Hannes tapaði í fimmtu umferð

Stórmeistarinn Hannes Hlífar Stefánsson (2580) tapaði fyrir spænska alþjóðlega meistarann Diego Guerra Bastida (2410) í fimmtu umferð opna skákmótsins í Malaga á Spáni.  Hannes hefur 3 vinninga og er í 24.-44. sæti. 

Í sjöttu umferð, sem fram fer á morgun, teflir Hannes við spænska FIDE-meistarann Juan Carlos Pardo Perez (2280).  

Efstir með 4,5 vinning er alþjóðlegi meistarinn Jerez Jose Carlos Ibarra (2511) og stórmeistararnir Oleg Korneev (2600), Rússlandi, og Dragan Paunovic (2519), Serbíu.

Alls taka 104 skákmenn í mótinu og þar af 13 stórmeistarar og 8 alþjóðlegir meistarar.  Hannes er þriðji stigahæstur keppenda. 

• Heimasíða mótsins
• Chess-Results

Enn sigrar Guðmundur indverskan stórmeistara og er efstur!

FIDE-meistarinn Guðmundur Kjartansson (2356) vann enn á ný indverskan stórmeistara á skoska meistaramótinu en í fjórðu umferð  vann hann Magesh Chandran Panchanath (2493).  Guðmundur er einn efstur á mótinu með fullt hús vinninga!

Ekki liggur fyrir við hvern Guðmundur teflir í fimmtu umferð á morgun en hann mun tefla á fyrsta borði og verður skákin sýnd beint á vefsíðu mótsins og hefst kl. 13.   

Guðmundur er 13. stigahæsti keppandi á mótinu en alls tefla 88 skákmenn í efsta flokki.  Meðal annarra keppenda má nefna skosku stórmeistarana Jonathan Rowson (2591), Kati Arakhamia-Grant (2506), Paul Motwani (2503), Colin McNab (2474) og John Shaw (2462).  Alls taka 10 stórmeistarar þátt, 1 alþjóðlegur meistari og 8 FIDE-meistarar.

• Heimasíða mótsins
• Skákirnar í beinni

Hannes með 3 vinninga eftir fjórar umferðir í Malaga

Stórmeistarinn Hannes Hlífar Stefánsson (2580) er í 7.-24. sæti á opnu skákmóti í Malaga með 3 vinninga af 4 mögulegum.    Í fimmtu umferð, sem fram fer í dag, teflir Hannes við spænska alþjóðlega meistarann Diego Guerra Bastida (2410).

Efstur með fullt hús er serbneski stórmeistarinn Dragan Paunovic (2519).

Árangur Hannesar:

 

Rd.		Name	Rtg	FED	Res.
1		Flores Chico Jorge	2054	ESP	s 1
2	FM	Garrido Dominguez Jesus	2301	ESP	w 1
3	IM	Cuenca Jimenez Jose Fernando	2418	ESP	s 1
4	GM	Paunovic Dragan	2519	SRB	w 0
5	IM	Guerra Bastida Diego	2410	ESP	s

Alls taka 104 skákmenn í mótinu og þar af 13 stórmeistarar og 8 alþjóðlegir meistarar.  Hannes er þriðji stigahæstur keppenda. 

• Heimasíða mótsins
• Chess-Results

Guðmundur sigraði stórmeistara í þriðju umferð í Edinborg!

FIDE-meistarinn Guðmundur Kjartansson (2356) sigraði indverska stórmeistarann S. Arun Prasad (2556) í þriðju umferð skoska meistaramótsins í skák sem fram fór í Edinborg í dag.  Þriðji sigur Guðmundar, í jafnmörgum skákum, og er hann nú í 1.-2. sæti á mótinu.

Aron Ingi Óskarsson tapaði fyrir Skotanum Ian McDonald (1545) og er enn ekki kominn á blað.

Í fjórðu umferð, sem fram fer á morgun, teflir Guðmundur við annan indverska stórmeistara, að þessu sinni Magesh Chandran Panchanath (2493).  Skákin verður sýnd beint og hefst kl. 13.   

Guðmundur er 13. stigahæsti keppandi á mótinu en alls tefla 88 skákmenn í efsta flokki.  Meðal annarra keppenda má nefna skosku stórmeistarana Jonathan Rowson (2591), Kati Arakhamia-Grant (2506), Paul Motwani (2503), Colin McNab (2474) og John Shaw (2462).  Alls taka 10 stórmeistarar þátt, 1 alþjóðlegur meistari og 8 FIDE-meistarar.

• Heimasíða mótsins
• Skákirnar í beinni

Guðmundur vann í 2. umferð á skoska meistaramótinu

FIDE-meistarinn Guðmundur Kjartansson (2356) vann Skotann Graeme Kafka (2077) í 2. umferð skoska meistaramótsins í skák sem fram fór í dag Edinborg.  Guðmundur hefur 2 vinninga og er í 1.-8. sæti.  Aron Ingi Óskarsson tapaði fyrir Englendingnum Dominic Food (2069) og er enn ekki kominn á blað.

