Jóhann Örn sigraði á lokaskákmóti Ása

Í gær 18 maí var síðasti skákdagur haldinn í Stangarhyl 4.  Tuttugu og sex skákmenn mættu til leiks og tóku þátt í 11 umferða hraðskákmóti með 7 mínútna.  Jóhann Örn Sigurjónsson sigraði alla sína andstæðinga, fékk 11 vinninga af 11 mögulegum. Sæbjörn Guðfinnsson varð í öðru sæti með 8 vinninga.  Þriðja sætinu náði Þór Valtýsson með 7.5 vinning.

Í kaffihléinu á meðan menn gæddu sér á kaffi og tertu í boði skákklúbbsins, sem Jóhanna ráðskona framreiddi af sinni alkunnu smekkvísi, voru veitt verðlaun fyrir samanlagðan árangur á öllum skákdögum vetrarins.

Fyrst voru afhent sérstök friðarverðlaun Þau fékk formaðurinn Birgir Sigurðsson fyrir að gera flest jafntefli, hann gerði 57 jafntefli í 77 skákum.

Síðan voru afhent verðlaun til þriggja sem flesta vinninga fengu yfir veturinn.

Haraldur Axel Sveinbjörnsson varð vetrarhrókur Nr 1 hann fékk 140.5 vinning í 196 skákum, sem er 71.5 % árangur, honum var afhentur farandbikar og verðlaunapeningur.

Vetrarhrókur Nr 2 varð Sigfús Jónsson,hann fékk 135.5 vinning í 189 skákum sem er 71.5% árangur,hann fékk silfur pening.

Vetrarhrókur Nr 3 varð Þorsteinn Guðlaugsson, hann fékk 106.5 vinninga í 161 skák,sem er árangur uppá 66.2%,hann fékk bronspening.

Heildarúrslit á hraðskákmótinu.

• 1         Jóhann Örn Sigurjónsson                 11         vinninga
• 2         Sæbjörn Guðfinnsson                         8             -
• 3         Þór Valtýsson                                     7.5          -
• 4         Sigfús Jónsson                                   7              -
• 5-7      Gunnar Finnsson                               6.5           -
•            Þorsteinn Guðlaugsson                      6.5           -
•            Össur Kristinsson                              6.5           -
• 8-12    Óli Árni Vilhjálmsson                       6             -
•            Einar S Einarsson                               6            -
•            Magnússon V Pétursson                     6           -
•            Birgir Sigurðsson                               6            -
•            Bragi G Bjarnason                              6            -
• 13-17  Haraldur A Sveinbjörnsson                5.5         -
•            Hermann Hjartarson                           5.5         -
•            Viðar Arthúrson                                 5.5         -
•            Baldur Garðarsson                             5.5         -
•            Egill Sigurðsson                                5.5         -
• 18-19  Finnur Kr Finnsson                           5            -
•            Halldór Skaftason                              5           -
• 20-21  Ásgeir Sigurðsson                             4.5         -
•            Ágúst Ingimundarson                        4.5         -
• 22       Sæmundur Kjartansson                      4            -
• 23-24  Jón Bjarnason                                    3.5        -
•            Birgir  Ólafsson                                 3.5        -
• 25        Friðrik Sófusson                                       1.5   v
• 26        Ingi E Árnason                                          1      -

Hraðskákmót öðlinga fer fram í kvöld

Hraðskákmót öðlinga fer fram í kvöld og hefst kl. 19:30.  Í lok mótsins fer fram verðlaunaafhending fyrir hraðskákmótið og sjálft aðalmótið þar sem Bragi Halldórsson sigraði.   Þátttökugjald 500 kr.  Þá verða góðar veitingar, rjómavöfflur og annað góðgæti, sem Birna sér um, nokkurs konar töðugjöld eins og tíðkaðist til sveita hér áður fyrr og tíðkast trúlega enn!

 

Bikarmót Snælandsskóla í skák

Bikarmót Snælandsskóla í skák  var haldið í skólanum miðvikudaginn 12. maí   Allir nemendur skólans  gátu skráð sig í mótið.  90 duglegir krakkar mættu til leiks. Mótið var liðakeppni, þar sem 2 keppendur úr sama bekk (og  1 varamaður) skipuðu hvert lið. Allir bekkir gátu sent eins mörg lið í keppnina og þeir vildu.  Tefldar voru 5 umferðir eftir Monrad kerfi. Æsispennandi keppni lauk með sigri 4.S sem fékk farandbikarinn til varðveislu í 1 ár. En sigurliðið, þeir nafnarnir Sigurður Kjartansson og Sigurður Örn Ólafsson úr 4.S náðu 9 vinningum af 10 mögulegum.

Verðlaun voru veitt:

• Farandbikar  var veittur þeim bekk sem á sigurliðið.
• 3 efstu lið í yngri flokki (1.-4.bekkur) og eldri flokki (5.-10.bekkur) fengu verðlaunapeninga.
• Allir þátttakendur fengu viðurkenningarskjal fyrir að vera með í mótinu. 

Mótið var í umsjón Lenku Ptácníkovú skákkennara við skólann.

Myndaalbúm mótsins