Tap gegn Suður-Afríku - tækifæri til hefndar í dag!

Ísland tapaði 1½-2½ fyrir suður-afríski sveit á Ólympíuskákmóti 16 ára og yngri í gær. Hilmir Freyr Heimsson vann sína skák á þriðja borði, Vignir Vatnar Stefánsson gerði jafntefli á efsta borði, en Björn Hólm Birkisson og Svava Þorsteinsdóttir töpuðu.

Íslenska sveitin mætir hins vegar annarri suður-afrískri sveit í fimmtu umferð í dag og því gæti tækifæri til hefndar!

Úrslit 4. umferðar

 

Umferðin dagsins hefst kl. 12. Bárður Örn kemur aftur inn í liðið en Svava hvílir í dag. 

Pörun 5. umferðar

Hægt er að fylgjast með krökkun beint hér. 

Íslenska liðið er 32. í styrkleikaröð 54 liða. Hverju liði er skylt að hafa eina stúlku liðinu sem tefla skal a.m.k. 3 skákir af 9 á mótinu. Kjartan Maack er liðsstjóri liðsins.

• Heimasíða mótsins
• Beinar útsendingar 
• Chess-Results

Hjörvar Steinn og Einar Hjalti með fullt hús á Xtracon-mótinu

Xtracon-mótið (þekkt sem Politiken Cup) hófst fyrir skemmstu í Helsingör nærri Kaupmannahöfn. Fjórir íslenskir skákmenn taka þátt. Hjörvar Steinn Grétarsson (2550) og Einar Jensson (2371) eru báðir með fullt hús eftir þrjár umferðir.

Andstæðingarnir fara nú að þyngjast eftir fremur rólegar upphafs umferðir. Í 4. umferð, sem fram fer í dag, teflir Hjörvar við Þjóðverjann Malte Colpe (2385) en Einar við þýska stórmeistarann Rasmus Svane (2549).

Hægt verður að fylgjast með skákum Hjörvars og Einars beint á netinu. Umferðin hefst kl. 11:15.

Sigurlaug R. Friðþjófsdóttir (1815) og Lárus H. Bjarnason (1516) taka einnig þátt og hafa 1 vinning eftir þrjár umferðir.

398 skákmenn frá 26 löndum taka þátt í mótinu. Þar af eru 27 stórmeistarar. 

• Heimasíðan mótsins
• Chess-Results
• Beinar útsendingar á Chess24 (hefjast flestar kl. 11:15).

Jón Trausti með fullt hús - Oliver með jafntefli við stórmeistara

 

Þremur umferðum er lokið á Opna tékkneska mótinu(Czech Open)  í Pardubice í Tékklandi. Sjö íslenskir taka þátt. Tveir keppendur, Dagur Ragnarsson (2274) og Oliver Aron Jóhannesson (2232) tefla í a-flokki en 5 íslenskir skákmenn tefla í b-flokki. 

Dagur hefur 2 vinninga en Oliver hefur 1½ vinning en hefur fengið sterkari andstæðinga en Dagur. Í gær gerði hann jafntefli við rússneska stórmeistarann Kirill Bryzgalin (2411) og í dag teflir Oliver við goðsögnina Vlstimil Jansa (2411)

Jón Trausti Harðarson (2078) hefur byrjað mjög vel í b-flokki og unnið alllar sínar skákir. Hinir íslensku skákmennirnir hafa ½-1½ vinning. 

Fjórða umferð fer fram í dag. 

• Heimasíða mótsins
• Chess-Results
• Beinar útsendingar (hefjast kl. 13). 

Tap gegn Kínverjum - Suður Afríka andstæðingur dagsins

Ísland tapaði ½-3½ fyri Kína í 3. umferð Ólympíuskákmóts 16 ára og yngri í Slóvakíu í gær. Hilmir Freyr Heimisson gerði jafntefli við 11 ára stúlku á fjórða borði, sem á örugglega eftir að komast langt, en aðrar skákir töpuðust. Slæm úrslit en gegn afar sterkri sveit. Andstæðingirnir í dag er sveit Suður-Afríku. 

