Skák.is

Færsluflokkur: Íslendingar erlendis

4.9.2010 | 07:13

Henrik með jafntefli í fyrstu umferð í Borup

Stórmeistarinn Henrik Danielsen (2528) gerði jafntefli við úkraínsku skálkkonuna Natalia Zdebskaja (2390) í fyrstu umferð Xtracon-mótsins sem hófst í Borup í gær. Í 2. umferð, sem fram fer í dag, teflir Henrik við danska alþjóðlega meistarann Rasmus Skytte (2400). Tvær umferðir eru tefldar í dag.

76 skákmenn taka þátt í þessu alþjóðlega skákmóti og þar af 8 stórmeistarar. Henrik er fjórði stigahæsti keppandinn en stigaæstur er Úkraíninn Drozdovskij (2624).

Heimasíða mótsins

Íslendingar erlendis | Slóð | Facebook | Athugasemdir (0)

3.9.2010 | 19:26

NM barnaskólasveita: Sigur gegn sveit Svía í fyrstu umferð

Skáksveit Rimaskóla sigraði sænsku sveitina 3-1 í fyrstu umferð NM barnaskólasveita sem fram fór í Osló í dag. Bræðurnir Oliver Aron og Kristófer Jóel Jóhannessynir og Jón Trausti Harðarson unnu allir en Dagur Ragnarsson tapaði á fyrsta borði. Sigur Jón Trausta var mjög tæpur en hann mátaði andstæðinginn rétt áður en féll.

Danir unnu Finna 4-0 en norsku sveitirnar gerðu jafntefli í innbyrðis viðureign. Sveit Rimaskóla teflir við dönsku sveitina í fyrramálið.

Sveit Rimaskóla skipa:

1. Dagur Ragnarsson
2. Oliver Aron Jóhannesson
3. Jón Trausti Harðarson
4. Kristófer Jóel Jóhannesson
5. Kristinn Andri Kristinsson

Liðsstjóri er Hjörvar Steinn Grétarsson en fararstjóri er Helgi Árnason, skólastjóri.

Heimasíða mótsins

Íslendingar erlendis | Slóð | Facebook | Athugasemdir (0)

16.8.2010 | 22:20

Daði með jafntelfi í lokaumferðinni - hækkar um 22 skákstig

Daði Ómarsson (2150) gerði jafntefli við rússneska alþjóðlega meistarann Ruslan Kashanov (2319) í níundu og síðustu umferð AM-flokks First Saturday-mótsins sem fram fór í dag. Daði hlaut 4,5 vinning og endaði í 4.-7. sæti.

Frammistaða Daða var góð og samsvaraði 2274 skákstigum. Daði hækkar um heil 22 skákstig fyrir frammistöðu sína.

Allar skákir Daða frá mótinu fylgja fréttinni.

Alls tefldu 10 skákmenn í flokki Daða og tefldu þeir allir við alla. Meðalstig voru 2261 skákstig og til að ná áfanga að alþjóðlegum meistaratitli þurfti 7 vinninga. Daði var næststigalægstur keppenda.

Heimasíða mótsins

Íslendingar erlendis | Slóð | Facebook | Athugasemdir (0)

15.8.2010 | 21:16

Daði með jafntefli í áttundu umferð í Búdapest

Daði Ómarsson (2150) gerði jafntefli við Rússann Pavel Martynov (2190) í áttundu og næstsíðustu umferð First Saturday-mótsins sem fram fór í dag. Daði hefur 4 vinninga og er í 4.-7. sæti. Í lokaumferðinni sem fram fer á morgun teflir Daði við rússneska alþjóðlega meistarann Ruslan Kashanov (2319). Rússinn er langefstur, með sex vinninga, og hefur þegar tryggt sér sigur á mótinu

Skákir Daða úr 1.-6. umferð fylgja með fréttinni.

Alls tefla 10 skákmenn í flokki Daða og tefla þeir allir við alla. Meðalstig eru 2261 skákstig og til að ná áfanga að alþjóðlegum meistaratitli þarf 7 vinninga. Daði er næststigalægstur keppenda.

