Unglingameistaramót Hugins hefst á morgun

Unglingameistaramót Hugins 2015 hefst mánudaginn 5. október n.k. kl. 16.³⁰ þ.e. nokkru fyrr heldur en venjulegar mánudagsæfingar. Mótinu verður svo fram haldiðþriðjudaginn 6. október n.k. kl. 16.^30.  Tefldar verða 7 umferðir eftir Monrad kerfi. Fyrri keppnisdaginn verða fjórar skákir og þrjár þann seinni. Umhugsunartími á hverja skák er 20 mínútur. Mótið er opið öllum 15 ára og yngri í grunnskóla en titilinn sjálfan getur aðeins félagsmaður í Huginn unnið. Á meðan á mótinu stendur falla venjulegar barna- og unglingaæfingar niður. Næsta barna- og unglingaæfing eftir unglingameistaramótið verður mánudaginn 12. október n.k.  Keppnisstaður er Álfabakki 14a (inngangur milli Subway og Fröken Júlíu) og er salur félagsins á þriðju hæð. Engin þátttökugjöld. 

Umferðatafla:

• 1.-4. umferð: Mánudaginn 5. október kl. 16.³⁰
• 5.-7. umferð: Þriðjudaginn 6. október kl. 16.³⁰

Verðlaun: 

1. Unglingameistari Hugins fær farandbikar til varðveislu í eitt ár.
2. Þrír efstu fá verðlaunagripi til eignar.
3. Allir keppendur fá skákbók.
4. Þrír efstu 12 ára og yngri fá verðlaunapening.
5. Stúlknameistari Hugins fær verlaunagrip til eignar.

Sigur á Svíum í landskeppni ungmennaliða

Heimsókn framtíðarskákmanna Fjölnis, 10 - 23 ára, lauk í kvöld þegar þeir unnu sænsku jafnaldra sína í unglingaliði Svíþjóðar 24 - 20 í fjögurra umferða "landskeppni" nú fyrir stundu. Fjölnisliðið, sem er skipað afreksskákmönnum Rimaskóla í gegnum ótal Norðurlandamót, unnu tvær umferðir 6,5 - 4,5 en hinar tvær enduðu jafnt. Mótið var haldið í framhaldi af æfingu krakkanna með Jesper Hall aðalþjálfara sænska unglingalandsliðsins. Nokkrir liðsmenn Fjölnis hækkuðu verulega á stigum eftir frækilega taflmennsku og enginn meira en Jón Trausti Harðarson (2015) sem vann allar sínar fjórar skákir og hækkar við það um 83 stig. Nansý Davíðsdóttir (1750) sýndi líka mátt sinn og megin og kom taplaus í gegnum mótið og  57 stigum hærri. Jóhann Arnar Finnsson sem ásamt Nansý var í bronssveit Rimaskóla á NM grunnskóla í september hækkaði um 32 stig.

Ánægjulegri og árangursríkri æfingaferð Fjölnis tll Svíþjóðar er lokið og er ástæða hrósa þeim Carl Fredrik og Sverri Þór frá sænska skáksambandinu fyrir góðar móttökur og flott skipulag á dagskrá heimsóknarinnar. Mikill áhugi er fyrir áframhaldandi samskiptum Fjölnis og skákhreyfingarinnar í Uppsala og Stokkhólmi.

Fjölnismenn með yfirhöndina í hálfleik

Landskeppni Svíþjóðar og Íslands á Hóteli Park Inn í Uppsala er nú hálfnuð og leiðir Ísland (Fjölnir Grafarvogi) keppnina með tveggja vinninga forskoti 12 - 10. Íslenska liðið er skipað framtíðarskákmönnum Fjölnis sem flestir hafa orðið Norðurlandameistarar grunnskóla með skáksveitum Rimaskóla en í liði Svíþjóðar er unglingasveit  Svíþjóðar undir liðstjórn Axel Smith.

Liðsmenn þekkjast margir hverjir vel enda teflt saman á Norðurlandamótum grunnskóla og á Norðurlandamótum í skólaskák. Fjölnisliðið virkar sterkara á efri borðunum en annars eru nokkuð jafnháir skákmenn að tefla saman. Ísland vann fyrri umferðina 6,5 - 4,5 en jfnt varð á með liðum í síðari umferðinni þar sem Dagur Ragnarsson jafnaði metin með snyrtilegri skák sem skákáhugamönnum er bent á að fara yfir (sjá beinar útsendingar). Þau Jón Tarusti Harðarson og Nansý Davíðsdóttir hafa unnið báðar skákirnar og þeir Oliver Aron, Dagur Andri og Jóhann Arnar fengið 1,5 vinning.

