Skákþing Reykjavíkur hefst á sunnudaginn

Skákþing Reykjavíkur hefst sunnudaginn 8. janúar kl. 13. Tefldar verða níu umferðir eftir svissnesku kerfi. Tímamörk eru 90 mínútur og bætast við 15 mínútur eftir 40 leiki. 30 sekúndur bætast við eftir hvern leik alla skákina. Teflt er í húsnæði Taflfélags Reykjavíkur að Faxafeni 12.

Keppendur geta tekið tvær yfirsetur (bye) í umferðum 1-6. Leggja skal inn ósk um yfirsetu til skákstjóra áður en parað er í viðkomandi umferð. Hálfur vinningur fæst fyrir yfirsetu.

Athygli er vakin á því að umferðir á sunnudögum hefjast kl. 13:00.

Dagskrá

1. umferð sunnudag 8. janúar kl. 13.00
2. umferð miðvikudag 11. janúar kl. 19.30
3. umferð sunnudag 15. janúar kl. 13.00
4. umferð miðvikudag 18. janúar kl. 19.30
5. umferð sunnudag 22. janúar kl. 13.00
6. umferð miðvikudag 25. janúar kl. 19.30
7. umferð sunnudag 29. janúar kl. 13
8. umferð miðvikudag 01. febrúar kl. 19.30
9. umferð föstudag 03. febrúar kl. 19.30

Hraðskákmót Reykjavíkur fer fram sunnudaginn 5. febrúar kl. 13 og verður þá jafnframt verðlaunaafhending fyrir Skákþingið.

Tímamörk

90 mín á 40 leiki, síðan 15 mín, auk 30 sek eftir hvern leik alla skákina.

Skákstjórn

Yfirdómari mótsins verður Ríkharður Sveinsson ([e-mail] / s.772 2990).

Aðalverðlaun

• 1. sæti kr. 120.000
• 2. sæti kr. 60.000
• 3. sæti kr. 30.000

Stigaverðlaun

• Besta frammistaða miðað við eigin stig (rating performance – eigin stig) – kr. 10.000.
• U2000 og U1800 – kr. 10.000.
• U1600, U1400, U1200, stigalausir – bókaverðlaun.

Æskulýðsverðlaun

• Bókaverðlaun fyrir efstu stúlkuna og efsta piltinn í árgangaflokkum 2001-2003, 2004-2007, 2008 og yngri.

Fide stig gilda við úthlutun stigaverðlauna (íslensk stig til vara). Hver keppandi getur aðeins hlotið ein aukaverðlaun (ofangreind röð verðlauna gildir).

Þátttökugjöld (greiðist með reiðufé við upphaf móts).

kr. 5.000 fyrir 18 ára og eldri.
kr. 2.500 fyrir 17 ára og yngri.

Skráningarform

Skráðir keppendur

Keppt er um titilinn “Skákmeistari Reykjavíkur 2017” og hlýtur sá keppandi sem verður efstur þeirra sem eiga lögheimili í Reykjavík, eða eru félagsmenn í reykvísku skákfélagi, titilinn og farandbikar til varðveislu í eitt ár. Núverandi Skákmeistari Reykjavíkur er alþjóðlegi meistarinn Jón Viktor Gunnarsson.

Verði keppendur jafnir að vinningum í þremur efstu sætunum, verður verðlaunum skipt (Hort útreikningur), en stigaútreikningur (tiebreaks) látinn skera úr um verðlaunasæti. Í öðrum verðlaunaflokkum ganga verðlaun óskipt til þess sem hefur flest stig eftir stigaútreikning. Stigaútreikningur verður eftirfarandi: 1. Sonneborn-Berger 2. Innbyrðis úrslit 3. Fjöldi sigra 4. Median Buchholz.

Skákþing Reykjavíkur er reiknað til alþjóðlegra skákstiga. Skákir mótsins verða slegnar inn og birtar á pgn formi.

Vinsamlegast mætið tímanlega á skákstað til að staðfesta skráningu og greiða þátttökugjald. Skráningu lýkur 15 mínútum fyrir auglýst upphaf móts, þ.e. kl. 12.45.

Guðmundur vann Rasmus í gær

Alþjóðlegi meistarinn Guðmundur Kjartansson (2468) hefur 5 vinninga að loknum 7 umferðum á alþjóðlega skákmótinu í Hastings. Í gær vann Danann Rasmus Thorgersen (2161) en sjöttu umferð gerði hann jafntefli við Eu Wen Aron Theh (2279) frá Malasíu. Guðmundur er í 5.-9. sæti - aðeins hálfum vinningi á eftir efstu mönnum. 