Ekki liggur fyrir pörun þriðju umferðar sem fram fer á morgun.  Sú skák ætti að sýnd beint og hefst kl. 13.   

Guðmundur er 13. stigahæsti keppandi á mótinu en alls tefla 88 skákmenn í efsta flokki.  Meðal annarra keppenda má nefna skosku stórmeistarana Jonathan Rowson (2591), Kati Arakhamia-Grant (2506), Paul Motwani (2503), Colin McNab (2474) og John Shaw (2462).  Alls taka 10 stórmeistarar þátt, 1 alþjóðlegur meistari og 8 FIDE-meistarar.

• Heimasíða mótsins
• Skákirnar í beinni

Hannes vann í fyrstu umferð

Stórmeistarinn Hannes Hlífar Stefánsson (2580) sigraði Spánverjann Jorge Flores Chico (2054) í fyrstu umferð opins skákmóts í Malaga á Spáni sem hófst í dag.  Í 2. umferð, sem fram fer á morgun, teflir Hannes við spænska FIDE-meistarann Jesus Garrido Dominguez (2301).  Tvær umferðir verða tefldar á morgun.

Alls taka 104 skákmenn í mótinu og þar af 13 stórmeistarar og 8 alþjóðlegir meistarar.  Hannes er þriðji stigahæstur keppenda.

• Heimasíða mótsins
• Chess-Results

Guðmundur sigraði í fyrstu umferð í Skotlandi

FIDE-meistarinn Guðmundur Kjartansson (2356) sigraði Þjóðverjann Fan Zhang (2088) í fyrstu umferð Skoska meistaramótsins í skák sem hófst í dag í Edinborg í Skotlandi.  Í 2. umferð, sem fram fer á morgun, teflir Guðmundur við Skotann Graeme Kafka (2077) og verður skákin væntanlega sýnd beint á vefnum en hún hefst kl. 13.   

Guðmundur er 13. stigahæsti keppandi á mótinu en alls tefla 88 skákmenn í efsta flokki.  Meðal annarra keppenda má nefna skosku stórmeistarana Jonathan Rowson (2591), Kati Arakhamia-Grant (2506), Paul Motwani (2503), Colin McNab (2474) og John Shaw (2462).  Alls taka 10 stórmeistarar þátt, 1 alþjóðlegur meistari og 8 FIDE-meistarar.

• Heimasíða mótsins
• Skákirnar í beinni

Guðmundur fjallar um Big Slick-mótið

Guðmundur Kjartansson hefur skrifað pistil um þátttöku sína á Big Slick-mótinu sem fram fór í London fyrir skemmstu.

Pistilinn má nálgast á heimasíðu TR.

Guðmundur í beinni frá skoska meistaramótinu

Skoska meistaramótið í skák hófst í dag í Edinborg í Skotlandi.  Meðal keppenda er FIDE-meistarinn Guðmundur Kjartansson (2356) og er hann 13. stigahæsti keppandinn af 88 í efsta flokki.  Skák Guðmundar í fyrstu umferð gegn Þjóðverjanum Fan Zhang (2088) er meðal þeirra sem sýnd er beint.

Meðal annarra keppenda má nefna skosku stórmeistarana Jonathan Rowson (2591), Kati Arakhamia-Grant (2506), Paul Motwani (2503), Colin McNab (2474) og John Shaw (2462).  Alls taka 10 stórmeistarar þátt, 1 alþjóðlegur meistari og 8 FIDE-meistarar.

• Heimasíða mótsins
• Skákirnar í beinni

Guðmundur gerði ekki jafntefli í síðustu umferð

FIDE-meistarinn Guðmundur Kjartansson (2388) tapaði fyrir enska skákmanninum Peter S Poobalasingam (2240) í níundu og síðustu umferð Big Slicks-mótsins sem fram fór í dag í Lundúnum.  Guðmundur hafði þar áður gert fimm jafntefli í röð.  Guðmundur hlaut 2,5 vinning og hafnaði í níunda sæti.  

Árangur Guðmundar samsvarar 2222 skákstigum og lækkar hann væntanlega um 30 stig fyrir frammistöðu sína. Guðmundur heldur nú  til Edinburgh í Skotlandi en hann tekur þar þátt í skoska meistaramótinu í skák sem fram fer 11.-19. júlí. 

Stórmeistararnir Keith Arkell (2517), Englandi, og Alexander Cherniav (2423), Rússlandi, urðu efstir og jafnir með 6,5 vinning.  Þriðji varð, Rússinn, Alexei Slavin (2308) með 5,5 vinning og náði þar með áfanga að alþjóðlegum meistaratitli.

Alls tóku 10 skákmenn þátt í efsta flokki og tefldu þeir allir við alla.  Til að ná áfanga að stórmeistaraáfanga þurfti 7 vinninga en til að ná áfanga að alþjóðlegum meistaratitli þurfti 5,5 vinning.

Heimasíða mótsins