Keppninni lýkur í dag með tveimur síðari umferðunum. Svíarnir skiptast nokkuð á að tefla þar sem þeir eru samhliða keppninni í æfingabúðum alla helgina hjá Axel Smith. Öll umgjörð um mótið er til fyrirmyndar, teflt á Hótel Park Inn og allar skákirnar í beinni. Skákstjórar eru þeir Carl Fredrik forseti sænska skáksambandsins og G. Sverrir Þór "sænski" Fjölnismaðurinn sem reynst hefur ungum Fjölnismönnum afar vel í gengum árin og komið á góðum samböndum Grafarvogsbúa við frændur sína í Svíþjóð. 

• Bein útsending: http://live.schack.se/sweden-iceland-youth/
• Úrslit: http://member.schack.se/ShowTournamentServlet?id=3857
• Myndaalbúm (HÁ)

 

Skákþáttur Morgunblaðsins: "Eitraða peðið" aftur og þessi dularfulli hr. X

Heimsbikarmótið sem stendur yfir í Bakú, höfuðborg Aserbaídsjan, hefur reynst meiri þolraun fyrir þátttakendur en gengur og gerist á þessum vettvangi. Þarma er teflt um tvö sæti af átta í áskorendamótinu sem fram fer á næsta ári. Þó að kappskákirnar útheimti mikla orku hafa þeir dagar þar sem teflt er til úrslita sé staðan jöfn ekki síður verið erfiðir. Það hefur tekið meira en fimm klst. að útkljá sum einvígin. Dæmi þar um er einvígi Nakamura og Nepomniachtchi í 3. umferð sem lauk með sigri þess fyrrnefnda. Lokaviðureign þeirra var svonefnd „Armageddon-skák“; Nepo fékk fimm mínútur, hafði hvítt og varð að vinna, Nakamura fékk fjórar mínútur en dugði jafntefli og hafði sigur að lokum. Upp spruttu deilur eftir á þegar í ljós kom að Nakamura hrókeraði með báðum höndum sem er ekki leyfilegt samkvæmt reglum. Atvikið kom fram í útsendingunni en samt var kröfu „Nepo“ vísað frá og „tísti“ hann hressilega á Twitter um andstæðing sinn og úrskurð dómaranna. Nakamura vann Adams í næstu umferð en féll svo úr leik í fimmtu umferð þegar hann mætti þessum dularfulla hr. X sem alltaf annað veifið skýtur upp kollinum í keppnum af þessi tagi; Úkraínumaðurinn Pavel Eljanov hefur teflt tíu kappskákir á heimsbikarmótinu og hlotið 8 ½ vinning. Hann komst áfram á fimmtudaginn ásamt Hollendingnum Giri en einvígin milli Wei Yi og Peters Svidler, og Karjakin og Mamedyarov færðust yfir í styttri skákirnar sem fram fóru í gær. Gott er að fylgjast með á Chess24.

Af Kínverjunum sem hófu keppni stendur nú aðeins Wei Yi eftir. Þessa dagana þegar verið er að frumsýna kvikmyndina Pawn Sacrifice rifjast upp fyrir mörgum sá háttur Bobbys Fischers í „einvígi aldarinnar“ að teygja sig eftir „eitruðu peði“. „Eitraða peðs afbrigði“ Sikileyjarvarnar kom upp í einni skák kínverska undrabarnsins í Baku gegn þeim sem sló Aronjan úr keppni á fyrri stigum:

Baku 2015: 3. umferð:

Wei Yi – Alexander Areschenko

Sikileyjavörn

1. e4 c5 2. Rf3 d6 3. d4 cxd4 4. Rxd4 Rf6 5. Rc3 a6 6. Bg5 e6 7. f4 Db6 8. Dd2 Dxb2 9. Hb1

Spasskí lék 9. Rb3 gegn Fischer.

9. ... Da3 10. e5 h6 11. Bh4 dxe5 12. fxe5 g5 13. exf6 gxh4 14. Be2 Da5 15. O-O Rd7 16. Hbd1!?