Í áttundu og næstsíðustu umferð, sem fram fer í dag, teflir Gummi við indverska undradrenginn R Praggnanandhaa (2452). 

Alls taka 97 skákmenn þátt í efsta flokknum og þar af eru 11 stórmeistarar.

• Heimasíða mótsins
• Chess-Results
• Beinar útsendingar - hefjast kl. 14:15.

Birkir Karl ráðinn ungmennalandsliðsþjálfari Ástralíu! - Dagur og Kristófer nýir þjálfarar

Birkir Karl Sigurðsson yfirþjálfari Skákdeildar Breiðabliks hefur verið ráðinn Ungmenna landsliðsþjálfari Ástralíu. Þetta er mikill heiður fyrir Birkir Karl og óskar Skákdeild Breiðabliks honum til hamingju með þetta ævintýralega tækifæri. Ásamt því að vera landsliðsþjálfari þá mun Birkir Karl starfa sem yfirþjálfari Skákskóla Sydney (Chess School of Sydney). 

Birkir Karl mun fljúga á vit ævintýranna í byrjun febrúar og þá koma Dagur Ragnarsson og Kristófer Gautason nýir inn í þjálfunina hjá Breiðablik.

Dagur Ragnarsson er einn af okkar efnilegustu skákmönnum. Hann byrjaði í Rimaskóla og Fjölni og hefur svo æft skák undir handleiðslu Helga Ólafssonar í Skákskólanum. Faðir hans, Ragnar Hermannsson, er öflugur handboltaþjálfari sem náð hefur góðum árangri á því sviði. Dagur mun sjá um þjálfun eldri og reyndari iðkenda Breiðabliks.

Kristófer Gautason er uppalinn í skákævintýrinu í Vestmannaeyjum. Fékk leiðsögn frá Birni Ívari, sem er einn af okkar albestu ungmennaþjálfurum. Kristófer er sonur Karls Gauta Hjaltasonar fyrrverandi formanns Taflfélags Vestmannaeyja. Kristófer hefur verið að þjálfa unga nemendur í Ísaksskóla og hann mun sjá um þjálfun yngri og óreyndari iðkenda Breiðabliks. 

Í haust byrjaði Hjörvar Steinn með afreksþjálfun hjá Skákdeild Breiðabliks á fimmtudögum. Hann mun halda þeirri þjálfun áfram. Skákskóli Íslands hefur verið með æfingar fyrir Kópavogskrakka á laugardögum í stúkunni við Kópavogsvöll. Núna mun skólinn auka þjónustuna og mun Helgi Ólafsson skólastjóri Skákskólans einnig sjá um afreksþjálfun á miðvikudögum.

Ekki amalegt þjálfarateymi hjá Skákdeild Breiðabliks!

Skákdeild Breiðabliks hefur frá stofnun lagt höfuðáherslu á þjálfun ungmenna að fyrirmynd rússneska skákskólans. Skákkrakkar sem vilja gera skák að aðalíþróttagrein eiga að geta æft 3-4 sinnum í viku eins og aðrar íþróttagreinar bjóða upp á. Kostnaðurinn við þjálfunina hjá Skákdeild Breiðabliks er svipaður og einn málaliði í ÍS. Við skorum á önnur taflfélög að reyna að gera betur en við!

Ný alþjóðleg hraðskákstig

Ný alþjóðleg skákstig komu út 1. janúar sl. Hjörvar Steinn Grétarsson (2662) er langstigahæsti hraðskákmaður landsins. Í næstu sætum eru Jóhann Hjartarson (2581) og Jón Viktor Gunnarsson (2541). Aron Þór Mai (108) hækkað mest frá desember-listanum. Í næstu sætum eru Stephan Briem (99) og Halldór Atli Kristjánsson (84).

Heildarlistann má finna hér. 

