Guðmundur tapaði í fyrstu umferð

FIDE-meistarinn Guðmundur Kjartansson (2365) tapaði fyrir serbneska stórmeistaranum Zlatko Ilincic (2555) í fyrstu umferð First Saturdays-mótsins sem fram fór í Búdapest í dag.

Guðmundur teflir í SM-flokki og er stigalægstur keppenda.  Meðalstigin eru 2448 og til að ná áfanga að alþjóðlegum meistaratitli þarf Guðmundur 5,5 vinning í 11 skákum.  

First Saturday-mótið

Hjörvar Steinn, Friðrik Þjálfi og Oliver Aron unnu

Hjörvar Steinn Grétarsson, Friðrik Þjálfi Stefánsson og Oliver Aron Jóhannesson unnu allir í fjórðu umferð Norðurlandamótsins í skólaskák sem fram fór í gær í Þórshöfn í Færeyjum.  Sverrir Þorgeirsson og Nökkvi Sverrisson gerðu jafntefli en aðrir töpuðu.   Friðrik Þjálfi hefur 3 vinninga og Hjörvar og Oliver hafa 2½ vinning en aðrir minna.

Ú rslit 3. umferðar:

A-flokkur (U-20)
Bo.	Name	Result	Name
2	Blomqvist Erik	1 - 0	Kristjánsson Atli F.
4	Torgeirsson Sverrir	½ - ½	Petersen-Lund Rasmus
B-flokkur (U-16)
Bo.	Name	Result	Name
1	Magnússon Patrekur M.	0 - 1	Grandelius Nils
4	Hansen Mads	0 - 1	Grétarsson Hjørvar Steinn
C-flokkur (U-14)
Bo.	Name	Result	Name
2	Lange David	½ - ½	Sverrisson Nøkkvi
3	Seegert Kristian	1 - 0	Friðgeirsson Dagur Andri
D-flokkur (U-12)
Bo.	Name	Result	Name
2	Kjøita Torgeir	0 - 1	Stefánsson Friðrik T.
4	Ebeling Daniel	½ - ½	Sigurðarson Emil
E-flokkur (U-10)
Bo.	Name	Result	Name
3	Nordin David	1 - 0	Torgeirsson Jón Kristinn
4	Joensen Tór Kristian	0 - 1	Jóhannesson Oliver Aron

Staða íslensku skákmannanna:

A-flokkur:

4.-9. Atli Freyr 2 v.
10. Sverrir 1½ v.

B-flokkur:

4. Hjörvar Steinn 2½ v.
5.-8. Patrekur Maron 2 v.

C-flokkur:

2.-5. Nökkvi 2½ v.
6.-7. Dagur Andri 2 v,

D-flokkur:

3.  Frið Friðrik Þjálfi 3 v.
4.-8. Emil 2 v.

E-flokkur: 

3.-6. Oliver Aron 2½ v.
7.-8. Jón Kristinn 2 v.

Landakeppnin:

1. Noregur 24½ v.
2. Svíþjóð 23½ v.
3. Ísland 22 v.
4. Finnland 19½ v.
5. Danmörk 18 v.
6. Færeyjar 12½ v.

 

• Heimasíða mótsins
• Skákirnar í beinni

 

Tinna Kristín og Sigríður Björg í 2. og 3. sæti á Noregsmóti stúlkna

Stúlknameistaramótinu í skák er lokið en það var haldið í Frosta í Noregi dagana 6.- 8. febrúar.  Þeim Tinnu Kristínu Finnbogadóttur og Sigríði Björgu Helgadóttir var boðið að  tefla í elsta flokki og þær stóðu sig mjög vel á mótinu. Tinna Kristín varð í 2. sæti með 4 vinninga af 6 og Sigríður Björg í 3. sæti með 3,5 vinninga.

Í næstsíðustu umferðinni unnu þær báðar sína andstæðinga og gerðu svo innbyrðis jafntefli í síðustu umferðinni. Það var Katarine Tjölsen sem varð Noregsmeistari þriðja árið í röð. Hún vann allar sínar skakir nokkuð örugglega.

Noregsmót stúlkna

Guðmundur gerði jafntefli við stórmeistara og endaði í 3.-13. sæti

FIDE-meistarinn Guðmundur Kjartansson (2365) gerði jafntefli við tékkneska stórmeistarann Marek Vokac (2454) í níundu og síðustu umferð Prag sem fram fór í dag.  Guðmundur hlaut 6½ vinning og endaði í 3.-13. sæti.

Sigurvegarar mótsins með sjö vinninga voru búlgarski stórmeistarinn Miko Popchev (2444) og tékkneski alþjóðlegi meistarinn Stepan Zilka (2471). 

Frammistaða Guðmundar samsvaraði 2392 skákstigum og hækkar hann um 8 stig fyrir frammistöðu sína.  Guðmundur nálgast því óðfluga 2400 stiga múrinn en hann hækkaði um 15 stig á Hastings-mótinu.  Helsta vandamál Guðmundar virðist vera önnur umferð en bæði í Hastings og Prag tapaði hann fyrir mun stigalægri andstæðingum í þeirri umferð.

