Nýtt fréttabréf SÍ

Nýtt fréttabréf Skáksambands Íslands kom út í dag en bréfið kemur út tvisvar á mánuði yfir vetrarmánuðina og er sent í tölvupósti til viðtakenda. Hægt er að skrá sig fyrir fréttabréfinu hér á Skák.is (ofarlega til vinstri).

Meðal efnis er:

• Nansý Norðurlandameistari stúlkna
• Álfhólsskóli Íslandsmeistari barnaskólasveita
• Skákheimsókn á Norðvesturland
• Landsmótið í skólaskák nálgast - hart barist í forkeppnum
• Hannes sigurvegari Skákþings Norðlendinga - Stefán Norðurlandsmeistari
• Vel sótt Árnamessa í Stykkishólmi
• Góður árangur Guðmundar í Búdapest
• Nýjustu skráningar á Opna Íslandsmótinu í skák
• Mót á döfinni

Fréttabréfið má nálgast hér.

Hægt er að nálgast eldri fréttabréf hér.

Skólaskákmót Kópavogs í sveitakeppni fyrir grunnskólanemendur

Skólaskákmót Kópavogs í sveitakeppni fyrir grunnskólanemendur verður haldið sunnudaginn 28. apríl nk. í Álfhólsskóla (Hjallamegin). 

Keppt er í fjórum flokkum:

Kl. 11.00- 13.30 5 umferðir og 2x5 mín umhugsunartími

• 1. flokkur 1.-2. bekkur
• 2. flokkur 3.-4. bekkur

Kl. 14.00 - 17.00 5 umferðir og 2x10 mín umhugsunartími

• 3. flokkur 5.-7. bekkur
• 4. flokkur 8.-10. bekkur

Fjórir eru í hverju liði og auk þess mega vera 1-3 varamenn í hverju liði.

Allir krakkar sem kunna skákreglur og eru skráðir til náms við grunnskóla í Kópavogi eru velkomnir og er aðgangur ókeypis.  Gull, silfur og brons verðlaun verða veitt fyrir hvern flokk fyrir sig. Hverjum liði þarf að fylgjast liðstjóri. Yngri krakkar geta teflt í eldri flokki.

Skráning fer fram hér. Upplýsingar um þegar skráð lið má nálgast hér.

Liðin verða að skrá sig fyrir kl 12:00 föstudaginn  26. apríl 2013.

Stigamót Hellis hefst á morgun

Stigamót Taflfélagsins Hellis verður haldið í ellefta sinn sinn dagana 24.-26. apríl. Fyrirkomulag mótsins hefur verið mismunandi í gegnum tíðina en að þessu sinni er mótið haldið í kringum sumardaginn fyrsta þannig að keppendur munu eiga frí helgina á eftir.

Góð verðlaun eru í boði á mótinu og mótið er opið öllum. Teflt verður í húsnæði Skáksambands Íslands í Faxafeni 12. Skráning á mótið er á heimasíðu Hellis: http://www.hellir.blog.is. Upplýsingar um þegar skráða keppendur má finna hér.

Þátttökugjöld eru kr. 3.000 fyrir fullorðna og 2.000 kr. fyrir 15 ára og yngri og rennur óskipt í verðlaunasjóð mótsins.  

Núverandi Stigameistari Hellis er Davíð Kjartansson.

Umferðatafla:

• 1.-4. umferð, miðvikudaginn 24. apríl (19:30-23:30)
• 5. umferð, fimmtudaginn 25. apríl (11-15)
• 6. umferð, fimmtudaginn 25. apríl (17-21)
• 7. umferð, föstudaginn 26. apríl (19:30-23:30)

Verðlaun:

• 1. 50% af þátttökugjöldum
• 2. 30% af þátttökugjöldum
• 3. 20% af þátttökugjöldum

Skráning: 

• Vefsíða: http://www.hellir.blog.is
• Sími: 866 0116 (Vigfús eða símsvari)

Tímamörk:

• 1.-4. umferð: 20 mínútur + 5 sekúndur á leik
• 5.-7. umferð: 1½ klst. + 30 sekúndur á leik