Mjög góð frammistaða Mai-bræðra í Róm

Mai-bræðurnir, Aron Þór (1893) og Alexander Oliver (1717), áttu afar gott alþjóðlegt mót í Róm á Ítalíu sem fram fór 3.-10. desember.  Alexander hlaut gull í flokki skákmanna með 1500-1799 skákstig. Alexander hlaut 5 vinninga í 9 skákum og tapaði aðeins einni skák þrátt fyrir að hafa teflt við stigahærri andstæðinga í öllum umferðum nema einni.

Aron Þór átti einnig afar gott. Hann hlaut 4,5 vinninga þrátt fyrir að hafa teflt við stigahærri andstæðinga í öllum umferðum!

Alexander hækkar um 120 skákstig en Aron Þór hækkar um 72 skákstig. Frábær frammistaða hjá þeim bræðrum.

• Heimasíða mótsins
• Chess-Results

Skákþáttur Morgunblaðsins: Guðmundur Kjartansson í Færeyjum

Guðmundur Kjartansson vann fimm fyrstu skákir sínar á Rúnavik open, skákmóti sem Færeyingar héldu öðrum þræði til að fagna því að þeir hafa nú eignast sinn fyrsta stórmeistara, Helga Dam Ziska. Helgi var í hópi þeirra sem sæmdir voru titlinum á þingi FIDE í Bakú á dögunum. Hann var stigahæsti keppandi mótsins og Jóhann Hjartarson kom næstur.

Mótið fór fram í Rúnavík á Austurey en þar búa um þrjú þúsund manns. Skipuleggjendur gerðu vel við íslensku skákmennina; á Ólympíumótinu í Bakú var þeim boðin þátttaka Jóhanni Hjartarsyni og Guðmundi Kjartanssyni og síðan bættust í hóp keppenda Þröstur Þórhallsson, Vignir Vatnar Stefánsson, Gauti Páll Jónsson, Loftur Baldvinsson og Heimir Páll Ragnarsson.

Færeyingar hyggjast halda mótið aftur að ári og má búast við mörgum skákmönnum héðan enda ekkert því til fyrirstöðu að Íslendingar eigi gott samstarf á skáksviðinu við frændur vora Færeyinga. Gunnar Björnsson forseti SÍ var meðal skákstjóra og annar kunnur einstaklingur úr skákhreyfingunni, Rúnar Berg, var meðal gesta á mótsstað en hann er nú búsettur í Færeyjum.

Úrslit mótsins voru mikill sigur fyrir Guðmund Kjartansson sem vann fimm fyrstu skákir sínar og varð síðan einn efstur. Keppendur voru 40 talsins en í efstu sætum urðu:

1. Guðmundur Kjartansson 7 v. (af 9 mögulegum). 2.-3. Miquel Munoz og Nikolaj Mikkelsen 6 ½ v. 4. – 7. Jóhann Hjartarson, Helgi Dam Ziska, Jakob van Glud og Hans Kristian Simonsen 6 v. 8.- 12. Daniel Semecen, Simon Bekker Jensen, Þröstur Þórhallsson, Rogvi Egilstoft Nielsen og Vignir Vatnar Stefánsson 5 ½ v.

Með frammistöðu sinni á þessu móti náði hinn 13 ára gamli Vignir Vatnar Stefánsson því markmiði að komast yfir 2400 elo-stig og á nýbirtum lista FIDE er hann í 17.sæti meðal íslenskra skákmanna með 2404 elo stig. Hann er í 5. sæti yfir sterkustu skákmenn Evrópu 14 ára og yngri og í 11. sæti á heimslistanum. Má mikils vænta af þessum unga manni.

Guðmundur Kjartansson tefldi af miklu öryggi en sigrar hans yfir öflugum andstæðingum í 3.-5. umferð voru lykillinn að frammistöðu hans þegar hann vann Munoz, Jóhann Hjartarson og Hamitevici. Skákin við hinn öfluga alþjóðlega meistara fra Moldóvíu gekk þannig fyrir sig:

Rúnavík 2016; 3. umferð:

Guðmundur Kjartansson – Vladimir Hamitevici

Hollensk vörn

1. c4 f5 2. g3 Rf6 3. Bg2 g6 4. d4 d6 5. Rf3 Bg7 6. Rc3 O-O 7. O-O c6 8. Hb1 Kh8 9. b4 Be6 10. d5 Bg8 11. Rd4 a5?!

Öruggara er 11. ... cxd5.

