að 5. og 7. umferð hefjist seinna en ráð er fyrir gert, ef einhverjar skákir dragast á langinn úr 4. eða 6. umferð.  Mögulegt verður að fresta skák í 5. umferð til kvöldsins.  Mögulegt verður að flýta skák úr 6. umferð þannig, að hún verði tefld kvöldið áður.

Frestun og/eða flýting á skák er þó háð samþykkis andstæðings og skákstjóra!

Skákum í öðrum umferðum verður ekki hægt að fresta eða flýta. 

Verðlaun verða með hefðbundnu sniði. 3 efstu í fullorðins flokki og 3 efstu í 16 ára og yngri.

Farandbikar fyrir sigurvegarann.

Sérstök gestaverðlaun verða fyrir utanfélagsmenn. Um er að ræða lambalæri í boði Norðlenska á Húsavík.

 
Þátttökugjald er 2000 krónur fyrir fullorna, 2500 fyrir utanfélagsmenn og 1000 krónur fyrir 16 ára og yngri.  

Gunnar Björnsson forseti Skáksambands Íslands verður skákstjóri á mótinu. 

Skráning í mótið er hjá Hermanni, hér: [e-mail]  og í síma 4643187 og 8213187.
Æskilegt er að áhugasamir skrái sig til leiks sem fyrst og eigi síðar en hálftíma fyrir mót.  Húsið tekur um 30 keppendur. Stjórn hvetur sem flesta félagsmenn til að taka þátt í mótinu.

Eftirtaldir hafa þegar tilkynnt þátttöku.

Erlingur Þorsteinsson         Sighvatur Karlsson        Valur Heiðar Einarsson
Sindri Guðjónsson            Ármann Olgeirsson         Ævar Ákason
Jakob Sævar Sigurðsson   Hermann Aðalsteinsson  Hallur Birkir Reynisson 
Smári Sigurðsson              Sigurbjörn Ásmundsson  Snorri Hallgrímsson 

• Heimasíða Goðans
• Chess-Results

Atskákmót öðlinga

Atskákmót öðlinga, 40 ára og eldri, hefst miðvikudaginn 18.nóvember nk. í félagsheimili TR, Faxafeni 12, kl. 19:30.   Tefldar verða 9 umferðir eftir svissneska kerfinu, þrjár skákir á kvöldi með umhugsunartímanum 25 mínútur á hvorn keppenda. 

Mótinu er svo framhaldið miðvikudagana 25. nóvember og 2. desember á sama tíma. 

Veitt eru verðlaun fyrir þrjú efstu sætin.  Heitt á könnunni!!

Þátttökugjald er kr  1.500 kr.

Núverandi atskákmeistari öðlinga er Gunnar Björnsson.

Skráning og upplýsingar veitir Ólafur S. Ásgrímsson í síma 895-5860 eða í netfangið [e-mail]

Atskákmeistaramót SSON

Næstkomandi miðvikudag hinn 11.nóv hefst Atskákmeistaramót SSON, tefldar verða 25 mínútna skákir allir við alla.  Nú hafa þegar 9 skráð sig til leiks, opið er fyrir skráningu fram að fyrstu umferð sem hefst kl. 19:30 á miðvikudag.  Hægt er að skrá sig með athugasemd hér á síðunni eða með því að hafa samband við Magnús Matthíasson í síma 691 2254.

Mótið tekur 3 miðvikudaga, frá og með 11.nóv.

Sigurvegari mótsins verður krýndur Atskákmeistari SSON 2009.

 Mótið reiknast til íslenskra atskákstiga.

TORG-mót Fjölnis

Skákdeild Fjölnis stendur fyrir sínu árlega TORG skákmóti á Foldatorgi í Grafarvogi laugardaginn 14. nóvember.

Skákmótið hefst kl. 11.00 og því lýkur kl. 13.00. Að þessu sinni er TORG skákmót Fjölnis hluti af mikilli Torghátíð fyrirtækjanna í verslunarmiðstöðinni við Hverafold.

Frábærir vinningar eru í boði sem fyrirtækin á Foldatorgi; Nýja Kaupþing, Bókabúðin, Höfuðlausnir, Runni Stúdíblóm og Smíðabær gefa til mótsins. Pizzan gefur pítsur í happadrættisvinninga og NETTÓ býður öllum þátttakendum upp á veitingar í skákhléi. Þrír efstu þátttakendur mótsins fá verðlaunabikara til eignar. Alls eru vinningar um 20 talsins. Tefldar verða sex umferðir og tímamörk eru 7 mínútur. Verðlaunaafhending verður strax að loknu skákmóti. Þátttaka er ókeypis öllum krökkum á grunnskólaaldri. Að móti loknu verða jólasveinar, blöðrufólkið, spákona og veltibíll mætt á svæðið í tilefni Torghátíðarinnar í Grafarvogi.Þátttökuskráning á staðnum og eru keppendur beðnir um að mæta tímanlega til skráningar.

