Páskaeggjamót Hugins fer fram á mánudaginn

Páskaeggjamót Hugins verður haldið í 24. sinn mánudaginn 21. mars 2016, og hefst taflið kl. 17, þ.e. nokkru fyrr heldur en venjulegar mánudagsæfingar. Páskaeggjamótið kemur í stað mánudagsæfingar. Tefldar verða 7 umferðir með 7 mínútna umhugsunartíma. Mótið er opið öllum krökkum á grunnskólaaldri.

Allir þátttakendur keppa í einum flokki en verðlaun verða veitt í tveimur aðskildum flokkum. Páskaegg verða í verðlaun fyrir þrjú efstu sætin, bæði í eldri flokki (fæddir 2000 – 2003) og yngri flokki (fæddir 2004 og síðar). Sá sem er efstur í hverjum árgangi fær einnig páskaegg sem og efstu þrjár stúlkurnar á mótinu. Að auki verða tvö páskaegg dregin út. Enginn fær þó fleiri en eitt páskaegg. Lítið páskaegg verður svo fyrir þá sem ekki vinna til verðlauna.

Páskaeggjamótið verður haldið í félagsheimili Hugins í  Álfabakka 14a í Mjóddinni. Inngangur er milli Subway og Fröken Júlíu en salur félagsins er á þriðju hæð hússins.

Undankeppni um laust sæti á NM stúlkna fer fram í dag

Norðurlandamót stúlkna fer fram í Noregi helgina 29. apríl til 1. maí. Í yngsta flokknum, stúlkur fæddar 2003 og síðar, verður haldin undankeppni um eitt laust sæti í stúlknalandsliði Íslands.

Undankeppnin fer fram í Skáksambandi Íslands laugardaginn 19. mars. klukkan 14:00. Tefldar verða sjö umferðir með tíu mínútna umhugsunartíma. Ef keppendur verða jafnir í efsta sæti verður teflt um sætið.

Lokamót Páskaeggjasyrpunnar fer fram á sunnudag!

Páskaeggjasyrpa Nóa Síríus og Taflfélags Reykjavíkur hefur slegið rækilega í gegn en mikill fjöldi krakka hefur tekið þátt í mótum syrpunnar.  Í ár endurtökum við leikinn og með þessu framtaki vill T.R. í samstarfi við Nóa Síríus þakka þeim gríðarlega fjölda sem sótt hefur barna- og unglingaæfingar félagsins í vetur.

Þriðja og lokamót syrpunnar fer fram næstkomandi sunnudag og hefst venju samkvæmt kl. 14.  Skráningarform má finna hér að neðan og hafi viðkomandi bara skráð sig í mót 1 eða 2 er lítið mál að skrá sig aftur og velja viðeigandi mót.  Í fyrsta mótinu sigraði Bárður Örn Birkisson í eldri flokki en í þeim yngri sigraði Gunnar Erik Guðmundsson.  Í öðru mótinu sigraði Stephan Briem í eldri flokki og Gunnar Erik Guðmundsson endurtók leikinn frá fyrsta mótinu og sigraði í yngri flokki.  Heildarúrslit má sjáhér.

Frábærar aðstæður eru hjá Taflfélagi Reykjavíkur, margir reyndir þjálfarar og félagið býður eitt félaga upp á ítarlegasta námsefni sem völ er á hér á landi. Allar æfingar og allt námsefni er frítt, það þarf bara að mæta og taka þátt í þessum stórskemmtilegu æfingum!

Mótin í ár verða reiknuð til alþjóðlegra hraðskákstiga og glæsileg verðlaun eru í öllum mótunum, sem og fyrir samanlagðan árangur úr þeim öllum.  Í hverju móti verður síðan dregin út glæsileg skákklukka handa einum heppnum þátttakanda.