12. dxc6 Rxc6 13. Rxc6 bxc6 14. Bxc6 axb4 15. Hxb4 Hc8 16. Bb5 h6 17. a4 g5 18. Rd5 Re4 19. Be3 Rc5 20. Bd4 e5 21. Bxc5!?

21. Bxc3 kom einnig til greina en þar sem svartur hefur lokað hornalínunni a1-h8 á þessi leikur fullan rétt á sér.

21. ... Hxc5 22. e4 fxe4 23. Re3 Hf3 24. Da1 Da5 25. De1 Be6 26. Hb2!

Og nú kemst a-peðið á skrið.

26. ... Da8 27. Dd2 Bf8 28. Hd1 h5 29. a5 h4 30. gxh4?

Ónákvæmni, 30. a6 var best og svartur er án gagnfæra.

30 ... Hc7 31. Kh1 g4?!

Enn sterkara var 31. ... Hh7!

32. a6 Hh7 33. Hg1 Hxh4 34. Hg2 Hh7 35. Ha2 Hf4 36. Kg1 Db8 37. Ha1 Db6 38. Da5 Da7?

Hann varð að fara í drottningarkaupin.

39. Bc6! Be7

Hamitevici féll á tíma um leið og hann lék þessum leik. Athugun leiðir í ljós að svarta staðan er töpuð eftir 40. Hb1! ásamt – Db6.

Grein þessi birtist í Morgunblaðinu 3. desember 2016

Skákþættir Morgunblaðsins

[Event "RunavAA?k Open"] [Site "?"] [Date "2016.11.23"] [Round "?"] [White "Kjartansson, Gudmundur"] [Black "Hamitevici, Vladimir"] [ECO "A10"] [WhiteElo "0"] [BlackElo "0"] [Result "1-0"] 1. c4 f5 2. g3 Nf6 3. Bg2 g6 4. d4 d6 5. Nf3 Bg7 6. Nc3 O-O 7. O-O c6 8. Rb1 Kh8 9. b4 Be6 10. d5 Bg8 11. Nd4 a5 12. dxc6 Nxc6 13. Nxc6 bxc6 14. Bxc6 axb4 15. Rxb4 Rc8 16. Bb5 h6 17. a4 g5 18. Nd5 Ne4 19. Be3 Nc5 20. Bd4 e5 21. Bxc5 Rxc5 22. e4 fxe4 23. Ne3 Rf3 24. Qa1 Qa5 25. Qe1 Be6 26. Rb2 Qa8 27. Qd2 Bf8 28. Rd1 h5 29. a5 h4 30. gxh4 Rc7 31. Kh1 g4 32. a6 Rh7 33. Rg1 Rxh4 34. Rg2 Rh7 35. Ra2 Rf4 36. Kg1 Qb8 37. Ra1 Qb6 38. Qa5 Qa7 39. Bc6 Be7 1-0

Haraldur sigurvegari U-2000 mótsins

Hinn reynslumikli Haraldur Baldursson (1957) sigraði á U-2000 móti Taflfélags Reykjavíkur sem lauk síðastliðið miðvikudagskvöld. Haraldur hlaut 6,5 vinning í skákunum sjö, hálfum vinningi meira en Dawid Kolka (1907) sem varð annar. Þriðji með 5,5 vinning varð Hilmar Þorsteinsson (1800). Þetta er annað árið í röð sem Haraldur sigrar á U-2000 mótinu en þar að auki vann hann eitt af mótunum þegar þau voru haldin á fyrri hluta síðasta áratugs.

Fjórir keppendur komu næstir með 5 vinninga hver, þeirra á meðal hinn þrettán ára Blikapiltur, Stephan Briem (1594), en Stephan hefur verið á fljúgandi siglingu að undanförnu og rokið upp stigalista Fide. Ekkert lát virðist á uppgangi kappans því á U-2000 mótinu landaði hann tæplega 70 Elo-stigum. Sannarlega vel gert en góður hluti keppenda á mótinu samanstóð af yngri kynslóðinni sem lét þá eldri og reyndari svitna verulega við skákborðin.

Þrátt fyrir óvirkt loftræstikerfi og nokkuð sérstök loftgæði í salarkynnum TR á miðvikudagskvöld eftir mikla notkun húsnæðisins þann daginn var enginn skortur á töfrum skáklistarinnar þar sem keppendur úðuðu út leikjum og brellum á reitunum köflóttu. Heilastarfsemi viðstaddra virtist því ekki bíða tjón af völdum þessara aðstæðna, a.m.k. ekki til skamms tíma. Þegar blásið var til leiks höfðu Dawid Kolka (1907) og Kjartan Ingvarsson (1822) þegar lokið sinni orrustu hvar Dawid hafði betur með hvítu mönnunum. Á þeim tímapunkti var Dawid því einn efstur með 6 vinninga og var Haraldur sá eini sem gat náð honum að vinningum.

