Reykjavíkurskákmótið: Jón Viktor með jafntefli við David Navara - Tveir íslendingar með fullt hús

Þriðja umferð Reykjavíkurmótsins, sem var að ljúka, var afar spennandi. 

Norðmaðurinn og Fidemeistarinn Lars Oskar Hauge (2380) er að öðrum ólöstuðum maður umferðarinnar, en hann lagði stórmeistarann Allan Stig Rasmussen (2532) í aðeins 19 leikjum! Fullyrt er að slíkt gerist ekki á hverjum degi þegar um svo sterka skákmenn er að ræða.

Lars Oskar mætti í myndver og fór yfir skákina með Fionu Steil-Antoni – Yfirferðin hefst eftir tvo klukkutíma og 24 mínútur (02:24:00)

 

Frændur okkar norðmenn fjölmenntu til leiks í Reykjavíkurskákmótinu, en hópur þeirra telur alls 33 skákmenn. Þrír þeirra, þ.m.t. Lars Oskar sem nefndur var að ofan, eru enn með fullt hús eftir þrjár umferðir. Athygli vekur að norðmaður nr. 2 – John Ludvig Hammer (2651) er ekki á meðal þeirra.

What a start for the Norwegian teenagers in #ReykjavikOpen! IM A. Tari (15): 3/3 FM L.O Hauge (16): 3/3 FM J-S Christiansen (16): 3/3

— Tarjei J. Svensen (@TarjeiJS) March 11, 2015

 

Maður dagsins er hins vegar augljóslega Fidemeistarinn Daniel L Bisby (2321) frá Englandi. Í fyrri umferð dagsins lagði hann stórmeistarann Sergei Movsesian (2665) og í seinni umferð dagsins vann hann aftur stórmeistara, í það skiptið Axel Rombaldoni (2488) frá Ítalíu.

What a day for Daniel Bisby at #ReykjavikOpen!!! Crushing GMs Movsesian and Rombaldoni on the same day! #greatplay http://t.co/6ACKXj0ZJz

— Dusan Chess (@DusanChess) March 11, 2015

Watching teammate Dan Bisby crush everyone at #ReykjavikOpen - will this be a repeat of last year? 3/3 then 3/6? Let's hope not! #fingersxd

— Sabrina Chevannes (@SChevannes) March 11, 2015

 

Alþjóðameistarinn Jón Viktor Gunnarsson (2433), sem jafnframt er skákmeistari Reykjavíkur, átti góða skák í umferðinni, en hann var með hvítt gegn tékkanum og stórmeistaranum David Navara (2736). Sá síðarnefndi reiknast með 2751 Elo-stig á lifandi stigalista og er sem stendur 14. stigahæsti skákmaður heims skv. vefsíðunni 2700.com. Skákin var afar spennandi og lengi vel mátti vart á milli sjá hvor stæði betur. Jón Viktor náði hagstæðum uppskiptum í miðtaflinu og var peði yfir í endatafli. Því miður er það heilagur sannleikur að endatöfl með peð yfir eru jafntefli (og peð undir töpuð ) og lauk skákinni með jafntefli. Hetjuleg barátta hjá nýkrýndum Reykjavíkurmeistara.

Staðan:

Fjórtán skákmenn eru efstir og jafnir með fullt hús og þar af eru tveir íslendingar: stórmeistararnir Héðinn Steingrímsson og Hjörvar Steinn Grétarsson. Fjölmargir íslendingar koma í humátt á eftir með 2,5 vinninga. Nánar er hægt að glöggva sig á stöðunni hér (íslendingar sérstaklega merktir)

Árangur íslendinga er svo tíundaður í viðhengdu skjali neðst í fréttinni.

 

Líkt og áður var nóg af óvæntum úrslitum. Okkar menn létu sitt ekki eftir liggja og náðu margir afar hagstæðum úrslitum. Þorsteinn Magnússon (1301) vann líklega stærsta sigur umferðarinnar þegar hann lagði norðmanninn William Olsen (1716) – 415 stiga munur þar, takk fyrir!

Hilmir Freyr Heimisson (1861) lagði Fidemeistarann Richard Bjerke (2180); Mikael Jóhann Karlsson, Jóhann Ingvarsson og Örn Leó Jóhannsson náðu allir jafnteflum við alþjóðameistara; Þá gerði IM Bragi Þorfinnsson jafntefli við GM Nils Grandelius (2603) frá Svíþjóð.