Páskaeggjasyrpan  samanstendur af þremur skákmótum sem haldin eru þrjá sunnudaga fyrir páska í skákhöll Taflfélags Reykjavíkur að Faxafeni 12:

1. NÓA KROPP PÁSKAEGGJAMÓTIÐ. Sunnudaginn 6. mars kl. 14

2. NIZZA LAKKRÍS PÁSKAEGGJAMÓTIÐ. Sunnudaginn 13. mars kl. 14

3. NIZZA HRÍSKÚLU PÁSKAEGGJAMÓTIÐ. Sunnudaginn 20. mars kl.14

Keppt verður í tveimur flokkum, 1-3 bekk (og yngri) og 4-10 bekk.
Sex umferðir verða tefldar í hverju móti með 10 mínútna umhugsunartíma á mann.
Glæsileg verðlaun eru í boði fyrir alla hressu skákkrakkana sem taka þátt í syrpunni!
Verðlaunapeningar fyrir þrjú efstu sætin í hvorum flokki á hverju páskaeggjamóti.
Stór páskaegg fyrir þrjú efstu sætin samanlagt úr mótunum í hvorum flokki (misstór eftir sætum)
Allir sem taka þátt í minnst tveimur af þremur mótum í syrpunni fá lítið páskaegg í verðlaun fyrir þátttökuna og verða þau veitt í lok þriðja mótsins í syrpunni.
Dregin verður út ein glæsileg skákklukka handa heppnum skákkrakka á hverju páskaeggjamóti!

Skráningarform

Skráðir keppendur

Taflfélag Reykjavíkur og Nói Síríus hlakka til að sjá ykkur á PÁSKAEGGJASYRPUNNI 2016!

Undankeppni um laust sæti á NM stúlkna fer fram á morgun

Norðurlandamót stúlkna fer fram í Noregi helgina 29. apríl til 1. maí. Í yngsta flokknum, stúlkur fæddar 2003 og síðar, verður haldin undankeppni um eitt laust sæti í stúlknalandsliði Íslands.

Undankeppnin fer fram í Skáksambandi Íslands laugardaginn 19. mars. klukkan 14:00. Tefldar verða sjö umferðir með tíu mínútna umhugsunartíma. Ef keppendur verða jafnir í efsta sæti verður teflt um sætið.

Skammt stórra högga á milli - áskorendaflokkur hefst á þriðjudegi - tvö sæti í landsliðsflokki í ár í boði!

Áskorendaflokkur Íslandsmóts fer fram um páskana, 22. mars – 2. apríl nk. Teflt er í Stúkunni í Kópavogi. Tefldar verða níu umferðir eftir svissneska kerfinu. Jafnframt verður teflt í opnum flokki sem verður opinn fyrir skákmenn með 1600 skákstig eða minna. Þar verða tímamörki styttri og umferðir færri.

Keppendur með minna en 1600 skákstig geta valið á milli flokka.

Verðlaun í áskorendaflokki eru sem hér segir: 

1. 75.000 kr.
2. 45.000 kr.
3. 30.000 kr. 

Verðlaun í opnum flokki: 

1. Þrjár skákbækur hjá bóksölu Sigurbjörns
2. Tvær skákbækur hjá bóksölu Sigurbjörns
3. Skákbók hjá bóksölu Sigurbjörns. 

Auk þess verði sérstök stigaverðlaun fyrir þá sem hafa minna en 1200 stig í opnum flokki.

Verðlaun skiptast eftir Hort-kerfi séu menn efstir í verðlaunasætum í áskorendaflokki. Tvö efstu sætin gefa keppnisrétt í landsliðsflokki í ár sem fram fer á Seltjarnarnesi 31. maí – 11. júní nk.

Séu menn jafnir ræður stigaútreikningur (nánar í mótsreglum hér að neðan). Í opnum flokki gildir stigaútreikningur um verðlaunsæti.  

Skráning

Þátttökugjöld eru 5.000 kr. Unglingar 15 ára og yngri (1999 og síðar) og F3-félagar fá 50% afslátt. 

Í opnum flokki (sem eingöngu fyrir opinn fyrir þá sem hafa 1600 skákstig eða minna) eru þátttökugjöld fyrir alla kr. 2.000. 

Skráning fer fram á Skák.is (guli kassinn efst). Þátttökugjöld greiðist inn á reikning 101-26-12763, kt. 580269-5409 fyrir mót.

Upplýsingar um þegar skráða keppendur má finna hér.

Tímamörk

Áskorendaflokkur: 90 mínútur + 30 mínútur eftir 40 leiki. 30 sekúnda viðbótartími eftir hvern leik.

Opinn flokkur: 30 mínútur auk 30 sekúnda viðbótartími eftir hvern leik.

