Maggi Pé heiðraður

Á hátíðarskákfundi í Gallerý Skák í gærkvöldi var hinum kunna skákmanni,  knattspyrnu- og handknattleiksdómara, forstjóra Jóa Útherja m.m., Magnús V. Péturssyni,  veitt sérstök "Skákeflisorða", frá "Skákvinasambandinu" fyrir  framlag sitt til íslenskra skákmála yfir 60 ára skeið.   Fer hún í safn 11 gullorða, sem honum hefur áður hlotnast frá íþróttahreyfingunni.

Ekki aðeins hefur Maggi Pé verið drjúgur við að tefla sjálfum sér til ánægju og yndisauka, með góðum árangri,  heldur hefur hann einnig verið iðinn við að styðja skákmót og klúbba um margra ára skeið.  Má þar nefna sérstaklega skákklúbba eldri borgara, Æsi og Riddarann, sem  og  Sd. KR og fleiri, með því t.d. að gefa bikara og aðra verðlaunagripi til móta á þeirra vegum, nú síðast Viðeyjarmótsins og Skákmótsins  Æskan & Ellin, sem fram fer á morgun að Strandbergi, safnaðarheimili Hafnarfjarðarkirkju.    

Það var Einar Ess, formaður Skákeflis vf,  sem hengdi orðuna í barm orðuþegans, sem hefur m.a. unnið það sér til frægðar að gera jafntefli við Mikhail TAL, fyrrv. heimsmeistara í skák árið 1957 í Moskvu, sem líkti skákstil Magnúsar við Paul Morphy, eins mesta skákmeistara sem uppi hefur verið.  Þá tefldi M. Pétursson lika viðfræga skák við Bent Larsen í fjöltefli hér heima um árið, sem olli nokkrum misskilningi vegna samsláttar við nafn Margeir Péturssonar, stórmeistara, sem þá var einn öflugasti skákmeistari landsins. 

 Fyrri orðuhafar þessarar viðurkenningar eru þeir:

     Guðfinnur R. Kjartansson 2009

     og Birgir Sigurðsson 2008

Myndaalbúm

Framsýnarmótið í skák hefst í kvöld

Framsýnarmótið í skák 2010 verður haldið helgina 12.-14. nóvember nk. í fundarsal stéttarfélagsins Framsýnar að Garðarsbraut 26 Húsavík.  Það er skákfélagið Goðinn í Þingeyjarsýslu og Framsýn-stéttarfélag, sem sjá um mótshaldið.

Mótið er öllum áhugasömum opið, en einungis félagar í Framsýn-stéttarfélagi, öðrum stéttarfélögum í Þingeyjarsýslu eða í skákfélaginu Goðanum geta unnið til verðlauna.  Sérstök verðlaun verða veitt fyrir efsta utanfélagskeppandann.

Dagskrá.

1. umf. föstudaginn 12 nóvember kl 20:00      Tímamörk 25 mín á mann (atskák)
2. umf. föstudaginn 12 nóvember kl 21:00      Tímamörk 25 mín á mann (atskák)
3. umf. föstudaginn 12 nóvember kl 22:00      Tímamörk 25 mín á mann (atskák)

4. umf. laugardaginn 13 nóvember kl 10:00    Tímamörk 90 mín + 30 sek á leik (kappskák)
5. umf. laugardaginn 13 nóvember kl 16:00    Tímamörk 90 mín + 30 sek á leik (kappskák)
6. umf. sunnudaginn 14 nóvember kl 10:00    Tímamörk  90 mín + 30 sek á leik (kappskák)

Verðlaunaafhending í mótslok.

Verðlaun.

Veittir verða glæsilegir eignarbikarar fyrir þrjá efstu í mótinu sem stéttarfélagið Framsýn gefur í tilefni af samvinnu Framsýnar og skákfélagsins Goðans í þingeyjarsýslu.
Einnig verða verðlaun veitt fyrir þrjá efstu í flokki 16 ára og yngri.

Mótið verður reiknað til íslenskra skákstiga og til fide skákstiga.
Ekkert þátttökugjald er í mótið.

Upplýsingar.

Allar nánari upplýsingar um framsýnarskákmótið verða aðgengilegar á heimasíðu skákfélagins Goðans, ásamt skráningu, stöðu, skákir og svo loka-úrslit, verða birt á http://www.godinn.blog.is/  og á http://www.framsyn.is/

Skráning.

Skráning í mótið er hér efst á heimasíðu Goðans á sérstöku skráningarformi. (væntanlegt). Einnig er hægt að skrái sig hjá Hermanni Aðalsteinssyni, formanni skákfélagins Goðans, í síma 4643187 og 8213187 og á [e-mail] 

Listi yfir skráða keppendur er hér:
https://spreadsheets.google.com/ccc?key=0Arg3nCphWhFydHJESWwwTlh5bTljTHFMaG5EV3llOGc&hl=en&authkey=CIS7g8oE#gid=0
Svo er hægt að skrá sig til keppni á skrifstofu Framsýnar-stéttarfélags Garðarsbraut 26 Húsavík.

Pálmar sigraði á Atskákmóti SR

Pálmar Breiðfjörð sigraði með fullu húsi á Atskákmóti Skákfélags Reykjanesbæjar sem lauk í Björginni í kvöld.  Annar varð Sigurður H. Jónsson og þriðji varð Magnús Jónsson.

Lokastaðan:

• 1. Pálmar Breiðfjörð með 7 af 7
• 2. Sigurður H. Jónsson með 6 af 7
• 3. Magnús Jónsson með  5 af 7
• 4-5. Patrick Svansson & Þorleifur Einarsson með 3 af 7
• 6. Loftur H. Jónsson með 2 af 7
• 7-8. Emil Ólafsson & Guðmundur Ingi Einarsson með 1 af 7

• Heimasíða SR 
• Myndaalbúm mótsins