Heimasíða mótsins

Íslendingar erlendis | Breytt s.d. kl. 21:17 | Slóð | Facebook | Athugasemdir (0)

14.8.2010 | 22:51

Daði tapaði í sjöundu umferð í Búdpest

Daði Ómarsson (2150) tapaði fyrir Ungverjanum Zombor Erdelyi (2336) í sjöundu umferð First Saturday-mótsins sem fram fór í dag. Daði hefur 3,5 vinning og er í 4.-6. sæti. Í áttundu og næstsíðustu umferð, sem fram á morgun, teflir Daði við Rússann Pavel Martynov (2190)

Rússneski alþjóðlegi meistarinn Ruslan Kashanov (2319) er efstur með 5 vinninga.

Heimasíða mótsins

Íslendingar erlendis | Breytt s.d. kl. 22:56 | Slóð | Facebook | Athugasemdir (0)

13.8.2010 | 21:38

Daði vann alþjóðlegan meistara í Búdapest - er í 2.-4. sæti

Daði Ómarsson (2150) vann ungverska alþjóðlega meistarann Emil Szalanczy (2272) í sjöttu umferð First Saturday-mótsins, sem fram fór í dag. Daði hefur 3,5 vinning og er í 2.-4. sæti.

Rússneski alþjóðlegi meistarinn Ruslan Kashanov (2319) er efstur með 4 vinninga.

Skákir Daða úr 1.-5. umferð fylgja með fréttinni.

Heimasíða mótsins

Íslendingar erlendis | Slóð | Facebook | Athugasemdir (0)

10.8.2010 | 21:48

Daði tapaði í fjórðu umferð

Daði Ómarsson (2150) tapaði fyrir ungverska alþjóðlega meistaranum Sandor Farago (2243) í fjórðu umferð First Saturday-mótsins sem fram fór í dag. Daði hefur 1½ vinning og er í 7.-8. sæti.

Í 5. umferð sem fram fer á morgun teflir Daði við Víetnamann Tuan Minh Tran (2244).

Heimasíða mótsins

Íslendingar erlendis | Breytt s.d. kl. 21:51 | Slóð | Facebook | Athugasemdir (0)

9.8.2010 | 23:38

Lenka með jafntefli og er í 3.-8. sæti

Lenka Ptácníková (2262) gerði jafntefli við tékkneska FIDE-meistarann Jan Juptner (2283) í sjöttu umferð opins flokks skákhátíðinnar í Olomouc sem fram fór í dag. Lenka hefur 5 vinninga og er í 3.-8. sæti. Smári Rafn Teitsson sigraði í sinni skák,vi hefur 3½ vinning og er í 49.-80. sæti

Í sjöundu umferð, sem fram fer á morgun, teflir Lenka ð stigahæsta mann mótsins, tékkneska alþjóðlega meistarann Stepan Zilka (2493).

Tvær skákir með Lenku eru aðgengilegar á vefnum og fylgja þær með.

Alls taka 192 skákmenn þátt í opnum flokki skákhátíðirnar í Olomouc í Tékklandi. Þar á meðal er einn stórmeistari kvenna (Lenka) og 11 alþjóðlegir meistarar. Lenka er nr. 23 í stigaröð keppenda en Smári er nr. 63.

Íslendingar erlendis | Breytt 10.8.2010 kl. 09:25 | Slóð | Facebook | Athugasemdir (0)

9.8.2010 | 23:25

Daði tapaði í þriðju umferð

Daði Ómarsson (2150) tapaði fyrir ísraelska alþjóðlega meistaranum Boris Maryasin (2339) í þriðju umferð First Saturday-mótsins sem fram fór í dag. Daði hefur 1½ vinning og er í 4.-7. sæti.

Í 4. umferð sem fram fer á morgun teflir Daði við ungverska alþjóðlega meistarann Sandor Farago (2243).

Heimasíða mótsins

Íslendingar erlendis | Breytt s.d. kl. 23:32 | Slóð | Facebook | Athugasemdir (0)

9.8.2010 | 11:51

Skákþáttur Morgunblaðsins: Henrik vann minningarmótið um Heini Olsen

Samskipti Íslendinga og Færeyinga á skáksviðinu hafa verið mikil allar götur frá fyrstu landskeppni þjóðanna sem haldin var árið 1975 en þar tefldi Friðrik Ólafsson á 1. borði fyrir Íslands hönd. Eftir það var keppnin gerð að föstum lið og hafa norðlenskir skákmenn haldið uppi merki Íslands á þeim vettvangi. Færeyingar hafa í gegnum tíðina eignast marga ágæta skákmenn og á síðasta Ólympíumóti í Dresden varð sveit þeirra fyrir ofan þá íslensku.