Dagskrá: 

1. umferð, Þriðjudagurinn, 22. mars, kl. 18
2. umferð, miðvikudaginn, 23. mars, kl. 18
3. umferð, fimmtudagurinn (skírdagur), 24. mars, kl. 14
4. umferð, föstudagurinn (langi), 25. mars, kl. 14
5. umferð, laugardaginn, 26. mars, kl. 14
6. umferð, þriðjudaginn, 29. mars, kl. 18
7. umferð, fimmtudaginn, 31. mars, kl. 18
8. umferð, föstudaginn, 1. apríl, kl. 18
9. umferð, laugardaginn, 2. apríl, kl. 14

Dagskrá opna flokksins verður nánar kynnt síðar. 

Nánari mótreglur

Ef tveir eða fleiri eru jafnir í sæti mun stigaútreikningur ráða ferð.

Nánar um útreikninginn:

• Samanlagðir vinningar allra andstæðinga lagðir saman nema þess sem hefur fæsta vinninga.
• Samanlagðir vinningar allra andstæðinga lagðir saman.
• Samanlagðir vinningar allra andstæðinga lagðir saman nema þeirra tveggja sem hafa fæsta vinninga.
• Innbyrðis úrslit  þeirra sem eru jafnir
• Sonneborn-Berger
• Hraðskákeinvígi

Jafnteflisreglur 

Takmarkanir eru settar á jafnteflisboð. Hún gengur út á það að ekki er heimilt að bjóða jafntefli fyrr en báðir keppendur hafa leikið 30 leiki. Á því má gera undantekningar sé þráteflt en þá verður að stöðva klukku, kalla á skákstjóra og koma með jafntefliskröfu. 

Yfirseta

Hægt er að taka tvær yfirsetur í umferðum 1-6 og fá fyrir hana hálfan vinning. Óska þarf eftir yfirsetunni með góðum fyrirvara og fylla út eyðublað þess efnis hjá skákstjóra.

Þegar skráðir keppendur

Indverjarnir stálu senunni á GAMMA Reykjavíkurskákmótinu

Indverjarnir Abhijeet Gupta og Tania Sadchev stálu heldur betur senunni á GAMMA Reykjavíkurskákmótinu sem lauk í gær í Hörpu. Gupta sigraði á mótinu en Tania hlaut kvennaverðlaunin og náði sér í áfanga að stórmeistaratitli.  

Gupta vann afar sanngjarnan og öruggan sigur. Sigurvegarinn sem var aðeins tíundi í stigaröð keppenda, fékk 8,5 vinning, vann sjö skákir og leyfði aðeins 3 jafntefli. Rússinn Dmitry Andreikin varð annar með 8 vinninga. Níu skákmenn, allt stórmeistarar, urðu jafnir í 3.-11. sæti.

Sjá lokastöðuna hér.

Hjörvar Steinn Grétarsson varð efstur Íslendinga með 7 vinninga. Guðmundur Kjartansson, Hannes Hlífar Stefánsson og Sigurður Daði Sigfússon voru næstir með 6,5 vinning.

Árngur íslenskra skákmanna má nálgast hér.

Mótið skilaði alls 580 skákstigum inn í íslenskt skákstigakerfi! Alexander Oliver Mai hækkaði mest allra eða um 142 skákstig. Aðrir sem hækkuðu um meira en 100 skákstig voru Þór Hjaltalín (140), Alec Elías Sigurðarson (128) og Birkir Ísak Jóhannsson (120). Þess má geta að Agnar Tómas Möller, einn eigenda GAMMA, helsta styrktaraðila mótsins, hækkaði um tæp 37 stig á mótinu og hlaut 5 vinninga.

Alls tóku 235 skákmenn frá 31 landi þátt í GAMMA Reykjavíkurskákmótinu í ár. Mikil ánægja var með mótshaldið og mótsstaðinn meðal hinna erlendu gesta.

Verðlaunafhending mótsins fór fram í Ráðhúsi Reykjavíkur í gær. Þar bauð Þórgnýr Thoroddsen, formaður Íþrótta- og tómstundaráðs Reykjavíkur, gesti velkomna. Tónlistaratriðið var í höndum Ívar Símonarson og Ástrún Friðbjörnsdóttir voru með tónlistaratiði.