Topp 20

No	Name	Tit	jan.17	Gms	Diff
1	Gretarsson, Hjorvar Steinn	GM	2662	0	0
2	Hjartarson, Johann	GM	2581	10	43
3	Gunnarsson, Jon Viktor	IM	2541	11	31
4	Stefansson, Hannes	GM	2535	0	0
5	Thorfinnsson, Bjorn	IM	2506	22	-10
6	Gunnarsson, Arnar	IM	2503	11	27
7	Kristjansson, Stefan	GM	2483	0	0
8	Gretarsson, Helgi Ass	GM	2466	11	1
9	Olafsson, Helgi	GM	2438	11	-16
10	Thorhallsson, Throstur	GM	2434	11	-13
11	Thorfinnsson, Bragi	IM	2420	11	-7
12	Kjartansson, Gudmundur	IM	2411	11	-42
13	Bjornsson, Sigurbjorn	FM	2376	11	-17
14	Petursson, Margeir	GM	2366	0	0
15	Johannesson, Ingvar Thor	FM	2353	22	-7
16	Jensson, Einar Hjalti	IM	2352	11	51
17	Asbjornsson, Asgeir	FM	2344	0	0
18	Arnason, Jon L	GM	2320	11	-20
19	Karlsson, Bjorn-Ivar	FM	2306	0	0
20	Thorgeirsson, Jon Kristinn		2298	0	0

Mestu hækkanir

No	Name	Tit	jan.17	Gms	Diff
1	Mai, Aron Thor		1794	19	108
2	Briem, Stephan		1578	18	99
3	Kristjansson, Halldor Atli		1394	18	84
4	Thorvaldsson, Jon		2114	21	82
5	Birkisson, Bjorn Holm		1919	17	82
6	Omarsson, Kristofer		1740	18	81
7	Birkisson, Bardur Orn		2018	19	77
8	Njardarson, Daniel Ernir		1439	11	68
9	Saevaldsson, Kristinn Jon		1972	11	66
10	Ragnarsson, Heimir Pall		1507	11	53
11	Briem, Hedinn		1472	10	52
12	Jensson, Einar Hjalti	IM	2352	11	51
13	Ragnarsson, Dagur	FM	2221	11	50
14	Davidsdottir, Nansy		1559	10	49
15	Ulfljotsson, Jon		1736	20	47
16	Adalsteinsson, Hermann		1649	9	47
17	Hjartarson, Johann	GM	2581	10	43
18	Vignisson, Ingvar Egill		1664	19	43
19	Bjornsson, Eirikur K.		2010	31	39
20	Lee, Gudmundur Kristinn		1844	11	39
21	Halldorsson, Hjorleifur		1818	9	39

 
Reiknuð hraðskákmót

• Hraðskákmót Garðabæjar
• Hraðskákmót Hugins (norður)
• Elítumót Hugins
• Friðriksmót Landsbankans - Íslandsmótið í hraðskák
• Jólahraðskákmót TR

Skrár tengdar þessari bloggfærslu:

• Alþjóðleg hraðskákstig, 1. janúar 2017

Jokkó sigurvegari Nýarsmóts SA

Á nýársdag fór fram fyrsta mót ársins 2017 en þá fór fram Nýársmót Skákfélags Akureyrar. Það má segja að árið byrji eins og það síðasta endaði, með yfirburðarsigri Jóns Kristins. Að þessu sinni lagði kappinn alla sína andstæðinga tvisvar sinnum og lauk keppni með fullt hús. Hinir sjö unnu samt allir eitthvað en þó mismikið.  

1. Jón Kristinn Þorgeirsson 14/14

2. Andri Freyr Björgvinsson 10,5

3. Sigurður Arnarson        10

4. Sveinbjörn Sigurðsson    7

5. Sigurður Eiríksson       6

6. Karl Steingrímsson       5,5

7. Fannar Breki Kárason     2

8. Heiðar Ólafsson          1

Guðmundur með jafntefli í gær

Alþjóðlegi meistarinn Guðmundur Kjartansson (2468) hefur 3,5 vinninga eftir 5 umferðir á Hastings-mótinu í Englandi. Gummi tapaði fyrir danska stórmeistaranum Allan Stig Rasmussen (2502) í þeirri fjórðu en gerði jafntefli við enska FIDE-meistarann Richard A. Bates (2347) í þeirri fimmtu.

Í sjöttu umferð sem fram fer í dag teflir Gummi við Eu Wen Aron Teh (2279) frá Malasíu. 

Alls taka 97 skákmenn þátt í efsta flokknum og þar af eru 11 stórmeistarar.

• Heimasíða mótsins
• Chess-Results
• Beinar útsendingar - hefjast kl. 14:15.

