Hjörvar efstur ásamt sex öðrum

Stórmeistarinn Hjörvar Steinn Grétarsson (2559) heldur áfram að gera góða hluti í Benasque á Spáni. Í sjöundu umferð, sem fram fór í dag, vann hann spænska alþjóðlega meistarann Daniel Forcen Esteban (2539). Hjörvar hefur 6 vinninga og er efstur ásamt sex öðrum stórmeisturum.

Í áttundu umferð, sem fram fer á morgun, teflir Hjörvar við Jorge Core (2623) frá Perú. Skákin verður sýnd beint á vef mótsins og hefst kl. 14. Einnig verður hægt að fylgjast með henni á Chessbomb.

Jón Trausti Harðarson (2141) vann sína skák í dag og hefur 3½ vinning.

Alls taka 412 skákmenn frá 37 löndum þátt í mótinu. Þar af eru 34 stórmeistarar. Hjörvar er nr. 13 í stigaröð keppenda en Jón Trausti er nr. 123.

 

• Heimasíða mótsins
• Chess-Results
• Beinar útsendingar

Ingvar Þór Jóhannesson til liðs við Hugin

Hinn geðþekki skákmaður Ingvar Þór Jóhannsesson er gengin til lið við Hugin úr Taflfélagi Vestmannaeyja (TV). Ingvar Þór er FIDE-meistari með 2371 Fideskákstig og er auk þess með 2 IM norm og stefnir á að ná þriðja norminu.

Ingvar hefur átt góðu gegni að fagna í skákinni. Hann hefur margoft staðið uppi sem sigurvegari með liði sínu á Íslandsmóti skákfélaga. Hann hefur einnig á góðu gegni að fagna í hinum ýmsu mótu innanlands í gegnum tíðina. Hér má skoða árangur Ingvars

Ingvar var liðsstjóri kvennaliðs Íslands á OL í Noregi í fyrra og Ingvar verður liðsstjóri karlalandsliðs Íslands á EM-landsliða sem fram fer í Laugardalshöllinni í nóvember nk.

Ingvar Þór tekur þátt í Minningarmótinu um Najdorf sem hefst í Warsjá í Póllandi núna 10. Júlí og mun Skákhuginn.is fylgjast með gengi hans á mótinu

Ingvar Þór heldur úti skemmtilegu skákbloggi ZIBBIT CHESS en þar er margt fróðlegt að finna.

Stjórn Hugins fagnar komu Ingvars í félagið.

Skákhuginn

Nýtt fréttabréf SÍ komið út

Nýtt Fréttabréf SÍ kom út í dag. Meðal efnis er:

• Hannes sigurvegari alþjóðlegs skákmóts í Tékklandi
• Sjö íslenskir verðlaunahafar í Sardiníu
• Jón Trausti skákmeistari Skákskóla Íslands
• Gunnar endurkjörinn forseti SÍ
• Frú Sigurlaug og Einar Hjalti gera það gott
• Topalov sigraði á Norway Chess
• Tilkynning frá Taflfélagi Vestmannaeyja
• EM landsliða 2015 - niðurtalning
• Mót á döfinni

Fréttabréfið má nálgast hér.

Hægt er að skrá sig fyrir Fréttabréfinu sem kemur að jafnaði út tvisvar á mánuði yfir vetrarmánuðina en sjaldnar á sumrin ofarlega á vinstri hluta Skák.is.

Eldri fréttabréf má nálgast hér.

Hjörvar gerði jafntefli í gær - er í 4.-19. sæti

Stórmeistarinn Hjörvar Steinn Grétarsson (2559) gerði jafntefli við indverska stórmeistarann B. Adhiban (2627) í sjöttu umferð alþjóðlegs móts á Benasque á Spáni. Hjörvar hefur 5 vinninga og er í 4.-19. sæti.

Stórmeistarnir Julio Grand Zuniga (2652), Sergey Grigoriants (25949 og Jorge Cori (2623) eru efstir með 6 vinninga.

Í sjöundu umferð, sem fram fer í dag, teflir Hjörvar við spænska alþjóðlega meistarann Daniel Forcen Esteban (2539). 

Skákin ætti að vera sýnd beint komi ekki til tæknilegir örðugleikar eins og gerðist í gær. Umferðin hefst kl. 14. 

Jón Trausti Harðarson (2141) tapaði í gær og hefur 2½ vinning.

Alls taka 412 skákmenn frá 37 löndum þátt í mótinu. Þar af eru 34 stórmeistarar. Hjörvar er nr. 13 í stigaröð keppenda en Jón Trausti er nr. 123.

 

• Heimasíða mótsins
• Chess-Results
• Beinar útsendingar

Skákhátíð og sumarmót við Selvatn fer fram á morgun

GALLERÝ SKÁK í samstarfi við SKÁKDEILD KR og RIDDARANN, skákklúbb eldri borgara, efnir SUMARSKÁKMÓTS að óðali þeirra Guðfinns og Erlu Axels, listaskálanum við Selvatn, á fimmtudaginn kemur, þann 9. júlí , eins undanfarin ár. Mótið verður haldið með viðhafnarsniði. Hátíðarkvöldverður frá Eldhúsi Sælkerans framreiddur undir beru lofti og kaffi, heilsudrykkir og kruðerí í boði meðan á móti stendur.