Úrslit 3. umferðar

Fjórða umfeðr hófst nú kl. 12:00. Svava Þorsteinsdóttir kemur aftur inn en en Bárður Örn hvílir í dag. 

Pörun 4. umferðar

Hægt er að fylgjast með krökkun beint hér. 

Íslenska liðið er 32. í styrkleikaröð 54 liða. Hverju liði er skylt að hafa eina stúlku liðinu sem tefla skal a.m.k. 3 skákir af 9 á mótinu. Kjartan Maack er liðsstjóri liðsins.

• Heimasíða mótsins
• Beinar útsendingar 
• Chess-Results

Carlsen öruggur sigurvegari Bilbaó-mótsins

Lokaumferð Bilbaó-mótsins fór fram í gær. Öllum skákum umferðinnar lauk með jafntefli. Carlsen (2855) gerði jafntefli við Wesley So (2770). Heimsmeistarinn vann öruggan sigur á mótinu en hann hlaut 17 stig. Nakamura varð annar með 12 stig og Wei Yi þriðji með 11 stig. 

Lokastaðan

 

Nánar má lesa um gang mála í gær á Chess.com.

• Heimasíða mótsins
• Beinar útsendingar 

Skákþáttur Morgunblaðsins: Í mestri taphættu í fyrstu umferð

Skákunnendur sem bíða í ofvæni eftir því að heimsmeistaraeinvígi Magnúsar Carlsen og Sergei Karjakin hefjist áttu ekki von á því að sjá þá að tafli fyrir uppgjörið mikla í nóvember. Þeir voru báðir skráðir til leiks á „norska mótinu“ í vor en Karjakin sá sér ekki fært að vera með og bar við þreytu en þá blésu Baskar til ofurmóts í Bilbao þar sem sex skákmenn tefla tvöfalda umferð – og þeir eru báðir með Carlsen og Karjakin! Aðrir þátttakendur eru Nakamura, So, Hollendingurinn Giri og Kínverjinn Wei Yi.

Í Bilbao kemur aftur á daginn að norski heimsmeistarinn er aldrei í meiri taphættu en í fyrstu umferð hvers móts. Í þetta sinn tapaði hann fyrir Bandaríkjamanninum Hikaru Nakamura og mun það vera í fyrsta sinn sem Nakamura vinnur Magnús í kappskák; þeir hafa teflt 30 slíkar og Magnús unnið 12 sinnum með 27 jafnteflum. Þrátt fyrir þetta óvænta tap eiga flestir von á Magnúsi sterkum þegar líða tekur á keppnina.

Hvað Bandaríkjamenn varðar liggur fyrir að þeir stefna á ólympíugull. Liðið sem teflir í Baku er ekki árennilegt með Nakamura, Caruana og Wesley So í broddi fylkingar. Nú eru 40 ár síðan Bandaríkin unnu Ólympíumót síðast en austurblokkin sat heima. Nakamura er á mikilli siglingu þessa dagana og sýndi það í eftirfarandi skák:

Magnús Carlsen – Hikaru Nakamura

Sikileyjarvörn

1. e4 c5 2. Re2

Keres átti það til að leika riddaranum þangað. Fljótlega beinist taflið yfir í þekkta stöðu.

2. ... d6 3. Rbc3 a6 4. g3 g6 5. Bg2 Bg7 6. d4 cxd4 7. Rxd4 Rf6 8. 0-0 0-0 9. b3 Rc6 10. Rxc6 bxc6 11. Bb2 Da5 12. Ra4 Bg4 13. De1 Dh5 14. f3 Bh3 15. g4 Dh6 16. Hd1

Hann gat teygt sig eftir peði með 16. Bc1 g5 en eftir 17. Bxg5 Dxg5 18. Bxh3 Rh5! og – Rf4 er svarta staðan betri og 17. Bxh3 Dxh3 18. Bxg5 er svarað með 18. ... Rxg4! o.s.frv.

