Borgarskákmótið fer fram á morgun

Borgarskákmótið fer fram föstudaginn 14. ágúst, og hefst það kl. 16:00. Mótið fer fram venju samkvæmt í Ráðhúsi Reykjavíkur og standa  Taflfélag Reykjavíkur og Skákfélagið Huginn, að mótinu, eins og þau hafa gert síðustu ár. Gera má ráð fyrir að margir af sterkustu skákmönnum þjóðarinnar taka þátt í því. Skákmenn eru hvattir til að skrá sig sem fyrst eftir að opnað verður fyrir skráningu. Mótið er öllum opið og er þátttaka ókeypis en skráning fer fram á Skák.is.

Einnig er hægt að skrá sig í í síma 866 0116 (Vigfús) og 899 9268 (Björn). Tefldar verða 7 umferðir með 7 mínútna umhugsunartíma. Þetta er í 28. sinn sem mótið fer fram og er þetta iðulega eitt best sótta skákmót hvers árs. Í fyrra sigraði Jón Viktor Gunnarsson, sem þá tefldi fyrir Jómfrúnna.

Þrefaldur íslenskur sigur í Riga í gær - tvöfaldur dagur í dag

Það gekk vel hjá íslensku keppendum í fjórðu umferð alþjóðlega mótsins í Riga í gær. Allir unnu þeir þínar skákir - reyndar gegn stigalægri andstæðingum. Í dag er tvöfaldur dagur. Fyrri umferð dagsins er hafin. Guðmundur Kjartansson (2447) teflir við þýska stórmeistarann, Daniel Fridman (2639) en sá er af lettneskum ættum. Hægt er að fylgjast með Guðmundi í beinni.

Guðmundur hefur 3 vinninga, Hjörvar 2½ vinning og Oliver Aron 1 vinning. 

Alls tekur 191 skákmaður þátt í mótinu frá 38 löndum. Þar á meðal eru 29 stórmeistarar og jafnmargir alþjóðlegir meistarar. Hjörvar er nr. 16 í stigaröð keppenda, Guðmundur nr. 40 og Oliver nr. 97.

• Heimasíða mótsins
• Chess-Results
• Beinar útsendingar
• Chessbomb

 

Ferð Garðbæinga austur fyrir fjall var árangursrík

Viðureign Skákfélag Selfoss og nágrennis og Taflfélags Garðabæjar fór fram í Fischersetri í gærkvöldi. Eftir harða en vinalega baráttu urðu úrslit svohljóðandi:

ÚRSLIT SSON 27 V – TG 45 V.

Einstaklingsárangur:

SSON

• Björgvin Smári Guðmundsson 7 / 12
• Emil Sigurðarson  4 / 9
• Magnús Matthíasson 3,5 / 12
• Úlfhéðinn Sigurmundsson 4 /12
• Sverrir Unnarsson 5 /12
• Ingimundur Sigurmundsson 3,5 / 12
• Þorvaldur Siggason 0 /3

TG

• Björn Jónsson 8,5 / 12
• Leifur Ingi 10,5 / 12
• Guðlaug 8 /10
• Páll Andrason 8 /12
• Þorlákur 2 / 6
• Valgarð 1 /10
• Páll Sig 4 / 4
• Bjarnsteinn 3 / 6

Héðinn í beinni frá Washington

Stórmeistarinn Héðinn Steingrímsson (2550) situr þessa dagana að tafli í höfuðborg Bandaríkjanna, Washington. Eftir sjö umferðir hefur Héðinn 4½ vinning og er í 9.-13. sæti. 

Áttunda og næstsíðasta umferð hófst kl. 23 í kvöld. Héðinn mætir alþjóðlega meistaranum Darwin Yang (2465). 

Alls tefla 56 skákmenn í mótinu og þar af eru átta stórmeistarar. Héðinn er nr. 5 í stigaröð keppenda. 

 

• Heimasíða mótsins
• Beinar útsendingar
• Chessbomb

Guðmundur með 2 vinninga í Riga

Í gær fóru fram tvær umferðir í alþjóðlegamótinu í Riga í Lettlandi. Íslensku keppendurnir hafa ekki byrjað sérstaklega vel en það er spá ritstjóra að þeir muni koma mjög sterkir inn í næstu umferðum. Guðmundur (2447) hefur 2 vinninga, Hjörvar Steinn Grétarsson (2567) hefur 1½ vinning en Oliver Aron Jóhannesson (2263) er ekki kominn á blað. Fjórða umferð fer fram í dag.

