Meistaramót Skákskóla Íslands fer fram 26.-28. maí

Meistaramót  Skákskóla Íslands fyrir starfsárið 2016/2017 fer fram dagana 26.-28. maí nk. Mótinu er skipt í tvo stigaflokka. Flokkur keppenda undir 1600 elo – stigum og stigalausum hefst föstudaginn  26. maí og lýkur 28. maí. Þar er umhugsunartími er 30 30 og verður mótið reiknað til alþjóðlegra stiga.

Keppni í styrkleikaflokki þeirra sem eru með 1600 elo stig og meira hefst einnig 26. maí nk. Vakin er athygli á því að tímamörk eru mismunandi í flokkunum og færri umferðir verða tefldar í efri styrkleikaflokknum. Þar er teflt um sæmdarheitið Meistari Skákskóla Íslands.  Núverandi handhafi þeirrar nafnbótar Dagur Ragnarsson.   

Þátttökurétt hafa nemendur skólans og allir þeir sem tekið hafa þátt í námskeiðum á vegum skólans eða hlotið þjálfun á vegum skólans.   

Að öðru leyti áskilur skólastjóri/mótsnefnd sér rétt til að bjóða völdum einstaklingum til þátttöku. 

Mótsnefnd mun jafnframt taka afstöðu til óska þeirra sem ekki ná stigalágmörkum en vilja tefla í stigahærri flokknum.  

Flokkur undir 1600–elo-stigum og stigalausir: 

1. umferð: Föstudagurinn 26. maí kl. 18
2. umferð: Föstudagurinn 26. maí kl. 20 

3. umferð. Laugardagur 27. maí kl. 10-13.
4. umferð: Laugardagurinn 27. maí 13 –16
5. umferð: Laugardagurinn 27. maí 16-19 

   6. umferð: Sunnudagurinn 28. maí kl. 10-13.

7. umferð: Sunnudagurinn 28. maí kl. 13 –16
8. umferð: Sunnudagurinn  28. maí kl. 16-19

Tímamörk í öllum umferðunum 30 30.

Keppendur geta tekið ½ vinning yfirsetu í fyrstu fimm umferðunum en tilkynna verður um yfirsetuna fyrir umferð og áður en raðað er í þá næstu

Flokkur keppenda með 1600 – elo stig og meira. 

Tefldar verða sex umferðir eftir svissneska kerfinu í báðum flokkum.

Dagskrá mótsins verður með eftirfarandi hætti: 

Flokkur 1600 alþjóðleg elo – stig og ofar: 

1. umferð: Föstudagurinn 26. maí kl. 16
2. umferð: Föstudagurinn 26. maí kl. 20 

3. umferð. Laugardagur 27. maí kl. 10
4. umferð: Laugardagurinn 27. maí 15 

5. umferð: Sunnudagurinn 28. maí kl. 10
6. umferð: Sunnudagurinn 28. maí kl. 15 

Tímamörk í öllum umferðunum 90 30. 

Keppendur geta tekið ½ vinnings yfirsetu í fyrstu fjórum umferðunum en verða að tilkynna um yfirsetuna fyrir umferðina og áður en raðað er í næstu umferð.

Skákmenn sem eru með minna en 1600 elo- stig geta óskað eftir því að tefla í flokki stigahærri keppenda og mun mótsnefnd taka afstöðu til þess og skila niðurstöðu með góðum fyrirvara.  

Um nánari tilhögun, verðlaun o.þ.h. verður tilkynnt þegar nær dregur móti.  

Landsliðsflokkur Íslandsmótsins í skák hefst á miðvikudaginn

Íslandsmótið í skák 2017 fer fram í Hraunseli, Flatahrauni 3, í Hafnarfirði dagana 10.-20. maí nk. Umferðir byrja kl. 17.00. Það er afar ánægjulegt að mótið skuli vera haldið í Hafnarfirði eftir 14 ára hlé.

Á næsta skólaári fyrirhugar Skáksamband Íslands að standa fyrir aukinni skákkennslu í Hafnarfirði í samvinnu við Skákdeild Hauka og Hafnarfjarðarbæ.

Keppendalistinn í ár er bæði sterkur og afar athyglisverður. Meðal keppenda eru stórmeistararnir Hannes Hlífar Stefánsson,tólffaldur Íslandsmeistari í skák, og Héðinn Steingrímsson, þrefaldur Íslandsmeistari í skák.

Tveir aðrir fyrrum Íslandsmeistarar taka þátt en það eru Guðmundur Kjartansson (2014) og Þröstur Þórhallsson (2012). Alþjóðlegi mestarinn Björn Þorfinnsson lætur sig ekki vanta.