Áður hafði verið leikið 16. Kh1. Hvort Wei Yi hefur undirbúið þetta fyrirfram er ómögulegt að segja.

16. ... h3 17. g3 Bb4 18. De3 Bxc3 19. Rxe6!

 

Mannsfórnin er eina leiðin fyrir hvítan til að brjótast í gegn.

19. ... De5?

Það er ekki heiglum hent að tefla „eitraða peðs afbrigðið“. Hvítur á rakið jafntefli eftir 19. ... fxe6 20. Dxe6+ Kd8 21. De7+ Kc7 22. Dd6+ o.s.frv. En það er ekkert meira að hafa er niðurstaða skákreiknanna. Samt hafnar Areschenko þessari leið. Hann einn veit ástæðuna.

20. Rc7+ Kf8 21. Dxe5 Bxe5 22. Rxa8 Rxf6 23. Rb6 Kg7 24. Rxc8 Hxc8 25. Hf5 Bb8 26. Hdf1 Ba7 27. Kh1 Bd4 28. Bd3 Hc6 29. g4!

Endataflið vefst ekki fyrir Wei Yi frekar en aðrir þættir skákarinnar.

29. ... Hc7 30. g5 hxg5 31. Hxg5 Kf8 32. Hg3 Rd5 33. Hxh3 Re3 34. Hf4 Ba7 35. He4 Rd1 36. Hh8 Kg7

 

37. Hh7+! Kf8

Eða 37. ... Kxh7 38. He7+ o.s.frv.

38. Hc4 Bc5 39. Bg6

- og Areschenko gafst upp. „Ekki tefla Sikileyjarvörn gegn ungum skákmönnum,“ segir gamalt rússneskt spakmæli.

Grein þessi birtist í Morgunblaðinu 26. september 2015

Skákþættir Morgunblaðsins

[Event "World Cup"] [Site "Baku AZE"] [Date "2015.09.18"] [EventDate "2015.09.11"] [Round "3.2"] [Result "1-0"] [White "Wei Yi"] [Black "Alexander Areshchenko"] [ECO "B97"] [WhiteElo "?"] [BlackElo "?"] [PlyCount "77"] 1. e4 c5 2. Nf3 d6 3. d4 cxd4 4. Nxd4 Nf6 5. Nc3 a6 6. Bg5 e6 7. f4 Qb6 8. Qd2 Qxb2 9. Rb1 Qa3 10. e5 h6 11. Bh4 dxe5 12. fxe5 g5 13. exf6 gxh4 14. Be2 Qa5 15. O-O Nd7 16. Rbd1 h3 17. g3 Bb4 18. Qe3 Bxc3 19. Nxe6 Qe5 20. Nc7+ Kf8 21. Qxe5 Bxe5 22. Nxa8 Nxf6 23. Nb6 Kg7 24. Nxc8 Rxc8 25. Rf5 Bb8 26. Rdf1 Ba7+ 27. Kh1 Bd4 28. Bd3 Rc6 29. g4 Rc7 30. g5 hxg5 31. Rxg5+ Kf8 32. Rg3 Nd5 33. Rxh3 Ne3 34. Rf4 Ba7 35. Re4 Nd1 36. Rh8+ Kg7 37. Rh7+ Kf8 38. Rc4 Bc5 39. Bg6 1-0

Útitafl vígt á Selfossi

F

Föstudaginn 25. september sl. var útitaflið fyrir framan Fischer-setur, Gamla-bankann á Selfossi, vígt. Guðni Ágústsson og Kjartan Björnsson  fluttu stutar tölur við Fischer-setrið að þessu tilefni.

Tefldar voru síðan tvær vígsluskákir á útitaflinu og var um  „Svæðiskeppni“  að ræða því Hraungerðishreppur hinn forni  og Selfosskaupstaður hinn forni kepptu. 

Fyrir Hraungerðishrepp kepptu; Guðni Ágústsson frá Brúnastöðum, fyrrverandi ráðherra, og Gunnar Finnlaugsson einn af drifkröftum Fischer-seturs. Fyrir Selfoss  kepptu; Kjartan Björnsson á Selfossi, formaður bæjarráðs Árborgar og Vilhjálmur Þór Pálsson.

Dómari var Jónas Ingvi Ásgrímsson.

Ásta Stefánsdóttir, framkvæmdastjóri Árborgar, lék fyrsta leiknum fyrir Hraungerðishrepp.

