Skákbókakvöld í Akademíunni

Sigurbjörn Björnsson skákbókasali mun senn fá afar spennandi skákbækur í hendurnar, til viðbótar við þá fjölmörgu titla sem hann hefur nú þegar til sölu.  Í tilefni af þessu mun Skákakademía Reykjavíkur og Sigubjörn standa fyrir bókakvöldi í Skákakademíunni Tjarnargötu 10 A miðvikudagskvöldið 27. apríl. Skákmenn eru hvattir til að mæta með eigin skákbækur, jafnvel bítta á bókum og skoða skákbókasafn Skákakademíunnar sem fer stækkandi.

Þegar líður á kvöldið og menn fengið fullnægt skákbókaþörfum sínum verður stuttmyndin Chess story eftir Ingvar Stefánsson sýnd á breiðtjaldi. Stórleikarinn Ingvar E. Sigurðsson leikur skákmeistarann í myndinni og Róbert Lagerman er höfundur skákarinnar sem tefld er í myndinni.

Eins og venjulega á miðvikudagskvöldum í Akademíunni verður einnig gripið í tafl. Húsið opnar 20:00.

• Heimasíða SR
• Heimasíða Bjössa bóksala

Landsliðsflokkur Íslandsmótsins í skák hefst í dag á Eiðum

Landsliðsflokkur Íslandsmótsins í skák fer fram um páskana á Eiðum á Fljótsdalshéraði.  Mótið hefst föstudaginn, 15. apríl, kl. 14 og mun Björn Ingimarsson, bæjarstjóri Fljótsdalshéraðs, setja mótið og leika fyrsta leik þess.  Tíu af sterkustu skákmönnum landsins taka þátt.  Íslandsmótið nú er það sterkasta í mörg herrans ár en 3 stórmeistarar taka nú þátt.  Mótið er það fyrsta sem haldið er á Austurlandi í 21 ár en síðast var það haldið á Höfn í Hornafirði árið 1990.  Það mót var sögulegt en þá sigraði Héðinn Steingrímsson á mótinu, yngstur allra, 15 ára, og það met stendur enn en fyrsta Íslandsmótið var haldið fyrir tæpri öld síðan 1913. 

Auk Héðins, teflir einn annar fyrrverandi Íslandsmeistari, Henrik Danielsen, en hann sigraði á Íslandsmótinu sem fram fór 2009 á Bolungarvík.  Hannes Hlífar Stefánsson, ellefufaldur Íslandsmeistari  tekur ekki þátt í ár og ver því ekki titilinn.   Mótið er haldið í samvinnu Skáksambands Íslands og Skáksambands Austurlands.  Í aðdraganda mótsins fóru kennarar á vegum Skákskóla Íslands í heimsókn í rúman tug skóla á Austurlandi og boðuðu fagnaðarerindið.  

Meðal annarra keppenda má nefna stórmeistarann Þröst Þórhallsson, alþjóðlegu meistaranna Stefán Kristjánsson, Braga Þorfinnsson og Guðmund Kjartansson.   Aðrir þátttakendur eru Ingvar Þór Jóhannesson, Róbert Lagerman, Guðmundur Gíslason og Jón Árni Halldórsson.

Teflt er alla daga á Eiðum og hefst taflmennska ávallt kl. 14 að síðustu umferðinni undanskyldri sem hefst kl. 9, laugardaginn 23. apríl.

Skákáhugamenn, að Austan, eru hjartanlega velkomnir á skákstað.  Fyrir þá sem koma lengra að er bent á að allar skákirnar eru sýndar beint á vefsíðu SÍ, www.skaksamband.is auk þess daglegar fréttir af mótinu verða á www.skak.is.    