Þá náðu Guðmundur Kristinn Lee, Birkir Karl Sigurðsson og Hjálmar Rafn Sigurvaldason allir hagstæðum úrslitum.

Óvænt úrslit:

2. IM Jón Viktor Gunnarsson (2433) ½ ½ GM David Navara (2736)
3. IM Bragi Þorfinnsson (2429) ½ ½ GM Nils Grandelius (2603)
4. IM Marin Daniel Pulvett (2434) ½ ½ GM Gawain C B Jones (2642)
5. FM Einar Hjalti Jensson ½ ½ GM Sabino Brunello (2540)
6. FM Lars Oskar Hauge (2380) 1-0 GM Allan Stig Rasmussen (2532)
7. GM Henrik Danielsen (2514) 0-1 WGM Zhansaya Abdumalik (2379)
8. GM Pouya Idani (2496) 0-1 FM Johan-Sebastian Christiansen (2351)
9. GM Axel Rombaldoni (2488) 0-1 FM Daniel L Bisby (2321)
10. IM Vladimir Poley (2269) 1-0 IM Vladimir Hamitevici (2450)
11. IM Cristina-Adela Foisor (2349) ½ ½ Mikael Jóhann Karlsson (2138)
12. IM Justin Sarkar (2376) ½ ½ Jóhann Ingvarsson (2135)
13. IM Justin Sakar (2376) ½ ½ Örn Leó Jóhannsson (2107)
14. Henrik Carlsen (1986) 1-0 Dagur Ragnarsson (2347)
15. IM Petter Haugli (2247) ½ ½ Niels Erik Andersen (1900)
16. Martin Sandberg (1889) ½ ½ Þorvarður Fannar Ólafsson (2230)
17. Hilmir Freyr Heimisson (1861) 1-0 FM Richard Bjerke (2180)
18. Ben Simpson 1-0 Bragi Halldórsson (2140)
19. Páll G Jónsson (1833) 1-0 Gonzalez Alfonso Gonzales (2122)
20. Erlingur Þorsteinsson (2119) ½ ½ Bárður Örn Birkisson (1839)
21. Gylfi Þórhallsson (2084) 0-1 Flemming Borg (1828)
22. Eduardo Ribeiro Machado (1818) ½ ½ Jens Erik Kofoed Hald (2069)
23. David Miller (2066) ½ ½ Arnt-Ole Johansen (1819)
24. Guðmundur Kristinn Lee (1676) ½ ½ Lopez Janie Martinez (2044)
25. Matthew Lunn (2034) ½ ½ Birkir Karl Sigurðsson (1767)
26. Mykhaylo Kravchuck (1475) ½ ½ Brandur Hojgaard (1787)
27. Hjálmar Sigurvaldason (1450) 1-0 Mikhail Kruglyak (1775)
28. Adrian Starosciak (1304) 1-0 Karl Egill Steingrímsson (1720)
29. William Olsen (1716) 0-1 Þorsteinn Magnússon (1301)

 Pörun 4. umferðar

Pörun 4. umferðar liggur fyrir og má skoða hér (íslendingar sérstaklega merktir)

Helstu viðureignir verða:

• Heimasíða mótsins
• Facebook-síða mótsins (myndir og fleira)
• Beinar útsendingar
• Bein lýsing
• Chess-Results

Athygli er vakin á því að 4. Umferð hefst kl. 17 á morgun, ekki kl. 15 eins og annars væri.

Skrár tengdar þessari bloggfærslu:

• Árangur íslendinga eftir 3. umferð

Reykjavíkurskákmótið: Jón Kristinn lagði alþjóðlegan meistara - Movsesian tapaði

Nóg var um að vera í 2. umferð Reykjavíkurskákmótsins sem var að ljúka. Titilhafar hafa vafalaust átt betri dag, en ótrúlega mörg úrslit voru þeim í óhag í umferðinni. Íslendingar létu sitt ekki eftir liggja og áttu fjölmörg hagstæð úrslit. Ber þar hæst sigur norðlendingsins unga, Jóns Kristins Þorgeirssonar (2177) sem stýrði svarta liðinu gegn alþjóðlega meistaranum Razvan Preotu (2477). FM Halldór Grétar Einarsson (2166) lagði stórmeistarann Þröst Þórhallsson (2428) með svörtu. Þá átti GM Sergei Movsesian (2665) óvænt úrslit í meira lagi þegar hann tapaði fyrir FM Daniel L Bisby (2321)!

Hér á eftir eru tíunduð þau úrslit sem helst vöktu athygli í umferðinni. Íslendingar eru merktir sérstaklega.

