Henrik með góðan árangur í þýsku og dönsku deildakeppnunum

Henrik Danielsen (2495) hefur verið að tefla í bæði þýsku og dönsku deildakeppnunum.   Henrik hefur náð góðum árangri en samtals hefur hann náð 5,5 vinning í 6 skákum.

Úrslit Henriks eru sem hér segir:

Þýska deildkeppnin

IM Salov,Sergej 2254           1
IM Szelag,Marcin 2471         1
IM Pedersen,Steffen 2428     1

Danska deildakeppnin

IM Nikolaj Borge 2408         0,5
Henrik Andreasen 2238       1
IM Erling Mortensen            1
 

 

Róbert með jafntefli í 6. umferð

Róbert Lagerman (2358) gerði jafntefli við litháíska FIDE-meistarann Povilas Lasinkas (2187) í sjöttu umferð opins flokks London Chess Classic sem fram fór í gær.  Jorge Fonseca (2035) sigraði sinn andstæðing.  Baðir hafa þeir 3,5 vinning.

Norski stórmeistarinn Jon Ludvig Hammer (2588) er efstur með 5,5 vinning.

125 skákmenn tefla í opnum flokki og þar á meðal eru 9 stórmeistarar.  Norðmaðurinn ungi, Jon Ludwig Hammer (2588) er stigahæstur keppenda.

• London Chess Classic

Hannes teflir í tékknesku deildakeppninni

Stórmeistarinn Hannes Hlífar Stefánsson teflir öðru hverju í tékknesku deildakeppninni.   Hannes teflir fyrir klúbbinn ŠK Mahrla Prague og teflir þar á þriðja borði.  Eftir fjórar umferðir hefur Hannes hlotið 2,5 vinning.

Árangur Hannesar:

Round 1 - 07.11.2009
Stefansson Hlifar 2574 0.5 - 0.5  Hráček Zbyněk 2591

Round 2 - 08/11/2009
Petr Neuman 2432 0.5 - 0.5 Stefansson Hlifar  2574

Round 3 - 05/12/2009
Stefansson Hlifar 2574  0.5- 0.5  Dydyshko Viacheslav 2585
        
Round 4 - 06/12/2009
Piotr Murdzia 2485 0 - 1 Stefansson Hlifar  2574

Heimasíða tékknesku deildakeppninnar

Róbert og Jorge unnu í fimmtu umferð

Róbert Lagerman (2358) og Jorge Fonseca (2032) sigruðu báðir í fimmtu umferð opins flokks London Chess Classic sem fram fór í dag. Ekki gekk jafn vel í fjórðu umferð, sem fram fór fyrri partinn,  því þá töpuðu þeir félagarnir.  Róbert hefur 3 vinninga en Jorge 2, 5 vinning.

Efstir með 4,5 vinning eru stórmeistararnir Jon Ludvig Hammer (2588), Noregi, og Simon Williams (2550) og Mark Hebden (2522), Englandi.

125 skákmenn tefla í opnum flokki og þar á meðal eru 9 stórmeistarar.  Norðmaðurinn ungi, Jon Ludwig Hammer (2588) er stigahæstur keppenda.

• London Chess Classic

Róbert tapaði í 3. umferð

Róbert Lagerman (2358) tapaði fyrir enska stórmeistaranum Mark Hebden (2522) í 3. umferð opins flokks London Chess Classic sem fram fór í dag.  Róbert hefur 2 vinninga.  Jorge Fonseca (2032) sigraði í dag og hefur 1½ vinning.

Á morgun verða tefldar tvær umferðir. 

125 skákmenn tefla í opnum flokki og þar á meðal eru 9 stórmeistarar.  Norðmaðurinn ungi, Jon Ludwig Hammer (2588) er stigahæstur keppenda.

• London Chess Classic

Róbert vann í 2. umferð í Lundúnum

Róbert Lagerman (2358) sigraði enska skákmanninn Terry Pupier (1940) í 2. umferð opins flokks London Chess Classic sem fram fór í dag.  Í gær sigraði hann annan enskan skákmann Alan Hayward (1940).  Í þriðju umferð, sem fram fer á morgun, teflir Róbert við enska stórmeistarann Mark Hebden (2522).  Jorge Fonseca (2032) hefur 0,5 vinning eftir jafntefli í dag. 

