Björn vann í sjöttu umferð

Alþjóðlegi meistarinn, Björn Þorfinnsson (2422), sigraði Þjóðverjann Andre Matzat (2041) í sjöttu umferð Portu Mannu-mótsins, sem fram fór í gær í Sardinínu í Ítalíu.   Hjörvar Steinn Grétarsson (2287) gerði jafntefli við Englendinginn Terry P D Chapman (2232).   Björn hefur 4 vinninga og er í 14-32. sæti en Hjörvar hefur 3 vinninga og er í 71.-114. sæti. Ítalski alþjóðlegi meistarinn Daniele Vocaturo (2480) er efstur með 5 vinninga.

í sjöundu umferð, sem fram fer í dag, teflir Björn við Ítalann Enrico Danieli (2125) en Hjörvar við Ítalann Paolo Carola (1891).  Ritstjóri spáir þeim góðu gengi!

Alls taka 178 skákmenn þátt í mótinu og þar af 12 stórmeistarar.  

Heimasíða mótsins

 

Hjörvar og Björn töpuðu í fjórðu umferð

2Björn Þorfinnsson (2422) og Hjörvar Steinn Grétarsson (2287) töpuðu báðir í fjórðu umferð Portu Mannu-mótsins, sem fram fór í morgun í Sardinínu á Ítalíu.   Hjörvar fyrir svissneska stórmeistarann Yannick Pelletier (2559) og Björn fyrir ítalska FIDE-meistarann Andrea Drei (2278).  Báðir hafa þeir  2 vinninga.  32 skákmenn af alls 178 eru efstir með 3 vinninga sem er með ólíkindum.

Í fimmtu umferð, sem fram fer síðar í dag, teflir Björn við Þjóðverjann Erwin Hein (2180) en Hjörvar við Ítalann Fabrizo Vita (2084).

Alls taka 178 skákmenn þátt í mótinu og þar af 12 stórmeistarar.  

Heimasíða mótsins

 

Hjörvar í beinni

Skák Hjörvars Steins Grétarssonar (2287) gegn svissneska stórmeistarann Yannick Pelletier (2559) á alþjóðlega skákmótinu í Portu Mannu í Sardinínu er nú sýnd beint á vefsíðu mótsins.

Alls taka 178 skákmenn þátt í mótinu og þar af 12 stórmeistarar.  

• Heimasíða mótsins
• Skákirnar í beinni

 

Björn og Hjörvar sigruðu í þriðju umferð

Björn Þorfinnsson (2422) og Hjörvar Steinn Grétarsson (2287) sigruðu báðir í sínum skákum í 3 umferð alþjóðlega mótsins Portu Mannu í Sardinínu í Ítalíu í dag Þeir hafa báðir 2 vinning, hafa alls fengið 4 vinninga í 5 skákum.

Björn vann ítalska skákmeistarann (þýðing á CM-titlinum!) Matteo Zoldan (2200) og Hjörvar Ítalann Marco Buratti (2037).

Í fjórðu umferð, sem fram fer á morgun, teflir Hjörvar við svissneska stórmeistarann Yannick Pelletier (2559) og Björn við ítalska FIDE-meistarann Andrea Drei (2278).

Alls taka 178 skákmenn þátt í mótinu og þar af 12 stórmeistarar.  

Heimasíða mótsins

 

Hjörvar tapaði í fyrstu umferð

Hjörvar Steinn Grétarsson (2287) tapaði fyrir argentínska stórmeistaranum Damian Leomos (2512) í fyrstu umferð alþjóðlega mótsins í Portu Mannu í Sardiníu sem hófst í dag.  Björn Þorfinnsson (2422) sat yfir í fyrstu umferð þar sem hann missti af flugi.   

Í 2. umferð, sem fram fer á morgun, teflir Björn við Skotann Matthew Peat (2075) en Hjörvar við Spánverjann Joan Valbona Domingo (1993).

Alls taka 178 skákmenn þátt í mótinu og þar af 12 stórmeistarar.  

