Friðriksmót Landsbankans - Íslandsmótið í hraðskák fer fram 12. desember

Friðriksmót Landsbankans - Íslandsmótið í hraðskák - fer fram í útibúi Landsbankans við Austurstræti 11 laugardaginn 12. desember nk. Mótið hefst kl. 13 og stendur til kl. 16.30.

Gera má ráð fyrir að flestir sterkustu skákmenn landsins taki þátt og efsti keppandi mótsins fær titilinn Íslandsmeistari í hraðskák. Tímamörkin eru 5+2 og tefldar eru ellefu umferðir.

Skráning fer fram á Skák.is (guli kassinn efst) og hefst í dag kl. 16:00 nk. Skákmenn eru hvattir til að skrá sig sem fyrst enda takmarkast þátttaka við um u.þ.b. 80 manns. Gildir þar lögmálið, fyrstir koma, fyrstir fá, en þó njóta stórmeistarar og alþjóðlegir meistarar forgangs varðandi þátttöku.

Upplýsingar um þegar skráða keppendur má finna hér.

Þetta er tólfta árið í röð sem Landsbankinn og Skáksamband Íslands standa fyrir Friðriksmótinu í skák, en mótið er haldið til heiðurs Friðriki Ólafssyni, fyrsta stórmeistara Íslendinga. Margir af sterkustu stórmeisturum landsins hafa undanfarin ár teflt til heiðurs Friðriki.

Verðlaun fyrir efstu sæti eru eftirfarandi:

1. 100.000 kr.
2.  60.000 kr.
3.  50.000 kr.
4.  30.000 kr.
5.  20.000 kr.

Séu tveir eða fleiri jafnir í efsta sætinu verður stigaútreikningur látinn ráða Íslandsmeistaratitlinum. Verðlaunafé skiptist eftir Hort-kerfinu.

Aukaverðlaun

• Efsti maður með 2001-2200 skákstig 10.000 kr.
• Efsti maður með 2000 stig og minna: 10.000 kr.
• Efsta konan: 10.000 kr.
• Efsti strákur 16 ára og yngri (1999 eða síðar): 10.000 kr.
• Efsta stúlka 16 ára og yngri (1999 eða síðar): 10.000 kr.
• Efsti eldri skákamaður (1955 eða fyrr): 10.000 kr.
• Útdreginn heppinn keppandi: 10.000 kr.

Aukaverðlaun eru miðað við alþjóðleg skákstig 1. desember sl.(íslensk skákstig hafi keppendur ekki alþjóðleg stig). Stigaútreikningur ræður séu menn jafnir og efstir.
Hver keppandi getur aðeins unnin ein aukaverðlaun og eru aukaverðlaunin valin í þeirri röð sem fram kemur að ofan.

Mótið er reiknað til alþjóðlegra hraðskákstiga. 

Fyrri sigurvegarar

• 2014 - Héðinn Steingrímsson 
• 2013 – Helgi Ólafsson
• 2012 - Bragi Þorfinnsson, Hjörvar Steinn Grétarsson og Jón Viktor Gunnarsson
• 2011 - Henrik Danielsen
• 2010 - Jón Viktor Gunnarsson og Þröstur Þórhallsson
• 2009 - Héðinn Steingrímsson
• 2008 - Helgi Ólafsson
• 2007 - Héðinn Steingrímsson
• 2006 - Helgi Áss Grétarsson
• 2005 - Jón Viktor Gunnarsson og Arnar E. Gunnarsson
• 2004 - Jóhann Hjartarson og Stefán Kristjánsson

Ný alþjóðleg skákstig

Ný alþjóðleg skákstig eru komin út. Hannes Hlífar Stefánsson (2600) er stigahæsti skákmaður landsins. Árni Ólafsson (1206) er stigahæstur nýliða á listanum.

Topp 20

Hannes Hlífar Stefánsson (2600) er sem fyrr stigahæsti skákamður landsins. Í næstum sætum eru Hjörvar Steinn Grétarsson (2572) og Héðinn Steingrímsson (2567).

Nr.	Nafn	Tit	Stig	Sk.	Mism	At	Hrað
1	Stefansson, Hannes	GM	2600	8	-2	2499	2529
2	Gretarsson, Hjorvar Steinn	GM	2572	7	11	2548	2596
3	Steingrimsson, Hedinn	GM	2567	8	1	2554	2587
4	Olafsson, Helgi	GM	2546	7	-3	2525	2468
5	Hjartarson, Johann	GM	2541	9	12	2535	2570
6	Petursson, Margeir	GM	2509	8	-11	2357	2457
7	Danielsen, Henrik	GM	2502	7	2	2522	2473
8	Arnason, Jon L	GM	2493	8	-7		2356
9	Kjartansson, Gudmundur	IM	2477	6	2	2449	2348
10	Kristjansson, Stefan	GM	2471	0	0	2535	2488
11	Gunnarsson, Jon Viktor	IM	2455	0	0	2394	2511
12	Gretarsson, Helgi Ass	GM	2452	0	0	2481	2459
13	Thorsteins, Karl	IM	2449	0	0		2387
14	Gunnarsson, Arnar	IM	2426	0	0	2433	2444
15	Thorhallsson, Throstur	GM	2423	0	0	2487	2465
16	Thorfinnsson, Bragi	IM	2419	0	0	2455	2381
17	Thorfinnsson, Bjorn	IM	2418	0	0	2412	2509
18	Olafsson, Fridrik	GM	2377	4	-15		2382
19	Arngrimsson, Dagur	IM	2376	0	0		2327
20	Ulfarsson, Magnus Orn	FM	2375	0	0	2304	2284