 

Verðlaunahafar urðu sem hér segir (fjárhæð í sviga):

	Aðalverðlaun
1	Abhijeet Gupta	€ 5.000
2	Dmitry Andreikin	€ 2.000
3	Ivan Cheparinov	€ 875
4	Richard Rapport	€ 650
5	Shakhriyar Mamedyarov	€ 550
6	Sergei Movsesian	€ 475
7	Francesco Rambaldi	€ 425
8	Sergei Grigoariants	€ 425
9	Hrant Melkymyan	€ 425
10	Nils Grandelius	€ 425
11	Aryan Tari	€ 250
	Unglingaverðlaun
1	Francesco Rambaldi	€ 200
2	Aryan Tari	€ 125
3	Tibor Kende Antal	€ 75
	Kvennaverðlaun
1	Tania Sachdev	€ 350
2	Elisabeth Paehtz	€ 200
3	Anna-Maja Kazarian	€ 125
	Stigaverðlaun
1	Alexander Oliver Mai	€ 200
2	Þór Hjaltalín	€ 125
3	Alec Elías Sigurðarson	€ 75
	2201-2400
1	Tania Sachdev	€ 350
2	Alezandre Vuuilleumier	€ 200
3	Anna-Maja Kazarian	€ 125
	2001-2200
1	Michael Doughery	€ 350
2	Tom O´Gorman	€ 200
3	Örn Leó Jóhannsson	€ 125
	0-2000
1	Christopher Bak	€ 350
2	Gauti Páll Jónss	€ 200
3	Lars-Henrik Bech Hansen	€ 125

Myndir frá verðlaunahöfunum væntanlegar - vonandi á morgun.

Skákþáttur Morgunblaðsins: Eins og að tefla við skáksöguna – 16 ára Kópavogsbúi gerði jafntefli við Beljavskí

Frægasti skákmaður 31. Reykjavíkurskákmótsins, þar sem 235 skákmenn og konur hófu keppni í Hörpu á þriðjudaginn, er án efa Alexander Beljavskí fæddur í Lviv í Úkraínu nú búsettur í Slóveníu. Hann varð heimsmeistari unglinga árið 1973, varð efstur á sovéska meistaramótinu ásamt Tal ári síðar en vann innbyrðis uppgjör þeirra, tefldi á 1. borði fyrir Sovétríkin á Ólympíumótinu í Grikklandi haustið 1984 þar sem hann fékk 8 vinninga af 10 mögulegum, varð í 2. sæti á eftir Kasparov á heimsbikarmótinu í Reykjavík haustið 1988 og hefur tvisvar unnið stórmótið í Tilburg í seinna skiptið árið 1986 byrjaði hann á því að tapa tveim fyrstu skákum sínum. Beljavskí hefur nokkrum sinnum gert atlögu að heimsmeistaratitlinum. Að mæta honum við skákborðið er eins og að tefla á móti skáksögu ofanverðrar 20. aldar. Kópavogsbúinn Bárður Örn Birkisson sem varð 16 ára í byrjun febrúar lét orðspor þess fræga skákmanns – og meira en 600 elo-stiga mun – ekki villa um fyrir sér og var hársbreidd frá því að leggja kappann að velli og sætti sig ekki við jafntefli fyrr en allar tilraunir voru þrautreyndar:

Reykjavíkurskákmótið; 1. umferð:

Alexander Beljavskí – Bárður Örn Birkisson

Slavnesk vörn

1. d4 d5 2. c4 c6 3. Rf3 Rf6 4. Rc3 dxc4 5. a4 Bf5 6. e3 e6 7. Bxc4 Bb4 8. 0-0 Rbd7 9. De2 Bg6 10. e4 0-0 11. Bd3 Bh5 12. e5 Rd5 13. Rxd5 cxd5 14. De3 He8 15. Re1 Bg6 16. Be2 Rb8!

Þessi leikur sýnir að Bárður hefur mætt vel undirbúinn til leiks. Riddarinn stendur vel á c6 og svartur hefur færi eftir c-línunni.

17. Db3 Rc6 18. Be3 Db6 19. Rd3 a5 20. Rxb4 Dxb4 21. Dc3 Hec8 22. Hfc1 Db6 23. Dd2 Rb4 24. Ha3 Rc2! 

Lamar samspil hvítu mannanna.

25. Hc3 Dxb2 26. Hxc8+ Hxc8 27. Dxa5 h6 28. h4 Hc3! 29. Db5 Hb3 30. De8+ Kh7 31. Bf4

Kannski hefur Beljavskí ætlað að leika 31. h5 en svartur getur svarað með 31.... Hxe3! sem vinnur.