Óvænt úrslit (200 stiga munur eða meira)

GM Hrant Malkumyan (2676) ½ ½ FM Jonas Rosner (2324)

FM Daniel L Bisby (2321) 1-0 GM Sergei Movsesian (2665)

WIM Shiqun Ni (2315) ½ ½  GM Daniel Naroditsky (2663)

GM Matthieu Cornette (2585 ½ ½ WGM Zeinab Mamedjarova (2303)

GM Jean-Pierre Le Raux (2548) ½ ½ FM Ahmad Siar Walhedi

GM Sahaj Grover (2519) ½ ½ IM Vladimir Poley (2269)

GM Zbigniew Pakleza (2498) ½ ½ Ansgar Barthel (2230)

Kristján Eðvarðson (2176) ½ ½ GM Ralf Akesson (2456)

IM Razvan Preotu (2447) 0-1 Jón Kristinn Þorgeirsson (2177)

GM Þröstur Þórhallsson (2428) 0-1 FM Halldór Grétar Einarsson (2166)

IM Yaacov Norowitz (2422) ½ ½ Erhard Rueger (2133)

Örn Leó Jóhannsson (2107) ½ ½ IM Cristina-Adela Foisor (2394)

IM Alina L´ami (2393) ½ ½ Jason Kenney (2104)  

Jeroen Van Den Bersselaar (2083) ½ ½ IM Sarkar Justin (2376)

WGM Sarasadat Khamdemalsharieh (2357) ½ ½ Eivind X Djurhuus (2077)

Birkir Karl Sigurðsson (1767) 1-0 James Chan (2038)

Jon Olav Fivelstad (1929) 0-1 Veronika Steinun Magnúsdóttir (1571)

Heimir Páll Ragnarsson (1497) 1-0 Kris Klausen (1937)

Teodor Baldur Petersson (1951) ½ ½ Felix Steinþórsson (1634)

Gauti Páll Jónsson (1968) ½ ½ Torge Ugland (1636)

Peter Sebastian Stuhr (1973) 0-1 Guðmundur Kristinn Lee (1676)

Michael A. Murray (2008) 0-1 Friðgeir K Hólm (1700)

47 skákmenn eru enn með fullt hús og því marklaust að greina stöðuna nánar enn sem komið er. Bent er á eftirfarandi tengil þar sem staða íslendinga er sérstaklega merkt. Staðan. Staða íslendinga er tíunduð í viðhengdu skjali við fréttina.

Pörun 3. umferðar, sem hefst kl. 17, liggur fyrir og eru helstu viðureignir þannig:

• Heimasíða mótsins
• Facebook-síða mótsins (myndir og fleiri)
• Beinar útsendingar
• Bein lýsing
• Chess-Results

Skrár tengdar þessari bloggfærslu:

• Staða íslendinga

Reykjavíkurskákmótið hófst í dag með (veður)-hvelli!

Reykjavíkurskákmótið hófst í dag með sannköllum (veður)-hvelli. Ríflega 270 skákmenn eru skráðir til leiks. Sumir komust reyndar ekki til landsins vegna stormsins í dag sem hafði einnig áhrif á heimsókn forseta FIDE þar sem ófært var yfir Hellisheiðina og því náði hann ekki að heimsækja gröf Fischers í dag eins og hann ætlaði sér. Óvænt úrslit komu við sögu í dag þótt flest úrslit hafi verið eftir bókinni.

Óvænt skák var tefld í dag þegar Friðrik tefldi við forseta FIDE eins og fram kom í gríðarlegri skemmtilegri frétt Stöðvar 2 í dag.

Meðal óvæntra úrslit í kvöld má nefna að Ólafur Gísli Jónsson gerði jafntelfi við alþjóðlega meistarann Vladimir Hamiteici en stigamunurinn er þar um 550 stig. Ólafur Gísli hefur verið með á hverju ári á Reykjavíkurskákmótinu síðan 2009. 

Hollendingurinn Eric de Winter, sem færði Friðriki gjöf við upphafi móts eins og lesa má á Morgunblaðinu reyndist óútreiknanlegur eins og veðrið og gerði jafntefli við mun stigahærri andstæðing.

Óvæntustu úrslitin átti sem Halldór Atli Kritjánsson, sem gerði jafntefli við andstæðing sem var 800 stigum hærri en hann sjálfur!

Önnur umferð hefst kl. 10 í fyrramálið. Þau æsast leikar heldur betur. Þriðja umferð hefst kl. 17 og munu skákskýringar hefjast þá í Hörpu uppúr kl. 19.