Vignir með jafntefli í gær

FIDE-meistarinn Vignir Vatnar Stefánsson (2404) hefur 2,5 vinninga eftir 5 umferðir á Rilton-mótinu í Stokkhólmi. Í fjórðu umferð tapaði hann fyrir eistneska stórmeistaranum Kaido Kulaots (2556) og í þeirri fimmtu gerði hann jafntefli við sænska alþjóðlega meistrann Rolf Bergström (2290).

Sjötta umferð fer fram í dag og þá teflir við Vignir við færeyska FIDE-meistarann Högna Egilsstoft Nielsen (2262).

Alls taka 105 skákmenn þátt í efsta flokknum og þar af eru 24 stórmeistarar. Mótið er teflt 27. desember - 5. janúar.

• Heimasíða mótsins
• Chess-Results
• Beinar útsendingar (Chess24) hefjast kl. 14

Davíð Kjartansson og Bárður Örn Birkisson sigrðuðu á Jólamóti Víkingaklúbbsins 2016

Davíð Kjartansson og Bárður Örn Birkisson sigruðu á Jólamóti Víkingaklúbbsins sem haldið var í húsnæði Skáksambands Íslands miðvikdaginn 28. janúar síðastliðin.  

Davíð Kjartansson sigraði á skákmótinu eftir að hafa verið í hörkubaráttu við mjög sterka skákmenn. Davíð endaði með 6. vinninga af sjö mögulegum.  Annar varð Bárður Örn Birkisson og þriðji varð Páll Þórarinsson.

Keppendur í skákinni voru 22, en tefldar voru 7. umferðir, þar sem tímamörk voru 5. mínútur.  

Í Víkingaskákinni sigraði Bárður Örn Birkisson með 6.5 vinninga af 7. mögulegum. Gunnar Fr. Rúnarsson varð annar með 6. vinninga og Björn Hólm Birkisson þriðji með 5.5 vinninga. Efst kvenna í Víkingaskákinni varð Lenka, Freyja Birkisdóttir varð önnur og Nansý Davíðsdóttir þriðja. Unglingaverðlaun hlaut Björn Hólm Birkisson, Gauti Páll Jónsson varð annar og Aron Mai þriðji.

 

 

Í Víkingaskákinni var einnig keppt í liðakeppni félaganna og ungu strákarnir í TR urðu efstir í þeirri keppni. Keppendur í  Víkingaskákinni voru ellefu, en tefldar voru 7. umferðir, þar sem tímamörk voru 4 2 mínútur á skákina (þetta var nýtt fyrirkomulag á Víkingahraðskákinni).

Á mótinu var einnig keppt um titilinn Íslandsmeistari í tvískák, en sérstakur bikar var fyrir besta árangur í báðum mótunum. Bárður Birkisson varð efstur í því móti, en næstir kom Gunnar Fr. Rúnarsson og Björn Birkisson en þeir urðu jafnir í 2-3 sæti þegar vinningar úr báðum mótunum höfðu verið lagðir saman.

Úrslit í hraðskákmótinu:

  1  Davíð Kjartansson  6 af 7    
  2  Bárður Örn Birkisson 5.5      
  3  Páll Agnar Þórarinsson  5.0  
  4  Omar Salama 5.0 
  5  Halldór Pálsson 5.0  
 
Nánari úrslit á Chess-Results.

Úrslit í Víkingahraðskákinni:

 

 1.   Bárður Örn Birkisson 6.5 af 7

 2.   Gunnar Fr Rúnarsson 6.0              

 3 .  Björn Birkisson 5.5

 4    Gauti Páll Jónsson  4.0  

  5   Aron Mai 4.0

 

Nánari úrslit á Chess-Results.

 

Úrslit í Tvískákmótinu:

 

1. Bárður Birkisson   12.0 v. 

2. Björn Birkisson 9.0                

3. Gunnar Fr Rúnarsson 9.0
4. Gauti Páll Jónsson 8.5
5. Aron Mai 8.0
osf...

 

Nánar á heimasíðu Víkingsklúbbsins.

Ný alþjóðleg skákstig

Ný alþjóðleg skákstig eru komin út. Hannes Hlífar Stefánsson (2570) er sem fyrr stigahæsti skákmaður landsins. Björgvin Ívarsson Schram (1554) er stigahæstur sex nýliða á listanum. Stefán Orri Davíðsson (186) hækkaði mest allra frá nóvember-listanum.