Meðal annarra keppenda má nefna efnilegast skákmann landsins, Vignir Vatnar Stefánsson, sem er aðeins 14 ára og einn sá yngsti sem teflt hefur í landsliðsflokki. Vignir komst í fréttirnar fyrir skemmstu þegar hann varð sá yngsti í skáksögunni hérlendis til að fara yfir 2400 skákstig.  

Heimamenn eiga sinn fulltrúa en meðal keppenda er Hafnfirðingurinn Sigurbjörn Björnsson.

Aðrir keppendur eru Vestfirðingurinn knái Guðmundur Gíslason, sem oft hefur náð eftirtektarverðum árangri á Íslandsmótinu, og Dagur Ragnarsson og Bárður Örn Birkisson sem báðir eru að tefla á sínu fyrsta Íslandsmóti.

Keppendalistinn (skákstig í sviga)

1. Hannes Hlífar Stefánsson (2566) - stórmeistari
2. Héðinn Steingrímsson (2562) - stórmeistari
3. Guðmundur Kjartansson (2437) – alþjóðlegur meistari
4. Þröstur Þórhallsson (2420) - stórmeistari
5. Björn Þorfinnsson (2407) – alþjóðlegur meistari
6. Guðmundur Gíslason (2336) – FIDE-meistari
7. Vignir Vatnar Stefánsson (2334) – FIDE-meistari
8. Dagur Ragnarsson (2320) – FIDE-meistari
9. Sigurbjörn Björnsson (2268) – FIDE-meistari
10. Bárður Örn Birkisson (2162)

Mótið verður sett miðvikudaginn 10. maí kl. 16:45. Forseti bæjarstjórnar Guðlaug Kristjánsdóttir mun setja mótið fyrir hönd Hafnarfjarðar og leika fyrsta leik þess. Dregið verður um töfluröð degi fyrir mótið eða þann 9. maí.

Heimasíða mótsins

Jóhann Hlíðar og Hinrik skólameistarar Vesturlands

Skólameistaramót Vesturlands fór fram í gær í Grunnskóla Borgarness. Þátt tóku 13 skákmenn. Sjö í eldri og sex í þeim yngri. Hart var barist í báðum flokkum og svo fór að það þurfti aukakeppni í eldri flokki til að útkljá sigurvegarann. Þar hafði Jóhann Hlíðar Hannesson betur í úrslitaskák gegn Birni Ólafi Haraldssyni. Hinrik Úlfarsson hafði yfirburði í yngri flokki og vann allar sínar skákir.

Eldri flokkur

Spennan var allan tíma mikil í eldri flokki og voru þrír keppendur efstir og jafnir fyrir lokaumferðina. Svo fór að Jóhann Hlíðar og Björn Ólafur mætustu í lokaumferðinni og gerðu jafntefli og urðu efstir og jafnir. Þeir tefldu því úrslitaskák um titilinn skólameistari Vesturlands og þar hafði Jóhann Hlíðar betur.

Daniel Victor Herwigsson og Steinar Örn Finnbogason urðu jafnir í 3.-4. sæti og þar hafði Steinar bronsið eftir úrslitaskák.

Lokastaðan á Chess-Results.

Yngri flokkur

Hinrik Úlfarsson vann öruggan sigur í yngri flokki. Vann alla fimm andstæðinga sína. Annar varð Örn Einarsson og þriðji varð Reynir Jóngeirsson.

Lokastaðan á Chess-Results.

Umsjón mótsins var í höndum Páls Leós Jónssonar sem er búinn að byggja upp öflugt starf í Grunnskólanum í Borgarnesi. Þar mætta um 20 manns í vali í hverri viku í unglingadeildinni. Gunnar Björnsson aðstoðaði við skákstjórn.

Ekki verður fulltrúi frá Vesturlandi að þessu sinni á Landsmótinu að þessu sinni en vonandi á komandi árum.

Landsmótið í skólaskák hefst á morgun á Akureyri

Landsmótið í skólaskák fer fram í Rósenborg á Akureyri um helgina. Þátt taka 24 ungmenni sem koma víðs vegar af frá landinu. Að venju verður telft um Íslandsmeistaratitil í tveimur flokkum, yngri flokki (1-7. bekk) og eldri flokki (8-10. bekk).

Mótið á sér langa sögu en fyrsta Landsmótið var haldið árið 1979 á Kirkubæjarsklaustri. Þá vann Jóhann Hjartarson eldri flokkinn. Síðan þá hafa allir sterkustu skákmenn þjóðarinnar teflt á Landsmóti og má þar nefna stórmeistarana Hannes Hlífar Stefánsson, Héðin Steingrímsson, Helga Áss Grétarsson, Þröst Þórhallsson og Hjörvar Stein Grétarsson.

