Ól í skák - Fararstjórapistill nr. 1

Ritstjóri stefnir á daglega pistla frá Ólympíuskákmótin og ferðalaginu í kringum það.  Ferðalagið hófst í dag og því miður bar strax til tíðinda.  Davíð Ólafsson, liðsstjóri kvennaliðsins, þurfti að persónulegum ástæðum að draga sig úr hópnum með skömmum fyrirvara.  Hlutverk Davíðs mun væntanlega lenda á mér og Helga.  

Lagt var snemma af stað í morgun, mæting upp í 4:45 upp í SÍ.  Flogið var til Kaupmannahafnar og þaðan til Munchen.  Seinkun var á flugi til Kaupmannahafnar sem þýddi að aðeins klukkutími var á milli fluga sem þýddi að menn þurftu að vera býsna sprettharðir á milli hliða.  Það gekk upp þó tæpt væri.  

Við gistum á hóteli í úthverfi Munchen.  Í kvöld borðaði hópurinn saman á veitingastað sem bauð upp á ekta þýskan mat.  Á morgun verður flogið til Khanty um 17:30 á þýskum tíma.   Væntanlega förum við snemma á flugvöllinn og notum örugglega tækifærið til að horfa á stórleik Liverpool og Manjú.  Hjörvar hefur harðan skráp og ætti að þola stríðnina.  

Til Khanty er um 5,5 tíma flug og munum við lenda þar um miðja nótt en tímamismunur á milli Munchen og Khanty er 3 tímar, samtals fimm tímar miðað við Ísland.  Hvað okkur bíður þar verður spennandi að sjá.  Verður hótelið tilbúið?

Bendi á skemmtilega niðurtalningu á Chessdom en þar kemur m.a. fram að Pútín verður viðstaddur setninguna og að Norðmenn hafa með sér sérkokk. 

Nóg í bili, meira síðar.

Gunnar Björnsson

Hellismenn sigruðu í Hraðskákkeppni taflfélaga

Taflfélagið Hellir sigraði Taflfélag Reykjavíkur örugglega í úrslitum Hraðskákkeppni taffélaga með 47½ gegn 24½ og nældu sér þar með í sinn sjöunda titil í þessari keppni. Grunninn að sigrinum lögðu Hellismenn í fyrri hlutanum þar sem þeir unnu allar viðureignir og það flestar stórt þannig að staðan í hálfleik var 27½-8½ fyrir Helli.

Hellismenn voru hins vegar varla búnir að kyngja veitingunum í Faxafeni þegar TR var búið að vinna sjöundu umferð 5-1. Hellismenn héldu síðan áfram þar sem frá var horfið í fyrri hlutanum þótt seinni hlutinn hafi verið mun jafnari en fyrri hlutinn.

Hannes Hlífar Stefánsson, Hjörvar Steinn Grétarsson og Sigurbjörn Björnsson skorðu best Hellismönnum. Hjá TR voru Guðmundur Kjartansson og Arnar Gunnarsson drýgstir og munaði mest um það fyrir TR þegar Guðmundur komst í gang í seinni hlutanum.

Einstaklingsárangur:

Hellir:

• Hannes Hlífar Stefánsson 10½ v. af 12
• Hjörvar Steinn Grétarsson 9½ v. af 12
• Sigurbjörn J. Björnsson 9 v. af 12
• Magnús Örn Úlfarsson 7½ v. af 12
• Róbert Lagerman 4½ v. af 11
• Davíð Ólafsson 3½v. af 6
• Andri Áss Grétarsson 1 v. af 3
• Gunnar Björnsson 1 v. af 2
• Vigfús Óðinn Vigfússon 1 v. af 1

TR:

• Guðmundur Kjartansson 8 v. af 12
• Arnar Gunnarsson 6½ v. af 12
• Snorri Bergsson 2½ v. af 11
• Daði Ómarsson 3½ v. af 12
• Hrafn Loftsson 1½ v. af 6
• Benedikt Jónasson 1½ v. af 10
• Júlíus Friðjónsson 1 v. af 3
• Eiríkur Björnsson  0 v. af 1
• Björn Jónsson 0v. af 2
• Ríkharður Sveinsson 0v. af 3

Henrik vann í lokaumferðinni

Stórmeistarinn Henrik Danielsen (2528) vann danska FIDE-meistarann Mads Andersen (2382) í níundu og síðustu umferð Xtracon-mótsins sem fram fór í dag.  Henrik hlaut 6 vinninga og endaði í 7.-11. sæti.  Henri tapar um 16 stigum fyrir frammistöðu sína.  