Topp 20

Nánast engar breytingar eru á topp 20 listanum enda var Henrik Danielsen sá eini sem tefldi kappskákir á tímabilinu.

Hannes Hlífar Stefánsson (2570) er stigahæstur, Héðinn Steingrímsson (2564) næstur og Hjörvar Steinn Grétarsson (2563) þriðji.

No.	Name	Tit	jan.17	Gms	Diff
1	Stefansson, Hannes	GM	2570	0	0
2	Steingrimsson, Hedinn	GM	2564	0	0
3	Gretarsson, Hjorvar Steinn	GM	2563	0	0
4	Hjartarson, Johann	GM	2540	0	0
5	Olafsson, Helgi	GM	2540	0	0
6	Petursson, Margeir	GM	2513	0	0
7	Danielsen, Henrik	GM	2485	11	4
8	Arnason, Jon L	GM	2471	0	0
9	Kjartansson, Gudmundur	IM	2468	0	0
10	Kristjansson, Stefan	GM	2459	0	0
11	Thorfinnsson, Bragi	IM	2453	0	0
12	Gunnarsson, Jon Viktor	IM	2450	0	0
13	Gretarsson, Helgi Ass	GM	2448	0	0
14	Thorsteins, Karl	IM	2432	0	0
15	Gunnarsson, Arnar	IM	2431	0	0
16	Thorhallsson, Throstur	GM	2414	0	0
17	Stefansson, Vignir Vatnar	FM	2404	0	0
18	Thorfinnsson, Bjorn	IM	2404	0	0
19	Jensson, Einar Hjalti	IM	2386	0	0
20	Johannesson, Ingvar Thor	FM	2377	0	0

Nýliðar

Sjö nýliðar eru á listanum. Þeirra stighæstur er Björgvin Ívarsson Schram (1554). Í næstu sætum eru Davíð Arnarson (1526) og Smári Arnarson (1501).

No.	Name	Tit	jan.17	Gms	Diff
1	Ivarsson Schram, Bjorgvin		1554	8	1554
2	Arnarson, David		1526	7	1526
3	Arnarson, Smari		1501	11	1501
4	Sigurdsson, Sigurdur J		1433	7	1433
5	Sigurdarson, Sveinn		1295	6	1295
6	Petursson, Armann		1256	6	1256
7	Johannsson, Bjarki Kroyer		1106	10	1106

Mestu hækkanir

Stefán Orri Davíðsson (188) hækkar mest allra frá nóvember-listanum eftir frábæra frammistöðu á alþjóðlegu skákmóti á Spáni. Í næstu sætum eru Benedikt Briem (153) og Árni Ólafsson (134).

No.	Name	Tit	jan.17	Gms	Diff
1	Davidsson, Stefan Orri		1562	12	188
2	Briem, Benedikt		1417	11	153
3	Olafsson, Arni		1224	9	134
4	Davidsson, Oskar Vikingur		1840	13	133
5	Mai, Alexander Oliver		1837	8	120
6	Alexandersson, Orn		1285	10	86
7	Johannsson, Johann Bernhard		1507	6	77
8	Mai, Aron Thor		1965	9	72
9	Briem, Stephan		1803	6	67
10	Birkisdottir, Freyja		1299	11	67
11	Ulfsson, Olafur Evert		1752	5	58
12	Heidarsson, Arnar		1376	6	55
13	Kolka, Dawid		1936	6	52
14	Thorsteinsson, Hilmar		1840	6	40
15	Arnason, Saemundur		1235	6	37
16	Baldursson, Haraldur		1983	7	31
17	Vignisson, Ingvar Egill		1652	5	31
18	Omarsson, Adam		1070	4	28
19	Jonsson, Kristjan Dagur		1224	9	23
20	Sveinsson, Gudmundur Peng		1267	7	19

Heimslistinn

Magnus Carlsen (2840) er stigahæsti skákmaður heims. Í næstu sætum eru Fabiano Caruan (1827) og Vladimir Kramnik (2811).

Topp 100 listann má nálgast á heimasíðu FIDE.

Reiknuð mót

• Hraðskákmót Garðabæjar
• U-2000 mót TR 
• Hraðskákmót Hugins - norður
• Elítukvöld Hugins (hraðskák)
• Atskákmót Reykjavíkur
• Bikarsyrpa TR
• TM-mót Reykjanesbæjar
• Friðriksmót Landsbankans (hraðskák)
• Atskákmót Skákklúbbs Icelandair
• Jólahraðskámót Reykjavíkur

Í næstu dögum verður gerð úttekt á hrað- og atskákstigum.