31.... Rxd4 32. Bf1 Hc3 33. He1 Hc2

Gott var einnig 33.... Rc6 eða jafnvel 33.... Hh3!

34. h5 Be4?

Bárður var orðinn tímanaumur. Best er 34....Bxh5! 35. Bd3 Bg6 36. Bxc2 Dxc2 og hvítur er varnarlaus.

35. Be3

Hann gat náð jafntefli með 35. Hxe4 dxe4 36. Dxf7 o.s.frv.

35.... Re2+ 36. Hxe2 Hxe2 37. Bxe2 Dxe2 38. Dxf7 

38.... Dd1+?

38.... d4! vinnur. Eina leiðin er 39. Df4 en þá kemur 39.... Dd1+ 40. Kh2 Dxh5+ 41. Kg1 Dg6! 42. f3 dxe3 43. fxe4 De8! með vinnings stöðu.

39. Kh2 Dg4 40. f3 Dh4+ 41. Kg1 De1+ 42. Kh2 Dh4+ 43. Kg1 De1+ 44. Kh2 Dxe3 45. fxe4 Dxe4 46. Dxe6 d4 47. Dd6 d3 48. e6 Dh4+ 49. Kg1 De1+ 50. Kh2 Dh4+ 51. Kg1 De1+ 52. Kh2 Dh4+ 53. Kg1 De1+

– Jafntefli.

Í 2. umferð vakti einnig mikla athygli að Einar Valdimarsson vann sænska stórmeistarann Nils Grandelius. Svíinn lenti í mátgildru eftir að hafa lengi reynt að vinna jafna stöðu:

 

Einar – Grandelius

44. Re7+ Kg4??

Hann varð að sætta sig við jafntefli með 44.... Ke5 45. Rg6+ Kf5 46. Re7+ o.s.frv.

45. Kf2! Hc1 46. h3+ Kf4 47. Rg6+! svartur er óverjandi mát, 47. .. Kf5 48. g4 mát.

Í þriðju umferð sem hófst snemma dags í gær ákváðu nokkrir af okkar bestu mönnum að taka ½ vinnings yfirsetu. Örn Leó Jóhannsson vann ítalska stórmeistarann Danyyil Dvirnyy og er einn fjölmargra keppenda með 2 vinninga.

Grein þessi birtist í Morgunblaðinu 10. mars

Skákþættir Morgunblaðsins

Indverski stórmeistarinn Abhijeet Gupta sigurvegari 31. GAMMA Reykjavíkurskákmótsins

 

Abhijeet Gupta (2634) tryggði sér sigur á 31. GAMMA Reykjavíkurskákmótinu í dag.

Indverski stórmeistarinn, Abhijeet Gupta (2634), tryggði sér sigur á 31. GAMMA Reykjavíkurskákmótinu sem lauk í dag. Gupta hafði vinnings forskot á næstu menn fyrir umferðina í dag og dugði því jafntefli til þess að tryggja sér sigurinn. Gupta hafði hvítt í lokaumferðinni gegn ítalska stórmeistaranum Francesco Rambaldi (2541) og aðstæður til jafnteflis því allar hinar ákjósanlegustu. Gupta fór sér að engu óðslega og gerðu þeir félagar stórmeistarajafntefli í aðeins 30 leikjum og er Gupta því einn efstur með 8,5 vinninga af 10 mögulegum. Frammistaða Gupta verður að teljast afar góð enda aðeins sá 10 stigahæsti í mótinu.

Rússinn Dmitry Andreikin (2732) sigraði enska stórmeistarann Gawain Jones (2645) nokkuð örugglega í lokaumferðinni og tryggði sér þar með sinn 8. vinning og 2. sætið í mótinu.

Níu skákmenn eru jafnir í 3.-11. sæti með 7.5 vinninga og því ljóst að skákstjórum mótsins bíður ærðið verkefni að reikna út svonefnd tie-break stig sem ráða endanlegri niðurstöðu og skiptingu verðlauna.

