Skákþáttur Morgunblaðsins: Skyldleikinn við skákina í óperunni

Wesley So er án efa besti skákmaður sem komið hefur fram á Filippseyjum. Fjölskyldumál hans voru dálítið í fréttum í fyrra, um það leyti sem hann fékk bandarískt ríkisfang. Þegar hann lagði Kasparov að velli í aðeins 25 leikjum á hraðskákmótinu í St. Louis fyrir viku þóttust fróðir menn og langminnugir, þar á meðal Garrí sjálfur í „tísti“ á Twitter, finna skyldleika við skák sem Paul Morphy tefldi við tvo áhugamenn í hléi á flutningi óperu Rossini, Rakaranum í Sevilla, í ítalska óperuhúsinu í París þann 2. nóvember árið 1858. Að vísu hefur sagnfræðingurinn Edward Winter haft uppi efasemdir um þessa dagsetningu í veftímaritinu Chess Notes en við látum það liggja milli hluta. Hinn liðlega tvítugi piltur fá New Orleans, sonur háyfirdómarans, hafði lokið lagaprófi 19 ára og kunni lagabálk Louisana-ríkis utan að. Þar sem hann var of ungur til að geta praktíserað og engan verðugan andstæðing að finna við skákborðið í Bandaríkjunum tók hann áskorun sem var borin var fram í stórblaðinu The Illustrated London Times og sigldi yfir hafið til Evrópu í þeirri von að mæta fremsta skákmeistara Breta, Howard Staunton. Hann dvaldi þó lengstum í París og á Café de la Régence gersigraði hann helstu skákmeistara þess tíma, þar á meðal Þjóðverjann Adolf Andersen, sem er frægur í skáksögunni fyrir Ódauðlegu skákina, sem tefld var við upphaf heimssýningarinnar í London árið 1851. Morphy heillaði menn með fágaðri framkomu sinni, flosamjúkri Suðurríkjaensku og snilldartaflmennsku. Fregnir af sigrum hans, m.a. í blindfjölteflum, bárust um álfuna og víðar. Viktoría Bretadrottning veitti honum áheyrn og aðallinn bar hann á höndum sér. Skákunnendurnir tveir sem áður voru nefndir, Ísidor greifi og Karl hertogi af Brunswick, sem auðvitað var með einkastúku í ítalska óperuhúsinu, tefldu þessa frægu skák:

París 1858:

Paul Morphy – Samráðamenn

Philidor vörn

1. e4 e5 2. Rf3 d6 3. d4 Bg4 4. dxe5 Bxf3 5. Dxf3 dxe5 6. Bc4 Rf6 7. Db3 De7 8. Rc3 c6 9. Bg5 b5 10. Rxb5 cxb5 11. Bxb5+ Rbd7 12. O-O-O Hd8 13. Hxd7 Hxd7 14. Hd1 De6 15. Bxd7+ Rxd7

16. Db8+ Rxb8 17. Hd8 mát.

Í St. Louis varð Kasparov að láta sér lynda 3. sætið, hlaut 9½ v. af 18 mögulegum, Nakamura varð efstur með 11 vinninga, So fékk 10 vinninga og Caruana rak lestina með 5½ v. Kasparov átti í mesta basli með So en skákin sem stendur upp úr er þessi sigur úr 10. umferð:

St. Louis 2016

Wesley So – Garrí Kasparov

Kóngsindversk vörn

1. Rf3 g6 2. e4 Bg7 3. d4 d6 4. c4 Bg4 5. Be2 Rc6 6. Rbd2 e5 7. d5 Rce7 8. h3

Staðan kom upp aftur í 16. umferð og þá hrókeraði hvítur.

Bd7 9. c5

Það hefur stundum dugað gegn Kasparov „að taka hann með áhlaupi“; varnartaflmennska hefur aldrei verið hans sterkasta hlið.

dxc5 10. Rc4 f6 11. d6 Rc8 12. Be3 b6 13. O-O Bc6 14. dxc7 Dxc7 15. b4 cxb4 16. Hc1 Rge7 17. Db3!

Hindrar stutta hrókun. Af svipbrigðum Kasparovs að dæma var honum alls ekki skemmt.

17. ... h6?

Furðulegur varnarleikur en það var fátt um fína drætti.

18. Hfd1 b5

19. Rcxe5! fxe5 20. Bxb5

Nú er svipuð leppun komin fram og í Morphy-skákinni.

20. ... Hb8 21. Ba4! Db7 22. Hxc6! Rxc6 23. De6+ R8e7 24. Bc5!

Hótar 24. ... Bxc6+. Svartur er varnarlaus.

24. ... Hc8 25. Bxe7

– og Kasparov gafst upp.

Grein þessi birtist í Morgunblaðinu 30. april 2016

Skákþættir Morgunblaðsins

[Event "Ultimate Blitz Challenge"] [Site "Saint Louis USA"] [Date "2016.04.29"] [EventDate "2016.04.28"] [Round "10.2"] [Result "1-0"] [White "Wesley So"] [Black "Garry Kasparov"] [ECO "A41"] [WhiteElo "?"] [BlackElo "?"] [PlyCount "49"] 1. Nf3 g6 2. e4 Bg7 3. d4 d6 4. c4 Bg4 5. Be2 Nc6 6. Nbd2 e5 7. d5 Nce7 8. h3 Bd7 9. c5 dxc5 10. Nc4 f6 11. d6 Nc8 12. Be3 b6 13. O-O Bc6 14. dxc7 Qxc7 15. b4 cxb4 16. Rc1 Nge7 17. Qb3 h6 18. Rfd1 b5 19. Ncxe5 fxe5 20. Bxb5 Rb8 21. Ba4 Qb7 22. Rxc6 Nxc6 23. Qe6+ Ne7 24. Bc5 Rc8 25. Bxe7 1-0

[Event ""] [Site "Paris (France)"] [Date "1858.??.??"] [Round "?"] [White "Morphy Paul"] [Black "Duke Karl Count Isouard"] [Result "1-0"] [ECO "C41"] [WhiteElo "2680"] [BlackElo "0"] [Annotator ""] [Source ""] [Remark ""] 1.e4 e5 2.Nf3 d6 3.d4 Bg4 4.dxe5 Bxf3 5.Qxf3 dxe5 6.Bc4 Nf6 7.Qb3 Qe7 8.Nc3 c6 9.Bg5 b5 10.Nxb5 cxb5 11.Bxb5+ Nbd7 12.O-O-O Rd8 13.Rxd7 Rxd7 14.Rd1 Qe6 15.Bxd7+ Nxd7 16.Qb8+ Nxb8 17.Rd8# 1-0

EM pistill nr. 2

Það gekk vel í fyrstu umferð EM einstaklinga en jafn illa í annarri umferð. 3½ í hús í fyrstu umferð en aðeins ½ í hús í þeirri annarri. Björn með virkilega gott jafntefli gegn Kryvo..... sem tók jafnteflinu ekki sérstaklega vel og tók „strunsið út“ eftir þó að hafa tekið í hönd Björns.  

Eins og fram kom í fyrri pistli hafa verið uppi ánægjuraddir með hótelmál. Til stóð að endurhanna keppnishótelið fyrir mótsbyrjun og átti það vera tilbúið í mótsbyrjun. Það gekk ekki eftir og þurfti að færa einhverja keppendur á önnur hótel sem sum hver eru ekki víst ekki mjög góð. 

Ekki væsir um okkur Íslendinganna sem erum á besta hóteli bæjarins að mér skilst og matsölustaðurinn á hótelinu er nr. 1 á TripAdvisor. Í gær borðuðum við á Vínbarnum sem er hluti af hótelinu og var okkur strax öllum hugsað til Þrastar Þórhallssonar sem hefði heldur betur fílað sig þar! Með okkur á hótelinu eru t.d. Jones, Grandelius, Pólverjarnir og Tékkarnir.

Þriðja umferð er í gangi. Gummi vann en aðrir að sitja að tafli. Hvorki Ísland né Kósovó með á Eurovision með svo ekki verður kveikt á sjónvarpinu í kvöld.

Bendi á eftirfarandi sjónvarpsfrétt frá Kósovó. Skrollið á 3.55.

 

Kveðja frá Gjakova,
Gunnar Björnsson

 

Stefán Arnalds skákmeistari öðlinga

Bolvíkingurinn knái, Stefán Arnalds (2007), sigraði á æsispennandi Skákmóti öðlinga sem lauk síðastliðið miðvikudagskvöld. Í lokaumferðinni gerði Stefán jafntefli við hinn margreynda norðlending, Þór Valtýsson (1946), í rafmagnaðri skák þar sem sá fyrrnefndi hafði vænlega stöðu í lokin. Tími beggja var þó farinn að telja í sekúndum og varð því skiptur hlutur niðurstaðan enda höfðu önnur úrslit gert það að verkum að jafntefli dugði Stefáni til sigurs í mótinu.

Við upphaf síðustu umferðar var sú athyglisverða staða uppi að sex keppendur hefðu getað endað efstir og jafnir með 5 vinninga hver. Raunin varð hinsvegar önnur en úrslit urðu þó ekki ljós fyrr en síðla kvölds enda breyttist staðan á toppnum nánast í hvert sinn sem úrslit duttu inn.

Sem fyrr segir var baráttan afar jöfn og ljóst að úrslit viðureigna fjögurra efstu borðanna myndu ráða mestu um lokaröð efstu manna. Fyrst til að klárast var orrusta Inga Tandra Traustasonar (1916) og Sigurðar Daða Sigfússonar (2299) þar sem sá síðarnefndi stýrði svörtu mönnunum nokkuð örugglega til sigurs. Þar með var Sigurður Daði orðinn jafn Stefáni með 5 vinninga en röð þeirra breyttist reglulega samtímis því sem önnur úrslit urðu ljós.

Síðla kvölds fór öðrum lykilviðureignum að ljúka, fyrst þegar Þorvarður F. Ólafsson (2195) og Siguringi Sigurjónsson (1971) slíðruðu sverðin og sömdu um skiptan hlut þar sem Þorvarði tókst ekki að kreista fram sigur peði yfir og með biskup mót sterkum riddara Siguringa. Á þessum tímapunkti voru Stefán, Þorvarður, Sigurður Daði og Siguringi allir með 5 vinninga og ómögulegt að segja til um hver yrði efstur að loknum stigaútreikningi.

Frekari útreikningar fyrir efsta sætið reyndust þó óþarfir þar sem Stefán og Þór gerðu að lokum jafntefli eins og segir að ofan. Enginn sem eftir var gat þarna náð Stefáni að vinningum og titillinn því í höfn. Síðastur til að klárast var bardagi varaformanns TR, Kjartans Maack (2110), og barnalæknisins Ólafs Gísla Jónssonar (1904) þar sem niðurstaðan var einnig jafntefli eftir venjubundinn klukkubarning þess fyrrnefnda. Tveimur peðum undir varðist Ólafur fimlega þar sem hvor hafði hrók og riddara og þráskák varð að lokum lendingin. Ólafi tókst því ekki að komast í hóp þeirra sem höfðu 5 vinninga en hann var á meðal efstu manna um tíma eftir góða sigra gegn Sigurði Daða og Þorvarði, stigahæstu keppendum mótsins.

Lokastaðan er því þannig að Stefán sigrar með 5,5 vinning, en næstir með 5 vinninga koma Þorvarður, Siguringi og Sigurður Daði þar sem tveir fyrstnefndu hljóta 2. og 3. sætið eftir stigaútreikning. Ólafur Gísli, Árni H. Kristjánsson (1894) og Þór fylgja fast á eftir með 4,5 vinning.

Skemmtilegu, vel heppnuðu og mjög svo spennandi Öðlingamóti er því lokið þar sem keppendafjöldi var svipaður og í fyrra og styrkleiki keppenda spannaði allan skalann upp að 2300 Elo-stigum. Mest allra hækkaði Kristján Geirsson (1492) eða um 93 stig. Þá tóku þeir félagar úr Skákfélagi Vinjar, Hjálmar Sigurvaldason (1426) og Hörður Jónasson (1536), inn 30 stiga hækkun hvor líkt og Óskar Long Einarsson (1691).

Við í TR þökkum keppendum öllum fyrir þátttökuna og óskum Stefáni Arnalds til hamingju með sigurinn. Við vonumst til að sjá ykkur aftur, og fleiri til, að ári. Við minnum jafnframt á Hraðskákmót öðlinga sem fer fram næstkomandi miðvikudagskvöld 18. maí og hefst kl. 19.30. Að því móti loknu fer fram verðlaunaafhending fyrir Skákmót öðlinga.

Myndskreytta frásögn má finna á Skák.is.

Vond önnur umferð á EM - Héðinn með jafntefli við Nisipeanu

Það gekk ekki jafnvel í annarri umferð á EM einstaklinga og í þeirri fyrstu. Héðinn Steingrímsson (2574) gerði öruggt jafntefli við þýska stórmeistarann með taglið, Liviu-Dieter Nisipeanu (2669), en aðrar skákir töpuðust. 

Hannes Hlífar Stefásson (2581) lék ónákvæmt í byrjuninni gegn Laurent Fressient (2692) og átti sér ekki viðreisnarvon eftir það. Guðmundur Kjartansson (2457) tapaði fyrir úkraínska stórmeistaranum Alexander Zubov (2612). Björn Þorfinnsson (2410) fórnaði manni full bjartsýnislega gegn kósovóska landsliðsmanninum Nderim Saraci (2275).

Þriðja umferð fer fram í dag og hefst kl. 13:45. Þá teflir Héðinn við úkraínska stórmeistaranum með krullurnar, Anton Korobov (2674), Hannes teflir við mónakóska FIDE-meistarinn Patrick Van Hoolandt (2209) en Guðmundur og Björn tefla við heimamenn.

Héðinn verður í beinni í dag gegn Úkraínuskákmanninum sterka. Útsending hefst kl. 13:45.

• Heimasíða mótsins
• Beinar útsendignar (kl. 13:45)
• Chessbomb (beinar útsendingar)
• Chess-Results 

 

Aron Þór sigurvegari Votmóts Víkingaklúbbsins

Aron Þór Mai sigraði á Vormóti Víkingaklúbbsins sem haldið var í Víkinni miðvikudaginn 11. mai. Aron vann allar sex skákir sínar.  Í 2-3 sæti komu þeir Magnús Hjaltason og Alexander Mai.  Magnús sigraði eftir stigaútreikning.  Efst stúlkna varð Batel með 4. vinninga,  Skákstjóri á mótinu var Stefán Bergsson, en telfdar voru 6. umferðir með 7. mínútna umhugsunartíma.  Þátttakendur á mótinu voru 29.

Vormeistari:  Aron Þór Mai
Stúlknameistari:  Batel

Árgangaverðlaun:

2000:  Kypler
2001:  Aron Þór Mai
2003:  Alexander Mai
2004:  Einar Egilsson
2005:  Magnús Hjaltason
2006:  Benedikt Þórsson
2007:  Batel
2008:  Jökull Ómarsson
2009:  Bjartur Þórsson
2011:  Josef Omarsson
Besti Víkingurinn:  Bergþóra Helga Gunnarsdóttir

Nánari úrslit á Chess-Results hér:  

Skákhátíð í Sardiníu

Dagana 4.-11. júní nk. fer fram Portu Mannu-skákmótið í Sardiníu. Óhætt er að mæla með mótinu fyrir áhugasama. Aðstæður á skákstað eru að öllu leiti til fyrirmyndar.  Góð skáksett, loftræsting o.þ.h. eins og það gerist best. Í Portu Mannu gista keppendur í húsum þar sem allt er staðar.

Í fyrra tóku 17 íslenskir skákmenn og röðuðu inn hinum ýmsu verðlaunum. Í ár verða fulltrúa Íslands eitthvað færri en enn er hægt að skrá sig til leiks.

Hægt er að kaupa flug á tiltölulega lágu fargjaldi t.d. með AirBerlin.  Flug lækkar töluvert ef flugið út þann 2. júní en ekki þann 3. júní. Hægt er að skoða flug o.þ.h. á DoHop. Gisting með fullu úrvalsfæði, sem áhætt er að mæla með, kostar svo €63 eða um 9.000 kr. á dag.

Mótið hentar vel í senn fyrir áfanga- og stigaveiðurum. Rétt er að benda á að aðstæður á skákstað eru allar hinar fjölskylduvænustu.

Pistil um mótið í fyrra má finna hér.

Ritstjóri hefur sótt mótið tvö síðustu ár og verður ekki breyting á í ár!  Ekki skemmir svo fyrir að einn skákstjóranna verður íslenskur í ár!

Ef áhugi er fyrir hendi er hægt að hafa samband við undirritaðan sem er tilbúinn að veita allar upplýsingar!

• Heimasíða mótsins
• Upplýsingarbæklingur

Gunnar Björnsson
[e-mail]

 

Góð byrjun Íslendinga í Gjakova - Hannes og Héðinn í beinni í dag

Íslensku keppendurnir byrjuðu vel á EM einstaklinga sem hófst í Gjakova í Kósovó í gær. Björn Þorfinnsson (2410) gerði jafntefli við hinn brosmilda úkraínska stórmeistara Yuri Kryvoruchko (2691) í skemmtilegri skák á níunda borði. Hannes Hlífar Stefánsson (2581), Héðinn Steingrímsson (2574) og Guðmundur Kjartansson (2457) unnu allir auðvelda sigra gegn mun stigalægri andstæðingum.

Það voru aðeins þrír úr stiglægri hópnum sem náu jafntefli í fyrstu umferð. Afar góð byrjun á Birni. 

Á heimusíðu ECU segir: 

GM Yuriy Kryvoruchko (UKR 2691) drew his game with IM Bjorn Thorfinnsson (ISL 2410) who can be more than happy for snatching half a point from the 9th seed.

Íslensku skákmennirnir fá óárennilega andstæðinga í dag. Hannes teflir við franska stórmeistarann Laurent Fressinet (2692), Héðinn við þýska stórmeistarann Liviu-Dieter Nisipeanu (2669), Guðmundur við úkraínska stórmeistarann Alexander Zubov (2612) og Björn við heimamanninn unga Nderim Saraci (2275) en sá gerði jafntefli við David Howell (2671) í fyrstu umferð.

Hannes og Héðinn verða í beinni á vefsíðu mótsins. Útsending hefst kl. 13:45.

• Heimasíða mótsins
• Beinar útsendignar (kl. 13:45)
• Chessbomb (beinar útsendingar)
• Chess-Results 

 

Jón Kristinn sigurvegari TM-mótaraðarinnar

Í gærkvöldi var tefld áttunda og síðasta umferð hinnar vinsælu TM-mótaraðar. Sjö keppendur mættu til leiks og tefldu tvöfalda umferð, allir við alla. Er skemmst frá því að segja að Jón Kristinn Þorgeirsson varð langefstur og tryggði sér sigurinn í heildarkeppninni. 

Röð keppenda í gærkvöldi varð sem hér segir:

Jón Kristinn Þorgeirsson 10,5 vinningar

Sigurður Arnarson, Smári Ólafsson og Ólafur Kristjánsson 6,5 vinninga

Haraldur Haraldsson og Andri Freyr Björgvinsson 5 vinningar

Einar Garðar Hjaltason 2 vinningar.

Til að reikna út árangurinn í heildarkeppni ársins er lagður saman vinningafjöldi í 6 bestu umferðunum af þeim 8 sem tefldar voru á árinu. Jón Kristinn varð langt fyrir ofan næstu menn. Meiri spenna var um 2. og 3. sætið og nýttu Sigurður og Haraldur sér það að Áskell mætti ekki til leiks í gærkvöldi og komust báðir upp fyrir hann.

19 keppendur tóku þátt í mótaröðinni í vetur.

Niðurstaðan varð sem hér segir:

Jón Kristinn Þorgeirsson         69,5 vinningar

Sigurður Arnarson                48,5 vinningar

Haraldur Haraldsson              47 vinningar

Áskell Örn Kárason               45,5 vinningar

Sigurður Eiríksson               33,5 vinningar

Símon Þórhallsson                26 vinningar

Smári Ólafsson                   21 vinningur

Karl Egill Steingrímsson         15 vinningar

Haki Jóhannesson                 14 vinningar

Sveinbjörn Sigurðsson            13 vinningar

Ólafur Kristjánsson              11 vinningar

Andri Freyr Björgvinsson         10 vinningar

Mikael Jóhann Karlsson           6 vinningar

Hreinn Hrafnsson                 3,5 vinningar

Gabríel Freyr Björnsson          3,5 vinningar

Fannar Breki Kárason             3 vinningar

Einar Garðar Hjaltason           2 vinningar

Benedikt Sigurðarson             0,5 vinningar

Arngrímur F. Alfreðsson          0 vinningar

Sjö knáir kappar úr Kópavogi tryggðu sér rétt til að glíma við Short í MótX-fjölteflinu í Smáralind

Sjö knáir keppendur á firmamóti Breiðabliks tryggðu sér rétt til að mæta enska snillingnum Nigel Short í MótX-fjölteflinu, sem fram fer í Smáralind föstudaginn 20. maí. Bárður Örn Birkisson sigraði á mótinu, hlaut 6,5 vinning af sjö mögulegum, Vignir Vatnar Stefánsson varð í 2. sæti með 6 og Björn Hólm Birkisson varð þriðji með 5,5 vinning.

 

Aðrir sem tryggðu sér rétt til tefla við Short voru Stephan Briem, Robert Luu, Örn Alexandersson og Arnar Milutin Heiðarsson.

 

Keppendur voru alls 30 og fór mótið afar vel fram undir styrkri stjórn Halldórs Grétars Einarssonar og Birkis Karls Sigurðssonar, sem nutu liðsinnis Hróksmanna við undirbúning og framkvæmd mótsins. Hrókurinn stendur fyrir MótX-einvígi Shorts og Hjörvars Steins Grétarssonar í Salnum í Kópavogi, helgina 21.-22. maí, en daginn áður en einvígið hefst mun Short tefla fjöltefli við 14 áskorendur í Smáralind.

 

Bárður Örn var vel að sigrinum kominn, enda tapaði hann ekki skák og lagði Vigni Vatnar í spennandi viðureign. Allir keppendur stóðu sig með sóma, og var taflmennskan í heild ljós vottur þess að skáklífið í Kópavogi er með miklum blóma; þökk sé kraftmiklu starfi skákdeildar Breiðabliks og markvissri þjálfun í mörgum grunnskólum bæjarins.

 

Þrír efstu á mótinu voru leystir út með 10 þúsund króna gjafabréfum frá Tölvulistanum / Heimilistækjum, og aðrir keppendur fengu Syrpur og Andrésblöð frá Eddu útgáfu, auk þess sem allir fengu buff frá MótX.

 

Tíu fyrirtæki tóku þátt í firmakeppninni og tefldi sigurvegarinn Báður Örn undir merki MótX, Vignir Vatnar var fulltrúi Góu Lindu og Björn Hólm tefldi fyrir BYKO. Önnur fyrirtæki sem lögðu skákdeild Breiðabliks lið voru Arion banki (Benedikt Briem), ÁF Hús (Freyja Birkisdóttir), GA Smíðajárn (Gunnar Erik Guðmundsson), GT Óskarsson (Róbert Luu), HS Orka (Ólafur Örn Olavsson), Suzuki bílar (Halldór Atli Kristjánsson) og Heimilistæki (Arnar Milutin Heiðarsson).

 

Lokastöðuna á mótinu má sjá hér.

EM einstaklinga: Pistill frá upphafsdegi

EM einstaklinga hófst fyrr í dag. Teflt er þorpinu Gjakova sem er í 90 km. frá Pristina höfuðborg Kósovó. Fjórir Íslendinga taka þátt er það fjölmennasta sendinefndin frá Norðurlöndunum. 

239 keppendur eru skráðir til leiks. Einhverjir mættu ekki til leiks svo sjálfsagt er þeir eitthvað færri sem taka þátt. Kósovóbúar eru langflestir eða 82. Rússar eru 18, Úkraínumenn 15 og Tyrkir 14.  Aðeins einn Serbi tekur þátt en þeir eru afar ósáttir við að Kósovó hafi verið tekið inn í ECU og FIDE og eru auðvitað almennt ósáttir við Kósovó sem viðurkennt land.

Íslensku keppendurnir komu snemma til leiks. Hannes og Gummi komu beint frá Stokkhólmi þann níunda og Héðinn kom sama dag. Björn mætti til leiks þann tíunda. Ég mætti svo í gær eftir 5 tíma ferðalag frá Skopje þrátt fyrir aðeins um 180 km. ferðlag. Vegir eru þröngir og umferð hæg og svo var stöðvað og borðað á leiðinni.  Sá sem sótti mig, og reyndar Nils Grandelius einnig, heitir Gzim og er hreint frábær náungi. Vill allt fyrir okkur gera. Á leiðinni fékk maður sögur um eyðilegginguna sem átti sér stað í stríðinu sem eru hreint ótrúlegar og hefur t.d. boðist til að keyra okkur yfir til Albaníu á frídeginum sem er hér rétt hjá.  Maður getur ekki annað en dáðst að heimamönnum fyrir alla þessu uppbyggingu sem hefur átt sér stað eftir stríð.

Kósovó-menn taka ákaflega vel á móti okkur. Þeir eru hins vegar ekki mjög reyndir í slíku mótahaldi og töluverð vandamál hafa verið til staðar. Við erum á ákaflegu góðu en litlu hóteli í 400 metra fjarlægð þar sem vel fer um okkur. Kósý og flott hótel. Reyndar hafa verið til staðar internetvandamál hjá okkur sem eru að mér sýnist þó á minnka. Vegna þeirra næ ég ekki setja inn myndir að þessu sinni. Sjálfur ætla ég mér að kaupa kósovóskt símkort til að tryggja mig betur fyrir internetvandmálum.

Á aðalhótelinu, sem er á keppnisstaðnum og flestir keppendur búa, mun internetið hins vegar vera í miklu messi. Að vera í internet-vandræðum er eitthvað sem skákmenn eiga mjög erfitt með að höndla. Ég hitti áðan forseta Skáksambands Kósovó og var hann gjörsamlega úrvinda og mjög um laga þau vandamál sem eru til staðar sem fyrst.

Tomek Delega, yfirdómari mótsins, sem var annar yfirdómara EM landsliða, var ekki ánægður með internetið á keppnishótelinu. Það virkar ekki á herberginu hans né á skrifstofu yfirdómara. Í gær þegar þeir voru að para þurftu þeir að færa til tölvuna í ýmsar áttir til að geta komið frá sér pöruninni! Ég hef fulla trú á heimamönnum sem munu örugglega komu þessum málum í betra lag.

Verðlag í Kósovó er ótrúlega lágt. Kaffi á veitingastöðum kostar aðeins hálfa evru og annað eftir því.

Opnunarhátíð mótsins fór fram í gær og var virkilega flott. Borgarstjórinn var þar í aðalhlutverki auk þess sem íþróttamálaráðherra þeirra var viðstaddur. Sérstakur heiðursgestur var Boris Kudin, einn varaforseta FIDE og fyrrverandi forseti ECU. Hann virðist vera hér hálfgerð þjóðhetja en ECU voru fyrstu íþróttasamtökin til að viðurkenna Kósovó inn í sín samtök og þar keyrði hann málið í gegn. Mér skilstað að nýlega hafa alþjóða knattspyrnusambandið svo samþykkt Kósovó. Það fór ekki framhjá manni hversu heimamenn eru stoltir að halda mótið hér og stoltir af sínu landi. Strákarnir Hannes, Héðinn, Björn og Gummi voru allir teknir í sjónvarpsviðtal í gær. Treysti því að Donika finni út með birtingu og komi því á internetið!

Læt þetta duga í bili. Stefni á  pistla a.m.k. annan hvern dag.

• Heimasíða mótsins
• Beinar útsendignar (kl. 13:45)
• Chess-Results

Kveðja frá Gjakova,
Gunnar Björnsson