Sigurvegarar mótsins voru stórmeistararnir Yuri Drozdovskij (2608), Úkraínu, og Normunds Miezis (2518), Lettlandi, en þeir hlutu 7 vinninga. 

76 skákmenn tóku þátt í þessu alþjóðlega skákmóti og þar af 8 stórmeistarar.  Henrik var fjórði stigahæsti keppandinn en stigaæstur var Úkraíninn Drozdovskij (2624).

Heimasíða mótsins

 

Henrik vann í áttundu umferð

Stórmeistarinn Henrik Danielsen (2528) vann danska skákmanninn  Thomas Larsen (2076) í áttundu og næstsíðstu umferð Xtracon-mótsins, sem fram fór í dag.  Henrik hefur 5 vininga og erí 11.-22. sæti.

Efstir með 6½ vinning eru úkraínski stórmeistarinn Yuri Drozdovskij (2608), og sænski alþjóðlegi meistarinn Hans Tikkanen (2507).  Lettneski stórmeistarinn Normunds Miezis (2518) og sænski stórmeistarinn Tiger Hillarp-Perssson (2517) koma næstir með 6 vinninga. 

Í lokaumferðinni sem fram fer í fyrramálið, teflir Henrik við danska FIDE-meistarann Mads Andersen (2382).

76 skákmenn taka þátt í þessu alþjóðlega skákmóti og þar af 8 stórmeistarar.  Henrik er fjórði stigahæsti keppandinn en stigaæstur er Úkraíninn Drozdovskij (2624).

Heimasíða mótsins

 

NM grunnskólasveita: Jafntefli gegn Svíum

Ritstjórinn var vart búinn að skrá úrslit í 2. umerð NM barnaskólasveita að úrslitin í 3. umferð bárust.  Íslenska liðið gerði þá 2-2 jafntefli við sveit Svía.  Guðmundur Kristinn Lee vann, Eiríkur Örn Brynjarsson og Birkir Karl Sigurðsson gerðu jafntefli en Páll Andrason tapaði á fyrsta borði.   Sveitin er í 2. sæti með 7 vinninga en Norðmenn eru langefstir með 11 vinninga.  Ísland mætir Finnum og Danmörku II á morgun.   

Staðan:

• 1. Noregur 11 v.
• 2. Salaskóli 7 v.
• 3. Finnland 6½ v.
• 4.-5. Danmörk II og Danmörk I  4 v.
• 6. Svíþjóð 3½ v.

Lið Salaskóla:

1. Páll Andrason (1665) 1 v. af 3
2. Eiríkur Örn Brynjarsson (1585) 2 v. af 3
3. Guðmundur Kristinn Lee (1575) 2 v. af 3
4. Birkir Karl Sigurðsson (1440) 2 v. af 3
5. Ómar Yamak (1000)

Liðsstjóri strákanna er Tómas Rasmus.

Danir hafa sett upp virkilega góða heimasíðu fyrir mótið þar sem þegar má finna úrslit, myndir og skákir, meðal annars.  

• Heimasíða mótsins
• Myndaalbúm (Tómas Rasmus og heimasíða mótsins

Henrik tapaði í sjöundu umferð

Stórmeistarinn Henrik Danielsen (2528) tapaði fyrir dönsku skákkonunni Oksana Vovk (2157), sem er alþjóðlegur meistari kvenna, í sjöundu umferð  Xtracon-mótsins, sem fram fór í morgun.  Henrik hefur 4 vinninga og er í 21.-34. sæti. 

Efstir með 6 vinninga eru úkraínski stórmeistarinn Yuri Drozdovskij (2608), og sænski alþjóðlegi meistarinn Hans Tikkanen (2507).  Lettneski stórmeistarinn Normunds Miezis (2518) er þriðji með 5½ vinning.

Í áttundu og næstsíðustu umferð, sem nú er í gangi, teflir Henrik við Danann Thomas Larsen (2076).  

76 skákmenn taka þátt í þessu alþjóðlega skákmóti og þar af 8 stórmeistarar.  Henrik er fjórði stigahæsti keppandinn en stigaæstur er Úkraíninn Drozdovskij (2624).

