Haustmót Æsis fer fram á þriðjudag

Æsir, skákfélag eldri borgara í Reykjavík, halda sitt haustmót næstkomandi þriðjudag kl. 13.00 í Stangarhyl 4.

Tefldar verða 11 umferðir með 10 mín umhugsunartíma.

Allir skákmenn 60 ára og eldri velkomnir.

Vinsamlega mætið tímanleg þar sem byrjað verður mínútunni.

 

 

Bólholt Fellabæ (Viðar Jónsson) sigraði á Firmakeppni Saust

Firmakeppni Skáksambands Austurlands er lokið.  Ellefu fyrirtæki tóku þátt:  Bílasala Austurlands Egilsstöðum, Bókakaffi Fellabæ, Bólholt Fellabæ, Fellabakarí Fellabæ, Hitaveita Egilsstaða og Fella, Landsbankinn Egilsstöðum, Landsbankinn Eskifirði, Sjóvá Egilsstöðum, Verkfræðistofa Austurlands Egilsstöðum, Verkís Egilsstöðum og VÍS Egilsstöðum. Dregið var um hvaða skákmaður tefldi fyrir hvert fyrirtæki.

Leikar fóru þannig í úrslitaviðureign:

Sigurvegari:    Bólholt Fellabæ með 6 vinninga af 6 mögulegum. Fyrir það tefldi Viðar Jónsson, Stöðvarfirði.

Í öðru sæti:     Fellabakarí Fellabæ með 3½ vinning. Fyrir það tefldi Jón Björnsson

Í þriðja sæti:  VÍS Egilsstöðum með 3 vinninga. Fyrir það tefldi Magnús Valgeirsson.

Skákmenn í 3 efstu sætunum fengu verðlaunapeninga, en Bólholt fær glæsilega bikar til eignar.

Einn unglingur tefldi með félaginu nú, Mikael Máni Freysson. Hann lenti ekki í neðsta sæti! Það sýnir að unglingarnir geta vel spreytt sig á þeim eldri og reyndari. Á því læra þeir mest og eru skorað á  fleiri að mæta á fleiri mót hjá félaginu

Haldinn var aðalfundur í kaffihléi og kosin stjórn. Gjaldkerinn, Rúnar Hilmarsson, óskaði eftir að hvíla sig frá þeim störfum og er honum hér með þakkað gott starf í þágu SAUST. Stungið var upp á Magnúsi Valgeirssyni í stað Rúnars.

Stjórnarkjör fór þannig:

Formaður: Guðmundur Ingvi Jóhannsson, Egilsstöðum
Meðstjórnendur: Magnús Valgeirsson Egilsstöðum og Jón Björnsson Egilsstöðum
Varamenn: Viðar Jónsson Stöðvarfirði og Hákon Sófusson Eskifirði.
Endurskoðandi: Magnús Ingólfsson Egilsstöðum.

Héðinn í beinni frá Bundesligunni

Íslandsmeistarinn, Héðinn Steingrímsson (2562), er í beinni útsendingu frá Þýsku Bundesligunni.  Hann situr nú að tafli í Dortmund, sem Héðinn teflir fyrir, gegn pólska stórmeistaranum Dariusz Swiercz (2585), sem teflir fyrir Emdetten.  

• Heimasíða Þýsku Bundesligunnar
• Beinar útsendingar