Röðun fyrstu umferðar:  

 

1	FM	Lagerman Robert		FM	Johannesson Ingvar Thor
2	IM	Kristjansson Stefan		GM	Thorhallsson Throstur
3	IM	Thorfinnsson Bragi			Halldorsson Jon Arni
4	GM	Danielsen Henrik		IM	Kjartansson Gudmundur
5		Gislason Gudmundur		GM	Steingrimsson Hedinn

 

• Heimasíða mótsins 
• Chess-Results

Oliver Aron vann á Páskaeggjamóti Hellis

Oliver Aron Jóhannesson sigraði örugglega með 6,5v í sjö skákum á  Páskaeggjamóti Hellis sem haldið var 11. apríl sl. Oliver hafði unnið allar sex skákir sínar fyrir síðustu umferð og tryggði sigurinn með jafntefli við Dawid Kolka í lokaumferðinni. Annar varð Vignir Vatnar Stefánsson með 6v og þriðji Dawid Kolka með 5,5v. Veitt voru verðlaun í tveimur aðskildum flokkum og sigraði Oliver Aron í þeim eldri en Vignir Vatnar í þeim yngri.

Eftirtaldir hlutu verðlaun á páskaeggjamótinu:

Eldri flokkur (fæddir 1995-1998):

1. Oliver Aron Jóhannesson                6,5v

2. Dagur Kjartansson                           5v

3. Tara Sóley Mobee                           4,5v

Yngri flokkur (fæddir 1999 og síðar):

1. Vignir Vatnar Stefánsson                 6v

2. Dawid Kolka                                    5,5v

3. Róbert Leó Jónsson                          5v     (32,5)

4. Kristófer Jóel Jóhannesson               5v    (29,5)

5. Guðmundur Agnar Bragason            5v    (27)

Stúlknaverðlaun:         Nansý Davíðsdóttir

Í lokin var svo slatti af páskaeggjum dreginn út og þá duttu þá nokkrir í lukkupottinn: 

Lokastaðan á páskaeggjamótinu:

Röð	Nafn	V.	BH.
1	Oliver Aron Jóhannesson	6½	33½
2	Vignir Vatnar Stefánsson	6	31
3	Dawid Kolka	5½	30
4	Róbert Leó Jónsson	5	32½
5	Kristófer Jóel Jóhannesson	5	29½
6	Dagur Kjartansson	5	28
7	Guðmundur Agnar Bragason	5	27
8	Mobee Tara Sóley	4½	32½
9	Gauti Páll Jónsson	4½	31
10	Nansý Davíðsdóttir	4½	28
11	Jóhann Arnar Finnsson	4½	27
12	Mikael Kravchuk	4½	22½
13	Svandis Rós Ríkharðsdóttir	4	29
14	Hilmir Freyr Heimisson	4	29
15	Heimir Páll Ragnarsson	4	26½
16	Róbert Örn Vigfússon	4	24
17	Ægir Örn Kristjánsson	4	23½
18	Jakob Alexander Petersen	4	22½
19	Hildur Berglind Jóhannsdóttir	4	22
20	Sonja María Friðriksdóttir	4	21½
21	Ari Steinn Kristjánsson	3½	21½
22	Pétur Steinn Atlason	3½	21
23	Bergmann Óli Aðalsteinsson	3	25
24	Alisa Helga Svansdóttir	3	25
25	Felix Steinþórsson	3	24½
26	Magnús Hjaltested	3	24½
27	Árni Pétur Árnason	3	23½
28	Jón Otti Sigurjónsson	3	23
29	Kári Georgsson	3	22½
30	Axel Óli Sigurjónsson	3	20½
31	Tinna Sif Aðalsteinsdóttir	2½	24
32	Ásdís Birna Þórarinsdóttir	2½	24
33	Ástþór Árni Ingólfsson	2½	23
34	Ágúst Unnar Kristinsson	2½	21½
35	Sigurður Fannar Finnsson	2½	20½
36	Breki Freysson	2	19
37	Arnar Hauksson	2	18½
38	Daníel Tjörvi Hannesson	2	17½
39	Anton Freyr Gunnarsson	1½	19½
40	Jakub Adam Bondarow	1½	15½
41	Elín Edda Jóhannsdóttir	1	20½

Næsta æfing verður svo mánudaginn 18. apríl nk. og hefst eins og ávalt kl. 17.15 og er haldin í Álfabakka 14a í Mjóddinni.