Skákþáttur Morgunblaðsins: Vinsælasti meistarinn

Þegar Mikhael Botvinnik tók til við að tefla aftur skák sem farið hafði í bið í afar erfiðri stöðu í einu af heimsmeistaraeinvígjunum sem hann háði á sjötta áratug síðustu aldar tóku glöggir menn eftir því að hinn úr hófi fram vanafasti heimsmeistari...

Þegar Mikhael Botvinnik tók til við að tefla aftur skák sem farið hafði í bið í afar erfiðri stöðu í einu af heimsmeistaraeinvígjunum sem hann háði á sjötta áratug síðustu aldar tóku glöggir menn eftir því að hinn úr hófi fram vanafasti heimsmeistari var ekki með kaffibrúsann með sér. Slíkt var algjör nýlunda. Fáir vissu að þetta var gildra. Með því að skilja kaffibrúsann eftir vildi Botvinnik gefa þau skilaboð til mótstöðumanns síns Vasilís Smyslovs að staðan væri svo gjörsamlega vonlaus að ekki tæki því að taka kaffibrúsann með. Botvinnik vonaðist til þess að Smyslov myndi fyllast falskri öryggiskennd en hann hafði eftir margra klukkutíma rannsóknir á biðstöðunni fengið hugmynd að hreint ævintýralegri björgunarleið.

1987: Skammt var liðið á 17. einvígisskák Karpovs og Kasparovs og sá fyrrnefndi var á leið út af sviðinu í Lope de Vega-leikhúsinu í Sevilla inn í hvíldarherbergi sitt. Kasparov flýtti sér að leika; hann grunaði Karpov, sem átti erfitt með að muna langar leikjaraðir, um að geyma minnismiða í axlapúðum jakkans sem hann íklæddist. En Karpov fór samt inn í hvíldarherbergið.

Tortryggni og leynimakk og ýmis óhrein meðul voru alla tíð fylgifiskar sovéska skákskólans. En þegar Mikhael Tal kom fram á sjónarsviðið varð einhvern veginn léttara yfir mönnum. Sennilega hefur enginn skákmaður notið viðlíkra vinsælda og Tal. Leikgleði hans og hugdirfska bylti skákheiminum á sínum tíma; Tal kvaðst aldrei hafa verið gefinn fyrir flókna útreikninga við skákborðið heldur fylgdi hann innsæi og tilfinningu fyrir gildi frumkvæðis. Tal kom hingað til lands við ýmis tækifæri og var ávallt aufúsugestur. Hann féll frá 55 ára gamall árið 1992.

Sterkasta mót ársins, sem hófst í Moskvu sl. fimmtudag, er helgað minningu töframannsins frá Riga eins og Tal var jafnan kallaður. Þar eru samankomnir tíu af tólf stigahæstu skákmönnum heims, heimsmeistarinn Anand er meðal þátttakenda en stigahæsti keppandinn er Magnús Carlsen sem á dögunum rauf 2.800 stiga múrinn.

Töfluröðin er þessi: 1. Magnús Carlsen. 2. Alexander Morosevich. 3. Boris Gelfand. 4. Levon Aronjan. 5. Vasilí Ivantsjúk. 6. Wisvanathan Anand. 7. Peter Svidler 8. Ruslan Ponomariov. 9. Peter Leko. 10. Vladimir Kramnik.

Í þessu þétt skipaða móti verður skemmtilegt að fylgjast með hinum unga Magnúsi Carlssyni sem nýtur liðsinnis Kasparovs. Í fyrstu umferð lauk öllum skákunum með jafntefli en sú bitastæðasta var viðureign Magnúsar við Kramnik sem átti vinningsmöguleika undir lokin eftir miklar sviptingar í byrjun og miðtafli:

Magnús Carlsen - Vladimir Kramnik

Nimzoindversk vörn

1. d4 Rf6 2. c4 e6 3. Rc3 Bb4 4. Dc2 0-0 5. a3 Bxc3 6. Dxc3 d5 7. cxd5 Re4 8. Dc2 exd5 9. Bf4 Rc6 10. e3 He8 11. Rf3 g5 12. Bg3 g4 13. Re5 Rxe5 14. Bxe5 c5 15. Bd3 Bf5 16. De2 f6 17. Bxe4 Bxe4 18. Bg3 Da5+ 19. Dd2 Dxd2+ 20. Kxd2 c4 21. f3 gxf3 22. gxf3 Bg6 23. h4 Bh5 24. Ke2 He6 25. Be1 Kf7 26. Kf2 Hae8 27. Bd2 Hb6 28. Bc3 Hb3 29. a4 b6 30. Hhe1 Bg6 31. e4 dxe4

(Sjá Stöðumynd)

32. d5 a6 33. fxe4 Bxe4 34. d6 f5 35. Hg1 Ke6 36. Hg7 Kxd6 37. Hxh7 Bd3 38. Kf3 He4 39. h5 Hh4 40. Hg1 Be4+ 41. Ke3 Hh3+ 42. Kf4 Hf3+ 43. Kg5 b5 44. axb5 axb5 45. Kf6 Hbxc3 46. bxc3 Hxc3 47. Hg8 Hh3 48. Hc8 c3 49. Hhc7 c2 50. Kg5 Hh2 51. Hc3 Ke6 52. He8+ Kf7 53. Hb8 Hg2+ 54. Kf4 Ke6 55. He8+ Kd7 56. Hb8 Ke6 57. He8+ Kf6 58. Hf8 Ke6

- Jafntefli.