 

Tania Sachdev (2370) náði afar góðum árangri 

Indverska skákdrottningin og alþjóðlegi meistarinn, Tania Sachdev (2370), náði gríðargóðum árangri í mótinu sem skilaði henni áfanga að stórmeistaratitli eftir 9. umferðina sem tefld var í gær. Í dag atti hún kappi við hinn þekkta og ofursterka stórmeistara Alexander G Beliavsky (2630) og sýndi styrk sinn í verki með nokkuð öruggu jafntefli. Niðurstaðan er því sú að Tania endar í 12.-22. sæti með 7 vinninga og fær fyrir vikið 1. verðlaun í kvennaflokki og líklega einnig í flokki keppenda með minna en 2400 skákstig. 

Hjörvar Steinn Grétarsson varð efstur Íslendinga

Hjörvar Steinn Grétarsson (2572), yngsti stórmeistari Íslendinga, varð efstur heimamanna með 7 vinninga og endar í 12.-22. sæti. Árangur Hjörvars verður að teljast nokkuð góður, enda tapaði hann aðeins einni skák, í 5. umferð gegn ungverska ungstirninu GM Richard Rapport (2720).

Næstir á eftir Hjörvari eru, IM Guðmundur Kjartansson (2446), GM Hannes Hlífar Stefánsson (2600) og FM Sigurður Daði Sigfússon (2299) með 6,5 vinninga.

Unga kynslóðin stóð sig frábærlega á mótinu og rakaði inn skákstigum. Alexander Oliver Mai (1558) fór þar fremstur í flokki og nældi sér í 142 skákstig í umferðunum 10!, en fast á hæla hans koma fjölmargir efnilegir krakkar og unglingar sem vafalaust eiga eftir að láta að sér kveða áður en langt um líður.

Nánar verður greint frá úrslitum og verðlaunaflokkum í kvöld.

 

Nafn	Typ	Stig	Vinn	stigabr+/-
Mai Alexander Oliver	U12	1558	4,5	142
Hjaltalin Thor		1580	4,5	140,4
Enersen Eirik S.	U14	1689	5,5	138,8
Sigurdarson Alec Elias	U16	1365	4	128
Johannsson Birkir Isak	U12	1303	4	119,6
O`Gorman Alice	U14	1620	4	116,8
O`Gorman Tom	U12	2067	6	95,2
Lemery Jon Thor	U14	1495	4,5	94
Davidsson Oskar Vikingur	U10	1628	4	65,2
Bak Christopher		1969	5,5	64,4
Gunnarsson Helgi Petur		1737	3,5	62,4
Jonsson Gauti Pall	U16	1996	5,5	61,6
Lien Kjell Hakon	U16	2083	5,5	56
Ingebretsen Jens E	U10	1755	4	46,4
Valdimarsson Einar		2029	5	45,2
Lindsoe Fredrik Aunan		2112	5	42,8
Heidarsson Arnar	U12	1333	2,5	40,8
Gislason Jason Andri	U14	1319	3,5	39,6
Kazarian Anna-Maja	U14	2248	6,5	38,4
Skulason Johann		1747	4,5	38
Viktorsson Svavar		1701	3	38
Mai Aron Thor	U14	1784	3,5	37,2
Moller Agnar T		1882	5	36,6
Kristjansson Hjortur	U12	1488	3,5	35,2
Finsterwalder Sebastian		2095	5,5	35
Ragnarsson Heimir Pall	U14	1527	3	34,4
Santeramo Alessia	U16	2095	5,5	33,6
Thorhallsson Simon	U16	2092	5,5	32,4
Luu Robert	U10	1599	5	32,4
Kleinert Juergen		1906	4,5	32,4
Hansen Lars-Henrik Bech		1970	5,5	31,4
Tania Sachdev		2370	7	30,5
Tan Teck Woon		1488	3,5	30,4
Giannatos Peter		2155	6	30
Kakulidis Ellen	U18	1843	4,5	29,4
Segerberg Tomas		2070	5,5	28,8
Davidsson Joshua	U10	1411	2,5	27,2
Hoogland Mike		2087	6	25,2
Davidsdottir Nansy	U12	1778	4,5	24,4
Sigurvaldason Hjalmar		1426	3,5	24,2
Johannsson Orn Leo	U20	2194	6	23,6
Dougherty Michael		2169	6,5	23,4
Johannesson Oliver		2177	6	23,2
Modder Frank		1904	2,5	22,8
Abrahamyan Tatev		2324	6,5	21,8
Valtysson Thor	S60	1946	4,5	21,2
Berg Bo 1949	S60	1664	3,5	20,8
Gupta Abhijeet		2634	8,5	20
Haraldsson Haraldur	S60	1988	4,5	20
Bernhard Julia		1769	4,5	20
Kristjansson Halldor Atli	U12	1346	3	19,6
Kravchuk Mykhaylo	U12	1596	3,5	17,6
Rowan Daniel		1801	4	16,4
Schadd Jan	S60	1864	5	16
Esserman Marc		2458	7	15,7
Thorgeirsson Jon Kristinn	U16	2157	6	15,6
Ruonala Robert		2048	4,5	15
Probst Alexander		2006	4,5	13,8
Haessel Dale R.		2212	6	13
Rambaldi Francesco	U16	2541	7,5	12,8
Birkisson Bardur Orn	U14	2017	4,5	12,8
Heimisson Hilmir Freyr	U14	2048	5,5	12,4
Carlsen Henrik		2011	4,5	12,4
Arnalds Stefan		2007	4,5	12,4
Sigurdsson Birkir Karl	U18	1857	4,5	12,2
Sarkar Justin		2426	6,5	12,1
Kvamme John A		2155	5,5	12
Jameson David		2103	5,5	11
Bottema Martin		2091	5	10,8
Antal Tibor Kende	U16	2406	6,5	10,7
Riccardi Thomas		2135	5	10,2

