Gallerý Skák: Gunnar hlaut Skák-Kyndilinn

Lokamótið í Gallerý Skák á þessum vetri fór fram í vikunni sem leið enda komið vor og þá leitar hugur sumra til annarra átta , einkum aukinnar útiveru í birtu langra sumardaga. Þó má búast við því að margir hinna staðföstu ástríðuskákmanna leggi áfram leið sína í KR-klúbbinn á mánudagskvöldum og þeirra sem eru 60+ í RIDDARINN á miðvikudögum, en þar tefla menn af miklum krafti og óþreyju allan ársins hring, hvernig sem viðrar og vindurinn blæs.   

Haldin hafa verið yfir 30 skákkvöld í Gallerýinu á liðnu keppnistímabili sem hafa jafnan verið vel sótt.   Nú verður gert hlé fram til 20. september eða svo þegar vetrarhúmið fer að leggjast yfir eyjuna bláu   á ný.   Í millitíðinni er þess þó að vænta að haldið verði glæsilegt "Sumarmót við Selvatn", líkt og mörg undanfarin ár, sem nánar verður frá greint þegar nær dregur.  

Hlutskarpastur á  Lokamótinu varð enginn annar en hinn valinkunni skákgarpur Gunnar Skarphéðinsson,   sá hægláti þrautgóði stöðubaráttumaður, sem hefur verið einkar iðinn við að máta andstæðinga sína þennan veturinn fyrirhafnarlítið. (sjá meðf.mótstöflu).

 

Í virðingar- og þakklætisskyni fyrir glæsilegan árangur og í  ljósi þess að Gunnar vann hvað flest mót þennan veturinn í Gallerýinu, reyndar sá eini sem unnið hefur með fullu húsi, 11v af 11 mögulegum, var hann heiðraður með forláta „Skák-Kyndli", undratæki með sólarrafhlöðum, í leiktíðarlok,  sem gerir honum kleypt að halda heiðri skáklistarinnar á lofti í bókstaflegri merkingu en leggur honum jafnframt þær skyldur á herðar og láta ljós sitt skína skært  skáksviðinu, hér eftir sem hingað til, í góðum skákvinahópi.    

Gleðilegt sumar !  

Hjörvar Steinn Íslandsmeistari í atskák

 

Alþjóðlegi meistarinn Hjörvar Steinn Grétarsson varð í dag Íslandsmeistari í atskák annað árið í röð.  Hann vann Guðmund Gíslason í úrslitaeinvígi 2-0.   Úrslitaeinvígið fór fram í beinni útsendingu í sjónvarpssal.   Helgi Ólafsson og Björn Þorfinnsson voru skákskýrendur.

Ákaflega vel heppnuð útsending sem hægt er að nálgast í heilu lagi hér:  http://ruv.is/sarpurinn/islandsmotid-i-atskak/13052012.

RÚV fær miklar þakkir fyrir að sýna einvígi í sjónvarpinu.  

Skákirnar fylgja með fréttinni.

Veljið skák (2 alls): 1: Guðmundur Gíslason - Hjörvar Steinn Grétarsson 2: Hjörvar Steinn Grétarsson - Guðmundur Gíslason

[Event "Atskákmót Íslands 2012"] [Site "RUV"] [Date "2012.05.13"] [Round "1"] [White "Guðmundur Gíslason"] [Black "Hjörvar Steinn Grétarsson"] [Result "0-1"] [Board "g1"] [Input " "] [Owner "Icelandic Chess Federation"] 1. d4 Nf6 2. Nf3 e6 3. g3 b5 4. Bg2 Bb7 5. O-O c5 6. a4 b4 7. Nbd2 cxd4 8. Nb3 Be7 9. Nbxd4 O-O 10. Bf4 a6 11. a5 d6 12. Bd2 d5 13. Qe1 Qd6 14. Ra4 Nc6 15. b3 Qc7 16. Ra2 Rab8 17. c3 Ne4 18. Bf4 Bd6 19. Nxc6 Bxc6 20. cxb4 e5 21. Be3 Bxb4 22. Bb6 Qe7 23. Qc1 Nc3 24. Rc2 d4 25. Nxd4 Bxg2 26. Nf5 Qb7 27. Qg5 f6 0-1