 

Skákþing Reykjavíkur hefst 8. janúar

Skákþing Reykjavíkur hefst sunnudaginn 8. janúar kl. 13. Tefldar verða níu umferðir eftir svissnesku kerfi. Tímamörk eru 90 mínútur og bætast við 15 mínútur eftir 40 leiki. 30 sekúndur bætast við eftir hvern leik alla skákina. Teflt er í húsnæði Taflfélags Reykjavíkur að Faxafeni 12.

Keppendur geta tekið tvær yfirsetur (bye) í umferðum 1-6. Leggja skal inn ósk um yfirsetu til skákstjóra áður en parað er í viðkomandi umferð. Hálfur vinningur fæst fyrir yfirsetu.

Athygli er vakin á því að umferðir á sunnudögum hefjast kl. 13:00.

Dagskrá

1. umferð sunnudag 8. janúar kl. 13.00
2. umferð miðvikudag 11. janúar kl. 19.30
3. umferð sunnudag 15. janúar kl. 13.00
4. umferð miðvikudag 18. janúar kl. 19.30
5. umferð sunnudag 22. janúar kl. 13.00
6. umferð miðvikudag 25. janúar kl. 19.30
7. umferð sunnudag 29. janúar kl. 13
8. umferð miðvikudag 01. febrúar kl. 19.30
9. umferð föstudag 03. febrúar kl. 19.30

Hraðskákmót Reykjavíkur fer fram sunnudaginn 5. febrúar kl. 13 og verður þá jafnframt verðlaunaafhending fyrir Skákþingið.

Tímamörk

90 mín á 40 leiki, síðan 15 mín, auk 30 sek eftir hvern leik alla skákina.

Skákstjórn

Yfirdómari mótsins verður Ríkharður Sveinsson ([e-mail] / s.772 2990).

Aðalverðlaun

• 1. sæti kr. 120.000
• 2. sæti kr. 60.000
• 3. sæti kr. 30.000

Stigaverðlaun

• Besta frammistaða miðað við eigin stig (rating performance – eigin stig) – kr. 10.000.
• U2000 og U1800 – kr. 10.000.
• U1600, U1400, U1200, stigalausir – bókaverðlaun.

Æskulýðsverðlaun

• Bókaverðlaun fyrir efstu stúlkuna og efsta piltinn í árgangaflokkum 2001-2003, 2004-2007, 2008 og yngri.

Fide stig gilda við úthlutun stigaverðlauna (íslensk stig til vara). Hver keppandi getur aðeins hlotið ein aukaverðlaun (ofangreind röð verðlauna gildir).

Þátttökugjöld (greiðist með reiðufé við upphaf móts).

kr. 5.000 fyrir 18 ára og eldri.
kr. 2.500 fyrir 17 ára og yngri.

Skráningarform

Skráðir keppendur

Keppt er um titilinn “Skákmeistari Reykjavíkur 2017” og hlýtur sá keppandi sem verður efstur þeirra sem eiga lögheimili í Reykjavík, eða eru félagsmenn í reykvísku skákfélagi, titilinn og farandbikar til varðveislu í eitt ár. Núverandi Skákmeistari Reykjavíkur er alþjóðlegi meistarinn Jón Viktor Gunnarsson.

Verði keppendur jafnir að vinningum í þremur efstu sætunum, verður verðlaunum skipt (Hort útreikningur), en stigaútreikningur (tiebreaks) látinn skera úr um verðlaunasæti. Í öðrum verðlaunaflokkum ganga verðlaun óskipt til þess sem hefur flest stig eftir stigaútreikning. Stigaútreikningur verður eftirfarandi: 1. Sonneborn-Berger 2. Innbyrðis úrslit 3. Fjöldi sigra 4. Median Buchholz.

Skákþing Reykjavíkur er reiknað til alþjóðlegra skákstiga. Skákir mótsins verða slegnar inn og birtar á pgn formi.

Vinsamlegast mætið tímanlega á skákstað til að staðfesta skráningu og greiða þátttökugjald. Skráningu lýkur 15 mínútum fyrir auglýst upphaf móts, þ.e. kl. 12.45.