Fischer-setur var opið almenningi í tilefni vígslunnar og frítt var inn.

Að loknum vígsluskákunum, sem Hraungerðishreppur vann með 1.5 vinningi gegn 0.5 vinningi Selfoss, var boðið í veglegt Skák-kaffi og kræsingar í Fischer-setrinu.

Menningar-Staður var á Staðnum og færði til myndar.50 myndir eru komnar í albúm á Menningar-Stað: http://menningarstadur.123.is/photoalbums/274816/

 

Ungmenni úr Skákdeild Fjölnis í þjálfun og landskeppni í Uppsala

Það er mikil og góð umgjörð í kringum heimsókn 11 afreksungmenna Skákdeildar Fjölnis til Uppsala þessa helgi. Nú er nýhafin landskeppni við efnilegustu skákmenn Svía og er teflt á 11 borðum, fjórar umferðir með 90 mín umhugsunartíma. Beinar útsendingar eru frá mótinu eru á www.schack.live.se. Það var sendiherra Íslands í Svíþjóð, Estrid Brekkan, sem setti mótið og lék fyrsta leik mótsins. Estrid hélt frábæra ræðu þar sem hún beindi máli sínu til skákkrakkanna og hvatti þau til áframhaldandi afreka í skákinni, hún lýsti áhuga sínum á frekara samstarfi á vettvangi skáklistarinnar á milli þessara tveggja þjóða og óskaði þess að sjá fleiri stúlkur að tafli. Í sveit Fjölnis eru þrjár stúlkur, Sigríður Björg, Hrund og Nansý. Teflt er á Park Inn hótelinu í Uppsala þar sem íslenski hópurinn gistir. Í gærkvöldi var efnt til hraðskáksmóts meðal keppenda og þar sigraði Oliver Aron Jóhannesson eftir úrslitaskák við Svíann Axel Berglind. Helgi Árnason formaður Skákdeildar Fjölnis er fararstjóri hópsins en þeir Carl Fredrik forseti sænska skáksambandsins og Sverrir Þór sem búsettur er í nágrenni Uppsala og liðsmaður Fjölnis hafa veg og vanda við skipulagningu þessarar glæsilegu heimsóknar með stuðningi íslenska sendiráðsins og Uppsala Kommune. 

Með stuðningi ýmissa fyrirtækja og Sænsk-íslenska samstarfssjóðsins býður Skákdeild Fjölnis tíu ungmennum, sem alist hafa upp og teflt fyrir Fjölni, upp á metnaðarfulla þjálfunar-og keppnisbúðir í Uppsala í Svíþjóð nú um helgina. Heimsóknin er skipulögð af Carl Fredrik forseta sænska Skáksambandsins og Fjölnismanninum G. Sverri Þór sem býr einmitt í nágrenni Uppsala. Fjölniskrakkarnir eru miklir afreksmenn í skákinni og hafa allir unnið fjölmarga Íslands-og Norðurlandameistaratitla með skáksveitum Rimaskóla og líka einir og sér, eins og Dagur Ragnarsson og Nansý Davíðsdóttir.

Dagskrá heimsóknarinnar stendur í þrjá daga og fyrsta daginn fengu ungmennin frábæra kennslu í tæpa fjóra tíma hjá þeim Jesper Hall ungmennaþjálfara Svía og Axel Smith sem einnig hefur náð frábærum árangri í þjálfun ungra skákmanna. Jesper Hall hefur þjálfað alla efnilegustu skákmenn Svía, þar fremstan Íslandsvininn Nils Grandelius en einnig heimsmeistarann Magnus Carlsen sem þáði tíma hjá Hall um þriggja ára skeið. Íslensku unglingarnir stóðu sig mjög vel hjá Jesper Hall og einkum þá Dagur Ragnarsson sem leysti allar skákþrautirnar á ótrúlega stuttum tíma. "Fljótari en Carlsen" sagði Jesper Hall í tvígang við Dag þegar sá síðarnefndi leysti flétturnar hverja af annarri. Á morgun og á sunnudag tefla Fjölniskrakkar landskeppni við efnilegustu skákmenn Svía og fer mótið fram á Hótel Park Inn þar sem íslensku gestirnir gista. 