116 skákmenn tefla í opnum flokki og þar á meðal eru 9 stórmeistarar.  Norðmaðurinn ungi, Jon Ludwig Hammer (2588) er stigahæstur keppenda.

• London Chess Classic
• Skákirnar í beinni
• ChessBomb Arena

Skákkonur lögðu öldunga

Skákkonur (Snow Drops) lögðu öldunga (Old Hands) í keppni þeirra á milli sem fram fór í Marianske Lazne í Tékklandi og það þrátt fyrir liðsstjórn Friðriks Ólafsson fyrir öldungana.  Timann stóð sig best gömlu mannanna en Humpy Konaru stóð sig best kvennanna.

• Umfjöllun Chess Vibes
• Heimasíða mótsins

Gott gengi í lokaumferðinni í Serbíu!

Það gekk vel í lokaumferðinniá Belgrade Trophy sem fram fór í dag.  Alls komu 5 vinningar í hús íslenskra skákmanna í sex skákum.   Dagur Arngrímsson (2375), Róbert Lagerman (2358), Snorri G. Bergsson og Jón Árni Halldórsson (2171) unnu allir en Jón Viktor Gunnarsson (2454) og Sigurður Ingason (1923) gerðu jafntefli.   Dagur, Róbert og Jón Viktor urðu efstir Íslendinganna með 6 vinninga og enduðu í 17.-43. sæti.

Jón Árni og Snorri fengu 5½ vinning og Sigurður 3½ vinning.  Sigurvegari mótsins pólski stórmeistarinn Marcin Dziuba (2573) með 7½ vinning.

Dagur stóð sig best allra stigalega séð.  Árangur hans samsvaraði 2493 skákstigum og hækkar hann um heil 23 stig.  Jón Árni átti einnig gott mót og hækkar um 18 stig.  Aðrir lækka á stigum, Jón Viktor um 2 stig, Róbert um 4 stig,  Snorri um 32 stig og Sigurður um 13 stig.

Alls tóku 212 skákmenn þátt í mótinu og þar af 18 stórmeistarar og 19 alþjóðlegir meistarar.

• Heimasíða mótsins
  
• Chess-Results

 

Róbert og Snorri unnu í áttundu umferð

Róbert Lagerman (2358) og Snorri G. Bergsson (2348) sigruðu í sínum skákum í áttundu og næstsíðustu umferð Belgrade Trophy sem fram fór í dag.  Jón Viktor Gunnarsson (2454) gerði jafntefli en aðrar skákir töpuðust.  Jón Viktor er efstur íslensku skákmannanna með 5½ vinning.

Dagur Arngrímsson (2375), sem loks tapaði fyrir stórmeistara, og Róbert hafa 5 vinninga, Jón Árni Halldórsson (2171) og Snorri hafa 4½ vinning og Sigurður Ingason (1923) hefur 2½ vinning.

Níunda og síðasta umferð fer fram á morgun. 

Alls taka 212 skákmenn þátt í mótinu og þar af 18 stórmeistarar og 19 alþjóðlegir meistarar.

• Heimasíða mótsins
  
• Chess-Results

 

Dagur enn með jafntefli við stórmeistara

Dagur Arngrímsson (2375) gerði í dag jafntefli við úkraínska stórmeistarann Vadim Shishkin (2507) og hefur nú tekið 2½ vinning í 4 skákum gegn stórmeisturum.   Jón Árni Halldórsson (2171) og Sigurður Ingason (1923) unnu í dag, Jón Viktor Gunnarsson (2454), Róbert Lagerman (2358) gerðu jafntefli en Snorri G. Bergsson (2348) tapaði.

Dagur og Jón Viktor hafa 5 vinninga og eru í  15.-34. sæti, Jón Árni hefur 4½ vinning, Róbert hefur 4 vinninga, Snorri hefur 3½ vinning og Sigurður 2½ vinning.

Efstir með 6 vinninga eru rúmenski alþjóðlegi meistarinn Gergely-Andras-Gyula Szabo (2535) og pólski stórmeistarinn Marcin Dziuba (2573).

Í áttundu og næstsíðustu umferð, sem fram fer á morgun, teflir Dagur við makedónska stórmeistarann Milan Drasko (2527) og Jón Viktor við serbneska alþjóðlega meistarann Milos T Popovic (2402).

Alls taka 212 skákmenn þátt í mótinu og þar af 18 stórmeistarar og 19 alþjóðlegir meistarar.

• Heimasíða mótsins
  
• Chess-Results