Nýliðar

Tveir nýliðar eru á listanum að þessu sinni. Það eru annars vegar Árni Ólafsson (1206) og hins vegar Birgir Logi Steinþórsson (1045).

Mestu hækkanir

Björn Hólm Birkisson (149) hækkar mest allra á stiga frá október-listanum. Í næstu sætum eru Stefán Orri Davíðsson (107) og Símon Þórhallsson (100).

Nr.	Nafn	Tit	Stig	Sk.	Mism	At	Hrað
1	Birkisson, Bjorn Holm		1976	11	149	1791	1616
2	Davidsson, Stefan Orri		1243	11	107	1086	1211
3	Thorhallsson, Simon		2157	11	100	1867	1713
4	Thorsteinsdottir, Gudlaug	WFM	2052	9	47	2007	2004
5	Lemery, Jon Thor		1413	5	36	1430	1380
6	Kristjansson, Halldor Atli		1379	3	32	1356	1292
7	Kolka, Dawid		1897	10	28	1605	1701
8	Omarsson, Adam		1095	1	25	1105
9	Ptacnikova, Lenka	WGM	2213	9	24	2267	2089
10	Mai, Alexander Oliver		1367	3	22	1398	1284

 

Stigahæstu skákkonur landsins

Lenka Ptácníková (2213) er sem fyrr stigahæsta skákkona landsins. Í næstum sætum eru Guðlaug Þorsteinsdóttir (2052) og Hallgerður Helga Þorsteinsdóttir (2014).

Nr.	Nafn	Tit	Stig	Sk.	Mism	At	Hrað
1	Ptacnikova, Lenka	WGM	2213	9	24	2267	2089
2	Thorsteinsdottir, Gudlaug	WFM	2052	9	47	2007	2004
3	Thorsteinsdottir, Hallgerdur		2014	0	0	1927	1943
4	Finnbogadottir, Tinna Kristin		1921	0	0	1893	1884
5	Kristinardottir, Elsa Maria		1857	7	-30	1858	2020
6	Davidsdottir, Nansy		1808	0	0	1525	1510
7	Fridthjofsdottir, Sigurl. Regina		1807	0	0
8	Hauksdottir, Hrund		1777	7	2	1648
9	Helgadottir, Sigridur Bjorg		1769	0	0		1737
10	Magnusdottir, Veronika Steinunn		1762	15	9	1481	1557

Stigahæstu ungmenni landsins

Dagur Ragnarsson (2219) hefur endurheimt efsta sætið á lista ungmenna 20 ára og yngri. Næstir eru Jón Kristinn Þorgeirsson (2206) og Oliver Aron Jóhannesson (2198). 

Það er athyglisvert að Akureyringar eiga þrjá menn í efstu fimm sætunum.

Nr.	Nafn	Tit	Stig	Sk.	Mism	At	Hrað	B-day
1	Ragnarsson, Dagur	FM	2219	11	-47	2080	2047	1997
2	Thorgeirsson, Jon Kristinn		2206	11	-76	1952	2269	1999
3	Johannesson, Oliver	FM	2198	11	-26	2061	2161	1998
4	Karlsson, Mikael Johann		2161	0	0	1989	2069	1995
5	Thorhallsson, Simon		2157	11	100	1867	1713	1999
6	Stefansson, Vignir Vatnar		2071	11	-29	1801	2045	2003
7	Hardarson, Jon Trausti		2066	11	-32	1892	1971	1997
8	Birkisson, Bjorn Holm		1976	11	149	1791	1616	2000
9	Sigurdarson, Emil		1968	0	0			1996
10	Birkisson, Bardur Orn		1954	11	-53	1713	1653	2000

Reiknuð mót

• Evrópumót landsliða (opinn- og kvennaflokkur)
• Bikarsyrpa TR
• Íslandsmót eldri skákmanna (atskák)
• Fjögur elítukvöld Hugins (hraðskák)
• Fjórar mánudagsæfingar Hugins á norðursvæði (hraðskák)
• Hraðskákmót Hugins (suður)
• Hraðskákmót Hugins (norður)
• Atskákmót Hugins (norður)
• Unglingameistaramót Íslands (atskák)

Heimslistinn

Magnus Carlsen (2834) er sem fyrr langstigahæstur þrátt fyrir að hafa lækkað allnokkuð. Vesein Topalov (2803) og Vishy Anand (2796) koma næstir

Listann má nálgast hér.