• Bein útsending: http://live.schack.se/sweden-iceland-youth/
• Úrslit: http://member.schack.se/ShowTournamentServlet?id=3857
• Myndaalbúm (HÁ)

 

Æskulýðsæfingar skákfélaganna

Mörg skákfélög hafa reglulegar æskulýðsæfingar. Hér er yfirlit yfir æskulýðsæfingar félaganna sem ritstjóri hefur upplýsingar um. Félög eru hvött til að koma á framfæri æfingaumtímum ínum til að hægt sé að gera þetta yfirlit betra.

Taflfélag Reykjavíkur

Laugardagsæfingar TR fara fram í Faxafeni 12. Skipt er ýmsa flokka sem hefjast á mismunandi tímum á laugardögum. Eitthvað fyrir alla. 

Nánari upplýsingar á heimasíðu TR.

Skákfélagið Huginn

Barna- og unglingaæfingar Hugins fara fram í Álfabakka 14a í Mjóddinni. Æfingar opnar öllum. Skipt er tvo flokka á æfingunum. Æfingarnar eru á mánudögum og hefjast kl. 17:15 15.

Nánari upplýsingar á Skákhuganum.

Skákdeild Fjölnis

Æfingar Skákdeildar Fjölnis fara fram í Rimaskóla. Þeir fara fram á milli 17:00 og 18:30 á miðvikudögum. Æfingarnar eru opnar öllum.

Nánar á heimasíðu Fjölnis.

Skákdeild Breiðabliks

Skákæfingar Breiðabliks fara fram alla virka daga á milli 16:00-17:30 í stúkinni við Breiðholtsvöll. Áhugasamir geta komið 1-4 sinnum á viku eftir hvað hentar hverjum og einum.

Nánar á heimasíðu Breiðabliks.

Taflfélag Garðabæjar

Skákæfingar TG fera fram í Betrunarhúsinu við Garðaborg. Þeir fara á fimmudögum 16-18:30. Skipt er í tvo flokka byrjendaflokk (7-10 ára) og framhaldsflokki (11-16) og hefjast þeir á mismunandi tímum (16:00 og 17:00).

Nánar á heimasíðu TG

Skákdeild Hauka

Starfsemi Hauka fer fram á Ásvöllum. Æfingar þar á þriðjudögum. Skipt er í tvö aldursflokka (7-10 ára og 11 og eldri). Fyrri flokkurinn hefst kl. 17 og sá síðari hefst kl. 18.

Nánar á heimasíðu Hauka.

 

Skákfélag Akureyrar

Skákæfingar Skákfélaga Akureyrar fara fram í íþróttahöllinni. Þær eru á mánudögum (7-10 ára) og hefjast kl. 16 og á miðvikudögum kl. 17 (11-16).

Nánar á heimasíðu SA

Framsýnarmót Hugins fer fram 23.-25. október

Framsýnarmótið 2015 verður haldið í matsal fyrrverandi Litlaugaskóla á Laugum í Reykjadal helgina 23-25 október nk. Tefldar verða 7 umferðir alls, fyrstu fjórar með atksákartímamörkum (25 mín) en þrjár síðari skákirnar með 90 mín + 30 sek/leik.

 

Þátttökugjald 2.000 kr en 1.000 kr fyrir 16 ára og yngri.

Dagskrá:

Föstudagur 23. október kl 20:00  1. umferð
Föstudagur 23. október kl 21:00  2. umferð
Föstudagur 23. október kl 22:00  3. umferð
Föstudagur 23. október kl 23:00  4. umferð

Laugardagur 24. október kl 10:30  5. umferð
Laugardagur 24. október kl 16:30  6. umferð

Sunnudagur 25. október  kl 10:30  7. umferð

Mótið verður reiknað til Fide-skákstiga, Fide-atskákstiga og Íslenskra skákstiga.
Nánari upplýsingar um mótið verða birtar þegar nær dregur en einnig fást upplýsingar hjá Hermanni Aðalsteinssyni í síma 821-3187

Skráning fer fram á Skák.is (guli kassinn efst)

Hið íslenska reðursafn - Björn Þorfinnsson sigurvegari Kringluskákmótsins

Björn Þorfinnsson (2411), sem tefldi fyrir hönd hins Hins íslenska reðursafns, sigraði á Kringluskákmóti Víkingaklúbbsins sem fram fór í gær. Ólafur B. Þórsson, sem tefldi fyrir Lucky Records, varða annar og Gunanr Freyr Rúnarsson, sem tefldi fyrir Hamborgarafabrikkuna og Tómas Björnsson, sem tefld fyrir Guðmund Arason urðu í 3.-4. sæti. 