Ærið verkefni beið Haraldar sem hafði hvítt gegn hinum eitilharða Jon Olav Fivelstad (1918) sem kallar einfaldlega ekki allt ömmu sína, enda væri frekar skrýtið að gera það. Úr varð mjög svo spennandi viðureign sem einkenndist af stöðulegri baráttu þar sem leið lá út í endatafl þar sem hvor hafði riddara og jafnmörg peð á hvorum væng fyrir sig. Þegar tími keppenda var orðinn naumur henti Haraldur jafnteflisboði í loftið sem Jon Olav hafnaði snarlega þrátt fyrri að vera með innan við mínútu á klukkunni. Svo fór að neitunin varð honum að falli, ef svo má að orði komast, og eftir að hafa tekið áhættuna á að sækja sigurinn fékk Haraldur líkast til unna en þó vandteflda stöðu. Það var við hæfi að viðureign þeirra félaga var síðasta skák mótsins til að klárast en langleiðina gengið í miðnætti sigldi Haraldur sigrinum í höfn og skaust þar með upp í efsta sætið.

Á þriðja borði sigraði Hilmar hinn beinskeytta Friðgeir Hólm (1739) nokkuð örugglega en Friðgeir á það til að tefla alltof hratt og ekki vafamál að með smá bremsu kæmi hans rétti styrkleiki betur í ljós. Hafði hann reyndar á orði eftir mót að hann kynni ekki að tefla hægar en ekki var skákstjóri alveg tilbúinn í að taka undir þá fullyrðingu. Með sigrinum innsiglaði Hilmar gott mót þar sem hann tekur inn stigahækkun upp á tæp 50 Elo-stig. Vel gert hjá kauða sem hefur verið að sýna sig á skákmótum á nýjan leik eftir nokkurt hlé, sjálfsagt vegna náms eða annarrar vitleysu.

Eins og ávallt voru margar viðureignir spennandi og skemmtilegar og eitthvað af athyglisverðum úrslitum litu dagsins ljós. Má þar til dæmis nefna sigur Ingvars Egils Vignissonar (1554) með svörtu gegn Páli Þórssyni (1771) þar sem Páll tefldi líflega og fórnaði manni fyrir peð á e6 á þeim forsendum að svartur var ekki búinn að hrókfæra. Örlítið vantaði þó upp á sóknina og náði Ingvar að verjast áhlaupinu og snúa leiknum sér í hag. Gott mót hjá Ingvari Agli sem hlaut 4 vinninga og tryggði sér aukaverðlaun fyrir besta samanlagðan árangur í U-2000 mótinu og Skákþingi Garðabæjar.

Hinn ungi Atli Mar Baldursson (1203) var óheppinn að vinna ekki Smára Arnarson í gríðarlega opinni og hættulegri stöðu þar sem einn rangur leikur gat hreinlega kostað skákina. Svo fór að Atli missteig sig en það er ljóst að þarna fer piltur sem er í mikilli framför. Úrslit kvöldsins voru þó án nokkurs vafa sigur Péturs Jóhannessonar á félaga sínum Björgvini Kristbergssyni með svörtu mönnunum. Skipti engum togum að Pétur blés til mikillar sóknar, vann mann og strax í kjölfarið drottningu Björgvins en þar lét Pétur ekki staðar numið heldur lagði upp vígalegt mátnet og gat Björgvin lítið gert og sá því sæng sína uppreidda (einmitt – ekki útbreidda). Ekki fór framhjá nokkrum viðstöddum að Björgvin var alls ekki sáttur við þessa niðurstöðu og eftir nokkur föður- og móðurleg orð skákstjóra og Birnu nokkurrar héldu þeir félagar saman út í nóttina.

Ef litið er á mestu stigahækkanir keppenda sést að Dawid, Stephan, Ólafur Evert Úlfsson (1464), Arnar Milutin Heiðarsson (1358), Jóhann Bernhard Jóhannsson (1426), Benedikt Briem (1077) og Freyja Birkisdóttir (1186) hækkuðu öll um meira en 50 Elo-stig.

