Guðmundur með fimmta jafnteflið í röð

FIDE-meistarinn Guðmundur Kjartansson (2388) gerði jafntefli við portúgalska stórmeistarann Luis Galego (2454) í áttundu og næstsíðustu umferð Big Slicks-mótsins, sem fram fór í Lundúnum í dag.  Guðmundur hefur 2,5 vinning og er níundi.  

Rússneski stórmeistarinn Alexander Cherniav (2423) er efstur með 6 vinninga.  Annar er enski stórmeistarinn Keith Arkell (2517) með 5,5 vinning.  Í 3.-4. sæti með 5 vinninga, eru Galego og Rússinn Alexei Slavin (2308).

Í lokaumferðinni, sem fram fer á morgun, teflir Guðmundur við enska skákmanninn og stigalægsta keppanda mótsins, Peter S Poobalasingam (2240).

Alls taka 10 skákmenn þátt í efsta flokki og tefla þeir allir við alla.  Til að ná áfanga að stórmeistaraáfanga þarf 7 vinninga en til að ná áfanga að alþjóðlegum meistaratitli þarf 5,5 vinning.

Heimasíða mótsins

Guðmundur með jafntefli í fjórðu umferð

FIDE-meistarinn Guðmundur Kjartansson (2388) gerði jafntefli við enska FIDE-meistarann Robert Eames (2312) í fjórðu umferð Big Slick-mótsins, sem fram fór í dag, í London.  Guðmundur hefur hálfan vinning.  Í fimmtu umferð, sem fram fer á morgun, teflir Guðmundur við Rússann Alexei Slavin (2308). 

Efstir með 3 vinninga eru enski stórmeistarinn Keith Arkell (2517), rússneski stórmeistarinn Alexmder Cherniav (2423) og andstæðingur Guðmundur á morgun, áðurnefndur Slavin. 

Úrslit 4. umferðar:

Cherniaev 1/2 Arkell
Eames 1/2 Kjartansson
Slavin 1-0 Rudd
Gormally 1/2 Poobalasingam
Ansell 1/2 Galego

Alls taka 10 skákmenn þátt í efsta flokki og tefla þeir allir við alla.  Til að ná áfanga að stórmeistaraáfanga þarf 7 vinninga en til að ná áfanga að alþjóðlegum meistaratitli þarf 5,5 vinning.

Heimasíða mótsins

Guðmundur tapaði í þriðju umferð í London

FIDE-meistarinn Guðmundur Kjartansson (2388) tapaði fyrir enska stórmeistaranum Keith Arkell (2517), sem jafnframt er stigahæsti keppandi mótsins, í þriðju umferð Big Slick-skákmótsins sem fram fór í London í gær.  Guðmundur er enn ekki kominn á blað.  

Efstir með 2,5 eru Arkell og rússneski stórmeistarinn, Alexander Cherniav (2423).

Úrslit 3. umferðar:

Ansell 0-1 Cherniaev
Galego 1/2 Gormally
Poobalasingam 1/2 Slavin
Rudd 1-0 Eames
Kjartansson 0-1 Arkell

Alls taka 10 skákmenn þátt í efsta flokki og tefla þeir allir við alla.  Til að ná áfanga að stórmeistaraáfanga þarf 7 vinninga en til að ná áfanga að alþjóðlegum meistaratitli þarf 5,5 vinning.

Heimasíða mótsins

Guðmundur tapaði í 2. umferð í London

FIDE-meistarinn Guðmundur Kjartansson (2388) tapaði fyrir rússneska alþjóðlega meistaranum Alexander Cherniev (2423) í 2. umferð Blig Slick Chess-mótsins, sem fram fór í London í gær.  Guðmundur er enn ekki kominn á blað.   

Í þriðju umferð, sem fram fer í dag, teflir Guðmundur við enska stórmeistarann Keith Arkell (2517), sem er stigahæstur keppenda.

Efstir með 1,5 vinning eru Cherniev, landi hans Alexei Slavin (2308), Arkell og portúgalski stórmeistarinn Luis Galego (2454)

 

Úrslit 1. umferðar:

Gormally 1/2 Cherniaev
Ansell 0 -1 Slavin
Galego 1 – 0 Eames
Poobalasingam 1/2 Arkell
Rudd 1-0 Kjartansson

Úrslit 2. umferðar:

Cherniaev 1-0 Kjartansson
Arkell 1-0 Rudd
Eames 1/2 Poobalasingam
Slavin 1/2 Galego
Gormally 0-1 Ansell

Alls taka 10 skákmenn þátt í efsta flokki og tefla þeir allir við alla.  Til að ná áfanga að stórmeistaraáfanga þarf 7 vinninga en til að ná áfanga að alþjóðlegum meistaratitli þarf 5,5 vinning.

