Skák.is

22.8.2010 | 23:38

Skákþáttur Morgunblaðsins: Kínverjar að mala Rússana

Þegar næsta Ólympíumót verður komið á góðan rekspöl í Khanty Manyisk í Síberíu í september/október og augu skákunnenda um heim allan munu beinast að efstu borðum er ekki ósennilegt að þar sitji sveit frá Kína sem er hið nýja stórveldi skákarinnar. Ekki eru það alveg ný tíðindi í kvennaflokki þar sem Kína hefur margsinnis unnið gullverðlaun en í karlaflokki, sem nefndur er opni flokkurinn, hefur Kína aldrei borið sigur úr býtum. Nú kann að verða breyting á, Armenar sem sigruðu 2006 og 2008 hljóta að telja Kínverja sína helstu andstæðinga.

Hverju veldur þessi mikli uppgangur? Þegar sá sem þetta ritar tók þátt í hraðskákmóti á Grand Rokk, 40 ára afmælismóti Illuga Jökulssonar árið 2000 og langt var liðið á viðureign mína í 8. umferð við 14 ára kínverskan pilt, Bu Xiangzhi, varð mér litið á klukkuna og sá að Bu átti tæpar 4 mínútur eftir gegn u.þ.b. 1½ mínútu. Ég velti því fyrir mér hver hefði hleypt piltinum inn á þessa hrikalegu knæpu en kom þá auga á fulltrúa frá kínverska sendiráðinu. Og hvernig var þjálfun hans háttað? Mér fannst Bu þeyta taflmönnunum út um allt borð eins og hann væri að leika borðtennis. Nú þurfti að hafa hraðar hendur á og rétt að halda því til haga að á síðustu sekúndunum tókst mér að vinna taflið af hinum unga Bu sem þessa dagana fer fremstur í flokki kínverskra skákmanna sem eru nánast að niðurlægja Rússa í landskeppni þjóðanna sem stendur yfir í borginni Ningbo í Kína. Eftir fyrri hluta keppninnar þar sem tefldar voru kappskákir var staðan þessi:

Kína 27 (karlar 15½, konur 11½) - Rússland 23 (karlar 9½, konur 13½). Eftir fyrsta keppnisdag at-skáka höfðu Kínverja aukið forskotið um þrjá vinninga.

Stílbrögðin Kínverjanna hafa vitanlega tekið miklum breytingum frá því er þeir tefldu á sínu Ólympíumóti árið 1978 og þjálfun mun markvissari; Nigel Short sagði mér að þegar hann hélt fyrirlestur í smábæ einum í Kína hefðu mætt þúsund börn til að hlýða á sig. Þeir hafa bætt sig gríðarlega á öllum sviðum skákarinnar, ekki síst í byrjunum og í endatöflum hafa margir þeirra tileinkað sér afburða tækni. Það sem hinsvegar jók mjög á vinsældir þeirra er þeir tóku að hasla sér völl á alþjóðavettvangi var mögnuð nálgun í taktískum stöðum: enn má heyra skæran bjölluhljóm þegar yfir menn dembast kínverskar drottningarfórnir eða aðrar leikbrellur.

Í eftirfarandi skák úr landskeppni þjóðanna hikar svartur ekki við að láta skiptamun af hendi og knýr fram sigur með þróttmikilli taflmennsku:

Vladimir Potkin - Hao Wang

Nimzoindversk vörn

1. d4 Rf6 2. c4 e6 3. Rc3 Bb4 4. e3 0-0 5. Bd3 d5 6. Rf3 c5 7. 0-0 Rc6. 8. a3 bxc3 9. bxc3 Dc7 10. Bb2 Ra5 11. cxd5 exd5 12. Re5 He8 13. a4

( Sjá stöðumynd )

13....Hxe5! 14. dxe5 Dxe5 15. h3 c4 16. Bc2 Bf5!

Skiptamunsfórnin var ekki síst stöðulegs eðlis. Biskupinn á b2 er grafinn bak við c3-peðið.

17. He1 Bxc2 18. Dxc2 Rb3 19. Had1 He8 20. f3 Rc5 21. Hd4 Rd3 22. He2

Hér varð hvítur að reyna 22. Hxd3 þó svarta staðan sé betri efir 22.... cxd3 23. Dxd3 .