Afar skemmtilegu og vel skipuðu U-2000 móti er því lokið í ár en tvöfallt fleiri keppendur tóku þátt í mótinu nú heldur en í fyrra. Börn, fullorðnir ásamt “nýjum” keppendum sýna vel að U-2000 mótið er sannarlega komið til að vera og má fullyrða hér að leikar verða endurteknir að ári liðnu. Taflfélag Reykjavíkur þakkar öllum fyrir þátttökuna og óskar verðlaunahöfum til hamingju.

• Chess-Results
• Skákirnar: 1 2 3 4 5 6 7

 

Jólaæfing TR haldinn í dag

Hin árlega Jólaskákæfing verður haldin laugardaginn 10.desember kl.14-16. Æfingin er um leið uppskeruhátíð haustannarinnar því veitt verða verðlaun fyrir ástundun á haustönn. Allir krakkar úr öllum skákhópum TR, sem æfa á laugardögum og sunnudögum, eru velkomnir á þessa sameiginlegu Jólaskákæfingu.

Æfingin er einskonar fjölskylduskákmót þar sem tveir mynda eitt lið og mega foreldrar, ömmur og afar og frændur og frænkur gjarnan tefla með börnunum. Boðið verður upp á léttar veitingar.

Byrjendahóparnir, stelpuhópurinn og hópurinn sem æfir kl.14 verða því ekki með venjulegar æfingar þennan dag, heldur hittast á sameiginlegri Jólaskákæfingu kl.14.

Skákþáttur Morgunblaðsins: Snilldarleikur sem gerði út um einvígið

Magnús Carlsen átti síðasta orðið í heimsmeistaraeinvíginu sem lauk í New York laust fyrir miðnætti á fimmtudaginn. Síðasti leikurinn í einvíginu, drottningarfórn á h6, minnti á rothögg í hnefaleikahringnum. Þegar leikurinn birtist á skjánum skildu allir hvað „höggið“ þýddi, fáir höfðu séð það fyrir nema auðvitað „skákvélarnar“ en einvígið fékk verðugan endi. Eftir tvö jafntefli og sigur Magnúsar í þriðju skákinni reyndi Karjakin lengi að brjótast út úr þrengri stöðu sem hann varð að vinna. Hvað eftir annað bauð Magnús honum upp á þráleik en honum dugði jafntefli og það kom vitaskuld ekki til greina séð frá bæjardyrum Karjakins. Þegar hér var komið sögu hótaði hann samt máti á g2:

16. einvígisskák:

Magnús Carlsen – Sergei Karjakin

En Magnús hafði séð þetta fyrir og lék nær samstundis:

50. Df4-h6+!

og Karjakin gafst upp, hann verður mát í næsta leik, 50. ... Kxh6 er svarað með 51. Hh8 mát og eftir 50. ... gxh6 kemur 51. Hxf7 mát.

Ef Norðmenn gefa út skák-frímerki í tilefni sigurs Magnúsar Carlsen þá mun þessi mynd fylgja með.

Þó að baráttan í kappskákunum tólf hafi oft verið skemmtileg og spennandi er hætt við að ýmsir leikir hafi farið fyrir ofan garð og neðan hjá hinum almenna skákáhugamanni. Sannleikurinn er sá að Karjakin taldi vænlegast til árangurs að tileinka sér fremur neikvæðan skákstíl. Hann tók aldrei neina áhættu, sóttist eftir uppskiptum og valdi byrjanir sem ekki bjóða upp á líflega baráttu, t.d. Berlínarvörnina. Kannski voru skákir einvígisins of fáar; fyrrverandi heimsmeistari, Indverjinn Wisvanathan Anand, hefur orðað það svo að í svo stuttu einvígi sitji menn að tafli og yfir þeim hangi einhver óútskýranlegur kraftur með „hlaðna skammbyssu,“ eins og hann orðaði það og hefur þá væntanlega átt við að að við minnstu yfirsjón geti allt glatast. Í framtíðinni verður umhugsunartíminn trúlega styttur, at-skákirnar fjórar á fimmtudaginn höfðu miklu meira skemmtigildi heldur en þyngslaleg barátta hefðbundnu kappskákanna og það var fylgst með þessum viðureignum á risatjaldi á Rauða torginu í Moskvu og á Times Square í New York.