Í fyrramálið teflir nýkrýndur Norðurlandameistari Dagur Ragnarsson við sjálfan Mamedyarov á fyrsta borði.

Myndband frá fyrstu umferð (Vijay Kumar)

 

 

• Heimasíða mótsins
• Facebook-síða mótsins (myndir og fleiri)
• Beinar útsendingar
• Bein lýsing
• Chess-Results

Reykjavíkurskákmótið í fullum gangi!

Reykjavíkurskákmótið er í fullum gangi en það hófst í dag kl. 15. Á morgun verða tefldar tvær umferðir kl. 10 og 17. Hér að neðan má sjá marga gagnlega linka.

• Heimasíða mótsins
• Facebook-síða mótsins (myndir og fleiri)
• Beinar útsendingar
• Bein lýsing
• Chess-Results

Forseti FIDE verður viðstaddur opnun Reykjavíkurskákmótsins - afmælismóts Friðriks

Reykjavíkurskákmótið, afmælismót Friðriks Ólafssonar, verður sett á morgun kl. 14:30. Meðal gesta á setningarathöfn mótsins er Kirsan Ilyumzhinov, forseti FIDE, sem heimsækir á Ísland í fyrsta sinn.

Skák- og skákáhugamann eru hvattir til að fjölmenna í Hörpu.

 

Reykjavíkurskákmótið 2015 - Afmælismót Friðriks Ólafssonar

- þátttökumet

- erlendir meistarar skipta tugum

- forseti alþjóðaskáksambandsins FIDE við setningu mótsins

- Heimsmeistarinn Magnus Carlsen heimsækir Ísland

- Heimsmeistari stúlkna meðal keppenda

Þrítugasta Reykjavíkurskákmótið fer fram í Hörpu dagana 10.-18. mars. Mótið í ár er afmælismót Friðriks Ólafsson sem varð áttræður fyrr á árinu. Mótið verður sett kl. 14:30.

Mótið hefur aldrei verið fjölmennara. Um 280 keppendur frá 38 löndum taka þátt. Mótið er gríðar sterkt en titilhafar skipta tugum. Sterkasti keppandinn er Shakhriyar Mamedyarov sem er þrettándi stigahæsti skákmaður heims og tvöfaldur Evrópumeistari með sveit Azerbaidsjan. Pavel Eljanov frá Úkraínu og David Navara frá Tékklandi taka einnig þátt en þeir eru meðal þeirra allra bestu í heiminum.

Til leiks mæta einnig goðsagnir. Þar má helst nefna Artur Jussupow sem komst þrívegis í undanúrslit áskorandaeinvíganna og hefur síðustu ár einbeitt sér að þjálfun en ætlar taka þátt í ár!

Keppendur eru á öllum aldri. Þeir yngstu rétt innan við tíu ára en sá elsti, Páll G. Jónsson, rúmlega áttræður. Efnilegustu skákmenn Íslands eru meðal þátttakenda, þar á meðal Dagur Ragnarsson, nýkrýndur Norðulandameistari 20 ára og yngri.

Sterkustu skákmenn landsins láta sig ekki vanta. Hannes Hlífar Stefánsson hefur fimm sinnum sigrað á mótinu. Hann er nýkominn frá Evrópumóti einstaklinga þar sem hann stóð sig afar vel. Í heimavarnarliðinu eru einnig stórmeistararnir Héðinn Steingrímsson, Hjörvar Steinn Grétarsson, Stefán Kristjánsson, Henrik Danielsen og Þröstur Þórhallsson ásamt Íslandsmeistaranum Guðmundi Kjartanssyni.

Nokkrar af sterkari skákkonum heims taka þátt, sú sterkasta er Tania Sachdev sem kemur frá Indlandi og hefur margoft teflt áður á Íslandi. Meðal annarra kvenkyns keppenda er Zhou Qiyu frá Kanada en hún er núverandi heimsmeistari stúlkna undir 14 ára.

Forseti FIDE Kirsan Ilyumzhinov verður viðstaddur setningu mótsins sem og Zurab Azmaiparashvili, forseti Skáksambands Evrópu. 

Þá heimsækir sjálfur heimsmeistarinn Magnús Carlsen Ísland dagana 13.-16. mars en faðir Magnúsar er meðal þátttakenda.

Á þriðjudag kemur út fyrra bindi um sögu Reykjavíkurskákmótsins í 50 ár eftir Helga Ólafsson. Hægt verður að nálgast bókina í Hörpu.