16. ... g5 17. Bc1 Bxg2 18. Kxg2 Dg6 19. h4 gxh4 20. Dxh4 d5 

Eftir fremur óhefðbundna byrjun er einfaldast og best að leika 21. exd5 cxd5 (eða 21. ... Rxd5 22. c4) 22. c3 og hvíta staðan er eilítið betri. En Magnús velur aðra leið og lakari.

21. g5? dxe4 22. f4 e6!

( Stöðvar f-peðið. )

23. c4 Hfd8 24. Hde1 Re8 25. Rc5 Rd6 26. Df2 f5!

Nakamura vill alls ekki láta peðið af hendi. Og brátt segir liðsmunurinn til sín.

27. Bb2 Rf7 28. Bxg7 Kxg7 29. Dg3 Hd6 30. Hd1 Had8 31. Hxd6 Hxd6 32. Dc3 Kg8 33. Hf2 Dh5!

Svartur stendur vel til varnar og sóknar. Það er ekki nokkur leið fyrir hvítan að verja þessa stöðu.

34. Dh3 Dd1 35. De3 e5! 36. Dg3 Hg6 37. Kh2 exf4 38. Dxf4 Dh5+ 39. Kg1 Dd1+ 40. Kh2 Dh5+ 41. Kg1 Rxg5 42. Db8+ Kg7 43. De5+ Kh6 44. Df4 Dd1 45. Kh2 Dd4 46. b4 Kg7 47. Dc7 Kh8 48. Dc8 Hg8 49. Dxf5 Rf3 50. Kh3 

Enn er smá von: 50. ... Dxf2 51. Df6+ Hg7 52. Df8+ og hvítur þráskákar.

50. ... Dd6!

Hótar 51. .. Dg3 mát og 51. ... Dh6+. Það er engin vörn. Magnús gafst upp. 

Hjörvar Steinn vann opna mótið í Suður-Wales

Hjörvar Steinn Grétarsson vann öruggan sigur á opna skákmótinu sem lauk í Cardiff í Suður-Wales sl. miðvikudag. Hjörvar hlaut 8 vinninga af tíu mögulegum og var ½ vinningi fyrir búlgörsku stórmeistarana Boris Chatalbashev og Marian Petrov en Hjörvar vann þá báða í sjöundu og áttundu umferð svo sigurinn var sanngjarn og jákvætt skref fram á við eftir Skákþing Íslands á dögunum.

Grein þessi birtist í Morgunblaðinu 16. júlí 2016

Skákþættir Morgunblaðsins

[Event "Bilbao"] [Site "Bilbao ESP"] [Date "2016.07.13"] [EventDate "2016.07.13"] [Round "1"] [Result "0-1"] [White "Magnus Carlsen"] [Black "Hikaru Nakamura"] [ECO "B20"] [WhiteElo "2855"] [BlackElo "2787"] [PlyCount "100"] 1. e4 c5 2. Ne2 d6 3. Nbc3 a6 4. g3 g6 5. Bg2 Bg7 6. d4 cxd4 7. Nxd4 Nf6 8. O-O O-O 9. b3 Nc6 10. Nxc6 bxc6 11. Bb2 Qa5 12. Na4 Bg4 13. Qe1 Qh5 14. f3 Bh3 15. g4 Qh6 16. Rd1 g5 17. Bc1 Bxg2 18. Kxg2 Qg6 19. h4 gxh4 20. Qxh4 d5 21. g5 dxe4 22. f4 e6 23. c4 Rfd8 24. Rde1 Ne8 25. Nc5 Nd6 26. Qf2 f5 27. Bb2 Nf7 28. Bxg7 Kxg7 29. Qg3 Rd6 30. Rd1 Rad8 31. Rxd6 Rxd6 32. Qc3+ Kg8 33. Rf2 Qh5 34. Qh3 Qd1 35. Qe3 e5 36. Qg3 Rg6 37. Kh2 exf4 38. Qxf4 Qh5+ 39. Kg1 Qd1+ 40. Kh2 Qh5+ 41. Kg1 Nxg5 42. Qb8+ Kg7 43. Qe5+ Kh6 44. Qf4 Qd1+ 45. Kh2 Qd4 46. b4 Kg7 47. Qc7+ Kh8 48. Qc8+ Rg8 49. Qxf5 Nf3+ 50. Kh3 Qd6 0-1