Grein þessi birtist í Morgunblaðinu 2. desember 2016

Skákþættir Morgunblaðsins

TM-mót Skákfélags Reykjanesbæjar hefst á morgun

Skákfélag Reykjanesbæjar í samstarfi við Tryggingamiðstöðina TM bjóða unglingum og börnum fæddum 2000 og síðar á glæsilegt sex umferða kappskákmót með svissnesku kerfi. Tímamörk eru 30 mínútur + 30 sekúndur á hvern leik. Einungis börn sem ekki hafa náð 1600 alþjóðlegum skákstigum geta tekið þátt í mótinu. Þannig er styrkleikamunurinn minni en ella og börnin njóta þess betur að tefla. Tímamörkin eru jafnframt styttri, og henta börnum betur en langar 90 mínútna skákir sem tíðkast á hefðbundnum kappskákmótum fullorðinna. Mótið uppfyllir öll skilyrði Alþjóða skáksambandsins FIDE og er reiknað til alþjóðlegra skákstiga. Það er skylda að skrifa niður leikina. 

Teflt verður í Ásbrú sem áður var svæði varnarliðsins í mjög skemmtilegu húsnæði sem heitir Virkjun í dag. Þar er afskaplega góð aðstaða til þess að tefla og einnig góð aðstaða fyrir foreldra. Hægt er að fara í Billiard á milli umferða eða þegar maður hefur lokið skákinni sinni og er að bíða eftir einhverjum. Mjög flottur billiard salur í sama húsnæði sem við höfum aðgang að og mun ekki trufla aðra keppendur þó einhverjir taki smávegis Pool. 

Verðlaunin eru stórglæsileg peningaverðlaun 64.000 kr. sem deilast á efstu 8 sætin. 

• 1.sæti 15.000 kr.
• 2.sæti 10.000 kr.
• 3.sæti  9.000 kr.
• 4.sæti  8.000 kr.
• 5.sæti  7.000 kr.
• 6.sæti  6.000 kr.
• 7.sæti  5.000 kr.
• 8.sæti  4.000 kr.

Tefld verður laugardaginn 10. desember og sunnudaginn 11. desember. 

Laugardaginn:

• 1.umferð kl: 10:00
• 2.umferð kl: 13:00
• 3.umferð kl: 16:00

Sunnudaginn:

• 4.umferð kl: 10:00
• 5.umferð kl: 13:00
• 6.umferð kl: 16:00

Engar yfirsetur leyfðar. Þátttökugjald í mótið er 1.500 kr.

Vinsamlegast skráið þátttakendur sem fyrst, það hjálpar til við undirbúning mótsins. Hlökkum til að sjá ykkur!

Skráningarform

Skráðir keppendur

Skákþáttur Morgunblaðsins: Gríðarlega mikil taugaspenna á úrslitastundu

Magnús Carlsen varði heimsmeistaratitilinn í skák með því að vinna atskákhluta einvígisins 3:1 og einvígið samtals 9:7. Hann knúði fram sigur í síðustu skákinni með glæsilegri drottningarfórn. Carlsen vann 15. einvígisskák sína og þá 16. við Sergei Karjakin skömmu fyrir miðnætti að íslenskum tíma.

Gríðarleg taugaspenna einkenndi skákirnar í gær en þær hófust kl. 19 að íslenskum tíma og virtist norski heimsmeistarinn, sem varð 26 ára þennan dag, staðráðinn í að vinna en mætti að venju harðvítugri mótspyrnu. Skákirnar vöktu mikla athygli um allan heim og voru t.a.m. sýndar á risatjaldi á Times square í New York.

Kvöldið hófst á fjórum atskákum með tímamörkunum 25 10 en síðan var gert ráð fyrir tveim hraðskákum, 5 3 ef ekki fengjust úrslit og loks bráðabanaskák. Carlsen var yfirleitt með betri tíma og í 2. skákinni í gær munaði á köflum á þeim um tíu mínútum. Fyrsta skákin, sú þrettánda í einvíginu, var fremur bragðdauf og lauk með jafntefli eftir 37 leiki en í þeirri næstu dró til tíðinda:

14. einvígisskák:

Magnús Carlsen – Sergei Karjakin

1. e4 e5 2. Rf3 Rc6 3. Bc4 Bc5 4. 0-0 Rf6 5. d3 0-0 6. a4 a6 7. c3 d6 8. He1 Ba7 9. h3 Re7 10. d4 Rg6 11. Rbd2 c6 12. Bf1 a5 13. dxe5 dxe5 14. Dc2 Be6 15. Rc4 Dc7 16. b4!?

Reynir að þenja út svæði sitt á drottningarvæng.

16.... axb4 17. cxb4 b5!?

Karjakin hefði betur sleppt þessu þó að leikurinn sé freistandi þar sem lúmsk gildra leynist í stöðunni, 18. axb5 Bxf2+! og hrókurinn á a1 stendur valdlaus eftir.