[Event "Atskákmót Íslands 2012"] [Site "RUV"] [Date "2012.05.13"] [Round "1"] [White "Hjörvar Steinn Grétarsson"] [Black "Guðmundur Gíslason"] [Result "1-0"] [Board "2"] [Input " "] [Owner "Icelandic Chess Federation"] 1. d4 Nf6 2. c4 g6 3. Nc3 Bg7 4. e4 d6 5. Nf3 O-O 6. Be2 c5 7. O-O Bg4 8. Be3 Qa5 9. Rc1 a6 10. dxc5 dxc5 11. Nd2 Bxe2 12. Qxe2 Qc7 13. f4 e6 14. e5 Nfd7 15. Nde4 Nc6 16. Rcd1 b6 17. Qg4 Rad8 18. Qh4 h5 19. Qg5 Kh7 20. Qh4 Bh6 21. Ng5+ Kg7 22. Qg3 Nd4 23. Bxd4 cxd4 24. Nce4 Qxc4 25. Nf3 Nc5 26. Nd6 Qxa2 27. Nxd4 Qxb2 28. f5 Rxd6 29. exd6 h4 30. Qe5+ Kh7 31. fxg6+ fxg6 32. Rxf8 Bxf8 33. Nf3 Qc2 34. Rf1 Bg7 35. Ng5+ Kg8 36. Qf4 Nd3 37. Qf7+ Kh8 38. Qe8+ 1-0

Skákmót á Akureyri

Fimmtudaginn 10. maí var teflt hraðmót sem upphaflega var auglýst sem 15 mínútna mót. Keppendur sameinuðust hinsvegar um breytt fyrirkomulag svo allir gætu teflt við alla og var umhugsunartími styttur í 7 mínútur á mann og skák. Svipuð bellibrögð hafa verið viðhöfð áður, með góðum árangri. Mótinu lauk sem hér segir:

• 1. Tómas Veigar Sigurðarson                7
• 2. Haki Jóhannesson                             6,5
• 3. Jón Kristinn Þorgeirsson                   6
• 4. Sigurður Eiríksson                             5
•     Smári Ólafsson                                 5
• 6. Ari Friðfinnsson                                2,5
•     Logi Rúnar Jónsson                          2,5
• 8. Atli Benediktsson                              1
• 9. Bragi Pálmason                                 0,5

 

Laugardagurinn 12. maí var frátekinn fyrir sveitakeppni grunnskóla á Akureyri. 5-6 sveitir höfðu tilkynnt þátttöku, en veikindi og ýmis óútskýrð forföll settu strik í reikninginn. Þegar til kastanna kom mætti aðeins ein fullmönnuð sveit til leiks, frá Brekkuskóla. Hún telfdi svo tvöfalda umferð við keppendur frá öðrum skólum og vann báðar viðureignirnar 3-1. Þar með tókst Brekkuskóla að rjúfa margra ára sigurgöngu Glerárskóla í þessari keppni. Sigursveitina skipuðu þessir meistarar:

1. Andri Freyr Björgvinsson, 9. bekk
2. Magnús Mar Väljaots, 9. bekk
3. Aðalsteinn Leifsson, 8. bekk
4. Oliver Ísak Ólason, 4. bekk.

Að endingu var svo haldið hraöskákmót. Þar urðu brekkskælingar einnig sigursælir; þeir Andri Freyr og Aðalsteinn komu jafnir í mark en Símon Þórhallsson úr Brekkuskóla varð þriðji.

Sunnudaginn 13. maí, í norðanfannkomu og frosti fóru svo úrslit firmakeppninnar fram. 12 fyrirtæki höfðu komist upp úr undanrásum og tókust nú á um hin eftirsóknarverðu sigurlaun. Í lok mótsins hófst bein útsending frá lokaeinvígi Atskákmóts Íslands og fylgdust keppendur með framvindunni á breiðtjaldi. En lyktir firmakeppninnar urðu þessar:

• 1. Samherji (Áskell Örn Kárason)         9,5
• 2. Ásbyrgi (Smári Ólafsson)                  9
• 3. Arion banki (Jón Kr. Þorgeirsson)    7,5
• 4. Gullsmiðir S&P (Sig. Arnarson)        7
•     Akureyrarbær (Tómas V. Sig.)         7
• 6. Norðlenska (Sig. Eiríksson)  6,5
• 7. Olís (Haki Jóhannesson)                   6
• 8. Rafeyri (Sveinbj. Sigurðsson)            5
• 9. Höldur-Bílaleiga Ak (Logi R. Jns)     4
• 10. VÍS (Símon Þórhallsson)                3
• 11. Bautinn (Ari Friðfinnsson)   1,5
• 12. Fasteignasalan Byggð (Oliver)         0