Arnar og Davíð mætast í úrslitum á morgun á RÚV

Alþjóðlegi meistarinn Arnar E. Gunnarsson (2441) og FIDE-meistarinn Davíð Kjartansson (2348) tefla til úrslita um Íslandsmeistaratitilinn í atskák á morgun laugardag. Teflt verður í beinni útsendingu á RÚV og hefst útsendingin kl. 14.

Boðið verður upp á líflega lýsingu í boði Björns Þorfinnssonar og Stefáns Steingríms Bergssonar sem lofa afar litríkum skýringum.

Hægt er að bæði hægt að fylgjast með útsendingunni beint í sjónvarpinu sem og auðvitað á vef RÚV.

 

Heimilistæki með fullt hús í Firmakeppni SA

Í gær á afmælisdegi Gylfa Þórhallssonar, lauk hinni vinsælu firmakeppni Skákfélags Akureyrar. 12 fyrirtæki höfðu komist í úrslit og mættu 11 skákmenn til þátttöku. Leikar fóru svo að Jón Kristinn Þorgeirsson sigraði örugglega með fullu húsi vinninga eftir 10 skákir. Jón tefldi fyrir Heimilistæki. Í öðru til fjórða sæti urðu Sigurðar tveir og einn Símon með 7 vinninga. Tefldi annar Sigurðurinn fyrir Gullsmiðaverkstæði S og P en hinn fyrir Norðurorku. Símon tefldi fyrir VÍS.

Nánari úrslit má sjá hér fyrir neðan

Heimilistæki       (Jón Kristinn Þorgeirsson) 10 vinningar

Norðurorka (Sigurður Arnarson), Gullsmiðaverkstæði S og P (Sigurður Eiríksson) og Vís (Símon Þórhallsson) 7 vinningar.

Krua Siam (Haraldur Haraldsson) 6 vinningar

Kristjánsbakarí (Hjörleifur Halldórsson) 5 vinningar

Kaffibrennslan (Rúnar Ísleifsson) 4,5 vinningar

TM (Eymundur Eymundsson) 3 vinningar

S.B.A. (Logi Rúnar Jónsson) 2,5 vinningar

Securitas (Hreinn Hrafnsson) 2 vinningar

Brimborg (Einar G.) 1 vinningur

KEA        0 vinningar

Meistaramót Skákskóla Íslands hefst í dag

Meistaramót Skákskóla Íslands fyrir starfsárið 2012/2013 hefst föstudaginn 24. maí. Tefldar verða sjö umferðir eftir svissneska kerfinu. Þátttökurétt hafa nemendur skólans og allir þeir sem tekið hafa þátt í námskeiðum á vegum  skólans eða hlotið þjálfun á vegum skólans.  

Núverandi meistari Skákskóla íslands er Mikhael Jóhann Karlsson

 Þátttökuréttur:

Allir nemendur skólans og þeir sem tekið hafa þátt í námskeiðum á vegum skólans.

Að öðru leyti áskilur skólastjóri/mótsnefnd sér rétt til að bjóða völdum einstaklingum til þátttöku.

Dagskrá mótsins verður með eftirfarandi hætti:

Umferðafjöldi: Sjö umferðir. Í þrem fyrstu umferðunum verða tefldar atskákir en fjórar lokaumferðirnar eru kappskákir.

Tímamörk: Atskákir 25 10  þ.e 25 mínútur að viðbættum sekúndum fyrir hvern leik. 

Kappskákir:  90 30 þ.e. 90 mínútur á alla skákina og 30 sekúndur bætast við eftir hvern leik.

Fyrirkomulag: Svissneska kerfið - swiss perfect.

Skákstig: Mótið verður reiknað til skákstiga.  Fjórar síðustu umferðirnar eru reiknaðar til íslenskra- og alþjóðlegra stiga. At-skákirnar eru ekki reiknaðar til stiga. 

Verðlaun:

A:

1. verðlaun:

Meistaratitill Skákskóla Íslands 2012/2013 og farandbikar. Einnig  flugfar m/Flugleiðum á Evrópuleið* og uppihalds kostnaði kr. 30 þús.

2. verðlaun: Flugfarmiði á leiðum Flugfélags Íslands innanlands.  

3. - 5. verðlaun: Vandaðar skákbækur.

Sérstök stúlknaverðlaun:

Farmiði á leiðum Flugfélags Íslands innanlands.

 

Aldursflokkaverðlaun. 

1. Tvenn verðlaun fyrir þá keppendur sem ná

bestum árangri í hópi 14 ára og yngri

2. Tvenn verðlaun fyrir þær

stúlkur sem bestum árangri ná í mótinu.

Verðlaun fyrir keppendur 12 ára og yngri.

1. - 3. verðlaun: Vandaðar skákbækur.

 

* ^{Mótshaldarinn áskilur sér rétt til að finna hagstæðasta fargjald sem hægt er að fá enda verði tilkynnt um ferðir með góðum fyrirvara.} 

* Verðlaunahafi verður að nýta sér farmiða innan 12 mánaða frá lokum mótsins.

 

B:

Dagskrá:

1. umferð: Föstudagurinn 24. maí kl. 18  

2. umferð: Föstudagurinn 24. maí kl. 19

3. umferð. Föstudagurinn 24. maí kl. 20.

4. umferð: Laugardagurinn 25.maí kl. 10-14  

5. umferð: Laugardagurinn 25. maí kl. 15 - 19

6. umferð: Sunnudagurinn 26.maí kl. 10.-14.

7. umferð: Sunnudagurinn 26. maí kl. 15-19.

^{* Hljóti einhver stúlka 1. eða 2. verðlaun mun 2. sæti meðal stúlkna gilda til sérstakra stúlknaverðlauna.}

Verðlaunaafhending fer fram strax að móti loknu.

Þátttöku skal tilkynna í síma SÍ 568 9141, netfangið [e-mail] eða [e-mail].

Mótsnefnd áskilur rétt til að gera breytingar á fyrirfram boðaðri dagskrá.