Alls tekur 191 skákmaður þátt í mótinu frá 38 löndum. Þar á meðal eru 29 stórmeistarar og jafnmargir alþjóðlegir meistarar. Hjörvar er nr. 16 í stigaröð keppenda, Guðmundur nr. 40 og Oliver nr. 97.

• Heimasíða mótsins
• Chess-Results
• Beinar útsendingar
• Chessbomb

 

Unglingalið TR sigraði Kvennalandsliðið!

Tvær viðureignir í Hraðskákkeppni taflfélaga fóru fram í skákhöll TR í gærkvöldi.

Í forkeppni um sæti í 16. liða úrslitum mættust Unglingalið Taflfélags Reykjavíkur (Truxvi) og Kvennalandsliðið. Fyrirfram var búist við jafnri keppni og sú varð líka raunin.

Sveit Truxvi leiddi Hilmir Freyr Heimisson sem nýverið gékk til liðs við TR úr Hugin, en með honum í sveit að þessu sinni tefldu þeir Vignir Vatnar Stefánsson, tvíburabræðurnir Björn og Bárður Birkissynir, Gauti Páll Jónsson, Aron Þór Mai og hinn kornungi Róbert Luu.

Allt kvennalandsliðið var mætt með stórmeistara kvenna Lenku Ptacnikovu í broddi fylkingar. Með henni tefldu þær Hallgerður Helga, Jóhanna Björg, Elsa María, Tinna Kristín, Veronika og Guðlaug Þorsteinsdóttir.

Unglingalið TR tók strax forystu með 4 ½ – 1 ½ sigri í fyrstu umferð. Liðin skiptust svo á að sigra í næstu umferðum og í hálfleik leiddi TRuxvi með 20 vinningum gegn 16 vinningum Kvennalandsliðsins. Enn dró sundur með liðunum í áttundu umferði sem Truxvi vann 4 ½ – 1 ½ en landsliðið svaraði strax fyrir sig í næstu umferð á eftir, 5 – 1. Munaði þá einungis þremur vinningum á sveitunum en í tíundu umferð má segja að Unglingaliðið hafi gert út um viðureignina með öruggum 4 ½ – 1 ½ sigri. Fyrir lokaumferðina munaði sex vinningum á sveitunum og þurfti Kvennalandsliðið því á kraftaverki að halda til að tryggja sér framlengingu. Ekkert slíkt gerðist og Truxvi sigldi í sextán liða úrslit með öruggum 4 ½ – 1 ½ sigri. Lokatölur urðu 40 ½ – 31 ½ .

Bárður stóð sig best í unglingaliði TR með 10 vinninga úr 12 skákum. Hilmir hlaut 7 ½ vinning í 11 skákum og Björn 7 vinninga úr 12 skákum.

Lenka dró vagninn fyrir Kvennalandsliðið með 8 vinninga úr 11 skákum, Hallgerður krækti í 6 ½ vinning úr 12 skákum og Elsa 5 ½ vinning af 11 mögulegum.

Sannarlega glæsilegur sigur hinnar sterku unglingasveitar félagsins og verður gaman að fylgjast með sveitinn kljást við lið Hauka í 16 liða úrslitum. Meðlimir Kvennalandsliðsins geta huggað sig við að flestar geta þær keppt áfram með sínum félagsliðum í keppninni.

Hin viðureign kvöldsins var ójöfn enda mikill styrkleikamunur á sveitum UMSB og TR. Ríkjandi meistarararnir úr TR unnu stórsigra í hverri umferð og unnu sannfærandi í lokin 65 ½ – 6 ½

Í sigursveit TR voru alþjóðlegu meistararnir Jón Viktor Gunnarsson, Arnar E. Gunnarsson, Bragi Þorfinnsson, alþjóða dómarinn Omar Salama, Daði Ómarsson, Björgvin Víglundsson og þeir Björn Jónsson og Kjartan Maack.

Jón Viktor, Arnar, Bragi, Omar, Daði og Björn voru allir með fullt hús vinninga.

Bestum árangri í liði UMSB náði Einar Valdimarsson en hann krækti í 2 ½ vinning í ellefu skákum.

TR vill koma á framfæri þökkum til UMSB og Kvennalandsliðsins fyrir drengilega og skemmtilega keppni!

Heimasíða TR

Nýir félagar í SA

Á síðustu vikum hafa þrír ágætismenn félagar gengið á ný í Skákfélag Akureyrar. Þetta eru þeir Björn Ívar Karlsson, Arnar Þorsteinsson og Jón Árni Jónsson. Björn Ívar er reyndar fæddur og uppalinn Vestmannaeyingur, en telfdi um hríð með SA fyrir nokkrum árum. Hann kemur úr Taflfélagi Vestmannaeyja. Þeir Arnar og Jón Árni slitu sínum fyrstu skákskóm á Akureyri og eiga sér langa sögu sem Skákfélagsmenn. Þeir voru meðal stofnenda Máta fyrir nokkrum árum en koma nú úr taflfélaginu Hugin.