18. Re3! bxa4 19. Hxa4

Tímamismunur 10 mínútur Carlsen í vil.

19.... Bxe3!? 20. Bxe3

Fórnar e-peðinu en öruggara var 20. Hxe3. 

20.... Hxa4 21. Dxa4 Rxe4 22. Hc1 Bd5 23. b5

23.... cxb5?!

Sú ákvörðun að leysa upp stöðuna og tefla með hrók og peði á móti tveim léttum var vafasöm en tíminn var að styttast hjá Karjakin.

24. dxe4 Dxc1 25. Dxd5 Dc7 26. Dxb5 Hb8 27. Dd5 Hd8 28. Db3 Hb8 29. Da2 h6 30. Dd5 De7 31. De4 Df6 32. g3 Hc8 33. Bd3 Dc6 34. Df5 He8 35. Be4 De6 36. Dh5 Re7?

37. Dxe5

Magnús var fljótur að grípa e-peðið en hann gat unnið með 37. Rg5! Df6 (37.... hxg5 tapar eftir 38. Dh7+ Kf8 39. Dh8+ Rg8 40. Bc5+ He7 41. Bh7.) 38. Bh7+ Kf8 39. Bd3 Kg8 40. Rxf7! Dxf7 41. Bc4! o. s.frv.

37. .. Dxe5 38. Rxe5 Rg6 39. Bxg6 Hxe5 40. Bd3

Þessa stöðu með tvo biskupa ætti að vera hægt að vinna en í framhaldinu lék Magnús af sér f-peðinu og varð að sætta sig við jafntefli eftir 84 leiki.

En hann var ekki af baki dottinn og tefldi af miklum þrótti í næstu skák:

New York 2016; 15. einvígisskák:

Sergei Karjakin – Magnús Carlsen

Spænskur leikur

1. e4 e5 2. Rf3 Rc6 3. Bb5 a6 4. Ba4 Rf6 5. 0-0 Be7 6. d3 b5 7. Bb3 d6 8. a3 0-0 9. Rc3 Ra5 10. Ba2 Be6 11. b4 Rc6 12. Rd5 Rd4 13. Rg5 Bxd5 14. exd5 Rd7 15. Re4 f5 16. Rd2 f4 17. c3 Rf5 18. Re4 De8 19. Bb3 Dg6 20. f3 Bh4 21. a4 Rf6 22. De2 a5 23. axb5 axb4 24. Bd2 bxc3 25. Bxc3 Re3 26. Hfc1 Hxa1 27. Hxa1 De8 28. Bc4 Kh8 29. Rxf6 Bxf6 30. Ha3

30.... e4 31. dxe4 Bxc3 32. Hxc3 De5 33. Hc1 Ha8 34. h3 h6 35. Kh2 Dd4 36. De1 Db2 37. Bf1 Ha2 38. Hxc7??

Mistök í miklu tímahraki. Hann gat varist með 38. Hb1.

38.... Ha1!

– og Karjakin gafst upp.