Heimasíða mótsins

Guðmundur tapaði í fyrstu umferð á stóra sleipa skákmótinu

FIDE-meistarinn Guðmundur Kjartansson (2388) tapaði fyrir enska alþjóðlega meistaranum Jack Rudd (2357) í fyrstu umferð stóra sleipa skákmótsins (Big Slick Chess) sem fram fór í dag í London en teflt mun vera í spilavíti.  Í 2. umferð, sem fram fer á morgun, teflir Guðmundur við rússneska alþjóðlega meistarann Alexander Cherniev (2423).

Alls taka 10 skákmenn þátt í efsta flokki og tefla þeir allir við alla.  Til að ná áfanga að stórmeistaraáfanga þarf 7 vinninga en til að ná áfanga að alþjóðlegum meistaratitli þarf 5,5 vinning.

Heimasíða mótsins

 

 

Bragi tapaði í lokaumferðinni

Alþjóðlegi meistarinn Bragi Þorfinnsson (2383) tapaði fyrir Norðmanninum Nicolai Getz (2191) í níundu og síðustu umferð minningarmótsins um Svein Johannessen sem fram fór í Osló í dag.  Bragi hlaut 5 vinninga og hafnaði í 17.-27 sæti.   Bragi lækkar um 16 stig fyrir frammistöðu sína á mótinu.

Norski stórmeistarinn Jon Ludvig Hammer (2582) vann öruggan sigur á mótinu en hann hlaut 8 vinninga.  Í 2.-4. sæti urðu Norðmennirnir Frode Olav Olsen Urkedal (2321), sem er FIDE-meistari, og Hallvard V Ådnøy (2316) og enski stórmeistarinn Mark L Hebden (2510) en þeir hlutu allir 6½ vinning.   

Heimasíða mótsins

 

Bragi sigraði í sjöundu umferð

Alþjóðlegi meistarinn Bragi Þorfinnsson (2383) vann norska FIDE-meistarann Trond Gabrielsen (2300) í sjöundu umferð minningarmótsins um Svein Johannessen sem fram fór í Osló í dag.  Bragi hefur 5 vinninga og er í 4.-8. sæti.  

Í áttundu og næstsíðustu umferð, sem fram fer í fyrramálið og verður væntanlega sýnd beint á vefsíðu mótsins, teflir Bragi við Norðmanninn Hallvard V Ådnøy (2299).

Efstir með 6 vinninga eru Norðmennirnir Jon Ludvig Hammer (2582), stórmeistari, og Frode Olav Olsen Urkedal (2321).  Þriðji með 5½ vinning er áðurnefndur Ådnøy.

Tilvalið er fyrir árrisula að horfa á skák Braga þar sem hún hefst kl. 7 í fyrramálið.

 Heimasíða mótsins

 

Bragi með jafntefli í fjórðu umferð

Alþjóðlegi meistarinn Bragi Þorfinnsson (2383) gerði jafntefli við hinn unga og efnilega Dana Mads Andersen (2244) í sjöttu umferð minningarmótsins um Svein Johannessen sem fram fór í dag.  Bragi hefur 4 vinninga og er í 8.-14. sæti.  

Í sjöundu umferð, sem nú er í gangi, teflir hann við norska FIDE-meistarann Trond Gabrielsen (2300)

Efstir með 5 vinninga eru danski alþjóðlegi meistarinn Nikolaj Mikkelsen (2394), norsku stórmeistararnir Leif Ögaard (2392) og Jon Ludvig Hammer (2582) og norski FIDE-meistarinn Frode Olav Olsen Urkedal (2321).

Heimasíða mótsins

 

 

Bragi með 3½ vinning eftir 5 umferðir í Osló

Alþjóðlegi meistarinn Bragi Þorfinnsson (2383) hefur 3½ vinning að loknum fimm umferð á minningarmóti um Svein Johannessen sem fram fer í Osló.  

Bragi hefur teflt við Norðmenn í öllum umferðum.  Hann sigraði 3 skákmenn á stigabilinu 1966-2191, gerði jafntefli við Daniel Jakobsen Kovachev (2256) og tapaði loks fyrir stórmeistaranum Jon Ludvig Hammer (2566) í fimmtu umferð.

Í sjöttu umferð, sem fram fer í fyrramálið, teflir hann við Danann Mads Andersen (2244).

Norski stórmeistarinn Leif Øgaard (2403) er efstur með fullt hús.

Heimasíða mótsins

 

 

Guðmundur gerði jafntefli í níundu umferð

FIDE-meistarinn Guðmundur Kjartansson (2388) gerði jafntefli við ungverska alþjóðlega meistarann Pal Petran (2361) í níundu og næstsíðustu umferð AM-flokks First Saturday-mótsins sem fram fór í kvöld í Búdapest.  Guðmundur hefur 6½ vinning og þarf sigur í lokaumferðinni, sem fram fer á morgun, til að tryggja sér lokaáfangann að alþjóðlegum meistaratitli en þá teflir hann við austurríska skákmanninn Florian Potz (2231).

Í AM-flokknum, sem Guðmundur teflir í, taka 6 skákmenn þátt og tefld er tvöföld umferð.   Meðalstig eru 2281 skákstig og til að ná áfanga þarf 7,5 vinning í 10 skákum.

Heimasíða mótsins