• Heimasíða mótsins
• Bein útsending: FM Ingvar Þór Jóhannesson og FM Manuel Weeks
• Bein útsending: Efstu 25 borðin
• Myndasafn
• Viðtöl og eldri útsendingar
• Skákir mótsins - PGN

Lokaumferð GAMMA Reykjavíkurskákmótsins hefst kl. 11 í Hörpu - vel krydduð indversk veisluð

Keppendur á GAMMA Reykjavíkurskákmótsins taka lokadaginn snemma á mótinu en lokaumferð mótsins hefst núna kl. 11. Indverskir skákmenn hafa stolið athygli á mótinu Abhijeet Gupta er efstur á mótinu og skákdrottningin Tania Sadchev hefur náð stórmeistaraáfanga á mótinu. 

Fimm skákmenn geta náð Gupta að vinningum tapi Indverjinn. Það eru Búlgarinn Cheparinov, Englendingurinn Jones, Aserinn Mamedyarov, Rússinn Andreikin og Ítalinn ungi Rambaldi en sá er aðeins 16 ára og mætir Gupta í lokaumferðinni.

Guðmundur Kjartansson er efstur Íslendinga með 6,5 vinning og er í 7.-20. sæti. Hjörvar Steinn Grétarsson, Bragi Þorfinnsson og Stefán Kristjánsson eru næstir Íslendinga með 6 vinninga.

Ungstirnið, Awonder Liang, sem er aðeins 12 ára, er heldur betur að slá í gegn og vann Henrik Danielsen í dag og hefur 6,5 vinning. Hann er sem stendur yngsti alþjóðlegi meistari heims. Liang teflir við Sergei Movsesian í dag

Helstu viðureignir toppbaráttunnar:

• Gupta (8) - Rambaldi (7)
• Mamedyarov (7) - Cheparinov (7)
• Andreikin (7) - Jones (7)
• Movsesian (6,5) - Awonder Liang (6,5)
• Tania Sadchev (6,5) - Alexander Beliavsky (6,5)

Helstu viðureignir Íslendinga:

• Guðmundur Kjartansson - Nils Grandelius
• Gabriel Sargassian - Bragi Þorfinnsson
• Korley Kassa - Hjörvar Steinn Grétarsson
• Stefán Kristjánsson - Thorben Koop

 

 

 

• Heimasíða mótsins
• Bein útsending: FM Ingvar Þór Jóhannesson og FM Manuel Weeks
• Bein útsending: Efstu 25 borðin
• Myndasafn
• Viðtöl og eldri útsendingar
• Skákir mótsins - PGN

Frábær frammistaða Vignis Vatnars í Stokkhólmi

Vignir Vatnar Stefánsson (2228) tók þátt fyrir skemmstu þátt í alþjóðlegu móti í Stokkhólmi í Svíþjóð. Vignir stóð sig afar vel og hlaut 4 vinninga í 9 skákum. Frammistaða hans samsvaraði 2303 skákstigum og hækkaði hann um 35 skákstigum fyrir hana.

Úrslit Vignis má nálgast á Chess-Results.

Heimasíða mótsins