Helsti bakhjarl mótsins í ár er GAMMA.

Rúnar skákmeistari Hugins á norðursvæði

Rúnar Ísleifsson vann sigur á skákþingi Hugins á norðursvæði, en mótinu lauk í dag á Húsavík. Rúnar vann Hermann Aðalsteinsson í lokaumferðinni og tryggði sér þar með sigurinn í mótinu með 5,5 vinninga af 7 mögulegum. Rúnar er því skákmeistari Hugins á norðursvæði árið 2015.

LokastaðanHjörleifur Halldórsson varð efstur utanfélagsmanna og jafn hár að vinningum og Rúnar, en örlítið stigalægri. Jakob Sævar Sigurðsson meistari fyrra árs, varð í öðru sæti með 5 vinninga og Smári Sigurðsson varð í þriðja sæti með 4.5 vinninga. Jón Aðalsteinn Hermannsson vann sigur í flokki 16 ára og yngri annað árið í röð með 2,5 vinninga.

Lokastaðan í Chess-Results.

Heimasíða Hugins

Vignir Vatnar og Alexander Oliver í úrslit Barna-blitz

TR-ingarnir Vignir Vatnar Stefánsson og Alexander Oliver Mai tryggðu sér í gær sæti í úrslitum Barna-blitz sem fram fer í Hörpu laugardaginn 15. mars.

 

Keppt var um tvö sæti á laugardagsæfingu Taflfélagsins og voru tefldar 6 umferðir með tímamörkunum 4 + 2 líkt og notuð verða í úrslitakeppninni.

Vignir Vatnar varð efstur en hann leyfði einungis eitt jafntefli og kom í mark með 5 1/2 vinning.  Alexander fór einnig taplaus í gegnum mótið, vann fjórar skákir og gerði tvö jafntefli gegn Vigni Vatnar og Halldóri Atla Kristjánssyni sem endaði í 3.-4. sæti ásamt Birki Ísak Jóhannessyni.

Ásamt þeim Vigni Vatnar og Alexander Oliver hafa Mikhailo Kravchuk, Óskar Davíð Davíðsson, Róbert Luu og Nansý Davíðsdóttir þegar tryggt sér þátttökurétt. Tvö sæti eru enn í boði og keppt verður um þau á æfingu hjá Skákfélaginu Hugin á morgun kl. 17.15

Nánar um Reykjavík Open Barna-blitz 2015 hér

 

Hannes og Guðmundur töpuðu í lokaumferðinni

Hannes Hlífar Stefánsson (2573) og Guðmundur Kjartansson (2484) töpuðu báðir í elleftu og síðustu umferð EM einstaklinga sem fram fór í dag. Hannes tapaði fyrir rússneska stórmeistaranum Boris Graschev (2670) en Guðmundur fyrir pólska stórmeistaranum Dariusz Swiersz (2617). Frammistaða Hannesar var afar góð á mótinu en hann hlaut 6,5 vinning í 11 skákum þrátt fyrir að hafa teflt við stigahærri andstæðinga í 10 skákum af þessum 11.

Frammistaða Hannesar samsvaraði 2660 skákstigum og hækkar hann um heil 18 stig fyrir hana. Gummi hlaut 5,5 vinning og lækkar lítis háttar á stigum eða um 6 stig.

Alls tóku 250 skákmenn frá 33 löndum þátt í mótinu. Þar af voru 113 stórmeistarar. Hannes var nr. 84 í stigaröð keppenda en Guðmundur var nr. 116. 

• Heimasíða mótsins
• Beinar útsendingar (hefjast almennt kl. 13)
• Chess-Results

Vin Open: Afmælismót Finns Kr. Finnssonar!

Vinaskákfélagið og Hrókurinn bjóða til hraðskákmóts í Vin, Hverfisgötu 47, mánudaginn 9. mars kl. 13. VIN OPEN er einn af sérviðburðum í tengslum við alþjóðlega Reykjavíkurskákmótið, og er jafnframt afmælismót kempunnar Finns Kr. Finnssonar sem varð áttræður á dögunum.

Heiðursmaðurinn Finnur hefur um áratugaskeið auðgað íslenskt skáklíf, jafnt sem keppandi og kennari, og það er vinum hans í Vinaskákfélaginu og Hróknum mikið ánægjuefni að heiðra hann á þessum tímamótum.

Allir eru velkomnir á mótið í Vin og er þátttaka ókeypis. Að vanda verður boðið upp á ljúffengar veitingar og ýmis verðlaun.