Skákmót Hressra hróka fer fram 4. október

Þriðjudaginn 4. október næstkomandi verður skákmót haldið í tengslum við Geðveika daga í fjórða sinn í Björginni.

Mæting á mótið er klukkan 12.45 og hefst mótið stundvíslega kl 13.00. Skráning á mótið fer fram með tölvupósti á formann Hressra Hróka, Emil Ólafsson á [e-mail] fyrir 1. október.

Ekkert þátttökugjald er á mótið en þátttakendum er skylt að mæta með góða skapið og muna að stærsti sigurinn er að vera með

Fyrirkomulag mótsins er eftirfarandi:

• Tefldar verða 7 umferðir með 7 mínútna umhugsunartíma á mann.
• Allir sem taka þátt fá verðlaun.
• Skákstjóri mótsins er Einar S. Guðmundsson

KR-rimma á Meistaravöllum - Viðeyjarundrið sigraði

KR-ingar slá ekki slöku við þessa daganna, nýbúnir að landa Íslandsmeistaratitilinum í knattspyrnu eftir að hafa unnið Bikarkeppnina fyrir stuttu síðan.  Sæl og mikil sigurvíma sveif yfir vötnunum þegar 22 galvaskir skákvíkingar reyndu með sér í gærkvöldi um það hver væri þeirra snjallastur í kappskák.

Tefldar voru hvorki meira né minna en 13 umferðir, sem reynir ekki bara á snilligáfuna heldur öllu meira á úthaldið. Svo fór að Guðfinnur R. Kjartansson bar sigur úr bítum, hlaut 11.5 vinning sem verður að teljast bærilega af sé vikið í þessum hópi. Afar traustur og yfirvegaður skákmaður þar á ferð sem var gefið viðurnefnið "Viðeyjarundrið" í sæmdarskyni í fyrra eftir að hann skaut mörgum valinkunnum meistaranum aftur fyrir sig á öldungamótinu í Viðey.  Nú fékk hann að jafnhenda Íslandsbikarinn sem sigurlaun.  Önnur úrslit skv. meðf. töflu.

Myndir (ESE)

 

 

Örn sigraði á hraðkvöldi

Örn Stefánsson og Vigfús Ó. Vigfússon enduðu efstir og jafnir með 5,5v í sjö skákum á jöfnu og spennandi hraðkvöldi Hellis sem haldið var 26. september. Eftir stigaútreikning var Örn úrskurðaður sigurvegari og í fyrsta skipti sem hann nær þessum áfanga á þessum æfingum. Þriðja varð svo Elsa María Kristínardóttir með 5v. Segja má að úrslitin hafi ráðist í lokaumferðinni þegar Örn gerði jafntefli við Kjartan í baráttuskák eftir að hafa staðið höllum fæti og á meðan gerði Elsa jafntefli við Tjörva en Vigfús hafði það náðugt í lokaumferðinni á móti Björgvini.

Lokastaðan:

Nr.  Nafn                                     V.      M-Buch. Buch. Progr.

 1.   Örn Stefánsson,                 5.5         17.5      23.5   23.5

 2.   Vigfús Ó. Vigfússon,           5.5         16.5      22.5   23.0

 3.   Elsa María Kristínardóttir,    5          18.0      24.0   19.5

 4.   Hjálmar Sigurvaldason,        4          18.0      24.0   13.0

 5.   Kjartan Már Másson,          3.5         20.0      26.0   10.5

 6.   Tjörvi Schiöth,                    3.5         17.5      23.5   16.5

 7.   Sveinn Gauti Einarsson,       3           18.5      25.5   12.0

 8.   Gunnar Nikulásson,              2          17.5       25.5   10.0

 9.   Björgvin Kristbergsson,        1           21.0      29.5    7.0