Grein þessi birtist í Morgunblaðinu 1. desember 2016

Skákþættir Morgunblaðsins

[Event "Carlsen - Karjakin World Championship"] [Site "0:00:33-0:01:33"] [Date "2016.11.30"] [EventDate "2016.11.11"] [Round "13.2"] [Result "1/2-1/2"] [White "Magnus Carlsen"] [Black "Sergey Karjakin"] [ECO "C50"] [WhiteElo "?"] [BlackElo "?"] [PlyCount "167"] 1.e4 e5 2.Nf3 Nc6 3.Bc4 Bc5 4.O-O Nf6 5.d3 O-O 6.a4 a6 7.c3 d6 8.Re1 Ba7 9.h3 Ne7 10.d4 Ng6 11.Nbd2 c6 12.Bf1 a5 13.dxe5 dxe5 14.Qc2 Be6 15.Nc4 Qc7 16.b4 axb4 17.cxb4 b5 18.Ne3 bxa4 19.Rxa4 Bxe3 20.Bxe3 Rxa4 21.Qxa4 Nxe4 22.Rc1 Bd5 23.b5 cxb5 24.Qxe4 Qxc1 25.Qxd5 Qc7 26.Qxb5 Rb8 27.Qd5 Rd8 28.Qb3 Rb8 29.Qa2 h6 30.Qd5 Qe7 31.Qe4 Qf6 32.g3 Rc8 33.Bd3 Qc6 34.Qf5 Re8 35.Be4 Qe6 36.Qh5 Ne7 37.Qxe5 Qxe5 38.Nxe5 Ng6 39.Bxg6 Rxe5 40.Bd3 f6 41.Kg2 Kh8 42.Kf3 Rd5 43.Bg6 Ra5 44.Ke4 Rb5 45.h4 Re5+ 46.Kd4 Ra5 47.Kc4 Re5 48.Bd4 Ra5 49.Bc5 Kg8 50.Kd5 Rb5 51.Kd6 Ra5 52.Be3 Re5 53.Bf4 Ra5 54.Bd3 Ra7 55.Ke6 Rb7 56.Kf5 Rd7 57.Bc2 Rb7 58.Kg6 Rb2 59.Bf5 Rxf2 60.Be6+ Kh8 61.Bd6 Re2 62.Bg4 Re8 63.Bf5 Kg8 64.Bc2 Re3 65.Bb1 Kh8 66.Kf7 Rb3 67.Be4 Re3 68.Bf5 Rc3 69.g4 Rc6 70.Bf8 Rc7+ 71.Kg6 Kg8 72.Bb4 Rb7 73.Bd6 Kh8 74.Bf8 Kg8 75.Ba3 Kh8 76.Be6 Rb6 77.Kf7 Rb7+ 78.Be7 h5 79.gxh5 f5 80.Bxf5 Rxe7+ 81.Kxe7 Kg8 82.Bd3 Kh8 83.Kf8 g5 84.hxg6 1/2-1/2

[Event "Carlsen - Karjakin World Championship"] [Site "0:00:33-0:07:33"] [Date "2016.11.30"] [EventDate "2016.11.11"] [Round "13.3"] [Result "0-1"] [White "Sergey Karjakin"] [Black "Magnus Carlsen"] [ECO "C78"] [WhiteElo "?"] [BlackElo "?"] [PlyCount "76"] 1.e4 e5 2.Nf3 Nc6 3.Bb5 a6 4.Ba4 Nf6 5.O-O Be7 6.d3 b5 7.Bb3 d6 8.a3 O-O 9.Nc3 Na5 10.Ba2 Be6 11.b4 Nc6 12.Nd5 Nd4 13.Ng5 Bxd5 14.exd5 Nd7 15.Ne4 f5 16.Nd2 f4 17.c3 Nf5 18.Ne4 Qe8 19.Bb3 Qg6 20.f3 Bh4 21.a4 Nf6 22.Qe2 a5 23.axb5 axb4 24.Bd2 bxc3 25.Bxc3 Ne3 26.Rfc1 Rxa1 27.Rxa1 Qe8 28.Bc4 Kh8 29.Nxf6 Bxf6 30.Ra3 e4 31.dxe4 Bxc3 32.Rxc3 Qe5 33.Rc1 Ra8 34.h3 h6 35.Kh2 Qd4 36.Qe1 Qb2 37.Bf1 Ra2 38.Rxc7 Ra1 0-1

Kristján Davíð, Indriði og Kristján Ingi héraðsmeistarar HSÞ í skák U-16 ára

Héraðsmót HSÞ í skák fyrir börn á grunnskólaaldri fór fram á Laugum í dag. Góð þátttaka var í mótinu, en 20 krakkar tóku þá í því.

Stefán, Kristján og Björn 

Kristján Davíð Björnsson varð héraðsmeistari í flokki 13-15 ára annað árið í röð, en hann vann alla sína andstæðinga. Stefán Bogi Aðalsteinsson varð annar og Björn Gunnar Jónsson þriðji.

Lokastaðan í flokki 13-15 ára

Kristján Davíð Björnsson  4 vinninga
Stefán Bogi Aðalsteinsson 3
Björn Gunnar Jónsson       2
Ari Ingólfsson                     1
Heiðrún Helgadóttir            0

 

Eyþór, Indriði og Magnús

 

Indriði Ketilsson varð héraðsmeistari í flokki 9-12 ára en hann vann alla sína andstæðinga. Eyþór Rúnarsson varð í öðru sæti með 4 vinninga og Magnús Máni Sigurgeirsson varð þriðji með 3 vinninga.

Lokastaðan í flokki 9-12 ára.
Indriði Ketilsson                         5 vinningar
Eyþór Rúnarsson                       4
Magnús Máni Sigurgeirsson      3
Jón Andri Hnikarrsson               2,5
Viktor Breki Hjartarson              2
Guðrún Karen Sigurðardóttir     2
Björn Rúnar Jónsson                 2

 

Ingþór, Kristján og Sváfnir

 

Kristján Ingi Smárason varð héraðsmeistari í flokki 8 ára og yngri með 4 vinningum af 5 mögulegum. Ingþór Ketilsson varð í öðru sæti með 3 vinninga og Sváfnir Ragnarsson varð í þriðja sæti einnig með 3 vinninga.