Mótið verður sett föstudaginn 5. maí kl. 17. og hefst fyrst umferð strax að henni lokinni. Á föstudeginum verða tefldar fjórar skákir þar sem keppendur hafa 20 mínútna umhugsunartíma, auk þess sem 10 sekúndur bætast við í hverjum leik. Fimmta umferð hefst á laugardag kl. 10.00. Þá verður tefld kappskák, með 90 mínútna umhugsunartíma + 30 sekúndur á leik. Sömu tímamörkí sjöttu og sjöundu umferð. Sú sjötta hefst kl. 16.00 og lokaumferðin kl. 10 á sunnudagsmorgun.

Heimasíða Skákfélags Akureyrar mun gera mótinu afar góð skil um helgina. 

Aðalfundur Vinaskákfélagsins fer fram í kvöld

Aðalfundur Vinaskákfélagsins verður haldinn 4 maí 2017 í Vin, Hverfisgötu 47, 101 Reykjavík klukkan 19:30. 

Dagskrá aðalfundar er sem hér segir:

1. Forseti setur fundinn.
2. Kosning fundarstjóra.
3. Skýrsla stjórnar lögð fram.
4. Reikningar lagðir fram til samþykktar.

Kaffi hlé!

5. Lagabreytingar.
6. Kosning stjórnar.
7. Önnur mál. 

Stjórnin.

 

 

Almar Máni og Martin Patryk skólaskákmeistarar Suðurlands

Skólaskákmót Suðurlands fór fram í Fischer-setri á Selfossi í gær. Tíu keppendur tóku þátt og börðust þar um tvö sæti í Landsmótinu í skólaskák sem fram fer á Akureyri næstu helgi. Þar reyndust tveir strákar frá Hellu vera sigursælastir. Almar Máni Þorsteinsson í eldri flokki og Martin Patryk í þeim yngri. 

Teflt var í einum flokki, allir við alla, og svo verðlaunaðir þrír efstu í hvorum flokki.

 

Staðan í eldri flokk varð sem hér segir:

1. Almar Máni Þorsteinsson (Grunnskólanum Hellu) 7 v. af 9 
2. Styrmir Jökull Einarsson (Grunnskólanum Hveragerði) 6½ v.
3. Pétur Nói Stefánsson (Grunnskólanum Hveragerði) 5½ v.

Staða efstu manna í yngri flokki varð sem hér segir:

1. Martin Patryk (Grunnskólanum Hellu) 5½ v. af9 
2. Þorsteinn Jakob Freyr Þorsteinsson (Vallaskóla, Selfossi) 5 v.
3. Þrándur Ingvarsson (Þjórsársskóla) 4½ v.

Skákstjóri var Gunnar Björnsson en Aldís Sigfúsdóttir hélt utan um mótið að hálfu heimamanna.

Lokastöðuna má finna hér.

Vignir Vatnar og Róbert Luu Skólaskákmeistarar Reykjaness 2017

Kjördæmamót Reykjaness í skólaskák fór fram í stúkunni við Kópavogsvöll þriðjudaginn 2. mai. Mótið var um leið Skólameistaramót Kópavogs. 

Í eldri flokki nemenda í 8.-10.bekk mætti 16 keppendur. Tefldar voru sjö umferðir með 10mínútna umhugsunartíma.

Úrslit:

1. Vignir Vatnar Stefánsson Hörðuvallaskóla 6 v
2. Birkir Ísak Jóhannsson Salaskóla 5 v
3. Arnar Milutin Heiðarsson Hörðuvallaskóla 5 v
4. Sverrir Hákonarson Hörðuvallaskóla 4,5 v
5. Stephan Briem Hörðuvallaskóla 4,5 v

Reykjanes á rétt á þrem keppendum í eldri flokki á Landsmótinu á Akureyri um næstu helgi. 

Í yngri flokki nemenda í 1.-7.bekk mætti 29 keppendur. Tefldar voru sjö umferðir með 10mínútna umhugsunartíma.

Úrslit:

1. Róbert Luu Álfhólssskóla 6,5 v
2. Örn Alexandersson Vatnsendaskóla 6 v
3. Gunnar Erik Guðmundsson Salaskóla 5 v
4. Benedikt Briem Hörðuvallaskóla 5 v
5. Freyja Birkisdóttir Smáraskóla 5 v
6. Tómas Möller Vatnsendaskóla 5 v

Reykjanes á rétt á fjórum keppendum í yngri flokki á Landsmótinu á Akureyri um næstu helgi. 

Skólaskákmeistari stúlkna í 1.-7.bekk í Kópavogi:

1. Freyja Birkisdóttir Smáraskóla 5 v
2. Esther Lind Valdimarsdóttir Salaskóla 4 v 

Það var Skákdeild Breiðabliks sem sá um mótið með aðstoð skákkennara í Kópavogi.