Miklir aufúsugestir jafnan á Reykjavíkurskákmótunum og einn þeirra, Heini Olsen, í miklum metum. En í vor bárust vinum hans þau hörmulegu tíðindi að Heini Olsen úr Klakksvík hefði látist af slysförum. Þeir minntust hans á dögunum með veglegu minningarmóti sem haldið var í Klakksvík. Héðan fór vel samsettur hópur: Róbert Harðarson tefldi í opna flokknum ásamt nokkrum félagsmönnum í Ósk, skákfélagi kvenna, en þar er Róbert þjálfari. Hann hlaut 7 vinninga af níu mögulegum, Saga Kjartansdóttir varð efst þeirra stallsystra hlaut 5 vinninga, Ásrún Bjarnadóttir, Þorbjörg Sigfúsdóttir og Guðný Erla Guðnadóttir hlutu 4 vinninga, Stefanía R. Ragnarsdóttir 3 vinninga, Eyrún Bjarnadóttir 2 vinninga og Þrúða Sif Einarsdóttir og Halla Norðfjörð Guðmundsdóttir hlutu ½ vinning hvor. Meðal gesta á mótinu var fyrrverandi heimsmeistari, Anatoly Karpov, sem hefur boðið sig fram gegn sitjandi forseta FIDE, Kirsan Ilyumzinhov, og var ferð hans til Færeyja hluti af kosningabaráttu hans. Karpov tók eina „bröndótta" við Sögu Kjartansdóttur, formann Óskar, og hafði betur.

Í efsta flokki sem var í 6. styrkleikaflokki varð Henrik Danielsen efstur ásamt enska stórmeistaranum Gawain Jones en þeir hlutu báðir 7 vinninga af níu mögulegum en árangur Henriks reiknast upp á 2596 elo-stig. Í 3. sæti varð Helgi Dam Ziska með 6 vinninga. Bitastæðasti sigur Henriks var í uppgjöri hans við helsta keppinautinn. Í skákinni sem hér fer á eftir virðist Henrik eiga undir högg að sækja og Englendingurinn teflir eins og sá sem valdið hefur. En ekki er allt sem sýnist; lengi vel bíður Henrik eftir heppilegu tækifæri til að skipta upp á biskupum og þegar það næst gildir einu þó hvítur eigi peði meira, upp er komin vonlaus staða þar sem riddarinn er mun sterkari en biskupinn. Svartur tínir síðan upp hvert peðið á fætur öðru.

Gawain Jones -Henrik Danielssen

Pirc vörn

1. e4 d6 2. d4 Rf6 3. Rc3 Bg7 4. f4 Rf6 5. Rf3 O-O 6. Bd3 Rca6 7. O-O c5 8. d5 Bg4 9. Bc4 Rc7 10. h3 Bxf3 11. Dxf3 a5 12. a4 b6 13.Dd3 e6 14. Hb1 exd5 15. exd5 He8 16. Bd2 De7 17. Hbe1 Dd7 18. f5 Hxe1 19. Bxe1 g5 20. b4 cxb4 21. Re4 b5 22. axb5 axb5 23. Bb3 Rxe4 24. Dxe4 Re8 25. De3 h6 26. Bxb4 Rf6 27. Bc3 He8 28. Dd3 Da7+ 29. Bd4 Da5 30. c3 b4 31. c4 Ha8 32. Dc2 Dd8 33. Db2 De7 34. Bc2 Hb8 35. Ba4 Kh7 36. Bc6 Bh8 37. Da1 b3 38. He1 Dd8 39. da7 Kg8 40. Hb1 Bg7 41. Da3 Re4 42. Bxg7 Kxg7 43. Hxb3 Hxb3 44. Dxb3 Df6

45. Df3 Dd4+ 46. Kh2 Dxc4 47. De3 Rf6 48. Dd2 De4 49. g4 De5+ 50. Kg2 Re4 51. De2 Kf6 52. Kf3 Rc3 53. Dd2 De4+ 54. Kf2 Dc4 55. Db2 Ke5 56. Be8 f6 57. Bf7 Da2 58. Dxa2 Rxa2 59. Kg3 Rc3 60. h4 Rxd5 61. hxg5 hxg5 62. Kf3 Kd4 63. Be8 Rb4 64. Bf7 Rd3 65. Be6 Re5+ 66. Kg3 d5 67. Bg8 Ke4 68. Be6 d4 69. Bb3 Ke3