Mikill fengur er að þessum góða liðsauka og býður Skákfélag Akureyrar þá félaga alla velkomna til sín.

Heimasíða SA

Skáksambandið fékk styrk úr Samfélagssjóði Landsbankans

Samfélagsstyrkjum að upphæð tíu milljónir króna var úthlutað úr Samfélagssjóði Landsbankans fimmtudaginn 6. ágúst. Alls hlutu 26 verkefni styrki að þessu sinni. Tvö verkefni á vegum Rauða krossins og Geðhjálpar hlutu samtals eina milljón króna, tólf verkefni 500 þúsund krónur hvert og önnur tólf fengu 250 þúsund króna styrk. Um 300 umsóknir bárust sjóðnum að þessu sinni. Samfélagsstyrkir verða veittir tvisvar á þessu ári en umsóknarfrestur fyrir seinni úthlutun rennur út í október nk.

Samfélagsstyrkir Landsbankans eru mikilvægur þáttur í stuðningi bankans við samfélagið. Með þeim leggur bankinn bæði einstaklingum, hópum og félagssamtökum lið við verkefni sem er sinnt af einlægni og ómetanlegum áhuga og sem vert er að verðlauna. Styrkjunum er einkum ætlað að styðja mannúðar- og líknarmál, menntamál, rannsóknir og vísindi, forvarnar- og æskulýðsstarf, sértæka útgáfustarfsemi og verkefni á sviðum menningar og lista.

Dómnefnd um úthlutun samfélagsstyrkja var að þessu sinni skipuð þeim Ármann Jakobssyni, prófessor við Háskóla Íslands, Kristjáni Kristjánssyni upplýsingafulltrúa Landsbankans og Guðrúnu Agnarsdóttur lækni, en hún var jafnframt formaður dómnefndar.

Skáksamband Íslands hlaut styrk til ritunar og útgáfu á bók um sögu Reykjavíkurskákmótanna í fimmtíu ár. Fyrsta Reykjavíkurskákmótið í skák var haldið árið 1964. Mótið hefur haft afgerandi áhrif á þróun og stöðu Íslands sem skáklands og Reykjavíkur sem háborgar í skákheimum. Reykjavíkurmótið er elsta hátíðin sem enn er haldin reglulega og ber nafn borgarinnar í titli og hróður hennar víða um heim. Helgi Ólafsson stórmeistari er höfundur söguritsins en Gunnar Björnsson framkvæmdastjóri Skáksambandsins tók við styrknum.

Hjörvar og Guðmundur unnu - Oliver tapaði naumlega fyrir Shirov

Opið skákmótið hófst í gær í Riga í Lettlandi. Hjörvar Steinn Grétarsson (2567) og Guðmundur Kjartansson (2447) unnu sínar skákir í gær. Oliver Aron Jóhannesson (2263) átti þó skák dagsins þrátt fyrir tap gegn Alexei Shirov (2702). Um var að ræða hörkuskák þar sem Lettinn lagði gríðarlega á stöðuna og fórnaði manni. Oliver var grátlega nærri því að halda jafntefli. 

Tvær skákir eru tefldar í dag. Sú fyrri hefst nú kl. 8 og sú síðari kl. 14. 

• Heimasíða mótsins
• Chess-Results
• Beinar útsendingar
• Chessbomb

 

Borgarskákmótið fer fram á föstudag

Borgarskákmótið fer fram föstudaginn 14. ágúst, og hefst það kl. 16:00. Mótið fer fram venju samkvæmt í Ráðhúsi Reykjavíkur og standa  Taflfélag Reykjavíkur og Skákfélagið Huginn, að mótinu, eins og þau hafa gert síðustu ár. Gera má ráð fyrir að margir af sterkustu skákmönnum þjóðarinnar taka þátt í því. Skákmenn eru hvattir til að skrá sig sem fyrst eftir að opnað verður fyrir skráningu. Mótið er öllum opið og er þátttaka ókeypis en skráning fer fram á Skák.is.

Einnig er hægt að skrá sig í í síma 866 0116 (Vigfús) og 899 9268 (Björn). Tefldar verða 7 umferðir með 7 mínútna umhugsunartíma. Þetta er í 28. sinn sem mótið fer fram og er þetta iðulega eitt best sótta skákmót hvers árs. Í fyrra sigraði Jón Viktor Gunnarsson, sem þá tefldi fyrir Jómfrúnna.