Heimasíða mótsins

 

Henrik með jafntefli í sjöttu umferð

Stórmeistarinn Henrik Danielsen (2528) gerði jafntefli við Danann Jacko Sylva (2238) í sjöttu umferð Xtracon-mótsins sem fram fór í dag.  Henrik hefur 4 vinninga og er í 9.-18. sæti.  Tvær umferðir fara fram á morgun.  Í þeirri fyrri teflir Henrik við dönsku skákonuna Oksana Vovk (2157), sem er alþjóðlegur meistari kvenna.

Efstir með 5 vinninga eru stórmeistararnir Yuri Drozdovskij (2608), Úkraínu, og Kaido Külaots (2592), Eistlandi, og sænski alþjóðlegi meistarainn Hans Tikkanen (2507). 

Skákin Henriks og Vovk verður væntanlega sýnd beint í fyrramálið á heimasíðu mótsins en umferðin hefst kl. 8.    

76 skákmenn taka þátt í þessu alþjóðlega skákmóti og þar af 8 stórmeistarar.  Henrik er fjórði stigahæsti keppandinn en stigaæstur er Úkraíninn Drozdovskij (2624).

Heimasíða mótsins

 

Henrik vann í fjórðu umferð

Stórmeistarinn Henrik Danielsen (2528) vann Danann Jesper Ham Larsen (2004) í fjórðu umferð Xtracon-mótsins, sem fram fór í dag.  Henrik hefur 2,5 vinning og er í 16-31. sæti.  Hlé er nú á mótinu fram á fimmtudag en þá teflir Henrik við Danann Lars Wilton (2136).

Efstir með 3,5 vinning eru stórmeistararnir Normunds Miezis (2518), Lettlandi, Yuri Drozdovskij (2608), Úkraínu, Sarunas Sulkis (2544), Litháen, Kaido Külaots (2592), Eistlandi, og Carsten Høi (2419), Danmörku. 

76 skákmenn taka þátt í þessu alþjóðlega skákmóti og þar af 8 stórmeistarar.  Henrik er fjórði stigahæsti keppandinn en stigaæstur er Úkraíninn Drozdovskij (2624).

Heimasíða mótsins

 

Henrik með 1,5 vinning eftir 3 umferðir

Stórmeistarinn Henrik Danielsen (2528) fékk 1 vinning í tveimur umferðum Xtracon-mótsins sem fram voru í gær.  Henrik tapaði fyrir danska FIDE-meistaranum Rasmus Skytte (2400) í 2. umferð og vann Danann Bernhard Bintzik (1932) í 3. umferð.  Í 4. umferð, sem fram fer í dag, teflir Henrik við Jesper Ham Larsen (2004)

Henrik hefur 1,5 vinning.  Efstir með fullt hús eru stórmeistararnir Yuri Drozdovskij (2608), Úkraínu, Normunds Miezis (2518), Lettlandi, og sænski alþjóðlegi meistarinn Hans Tikkanen (2507).

76 skákmenn taka þátt í þessu alþjóðlega skákmóti og þar af 8 stórmeistarar.  Henrik er fjórði stigahæsti keppandinn en stigaæstur er Úkraíninn Drozdovskij (2624).

Heimasíða mótsins

 

Stórsigur gegn Noregi II

Skáksveit Rimaskóla vann stórsigur, 4-0, á Noregi II í 3. umferð NM barnaskólasveita sem fram fór í Osló í dag.  Dagur Ragnarsson, Oliver Aron Jóhannesson, Jón Trausti Harðarson og Kristinn Andri Kristinsson unnu allir.  Rimaskóli er efstur með 10 vinninga, 2 vinningum á Dönum ein þessar tvær sveitir virðast vera langbestar.   Í 4. umferð, sem fram fer í fyrramálið tefla Rimskælingar við Noreg I

Staðan:

• 1. Rimaskóli 10 v.
• 2. Danmörk 8 v.
• 3.-4.  Noregur I og Svíþjóð 5½ v.
• 5. Noregur II 4½ v.
• 6. Finnland 2½ v.

Sveit Rimaskóla skipa:

• 1. Dagur Ragnarsson 1 v. af 3
• 2. Oliver Aron Jóhannesson 3 v. af3
• 3. Jón Trausti Harðarson 3 v. af 3
• 4. Kristófer Jóel Jóhannesson 1 v. af 1
• 5. Kristinn Andri Kristinsson 2 v. af 2

Liðsstjóri er Hjörvar Steinn Grétarsson en fararstjóri er Helgi Árnason, skólastjóri.

• Heimasíða mótsins
• Myndaalbúm mótsins (myndir fengnar af heimasíðu mótsins)
• Tournament Services