Heimasíða mótsins

 

Henrik endaði í 3.-6. sæti

Stórmeistarinn Henrik Danielsen (2482) endaði í 3.-6. sæti á Copenhagen Chess Challange sem lauk í Köben í dag.  Henrik gerði jafntefli við sænska stórmeistarann Stellan Brynell (2463) í lokaumferðinni.  Brynell og landi hans Daniel Semcesen (2387), sem er FIDE-meistari, urðu efstir og jafnir með 7 vinninga. 

Jafnir í 3.-6. sæti urðu stórmeistararnir Krasimir Rusev (2498), Úkraínu, Mikhail Ivanov (2470), Rússlandi og Miroslaw Grabarczyk (2469), Póllandi, og sænski alþjóðlegi meistarinn Nils Grandelius (2491).

Heimasíða mótsins

Henrik í 2.-6. sæti fyrir lokaumferðina

Stórmeistarinn Henrik Danielsen (2482) vann danska FIDE-meistarann Andreas Skytte Hagen (2278) í áttundu og næstsíðustu umferð Copenhagen Chess Challenge, sem fram fór í morgun.  Henrik er í 2.-6. sæti með 6 vinninga.  Sænski stórmeistarinn Stellan Brynell (2463) er efstur með 6,5 vinning.  Henrik teflir við Brynell í lokaumferðinni og er skákin nú í gangi og hægt að fylgjast með henni beint hér.

Heimasíða mótsins

Henrik í 3.-12. sæti í Kaupmannahöfn

Stórmeistarinn Henrik Danielsen (2482) er í 3.-11. sæti með 5 vinninga að loknum sjö umferðum á Copenhagen Chess Cahallenge sem nú er í gangi í Kaupmannahöfn.

Efstur með 6 vinninga er danski alþjóðlegi meistarinn Allan Stig Rasmussen (2501) og annar er sænski stórmeistarinn Stellan Brynell (2463).

Mótinu lýkur í dag með tveimur umferðum.  Í áttundu umferð, sem nú er í gangi, teflir Henrik við danska FIDE-meistarann Andreas Skytte Hagen (2278).

Heimasíða mótsins

Henrik gerði jafntefli í síðustu umferð

Stórmeistarinn, Henrik Danielsen (2482), gerði jafntefli, í mikilli langlokuskák, við danska FIDE-meistarann Stefan Christensen (2313) í elleftu og síðustu umferð Scandinavian Open, sem fram fór í dag í Kaupmannahöfn.  Björn Þorfinnsson (2422) tapaði fyrir pólska stórmeistaranum Miroslaw Grabarczyk (2469).  Henrik hlaut 5,5 vinning og hafnaði í 10.-12. sæti en Björn fékk 5 vinninga og hafnaði í 13.-16. sæti.  Báðir lækka þeir á stigum.

Sigurvegarar mótsins voru úkraínski stórmeistarinn Yuri Drozdovskij (2603) og Þýski alþjóðlegi meistarinn Thorsten Michael Haub (2448) en þeir hlutu 8,5 vinning og höfðu mikla yfirburði.  Í 3.-4. sæti með 6,5 vinning urðu Grabarczyk og danski stórmeistarinn Carsten Höi (2387). 

Heimasíða mótsins

Björn vann í 10. umferð

Alþjóðlegi meistarinn Björn Þorfinnsson (2422) sigraði danska FIDE-meistarann Stefan Christensen (2313) í 10. og næstsíðustu umferð Scandinavian Open, sem fram fór í dag.  Henrik Danielsen (2482) gerði jafntefli við  bosníska FIDE-meistarann Jasmin Bejtovic (2306).  Báðir hafa þeir 5 vinninga og eru í 10.-14. sæti.

Þýski alþjóðlegi meistarinn Thorsten Michael Haub (2448) er efstur með 8 vinninga, úkraínski stórmeistarinn Yuri Drozdovskij (2603) er annar með 7,5 vinning. 

Lokaumferðin fer fram á morgun.   

Heimasíða mótsins