 

Þriðja mót Bikarsyrpu TR hefst á föstudaginn

Bikarsyrpa Taflfélags Reykjavíkur heldur áfram þegar þriðja mót syrpunnar fer fram helgina 4.-6. desember og hefst fyrsta umferð föstudaginn 4. desember kl. 17.30. Mótum syrpunnar hefur verið fjölgað og telur hún alls sex kappskákmót sem eru ætluð börnum á grunnskólaaldri (fædd 2000 og síðar) sem ekki hafa náð 1600 skákstigum. Þar með gefst þeim tækifæri til að næla sér í alþjóðleg skákstig á skákmótum sem sérhönnuð eru fyrir þau.

Tefldar eru 5 umferðir eftir svissnesku kerfi. Tímamörk eru 30 mínútur + 30 sekúndur á hvern leik og geta skákirnar því varað í allt að tvær klukkustundir. Þó svo við leggjum ætíð áherslu á að krakkarnir vandi sig og noti tímann vel, þá má gera ráð fyrir að margar skákir taki mun styttri tíma.

Mótið er sérstaklega hugsað fyrir krakka sem hafa sótt skákæfingar TR (og/eða annarra taflfélaga) reglulega síðastliðinn vetur eða lengur. Það er gott að byrja sem fyrst að keppa á kappskákmótum, en hingað til hefur þeim krökkum sem vilja tefla á “alvöru mótum” mestmegnis staðið til boða að taka þátt í opnum mótum. Þar er styrkleikamunurinn oft mikill, mótin taka langan tíma, auk þess sem marga krakka óar við tilhugsuninni um að tefla við fullorðna á sínum fyrstu kappskákmótum. Bikarsyrpan er svarið við því.

Einungis börn og unglingar á grunnskólaaldri sem ekki hafa náð 1600 alþjóðlegum skákstigum geta tekið þátt í mótum Bikarsyrpunnar. Þannig er styrkleikamunurinn minni en ella og krakkarnir njóta þess betur að tefla kappskákir. Tímamörkin eru líka styttri, og henta krökkunum betur en langar 90 mínútna skákir sem tíðkast á venjulegum kappskákmótum. Mótið uppfyllir öll skilyrði Alþjóða skáksambandsins FIDE og er reiknað til alþjóðlegra skákstiga sem gott er að byrja að safna snemma. Eins og á aðra viðburði félagsins þá er frítt í mótin fyrir krakka í Taflfélagi Reykjavíkur. Fyrir krakka í öðrum taflfélögum er þátttökugjaldið 1000 krónur fyrir hvert mót Bikarsyrpunnar.

Dagskrá:
1. umferð 17.30 á föstudegi (4. desember)
2. umferð 10.30 á laugardegi (5. desember)
3. umferð 14.00 á laugardegi (5. desember)
4. umferð 10.30 á sunnudegi (6. desember)
5. umferð 14.00 á sunnudegi (6. desember). (Lokaumferð + verðlaunaafhending).

Ein yfirseta (bye) er leyfð í umferðum 1-3 og fæst fyrir hana 1/2 vinningur.  Tilkynna þarf skákstjóra um yfirsetu fyrir lok umferðarinnar á undan.

Vinsamlegast skráið þátttakendur sem fyrst, það hjálpar við undirbúning mótsins!

Skráningarform

Skráðir keppendur

Bikarsyrpan samanstendur af sex mótum í vetur. Bikarar og medalíur eru í verðlaun fyrir efstu sætin í
hverju
 móti auk áskrifta á Chess.com eða Chesskid.com.  Þá verða veitt sérstök verðlaun fyrir samanlagðan árangur á mótunum.

Sigurvegari fyrsta móts Bikarsyrpunnar var Róbert Luu og í öðru mótinu sigraði Halldór Atli Kristjánsson.

Hlökkum til að sjá ykkur!

Næstu mót syrpunnar:

• Mót 3: 4.-6. desember 2015
• Mót 4: 12.-14. febrúar 2016
• Mót 5: 1.-3. apríl 2016
• Mót 6: 27.-29. maí 2016

Gunnar sigraði á hraðkvöldi

Gunnar Björnsson sigraði á hraðkvöldi Hugins sem fram fór í gærkvöldi. Gunnar vann alla andstæðinga sína sjö að tölu og flesta þeirra af nokkru öryggi enda má segja að forseti Si sé vaxandi bæði í starfi sem og við skákborðið.

Það voru heilir tveir vinningar í næstu menn en það Vigfús Ó. Vigfússon og Örn Leó Jóhannsson nýbakaður unglingameistari Íslands sem báðir fengu 5 vinninga. Vigfús var hins vegar með stigi meira og hlaut annað sætið og Örn Leó það þriðja.

Í lokin dró Gunnar í happdrættinu og þrátt fyrir að hafa orð á þeim möguleika að draga Stefán þá kom upp númer Freyju Birkisdóttur og völdu þau bæði pizzu frá Dominos. Næsta hraðkvöld verður svo mánudaginn 7. desember.

Mótstafla á Chess-Results