Lokastaðan í flokki 8 ára og yngri.
Kristján Ingi Smárason             4 vinningar
Ingþór Ketilsson                        3
Sváfnir Ragnarsson                  3
Daníel Örn Sigurðarson            2,5
Ívar Rúnarsson                          2
Dóra Kristín Guðmundsdóttir     2
Gunnar Marteinsson                 1,5
Guðbjörg Lilja Guðmundsdóttir 1,5

 

Keppendur í flokki 8 ára og yngri og flokki 9-12 ára tefldu saman í einum hóp eftir monrad-kerfi alls fimm umferðir. Tímamörk í öllum flokkum voru 10 mín á mann.

Jólamót Skákdeildar Breiðabliks

Jólamót Skákdeildar Breiðbliks fer fram nk föstudag 9.desember í Glersalnum við Kópavogsvöll. Mótið stendur yfir frá 5 til rúmlega 7. Verðlaun fyrir þrjú efstu sætin. Tefldar verða 9 umferðir og er umhugsunartími 4 mínútur + 2 sek á leik.

Keppendur eru beðnir um að skrá sig sem fyrst til þess að auðvelda undirbúning fyrir mótið. Skráning í gula kassanum efst.

Mótið er opið fyrir krakka 16 ára og yngri.

1. 7000 kr gjafabréf í skákbúðina
2. 5000 kr gjafabréf í skákbúðina
3. 3000 kr gjafabréf í skákbúðina Auk verðlaunapeninga.

Mótinu seinkar frá 17-19. REIKNAÐ TIL FIDE HRAÐSKÁKSTIGA

Upplýsingar um þegar skráða keppendur hér.

TM-mót Skákfélags Reykjanesbæjar fer fram um helgina

Skákfélag Reykjanesbæjar í samstarfi við Tryggingamiðstöðina TM bjóða unglingum og börnum fæddum 2000 og síðar á glæsilegt sex umferða kappskákmót með svissnesku kerfi. Tímamörk eru 30 mínútur + 30 sekúndur á hvern leik. Einungis börn sem ekki hafa náð 1600 alþjóðlegum skákstigum geta tekið þátt í mótinu. Þannig er styrkleikamunurinn minni en ella og börnin njóta þess betur að tefla. Tímamörkin eru jafnframt styttri, og henta börnum betur en langar 90 mínútna skákir sem tíðkast á hefðbundnum kappskákmótum fullorðinna. Mótið uppfyllir öll skilyrði Alþjóða skáksambandsins FIDE og er reiknað til alþjóðlegra skákstiga. Það er skylda að skrifa niður leikina. 

Teflt verður í Ásbrú sem áður var svæði varnarliðsins í mjög skemmtilegu húsnæði sem heitir Virkjun í dag. Þar er afskaplega góð aðstaða til þess að tefla og einnig góð aðstaða fyrir foreldra. Hægt er að fara í Billiard á milli umferða eða þegar maður hefur lokið skákinni sinni og er að bíða eftir einhverjum. Mjög flottur billiard salur í sama húsnæði sem við höfum aðgang að og mun ekki trufla aðra keppendur þó einhverjir taki smávegis Pool. 

Verðlaunin eru stórglæsileg peningaverðlaun 64.000 kr. sem deilast á efstu 8 sætin. 

• 1.sæti 15.000 kr.
• 2.sæti 10.000 kr.
• 3.sæti  9.000 kr.
• 4.sæti  8.000 kr.
• 5.sæti  7.000 kr.
• 6.sæti  6.000 kr.
• 7.sæti  5.000 kr.
• 8.sæti  4.000 kr.

Tefld verður laugardaginn 10. desember og sunnudaginn 11. desember. 

Laugardaginn:

• 1.umferð kl: 10:00
• 2.umferð kl: 13:00
• 3.umferð kl: 16:00

Sunnudaginn:

• 4.umferð kl: 10:00
• 5.umferð kl: 13:00
• 6.umferð kl: 16:00

Engar yfirsetur leyfðar. Þátttökugjald í mótið er 1.500 kr.

Vinsamlegast skráið þátttakendur sem fyrst, það hjálpar til við undirbúning mótsins. Hlökkum til að sjá ykkur!

Skráningarform

Skráðir keppendur