Mótið sem er öllum opið hefst kl. 17 og stendur fram eftir kvöldi. Þátttaka takmarkast þó við 40 keppendur. Tefldar verða 11 umferðir – 10 mínútna atskákir. Góð verðlaun og glæsilegt vinningahappdrætti.

Þátttökugjald kr. 7.500 og rennur ágóði ef einhver verður til að efla skáklífið. Látið ekki kapp né happ úr hendi sleppa. Aðeins 5 sæti óskipuð þar af 2 aukasæti.
Þeir síðustu gætu orðið fyrstir. Áríðandi að þeir sem hyggjast taka þátt staðfesti þátttöku sína sem allra fyrst með tölvupósti á [e-mail] eða ESE í s. 690-2000

Hjörvar í 2.-13. sæti í hálfleik í Benasque

Stórmeistarinn Hjörvar Steinn Grétarsson (2559) byrjar vel á alþjóðlega mótinu í Benasque á Spáni. Eftir fimm umferðir (af 10) hefur Hjörvar 4,5 vinning og er í 2.-13. sæti. 

Í dag vann hann ítalska alþjóðlega meistarann Marco Codenetti (2421) sem sló í gegn á Sardiníu þar sem hann náði sér í áfanga að stórmeistaratitli. 

Hjörvar teflir við indverska stórmeistarann B. Adhiban (2627) og verður loks í beinni útsendingu. Umferðin hefst kl. 14 á morgun. 

Jón Trausti Harðarson (2141) vann sína skák í dag gegn stigalágum heimamanni (1738) og hefur 2,5 vinning.

Alls taka 412 skákmenn frá 37 löndum þátt í mótinu. Þar af eru 34 stórmeistarar. Hjörvar er nr. 13 í stigaröð keppenda en Jón Trausti er nr. 123.

 

• Heimasíða mótsins
• Chess-Results
• Beinar útsendingar

Kristinn Jens sigurvegari skákkeppni Landsmóts 50+

Kristinn Jens Sigþórsson (UMSB) sigraði í skákinni sem var hluti af Landsmóti 50+ sem fram fór í Blönduósi 27. júní sl. Kristinn hlaut 4½ í 5 skákum. Þorleifur Ingvarsson (USAH) varð annar með 3½ vinning. Í 3.-4. sæti urðu Jón Arnljótsson (UMSS) og Sveinbjörn Óskar Sigurðsson (ÍBA) með 3 vinninga. 

Lokastöðuna má nálgast hér.

 

Caruana sigurvegari Dortmund-mótsins - vann fimm skákir í röð!

Fabiano Caruana (2805) sigraði á Dortmund-mótinu sem lauk í gær. Það var frábær árangur Ítalans sem tryggði honum sigur enn hann vann fimm síðustu skákirnar! Í lokaumferðinni vann Nisipeanue (2654) á laglegan hátt. Wesley So (2778)og Nisipeanu urðu jafnir í 2.-3. sæti með 4 vinninga.

Kramnik (2783), sem tapaði fyrir So í lokaumferðinni þrátt fyrir að tefla Berlínarvörnina varð í 4.sæti með 3,5 vinning.

• Heimasíða mótsins
• Beinar útsendingar

 

Róbert Luu öruggur sigurvegari fyrri Sumarsyrpu Breiðabliks

Róbert Luu kom sá og sigraði í fyrri Sumarsyrpu Breiðabliks. Hann vann fyrstu fjórar skákirnar og gerði svo jafntefli til að tryggja sér sigurinn í síðustu umferð. Átján krakkar á grunnskólaaldri tóku þátt í mótinu og var það framar vonum svona á miðju sumri. Ellefu af átján voru 10 ára eða yngri og m.a. sigurvegarinn. Framtíð Íslands í skákinni er því björt.

1. Róbert Luu 4,5 vinninga
2. Nikulás Ýmir Valgeirsson 4,0
3. Birkir Ísak Jóhannsson 3,5
4. Hjörtur Kristjánsson 3,5
5. Atli Mar Baldursson 3,5
6. Jón Þór Lemery 3,5

10 ára og yngri
1. Alexander Már Bjarnþórsson 3,0
2. Gunnar Erik Guðmundsson 2,5
3. Gabríel Sær Bjarnþórsson 2,0

• Nánari úrslit
• Myndaalbúm

Hjörvar með fullt hús í Benasque - Jón Trausti með jafntefli við Úlfinn

Stórmeistarinn Hjörvar Steinn Grétarsson (2559) hefur fullt hús að loknum þremur umferð á alþjóðlega mótinu í Benasque á Spáni. Hjörvar vann finnsku goðsögnina Heikki Weisterinen (2313) í 3. umferð í gær. Jón Trausti Harðarson hefur 1,5 vinning. Hann gerði sér lítið fyrir og gerði jafntefli við sænsku goðsögnina Ulf Andersson (2519) sem var um tíma næststigahæsti skákmaður heims.

Fjórða umferð fer fram í dag. Þá teflir Hjörvar við indverska alþjóðlega meistarann Shardul Gagare (2425) en Jón Trausti við heimamann með 1933 skákstig. Hvorugur verður í beinni á vefsíðu mótsins.

Alls taka 412 skákmenn frá 37 löndum þátt í mótinu. Þar af eru 34 stórmeistarar. Hjörvar er nr. 13 í stigaröð keppenda en Jón Trausti er nr. 123.

 

• Heimasíða mótsins
• Chess-Results
• Beinar útsendingar