Að loknu minningarmótinu fer fram heimsmeistarakeppni í hraðskák.

Helgi Ólafsson [e-mail]

• Skákþættir Morgunblaðsins

 

Hrannar gerði jafntefli í sjöttu umferð í Osló

Hrannar Baldursson (2110) gerði jafntefli við norska skákmanninn Tari Aryan (1929) í sjöttu og næstsíðustu umferð meistaramóts skákklúbbsins í Osló sem fram fór nýlega.  Hrannar hefur 2½ vinning og er í 8.-9. sæti.  

Sjöunda og síðasta umferð fer ekki fram fyrr en 26. nóvember nk.  

Alls taka 14 skákmenn þátt í a-flokki og þar á meðal stórmeistararnir Leif Erlend Johannessen (2532) og Leif Ögaard (2417).  Hrannar er áttundi stigahæstur keppenda.

• Heimasíða mótsins
  
• TurneringsService

Hjörvar Steinn unglingameistari Íslands

Hjörvar Steinn Grétarsson (2358) varð í dag unglingameistari Íslands í skák, annað árið í röð.  Hjörvar og Hallgerður Helga Þorsteinsdóttir (1943) komu jöfn í mark en  Hjörvar hafði betur í einvígi þeirra á millum 2-0.  Helgi Brynjarsson (1964) kom þriðji í mark með 5,5 vinning.

Lengi leit út fyrir öruggan sigur Hjörvars á mótinu en hann hafði sigrað í sex fyrstu skákunum.  Helgi, sem hafði byrjað illa, lagði svo Hjörvar í lokaumferðinni og þar með náði Hallgerður Hjörvar að vinningum. 

Vigfús Ó. Vigfússon var skákstjóri á mótinu sem fram fór í umsjón Taflfélagsins Hellis. 

Lokastaðan:

 

 

Rk.	Name	RtgI	RtgN	Club/City	Pts.	Rp
1	Gretarsson Hjorvar Steinn	2358	2335	Hellir	6	2048
2	Thorsteinsdottir Hallgerdur	1943	1880	Hellir	6	1945
3	Brynjarsson Helgi	1964	1970	Hellir	5,5	1820
4	Kristinardottir Elsa Maria	1715	1720	Hellir	5	1762
5	Kjartansson Dagur	1449	1440	Hellir	5	1574
6	Andrason Pall	1573	1590	TR	4,5	1837
7	Johannsdottir Johanna Bjorg	1711	1720	Hellir	4,5	1588
8	Lee Gudmundur Kristinn	1499	1465	Hellir	4,5	1565
9	Fridgeirsson Dagur Andri	1776	1695	Fjölnir	4	1594
10	Hauksdottir Hrund	1622	1465	Fjölnir	4	1549
11	Steingrimsson Brynjar	1437	1185	Hellir	4	1630
12	Sigurdarson Emil	1609	1515	Hellir	4	1385
13	Johannesson Kristofer Joel	0	0	Fjölnir	4	1376
14	Sverrisson Nokkvi	1767	1725	TV	3,5	1672
15	Johannesson Oliver Aron	0	0	Fjölnir	3,5	1578
16	Jonsson Robert Leo	0	0	Hellir	3,5	1460
17	Hauksson Hordur Aron	1741	1705	Fjölnir	3,5	1281
18	Fridgeirsson Hilmar Freyr	0	1220	Fjölnir	3	1407
19	Finnbogadottir Hulda Run	0	1165	UMSB	3	1320
20	Johannsson Johann Bernhard	0	0	Hellir	3	1329
21	Kolka Dawid	0	0	Hellir	3	1181
22	Kristjansson Throstur Smari	0	0	Hellir	2,5	1119
23	Gudmundsson Johannes	0	0	Hellir	2,5	1299
24	Johannsdottir Hildur Berglind	0	0	Hellir	2,5	1091
25	Marelsson Magni	0	0	Haukar	2,5	1135
26	Ragnarsson Heimir Páll	0	0	Hellir	2	1271
27	Magnusdotir Veronika	0	0	TR	2	1022
28	Brynjolfsson Sigurdur Aegir	0	0		2	1051
29	Kjartansson Sigurdur	0	0	Hellir	2	1181

 

• Heimasíða Hellis
• Chess-Results
• Myndaalbúm mótsins