Korobov úkraínskur meistari

Anton Korobov (2683) varð í dag úkraínskur meistari í skák.  Mótið var það sterkasta í sögunni en nánast allir sterkustu skákmenn Úkraínu tóku þátt að Ivanchuk undanskyldum.  Alexander Areshchenko (2691) og Andrei Volokitin (2704) urðu í 2.-3. sæti.  Stigahæsti keppandi mótsins, Ruslan Ponomariov (2726) varð aðeins fjórði.

Lokastaðan:

1. GM Korobov Anton 2683 - 8
2-3. GM Areshchenko Alexander 2691 and GM Volokitin Andrei 2704 - 7
4. GM Ponomariov Ruslan 2726 - 6
5-7. GM Fedorchuk Sergey A 2630, GM Efimenko Zahar 2694 and GM Moiseenko Alexander 2706 - 5.5
8. GM Eljanov Pavel 2693 - 5
9-10. GM Miroshnichenko Evgenij 2632 and GM Vovk Yuri 2584 - 4.5
11. GM Zubov Alexander 2621 - 4
12. GM Kuzubov Yuriy 2629 - 3.5

Meðalstig mótsins voru 2666 skákstig.

• Umfjöllun á Chessdom

 

Stórmót Árbæjarsafns og Taflfélags Reykjavíkur á sunnudag

Stórmót Árbæjarsafns og Taflfélags Reykjavíkur  fer fram sunnudaginn 12. ágúst. Teflt verður í Árbæjarsafni og hefst  taflið kl. 14. Tefldar verða 7 umferðir með umhugsunartímanum 7 mín. á  skák.

Á undan, eða kl.13, fer fram lifandi tafl, en lifandi taflið er fyrir  löngu orðinn árviss og skemmtilegur viðburður í dagatali skákmanna.

Veitt verða verðlaun fyrir þrjú efstu sætin í Stórmótinu, 12.000 kr., 8.000 kr. og 5.000 kr.

Þátttökugjöld í Stórmótinu eru kr. 1100 fyrir 18 ára og eldri, en ókeypis  fyrir yngri en 18 ára og eru þátttökugjöld jafnframt aðgangseyrir í  safnið. Þeir sem eiga ókeypis aðgang í safnið, t.d menningarkort, þurfa ekki að borga þátttökugjöld í mótið.

Ekkert kostar að taka þátt í Stórmótinu fyrir þá sem taka þátt í lifandi taflinu.

Enn eru laus pláss í lifandi taflinu og leika peð, riddara, biskup,  hrók, kóng eða drottningu.

Áhugasamir hafi samband við Torfa Leósson ([e-mail]), s.697-3974.  Skráningu í lifandi taflið lýkur fimmtudaginn 9. ágúst. Þeir sem taka þátt í lifandi taflinu mæti á Árbæjarsafn þann 12. ágúst kl.12.30 til að fara í búninga.

Borgarskákmótið fer fram 14. ágúst

Borgarskákmótið fer fram þriðjudaginn 14. ágúst, og hefst það kl. 16:00. Mótið fer fram venju samkvæmt í Ráðhúsi Reykjavíkur og standa Reykjavíkurfélögin, Taflfélag Reykjavíkur og Taflfélagið Hellir, að mótinu, eins og þau hafa gert síðustu ár.

Gera má ráð fyrir að margir af sterkustu skákmönnum þjóðarinnar taka þátt í því. Skákmenn eru hvattir til að skrá sig sem fyrst eftir að opnað verður fyrir skráningu. Mótið er öllum opið og er þátttaka ókeypis en skráning fer fram á Skák.is

Einnig er hægt að skrá sig í í síma 866 0116 Vigfús og 862 6290 (Sigurlaug). Tefldar verða 7 umferðir með 7 mínútna umhugsunartíma. Þetta er í 27. sinn sem mótið fer fram og er þetta iðulega eitt best sótta skákmót hvers árs. Í fyrra sigraði Arnar Gunnarsson, sem þá tefldi fyrir Perluna.

Hægt er að fylgjast með skráningu í mótið í hér.

Verðlaun:

1. 15.000 kr.
2. 10.000 kr.
3. 5.000 kr.