4-0 stórsigur gegn sveit heimamanna

Ísland vann sveita heimamanna 4-0 í annarri umferð Ólympíuskákmóts 16 ára og yngri sem fram fór nú í morgunsárið í Poprad Tatry í Slóvakíu. Vignir Vatnar Stefánsson, tvíburarnir, Bárður Örn og Björn Hólm Birkissynir, og Svava Þorsteinsdóttir unnu öll sínar skákir. Svava með svörtu gegn skákkonu sem var 200 skákstigum hærri. Vel tefldar skákir og virkilega góð úrslit. 

Þriðja umferð hefst kl. 14:30. Pörun liggur ekki fyrir.

Íslenska liðið er 32. í styrkleikaröð 54 liða. Hverju liði er skylt að hafa eina stúlku liðinu sem tefla skal a.m.k. 3 skákir af 7 á mótinu. Kjartan Maack er liðsstjóri liðsins og mun skrifa reglulega pistla frá skákstað.

• Heimasíða mótsins
• Beinar útsendingar 
• Chess-Results

Jón Trausti vann í fyrstu umferð

Opna tékkneska skákmótið (Czech Open) hófst í gær í Pardubice. Sjö íslenskir skákmenn taka þátt í mótinu. Tveir tefla í a-flokki mótsins en fimm tefla í b-flokki. Dagur Ragnarsson (2274) og Oliver Aron Jóhannesson (2232), fulltrúarnir í a-flokki töpuðu báðir fyrir sterkum stórmeisturum. Hetja gærdagsins var Jón Trausti Harðarson (2078) sem vann Tékkann Vojech Riha (1872).

Úrslit 1. umferðar

 

 

 

 

 

 

• Heimasíða mótsins
• Chess-Results
• Beinar útsendingar (hefjast kl. 13).

 

Loks vann Carlsen Giri - búinn að tryggja sér sigur á mótinu

Níunda og næstsíðasta umferð Bilbaó-mótsins fór fram fór í gær. Loks tókst heimsmeistaranum Magnus Carlsen (2855) að vinna Anish Giri (2785). Hollendingurinn vann þeirra fyrstu kappskák árið 2011 í Wijk aan Zee en síðan gerðu þeir 14 jafntefli í röð. Öðrum skákum í gær lauk með jafntefli. Carlsen hefur tryggt sér sigur á mótinu en hann hefur 5 stiga forskot á Nakamura en lokaumferðin fer fram í dag og hefst kl. 13.

Nánar má lesa um gang mála í gær á Chess.com.

• Heimasíða mótsins
• Beinar útsendingar 

Tap gegn þýskri sveit í fyrstu umferð

Íslenska sveitin á Ólympíuskákmóti 16 ára og yngri tapaði í fyrstu umferð fyrir Þýskalandi 1-3. Þýska sveitin er ein sú allra sterkasta á mótinu. Sá sem teflir á fyrsta borði er heimsmeistari 16 ára og yngri. Bárður Örn Birkisson og Hilmir Freyr Heimisson gerðu góð jafntefli á 2. og 4. borði en Vignir Vatnar Stefánsson og Björn Hólm Birkisson töpuðu.

Úrslit 1. umferðar:

 

Á morgun eru tefldar tvær umferðir og hefjast þær kl. 8 og 14:30. Í fyrri umferð dagsins teflir Ísland við eina af sveitum heimamönnum. Hilmir Freyr hvílir en Svava Þorsteinsdóttir teflir.

Pörun 2. umferðar:

 

Íslenska liðið er 32. í styrkleikaröð 54 liða.  Hverju liði er skylt að hafa eina stúlku liðinu sem tefla skal a.m.k. 3 skákir af 7 á mótinu. Kjartan Maack er liðsstjóri liðsins og mun skrifa reglulega pistla frá skákstað.

• Heimasíða mótsins
• Beinar útsendingar 
• Chess-Results