Alls tóku 116 manns þátt í mótinu og þar af 5 stórmeistarar og 16 alþjóðlegir meistarar.  Guðmundur var sextándi stigahæsti keppandinn.

• Heimasíða mótsins
• Chess-Results

Guðmundur gerði jafntefli við stórmeistara í Prag og er í 2.-9. sæti

FIDE-meistarinn Guðmundur Kjartansson (2365) gerði jafntefli við pólska stórmeistarann Miroslav Grabarczyk (2477).  Guðmundur hefur 6 vinninga og er í 2.-9. sæti.

Efstur er tékkneski alþjóðlegi meistarinn Stepan Zilka (2471) með 6½ vinning.

Í níundu og síðustu umferð, sem fram fer í fyrramálið, teflir Guðmundur við tékkneska stórmeistarann Marek Vokac (2454),

Alls taka 116 manns þátt í mótinu og þar af 5 stórmeistarar og 16 alþjóðlegir meistarar.  Guðmundur er sextándi stigahæsti keppandinn.

• Heimasíða mótsins
• Chess-Results

Guðmundur vann í fjórðu umferð

FIDE-meistarinn Guðmundur Kjartansson (2365) sigraði tékkneska skákmanninn Zdenek Holeksa (2175) í fjórðu umferð Prag Open, sem fram fór í Tékklandi í dag.  Guðmundur hefur 3 vinninga og er í 9.-27. sæti.

Pólski stórmeistarinn Miroslaw Grabarczyk (2477) er efstur með fullt hús.  

Á morgun fara fram tvær umferðir.  Í fyrri umferð dagsins, sem fram fer í fyrramálið, teflir Guðmundur við Frakkann Clement Houriez (2261).

Alls taka 116 manns þátt í mótinu og þar af 5 stórmeistarar og 16 alþjóðlegir meistarar.  Guðmundur er sextándi stigahæsti keppandinn.

• Heimasíða mótsins
• Chess-Results

Austfirðingar lögðu Goðverja

Skáksveit Skáksambands Austurlands lagði Skáksveit Goðans í atskákkeppni sem fram fór á hótel Reykjahlíð í Mývatnssveit í dag.  SAUST-menn fengu 18 vinninga en Goðinn aðeins 7 vinninga.  Keppnin fór þannig fram að félögin stilltu upp 5 manna liði og allir tefldu eina skák við alla úr liði andstæðinganna. Tefldar voru skákir með 25 mín á mann.

Albert Ó Geirsson og Sverrir Gestsson fóru hamförum í liði SAUST og fengu 4,5 vinninga hvor.
Magnús Valgeirsson krækti í 4 vinninga, Viðar Jónsson landaði 3 vinningum og Guðmundur Ingvi Jóhannsson fékk 2 vinninga.

Í liði heimamanna (Goðans) stóð Baldvin þ Jóhannesson sig vel og fékk 2,5 vinninga, en aðrir fengu færri vinninga og áttu almennt séð slæman dag.

Segja má að nú hafi SAUST menn náð fram hefndum gegn Goðanum því hingað til hafa skáksveitir Goðans unnið Austfirðinga. 

Nánar um viðureignina sem og myndir frá henni má finna á heimasíðu Goðans.

Guðmundur sigraði í þriðju umferð í Prag

FIDE-meistarinn Guðmundur Kjartansson (2365) sigraði kanadíska skákmanninn Stephan Fairbarn (2068) í þriðju umferð Prag Open, sem fram í dag í Tékklandi.  Guðmundur hefur 2 vinninga og er í 18.-50. sæti.

Í fjórðu umferð, sem fram fer á morgun, teflir Guðmundur við tékkneska skákmanninn Zdenek Holeksa (2175).

Alls taka 116 manns þátt í mótinu og þar af 5 stórmeistarar og 16 alþjóðlegir meistarar.  Guðmundur er sextándi stigahæsti keppandinn.

• Heimasíða mótsins
• Chess-Results

Guðmundur tapaði í 2. umferð

FIDE-meistarinn Guðmundur Kjartansson (2365) tapaði fyrir Svíanum Mladen Gajic (2182) í 2. umferð Prag Open sem fram fór í Tékklandi í dag.  Guðmundur hefur 1 vinning.  Í 3. umferð, sem fram fer á morgun, teflir Guðmundur við kanadíska skákmanninn Stephan Fairbarn (2068).   

Alls taka 116 manns þátt í mótinu og þar af 5 stórmeistarar og 16 alþjóðlegir meistarar.  Guðmundur er sextándi stigahæsti keppandinn.

• Heimasíða mótsins
• Chess-Results

Guðmundur vann í fyrstu umferð í Prag

FIDE-meistarinn Guðmundur Kjartansson (2365) vann tékkneska skákmanninn Martin Bilek (2011) í fyrstu umferð Prag Open sem fram fór í dag.  Í 2. umferð, sem fram fer á morgun, teflir Guðmundur við Svíann Mladen Gajic (2182).

Alls taka 116 manns þátt í mótinu og þar af 5 stórmeistarar og 16 alþjóðlegir meistarar.  Guðmundur er sextándi stigahæsti keppandinn.

• Heimasíða mótsins
• Chess-Results