22.... Rh5 23. e4 Rhf4 24. Hd2 f5 25. Ba3 fxe4 26. fxe4 Dg5 27. Kh2 Hxe4 28. Dd1 De5 29. Hxe4 dxe4 30. Dg4 h5

- og hvítur gafst upp. Framhaldið gæti orðið 31. Dc8+ Kh7 32. g3 e3! og vinnur.

Helgi Ólafsson | helol@simnet.is

Skákþættir Morgunblaðsins eru birtir á Skák.is u.þ.b. viku síðar en í blaðinu sjálfu.

Grein þessi birtist í sunnudagsmogganum, 15. ágúst 2010.

Skákþættir Morgunblaðsins

Veljið skák (25 alls):

Spil og leikir | Breytt s.d. kl. 23:41 | Slóð | Facebook | Athugasemdir (0)

22.8.2010 | 15:41

Elín og Veronika Steinunn urðu efstar og jafnar í b-flokki

Elín Nhung og Veronika Steinunn Magnúsdóttir urðu efstar og jafnar í b-flokki Íslandsmóts kvenna sem fram fór um helgina í húsnæði SÍ. Þær hlutu 6 vinninga í 7 skákum og munu síðar tefla um sigurinn á mótinu en efsta sætið gefur sæti í a-flokki að ári. Sonja María Friðriksdóttir varð í þriðja sæti með 4 vinninga.

Skákstjóri var Stefán Bergsson.

Lokastaðan:

Rk.	Name	Pts.
1	Nhung Elín	6
2	Magnúsdóttir Veronika Steinunn	6
3	Friðriksdóttir Sonja María	4
4	Finnbogadóttir Hulda Rún	3
5	Kolica Donika	3
6	Ásgeirsdóttir Embla Dís	2,5
7	Júlíusdóttir Ásta Sóley	2,5
8	Jóhannsdóttir Hildur Berglind	1

Chess-Results

Spil og leikir | Breytt s.d. kl. 23:27 | Slóð | Facebook | Athugasemdir (0)

21.8.2010 | 19:11

Elín og Veronika Steinunn efstar í b-flokki Íslandsmóts kvenna

Elín Nhung og Veronika Steinunn Magnúsdóttir eru efstar og jafnir með 4 vinninga að loknum 5 umferðum í b-flokki Íslandsmóts kvenna. Sonja María Friðriksdóttir og Hulda Rún Finnbogadóttir eru í 3.-4. sæti með 3 vinninga. Mótinu líkur með 6. og 7. umferð á morgun.

Staðan eftir 5 umferðir:

Rk.	Name	Pts.
1	Nhung Elín	4
2	Magnúsdóttir Veronika Steinunn	4
3	Friðriksdóttir Sonja María	3
4	Finnbogadóttir Hulda Rún	3
5	Ásgeirsdóttir Embla Dís	2,5
6	Kolica Donika	2
7	Júlíusdóttir Ásta Sóley	1,5
8	Jóhannsdóttir Hildur Berglind	0

Chess-Results

Spil og leikir | Slóð | Facebook | Athugasemdir (0)

21.8.2010 | 17:28

Meistaramót Hellis hefst á mánudag

Meistaramót Hellis 2010 hefst mánudaginn 23. ágúst klukkan 19:30 . Mótið er 7 umferða opið kappskákmót sem lýkur 8. september. Vegleg og fjölbreytt verðlaun eru í boði. Umhugsunartíminn verður 1½ klst. á skákina auk hálfrar mínútu á hvern leik. Mótið er...

RSS-straumar

Erlendar vefsíður

Tenglar

Mót í gangi

Lykilvefir

Kennsluvefir

Íslensk taflfélög

Erlendir skákvefir

Almanök

Teflt á netinu

Færsluflokkar

Heimsóknir

Flettingar

Annað

Efni

Leita í þessu bloggi

Skákmót

Mótaáætlun SA (Prufa)

Mótaskráning

Fréttabréf SÍ

Fischer-setur

Auglýsing

Myndaalbúm

Eldri færslur

2018

2017

2016

2015

2014

2013

2012

2011

2010

2009

2008

2007

Innskráning

Innskráning: