Skákþáttur Morgunblaðsins: Navara efstur á Evrópumóti einstaklinga

Eftir sjöundu umferð Evrópumóts einstaklinga sem lauk á fimmtudaginn í bænum Gjakova í Kosovo voru Hannes Hlífar Stefánsson, Héðinn Steingrímsson og Guðmundur Kjartansson allir með 4 vinninga og voru í 69.-116. sæti af 245 keppendum. Björn Þorfinnsson var þrepi neðar með 3 ½ vinning. Aðeins með góðum endaspretti geta þeir náð háu sæti en tefldar verða ellefu umferðir. Keppendalistinn sýnir svo ekki verður um villst að mótið er geysisterkt þó að sundurgreining á frammistöðu okkar manna leiði í ljós að þeir sigrar sem dregnir hafa verið í land koma úr viðureignum við mun stigalægri skákmenn; Hannes Hlífar hefur þar gert best með sigri á Svisslendingnum Gabriel Gaehwiler sem er þó aðeins með 2352 elo-stig.

Tékkinn David Navara var fyrir umferðina í gær efstur ásamt Rússanum Ernesto Inarkiev en báðir voru með 6 vinninga af sjö mögulegum. Þar á eftir komu sex skákmenn með 5 ½ vinning. Prúðmennið Navara er magnaður skákmaður. Í eftirfarandi skák bregður hann nýju ljósi á vinsælt afbrigði Caro-Kann varnar:

EM einstaklinga 2016, 5. umferð:

Sergei Zhigalko – David Navara

Caro-Kann vörn

1. e4 c6 2. d4 d5 3. e5 Bf5 4. Rf3 e6 5. Be2 c5 6. Be3 cxd4 7. Rxd4 Re7 8. Rd2 Rbc6 9. R2f3 Be4 10. O-O Bxf3 11. Rxf3 Dc7 12. Bf4?!

Ekki er víst að nauðsynleg sé að valda þetta peð.

12. ... Rg6 13. Bg3 O-O-O 14. c4 h5!

Gallinn við stöðu biskupsins á g3 kemur strax í ljós og það á ekkert eftir að lifna yfir honum það sem eftir lifir skákar.

15. h4 Kb8 16. cxd5 Hxd5 17. Da4 Be7 18. Hfd1 Hhd8 19. Hxd5 Hxd5 20. De4 Db6 21. Bc4 Hd8 22. b3 Rd4 23. Hd1 Rf5!

Lipurlega stígur riddarinn dansspor til vinstri. Beina hótunin er 24. ... Rxg3.

24. Hxd8+ Dxd8 25. Be2 Da5 26. a4 Bc5 27. Kh2 Db6 28. a5?

Þó að hvíta staðan sé vissulega erfið var óþarfi að henda þessu peði frá sér. Hægt var að berjast með 28. Dd3 eða 28. Rg5.

28. ... Dxa5 29. Rg5 Rxg3 30. fxg3 Da1 31. Rf3 a6! 32. Bc4 Re7 33. Dh7 Rf5!

Lokar á drottninguna og hótar 34. ... Bf2.

34. Bd3 Rh6!

og hvítur gafst upp. 

Stefán Arnalds sigraði á Öðlingamóti Ólafs Ásgrímssonar 

Taflfélag Reykjavíkur hefur um margra ára skeið skeið staðið fyrir skákmóti öðlinga en það var hinn kunni skákdómari Ólafur Ásgrímsson sem hratt hugmyndinni að þessu mótshaldi í framkvæmd. Nú eru 40 ár liðin síðan Ólafur steig fyrst fram á sjónarsviðið sem skákdómari en það var á sögufrægu Skákþingi Reykjavíkur veturinn 1976. Örlögin höguðu svo að Ólafur fékk frægt og erfitt úrlausnarefni upp í hendurnar þegar upp spratt deila milli vinanna Kristjáns Guðmundssonar og Ómars Jónssonar í A-flokki mótsins vegna galla í skákklukku. Var atburðarásin furðu lík þeirri er Tigran Petrosjan, heimsmeistari 1963- ´69, féll á tíma í jafnteflisstöðu gegn V-Þjóðverjanum Robert Hübner á OL í Skopje 1972 og tapaði þar sinni einu skák á tíu Ólympíumótum frá árunum 1958 til 1978. Allar þessar deilur eru löngu hljóðnaðar og hefur Ólafur reynst farsæll skákdómari á löngum ferli.

Keppnin á öðlingamótinu var spennandi en þátttakendur voru 27 talsins. Svo fór að Stefán Arnalds varð einn efstur, hlaut 5 ½ vinnina arf sjö mögulegum, í 2. – 4. sæti komu Þorvarður Ólafsson, Siguringi Sigurjónsson og Sigurður Daði Sigfússon með 5 vinninga.

Grein þessi birtist í Morgunblaðinu 14. maí 2016

Skákþættir Morgunblaðsins

Hilmir Freyr Íslandsmeistari í skólaskák í eldri flokki

Fjórir keppendur urðu efstir og jafnir í eldri flokki Landsmótsins í skólaskák sem fram fór fyrr í maí í Kópavogi. Í gær tefldu fjórmenningarnir úrslitakeppni um sigur á Landsmótinu. Þar hafði Vestfirðingurinn knái, Hilmir Freyr Heimisson, sigur en hann hlaut 4½ í 6 skákum. Björn Hólm Birkisson varð annar með 3½ vinning og bróðir hans Bárður Örn var þriðji. Aron Þór Maí rak lestina með 1 vinning.

Meistaramót Skákskólans yfir 1600 skákstigum hefst á morgun

Seinni hluti Meistaramóts Skákskóla Íslands fer fram um næst helgi, dagana 27. – 29. maí. Fyrri hluti mótsins fór fram um síðustu helgi og sigraði Stefán Orri Davíðsson. Tímamörk eru 90 30.  Keppt er um sæmdarheitið Meistari Skákskóla Íslands en núerandi handhafi þeirrar nafnbótar  er Jón Trausti Harðarson.

Þátttökurétt hafa nemendur skólans og þeir sem tekið hafa þátt í námskeiðum á vegum skólans eða hlotið þjálfun á vegum skólans.  

Að öðru leyti áskilur skólastjóri/mótsnefnd sér rétt til að bjóða völdum einstaklingum til þátttöku.

Mótsnefnd mun jafnframt taka afstöðu til óska þeirra sem ekki ná stigalágmörkum en vilja tefla í stigahærri flokknum. 

Dagskrá mótsins er með þessum hætti:

 

Dagskrá mótsins verður með eftirfarandi hætti:

 

Flokkur 1600 alþjóðleg elo – stig og ofar:

 

1. umferð: Föstudagurinn 27. maí kl. 16  
2. umferð: Föstudagurinn 27. maí kl. 20

 

3. umferð. Laugardagur 28. maí kl. 10
4. umferð: Laugardagurinn 30. maí 15

 

5. umferð: Sunnudagurinn 29. maí kl. 10
6. umferð: Sunnudagurinn 29. maí kl. 15

 

Tímamörk í öllum umferðunum 90 30.

 

Keppendur geta tekið ½ vinnings yfirsetu í fyrstu fjórum umferðunum en verða að tilkynna um yfirsetuna fyrir umferðina og áður en raðað er í næstu umferð. Ekki er leyfilegt að semja jafntefli í innan við 40 leiki nema með leyfi skákdómara.

 

Verðlaun

1. verðlaun: farmiði að verðmæti kr. 50 þús + uppihaldskostnaður á kr. 35 þús.
2. verðlaun farmiði að verðmæti kr. 40 þús.
3. – 5. sæti Vandaðar skákbækur.

Auk þess verða veitt stigaflokkaverðlaun í mótinu:

 

1800 – 2000 elo:

Farmiði að verðmæti kr. 40 þús.

 

1600-1800 elo:

Farmiði að verðmæti kr. 40 þús.

 

Mótsstig úrskurða verði keppendur jafnir að vinningum nema í keppni um 1. sæti. Þá skal teflt um titilinn Meistari Skákskóla Íslands 2016.

Einar Hjalti teflir í landsliðsflokki

Alþjóðlegi meistarinn Einar Hjalti Jensson (2370) verður meðal keppenda í landsliðsflokki Íslandsmótsins í skák sem hefst í Tónlistarskóla Seltjarnarness 31. maí nk. Hann tekur sæti Stefáns Kristjánssonar. Keppendalistinn er því sem hér segir:

1. SM Hjörvar Steinn Grétarsson (2580)
2. SM Héðinn Steingrímsson (2574)
3. SM Jóhann Hjartarson (2547)
4. AM Guðmundur Kjartansson (2457)
5. AM Jón Viktor Gunnarsson (2454)
6. AM Bragi Þorfinnsson (2426)
7. AM Björn Þorfinnsson (2410)
8. FM Davíð Kjartansson (2371)
9. AM Einar Hjalti Jensson (2370)
10. FM Guðmundur Gíslason (2280)
11. Örn Leó Jóhannsson (2226)
12. Jóhann Ingvason (2142)

 

Sjötta mót Bikarsyrpu TR 2015-16 fer fram um helgina

Bikarsyrpa Taflfélags Reykjavíkur heldur áfram þegar sjötta og síðasta mót syrpunnar fer fram helgina 27.-29. maí og hefst fyrsta umferð föstudaginn 27. maí kl. 17.30. Mótum syrpunnar hefur verið fjölgað og telur hún alls sex kappskákmót sem eru ætluð börnum á grunnskólaaldri (fædd 2000 og síðar) sem ekki hafa náð 1600 skákstigum. Þar með gefst þeim tækifæri til að næla sér í alþjóðleg skákstig á skákmótum sem sérhönnuð eru fyrir þau.

Tefldar eru 5 umferðir eftir svissnesku kerfi. Tímamörk eru 30 mínútur + 30 sekúndur á hvern leik og geta skákirnar því varað í allt að tvær klukkustundir. Þó svo við leggjum ætíð áherslu á að krakkarnir vandi sig og noti tímann vel, þá má gera ráð fyrir að margar skákir taki mun styttri tíma.

Mótið er sérstaklega hugsað fyrir krakka sem hafa sótt skákæfingar TR (og/eða annarra taflfélaga) reglulega síðastliðinn vetur eða lengur. Það er gott að byrja sem fyrst að keppa á kappskákmótum, en hingað til hefur þeim krökkum sem vilja tefla á “alvöru mótum” mestmegnis staðið til boða að taka þátt í opnum mótum. Þar er styrkleikamunurinn oft mikill, mótin taka langan tíma, auk þess sem marga krakka óar við tilhugsuninni um að tefla við fullorðna á sínum fyrstu kappskákmótum. Bikarsyrpan er svarið við því.

Einungis börn og unglingar á grunnskólaaldri sem ekki hafa náð 1600 alþjóðlegum skákstigum geta tekið þátt í mótum Bikarsyrpunnar. Þannig er styrkleikamunurinn minni en ella og krakkarnir njóta þess betur að tefla kappskákir. Tímamörkin eru líka styttri, og henta krökkunum betur en langar 90 mínútna skákir sem tíðkast á venjulegum kappskákmótum. Mótið uppfyllir öll skilyrði Alþjóða skáksambandsins FIDE og er reiknað til alþjóðlegra skákstiga sem gott er að byrja að safna snemma. Frítt er í mótin fyrir krakka í Taflfélagi Reykjavíkur en fyrir krakka í öðrum taflfélögum er þátttökugjaldið 1000 krónur fyrir hvert mót Bikarsyrpunnar.

Dagskrá:
1. umferð 17.30 á föstudegi (27. maí)
2. umferð 10.30 á laugardegi (28. maí)
3. umferð 14.00 á laugardegi (28. maí)
4. umferð 10.30 á sunnudegi (29. maí)
5. umferð 14.00 á sunnudegi (29. maí). (Lokaumferð + verðlaunaafhending).

Ein yfirseta (bye) er leyfð í umferðum 1-3 og fæst fyrir hana 1/2 vinningur. Tilkynna þarf skákstjóra um yfirsetu fyrir lok umferðarinnar á undan.

Vinsamlegast skráið þátttakendur sem fyrst, það hjálpar við undirbúning mótsins!

Skráningarform

Skráðir keppendur

Bikarsyrpan samanstendur af sex mótum í vetur. Bikarar og medalíur eru í verðlaun fyrir efstu sætin í hverju
 móti auk áskrifta á Chess.com eða Chesskid.com. Þá verða veitt sérstök verðlaun fyrir samanlagðan árangur á mótunum þar sem í boði verða 5 einkatímar hjá alþjóðlegum meistara fyrir fyrsta sætið, 3 tímar fyrir annað sætið og 2 tímar fyrir þriðja sætið.

Hlökkum til að sjá ykkur!

Frestur til að sækja um styrki til stjórnar SÍ rennur út um mánaðarmótin

Stjórn SÍ veitir styrki til skákmenna þrisvar á ári. Næsta úthlutun fer fram 10. júní nk. og rennur frestur til að sækja um styrki nú út um mánaðarmótinu.

Í reglum um styrkveitingar SÍ segir meðal annars:

1. Allir styrkþegar SÍ (ungir, alþjóðlegir og aðrir) þurfa að uppfylla eftirfarandi þrjú skilyrði:

• Hafa teflt 50 kappskákir á síðustu 24 mánuðum fyrir árið 2010 og 60 skákir fyrir árið 2011 og síðar.
• Hafa sýnt umtalsverðar framfarir á sl. 12 mánuðum, sem sjáist m.a. á árangri á skákmótum ársins, hækkun skákstiga og reglulegri þjálfun.
• Hafa sýnt virkni í skákmótum innanlands.

2. Ungir skákmenn (25 ára og yngri) hafa forgang þegar kemur að úthlutun ferðastyrkja. Eftirfarandi börn og unglingar njóta sérstaks forgangs:

• Undir 12 ára: 2 stigahæstu og/eða þeir sem hækkað hafa mest á stigum undanfarna 12 mánuði (bæði í stráka- og stúlknaflokki)
• 12-16 ára: 2 stigahæstu og/eða þeir sem hækkað hafa mest á stigum undanfarna 12 mánuði (bæði í stráka- og stúlknaflokki)
• 16-20 ára: 2 stigahæstu og/eða þeir sem hækkað hafa mest á stigum undanfarna 12 mánuði (bæði í stráka- og stúlknaflokki)
• 20-25 ára: 2 stigahæstu og/eða þeir sem hækkað hafa mest á stigum undanfarna 12 mánuði (bæði í stráka- og stúlknaflokki)

3. Alþjóðlegir meistarar geta fengið ferðastyrki frá SÍ óháð aldri.

4. Þeir sem þiggja stórmeistaralaun geta ekki fengið almenna ferðastyrki frá SÍ.

5. Aðrir skákmenn geta fengið ferðastyrki ef þeir ná árangri sem samsvarar 2350 stigum eða meira (“performance”) í móti sem styrkur er sóttur um. Ákvörðun um styrkveitingu er tekin eftir mót.

Styrktarreglur SÍ

Mjóddarmót Hugins fer fram 4. júní

Mjóddarmótið fer fram laugardaginn 4. júní í göngugötunni í Mjódd.  Mótið hefst kl. 14 og er mótið öllum opið. Góð verðlaun í boði. Á síðasta ári sigraði Frú Sigurlaug en fyrir hana tefldi Einar Hjali Jensson. Tefldar verða sjö umferðir með sjö mínútna umhugsunartíma. Skráning fer fram í síma 866-0116 og á Skák.is. Þátttaka er ókeypis!

Mjóddarmótið var fyrst haldið 1999 og hét þá Kosningamót Hellis og fór fram á kjördegi. Á fyrsta mótinu sigraði Hannes Hlífar Stefánsson sem tefldi fyrir Símvirkjann. Mótið fékk fljótlega nafnið Mjóddarmótið enda ekki hægt að halda kosningamót á hverju ári og ekki var mögulegt að halda mótið á kjördegi eftir að félagið flutti í núverandi húsnæði.

Verðlaun eru sem hér segir:

• 1. 15.000
• 2. 10.000
• 3.  5.000

Skráning:

• Sími: 866 0116

Short sigraði Jóhann í Flugfélagseinvígi Hróksins í Nuuk

Nigel Short bar sigurorð af Jóhanni Hjartarsyni í æsispennandi Flugfélagseinvígi Hróksins í Nuuk. Einvígið markaði upphafið að árlegri skákhátíð í höfuðborginni, en þetta er þriðja ferð liðsmanna Hróksins til Grænlands á árinu. 

Asii Chemnitz Narup borgarstjóri í Nuuk flutti setningarávarp og sagði að Hrókurinn væri ávallt sérstaklega velkomin til Grænlands. Hún rifjaði upp að skáklandnámið hefði byrjað árið 2003 og síðan hefði Hrókurinn skipulagt um 50 ferðir til Grænlands, og kynnt töfraheim skáklistarinnar fyrir þúsundum barna og fullorðinna.

Mikill fjöldi lagði leið sína í Nuuk Center til að fylgjast með meisturunum. Tefldar voru fjórar atskákir og voru þær allar afar spennandi og skemmtilega tefldar. Tveimur fyrstu skákunum lauk með jafntefli, en Jóhann vann góðan sigur í þriðju skákinni. Short tókst að jafna metin í lokaskákinni og því voru tefldar tvær hraðskákir til að fá úr því skorið hvor yrði Flugfélagsmeistarinn 2016. Meistararnir unnu hvor sína skákina, og þurftu því að tefla hreina úrslitaskák um titilinn. Þar vann Short með vel útfærðri sókn.

Næstu daga heimsækja liðsmenn Hróksins skóla, athvörf og fangelsi, auk þess sem Short teflir fjöltefli við liðsmenn skákfélagsins í Nuuk og slegið verður upp hraðskákmóti. 

Meistaramót Skákskóla Íslands 2016 - flokkur 1600 elo og þar yfir hefst á föstudag kl. 16

Seinni hluti Meistaramóts Skákskóla Íslands fer fram um næst helgi, dagana 27. – 29. maí. Fyrri hluti mótsins fór fram um síðustu helgi og sigraði Stefán Orri Davíðsson. Tímamörk eru 90 30.  Keppt er um sæmdarheitið Meistari Skákskóla Íslands en núerandi handhafi þeirrar nafnbótar  er Jón Trausti Harðarson.

Þátttökurétt hafa nemendur skólans og þeir sem tekið hafa þátt í námskeiðum á vegum skólans eða hlotið þjálfun á vegum skólans.  

Að öðru leyti áskilur skólastjóri/mótsnefnd sér rétt til að bjóða völdum einstaklingum til þátttöku.

Mótsnefnd mun jafnframt taka afstöðu til óska þeirra sem ekki ná stigalágmörkum en vilja tefla í stigahærri flokknum. 

Dagskrá mótsins er með þessum hætti:

 

Dagskrá mótsins verður með eftirfarandi hætti:

 

Flokkur 1600 alþjóðleg elo – stig og ofar:

 

1. umferð: Föstudagurinn 27. maí kl. 16  
2. umferð: Föstudagurinn 27. maí kl. 20

 

3. umferð. Laugardagur 28. maí kl. 10
4. umferð: Laugardagurinn 30. maí 15

 

5. umferð: Sunnudagurinn 29. maí kl. 10
6. umferð: Sunnudagurinn 29. maí kl. 15

 

Tímamörk í öllum umferðunum 90 30.

 

Keppendur geta tekið ½ vinnings yfirsetu í fyrstu fjórum umferðunum en verða að tilkynna um yfirsetuna fyrir umferðina og áður en raðað er í næstu umferð. Ekki er leyfilegt að semja jafntefli í innan við 40 leiki nema með leyfi skákdómara.

 

Verðlaun

1. verðlaun: farmiði að verðmæti kr. 50 þús + uppihaldskostnaður á kr. 35 þús.
2. verðlaun farmiði að verðmæti kr. 40 þús.
3. – 5. sæti Vandaðar skákbækur.

Auk þess verða veitt stigaflokkaverðlaun í mótinu:

 

1800 – 2000 elo:

Farmiði að verðmæti kr. 40 þús.

 

1600-1800 elo:

Farmiði að verðmæti kr. 40 þús.

 

Mótsstig úrskurða verði keppendur jafnir að vinningum nema í keppni um 1. sæti. Þá skal teflt um titilinn Meistari Skákskóla Íslands 2016.

Góð stemning á Uppskerumóti TR

Uppskerumót Taflfélags Reykjavíkur fór fram síðastliðinn laugardag, en 32 krakkar á öllum aldri, sem stundað hafa æfingar í vetur mættu og öttu kappi á hvítu og svörtu reitunum.

Jón Þór Lemery vann öruggan sigur, fékk fullt hús og hlaut 6 vinninga. Róbert Luu og Alexander Már Bjarnþórsson urðu næstir með 5 vinninga og fékk Róbert silfrið eftir stigaútreikning.

Flokkasigurvegarar voru:

Stúlkur:
1. Elísabet Xiang Sveinbjörnsdóttir
2. Batel Goitom Haile
3. Esther Lind Þorkelsdóttir

10-12 ára:
1. Róbert Luu
2. Alexander Már Bjarnþórsson
3. Elísabet Xiang Sveinbjörnsdóttir

9 ára og yngri:
1. Ingvar Wu Skarphéðinsson
2. Batel Goitom Haile
3. Adam Omarsson

Nánari úrslit má finna á chess-results.

Að auki voru veitt verðlaun fyrir stigakeppnina sem var haldin í janúar og febrúar.

Í a-flokki varð Jón Þór Lemery efstur, Kristján Dagur Jónsson annar og Þorsteinn Magnússon þriðji.

 

Í b-flokki varð röðin:

1. Gylfi Már Harðarson

2. Bjartur Þórisson

3. Þorsteinn Már Sigmundsson

 

Myndskeytta frásögn má finna á heimasíðu TR.