Móts&skákstjóri var Halldór Grétar Einarsson 

Úrslit á Chess-Results:

http://chess-results.com/tnr278873.aspx?lan=1&art=4&wi=821

http://chess-results.com/tnr278867.aspx?lan=1&art=4&wi=821 

Mamedyarov sigurvegari Shamkir-mótsins

Íslandsvinurinn Shakhriyar Mamedyarov (2772) sigraði á minningarmóti Vugar Gashmiov sem lauk í fyrradag í Shamkir í Aserbaísjan. Shakh hlaut 5½ vinning í 9 skákum. Vladimir Kramnik (2811), Wesley So (2822) og Vesenlin So (2741) urðu í 2.-4. sæti með 5 vinninga.

Lokastaðan varð sem hér segir:

 

 

 

 

 

 

 

 

 

 

Aserinn viðkunnanlegi er nú komandi í núnda sæti á stigalista FIDE. Hann þarf hins vegar að bíta í það súra epli að fá ekki þátttökurétt á Norway Chess-mótinu þar sem 10 stighæstu skákmönnum heims var boðið til leiks. Síðan þá hefur Mameydarov skotið framfyrir Sergei Karjakin og Anish Giri.

Nánar má um mótið lesa á Chess24.

 

Skólaskákmót Reykjavíkur fer fram í dag

Skólaskákmót Reykjavíkur fer fram þriðjudaginn 2.maí í Laugalækjarskóla.

Tefldar verða 6-7 umferðir með 10 mínútna umhugsunartíma. 

 

Mótið hefst klukkan 17:00.

 

Í yngri flokki er teflt um eitt sæti á landsmót í skólaskák en tvö sæti í eldri flokki.

 

Landsmótið í skólaskák fer fram á Akureyri helgina 5. - 7. maí.

 

Hver skóli má senda til leiks sína skólameistara eða sterkustu skákmenn.

 

Skráning á [e-mail]

Skákþáttur Morgunblaðsins: Allt í hnapp á toppnum – Jóhann og Björn efstir Íslendinga

Enn hefur engum skákmanni tekist að slíta sig frá öðrum í toppbaráttu Reykjavíkurmótsins en sjötta umferð mótsins var tefld í Hörpunni í gær og að henni lokinni voru eigi færri en 14 skákmenn efstir og jafnir með 5 vinninga hver, þ. á m. margir af stigahæstu keppendum mótsins Anish Giri, Baadur Jobava, Gawain Jones, Zoltan Almasi, Abijeeet Gupta, Gata Kamsky, Segei Movsesian og Konstantin Landa.

Jóhann Hjartarson og Björn Þorfinnsson stóðu best að vígi meðal okkar, báðir með 4½ vinning og nokkrir íslenskir skákmenn voru með 4 vinninga. Hannes Hlífar Stefánsson lék gróflega af sér í byrjun tafls gegn Sophiku Guramishvili og mátti leggja niður vopnin eftir aðeins 18 leiki. Hann er því úr myndinni í keppninni um efsta sætið.

Á Reykjavíkurmótinu eru þátttakendur 263 talsins og setja kornungir skákmenn mikinn svip á mótshaldið. Það er mikið um taktískar vendingar í skákum þeirra eins og eftirfarandi staða sem kom upp í 1. umferð ber með sér:

Nansý Davíðsdóttir – Björn Þorfinnsson

Björn virtist hafa alla þræði í hendi sér áður en hann lék sínum síðasta leik, 29. ... Da1-e5. Hann gat viðhaldið leppun í stöðunni með 29. ... Dc1 en gaf nú Nansý færi á óvæntum leik...

30. Hxg6!

og hér sá Björn að ef 30. ... hxg6 þá kemur 31. Dh3+ Kg8 32. Bb3+ Hf7 33. Dc8+! Kh7 34. Bxf7 og vinnur. Hann varð að leika ...

30. ... Dxh2

og barðist síðan áfram manni undir og tókst með mikilli útsjónarsemi að halda jöfnu.

Indverjar eru með 16 keppendur, þar af tvo kornunga skákmenn sem vakið hafa mikla athygli undanfarið. Hinn 12 ára gamla Pragnanandhaa skortir ekki taktískt innsæi:

- Sjá stöðumynd 2. -

Dougherty – Pragnanandhaa

Indverjinn hafði haldið frumkvæðinu næstum því alla skákina en hann vissi vel að til að klára dæmið þurfti hann að finna virkilega öflugan leik:

29. ... Dc4!

– og Kanadamaðurinn gafst upp þar sem 30. Dxc4 Rxc4 31. Bxg6 er svarað með millileiknum 31. ... Rxd2+ og svartur vinnur mann

 

------------------

Skákþættir Morgunblaðsins eftir Helga Ólafsson birtast u.þ.b. viku síðar á Skák.is.

Grein þessi birtist í Morgunblaðinu 21. apríl 2017

Skákþættir Morgunblaðsins