Skákþing Garðabæjar og Hafnarfjarðar hefst á fimmtudag

Skákþing Garðabæjar mun nú í ár vera sameinað Skákþingi Hafnarfjarðar ekki síst til að geta veitt veglegri verðlaun. Mótið fer þó fram eins og áður í Garðabæ.  Skákþingið hefst fimmtudaginn 5. nóvember.   Tefldar verða 7 umferðir og verður mótið reiknað til íslenskra og alþjóðlegra stiga. Teflt verður í Garðabergi Garðatorgi 7. 


Umferðatafla:

• 1. umf. Fimmtudag 5. nóv kl. 19.00.
• 2. umf. Föstudag 6. nóv. kl. 19.00
• 3. umf. Mánudag 9. nóv. kl. 19.00
• 4. umf. Miðvikudag. 11. nóv. kl. 19.00
• 5. umf. Föstudag 13. nóv. kl. 19.00
• 6. umf. Mánudag 16. nóv. kl. 19.00
• 7. umf. Fimmtudag 19. nóv. kl. 19.00

Keppnisfyrirkomulag er Svissneskt kerfi.
Tímamörk eru 90 mínútur og 30 sek sem bætist við hvern leik.

Verðlaun auk verðlaunagripa:

• 1. verðlaun. 35 þús. (50 þús ef fleiri en 20 manns með)
• 2. verðlaun 15 þús.

Verðlaun fyrir Skákmeistara Garðabæjar ChessOK Aqvarium auk grips. Mótið er um leið skákþing Taflfélags Garðabæjar. (keppt er um titilinn ef jafnt)

Aukaverðlaun:

• Efstur U-1800 (með 1800 skákstig og minna):                ChessOK Aqvarium hugbúnaður.
• Efstur 16 ára og yngri.(1993=< x):                         Chess OK Aqvarium hugbúnaður.

ATH. Ekki er hægt að vinna til fleiri en einna verðlauna. Verðlaunum er ekki skipt, né aukaverðlaunum.

Sæmdartitilinn Skákmeistari Garðabæjar geta aðeins fengið félagsmenn taflfélags í Garðabæ eða skákmaður með lögheimili í Garðabæ. Svipað gildir um Skákmeistara Hafnarfjarðar.

Þátttökugjöld	Félagsmenn	Utanfélagsmenn
Fullorðnir	2500 kr	3500 kr
Unglingar 17 ára og yngri	Ókeypis	2000 kr

Skráning er á staðnum frá hálftíma fyrir mót en mjög æskilegt er að menn skrái sig fyrirfram á vefsíðu mótsins eða í síma 861 9656. ATH húsrými takmarkast við um 30 manns. Ef mótið fyllist þá gilda skráningar á síðunni.

Skákstjóri er Páll Sigurðsson

Skákmeistari Garðabæjar 2008 var Einar Hjalti Jensson og Skákmeistari Hafnarfjarðar síðast var Þorvarður F. Ólafsson.

Teflt í Mjóddinni

Á dögunum stóðu Skákakademía Reykjavíkur, Taflfélagið Hellir og Fellaskóli fyrir útiskák í göngugötunni í Mjóddinni. Nemendur Skákakademíunnar í Fellaskóla tefldu við vegfarendur Mjóddarinnar og var atburðurinn liður í Breiðholtsdögum. Fjölmargir gestir gripu í tafl og gerðu sitt besta til að standa í hinum ungu skákmönnum Fellaskóla sem höfðu þó vinninginn í flestum skákunum. Í Fellaskóla er skákkennsla fyrir nemendur á öllum aldri og sinnir Stefán Bergsson kennslunni. Skákstarf Akademíunnar gengur vel í Breiðholti og er fyrirhuguð sveitakeppni grunnskólanna í Breiðholti síðar á árinu.

Næsta uppákoma Akademíunnar er fjöltefli Lenku Ptacnikova við bestu skákmenn Hólabrekkuskóla. Skákstarfið í Hólabrekkuskóla gengur afar vel og er það ekki síst að þakka krafti og áhuga Birnu Halldórsdóttur TR-ings sem aðstoðar við kennsluna.

Róbert sigraði á Rauðakrossmóti

Fjórtán manns skráðu sig til leiks á móti Skákfélags Vinjar og Hróksins í Rauðakrosshúsinu í Borgartúni í dag. Allgott miðað við að mótið var klukkan 13:30.  Við borðendann var kaffikanna, ávextir og kex þannig að ekki skorti orkuna og fín stemning myndaðist. Hart var barist og nokkrir fallegir afleikir litu dagsins ljós.  Tefldar voru sjö umferðir með sjö mínútna umhugsunartíma. 

Skákstjórinn Róbert Lagerman hafði sigur, nokkuð örugglega með sex og hálfan vinning en næstir komu Gunnar Örn Haraldsson, Jón Úlfljótsson og Jón Birgir Einarsson með fimm.

Fjórir efstu fengu vinning, bók eða bíómiða og þeir Björgvin Kristbergsson og Pétur Jóhannesson höfðu heppnina með sér er dregið var í happadrætti og kræktu sér í bók.

Staðan:

• 1.  Róbert Lagerman               6,5
• 2. Gunnar Örn Haraldsson      5
• 3.  Jón Úlfljótsson
• 4.  Jón Birgir Einarsson
• 5.  Jorge Fonseca                     4
• 6.  Arnar Valgeirsson              3,5
• 7 . Kristján B. Þór      
• 8.  Haukur Halldórsson           3
• 9.  Hlynur Gestsson
• 10. Finnur Kr. Finnsson          2,5
• 11. Björgvin Kristbergsson
• 12. Pétur Jóhannesson
• 13. Jón Gauti Magnússon       2
• 14. Birgir Aðalsteinsson         1