Lokastaða mótsins

Place Name                                                Feder Rtg  Loc Score M-Buch. Buch. Progr.

  1   Hið íslenska reðasafn, Björn Þorfinnsson                  2411     8        37.5  48.0   37.5
  2   Lucky Records, Ólafur Þórsson                             2180     7        37.0  48.0   31.0
 3-4  Hamborgarafabrikkan, Gunnar Freyr Rúnarsson               1970     6.5      37.5  49.0   36.0
      Guðmundur Arason ehf., Tómas Björnsson                    2130     6.5      32.5  42.0   28.0
  5   Sjóvá, Hjörvar Steinn Grétarsson                          2560     6        40.0  52.5   39.0
6-10  Bæjarbakarí, Davíð Kjartansson                            2366     5.5      39.0  51.5   30.0
      Skóarinn, Stefán Þór Sigurjónsson                         2152     5.5      38.5  49.0   31.5
      Dýralækningastofa Dagfinn, Þorvarður F. Ólafsson          2204     5.5      37.0  48.5   32.5
      Securitas, Erlingur Þorsteinsson                          2085     5.5      36.0  45.5   28.5
      Vinnufatabúðin, Bárður Örn Birkisson                      1854     5.5      33.0  41.0   24.5
11-15 Borgarleikhúsið, Björn Hólm Birkisson                     1907     5        35.5  43.5   26.0
      Spúúknik, Sæbjörn Larsen                                  1900     5        34.0  45.5   23.5
      Ísbarinn Stjörnutorgi Kri, Vignir Vatnar Stefánsson       2030     5        33.5  43.0   26.0
      Loftverkfæri.is, Eiríkur K. Björnsson                     1961     5        31.5  38.5   24.5
      Bifreið.is, Gauti Páll Jónsson                            1780     5        28.0  35.0   22.0
16-18 Neon Kringlan, Stefán Arnalds                             1990     4.5      33.0  40.5   23.0
      Malbikunarstöðin Höfði, Kjartan Guðmundsson               1975     4.5      28.0  37.5   21.0
      12 Tónar, Sigurður Freyr Jónatansso                       1714     4.5      26.5  33.0   20.5
19-24 Grásteinn ehf., Halldór Pálsson                           2012     4        35.0  43.0   24.0
      Ódýrari notaðar Þvottavél, Haraldur Baldursson            1970     4        34.5  44.0   26.0
      Stefán P. Sveinsson SLF., Guðfinnur R. Kjartansson        1800     4        32.0  42.0   20.0
      Henson, Kristján Geirsson                                 1398     4        29.0  35.5   17.0
      Gull og silfursmiðjan Ern, Hjörtur Kristjánsson           1352     4        26.5  34.5   14.5
      Dekurstofan, Hörður Jónasson                              1551     4        22.5  28.5   14.0
25-26 Íslandsbanki, Þórarinn Sigþórsson                         1800     3.5      30.5  37.5   18.5
      Fasteignasala Kópavogs, Þorsteinn Magnússon               1350     3.5      27.0  35.0   14.5
27-28 Nexus, Hjálmar Sigurvaldason                              1488     2.5      29.0  36.0   15.0
      Húrra tónleikastaður, Arnljótur Sigurðsson                1873     2.5      21.0  29.0   11.5
29-30 Efling, Björgvin Kristbergsson                            1200     2        26.5  33.0   11.0
      Tapasbarinn, Ingi Tandri Traustason                       1880     2         9.5  19.0    4.0
31-32 Joy & The Juice, Hugo Esteves                             1200     1        23.0  29.5    4.0
      Blómabúðin Kringlan, Jóhann Bernhard                      1300     1        14.0  20.0    2.0

 

Meira á heimasíðu Víkingaklúbbsins 

Myndaalbúm

Ný alþjóðleg skákstig

Ný alþjóðleg skákstig komu út í dag. Hannes Hlífar Stefánsson (2602) er stigahæstur allra. Sextán nýliðar eru á listanum. Stigahæstur þeirra er Rögnvaldur Möller (1851). Bárður Örn Birkisson (131) hækkar mest allra á stigum frá september-listanum.

Topp 20

Hannes Hlífar Stefánsson (2602) er sem fyrr stigahæsti skákmaður þjóðarinnar. Í næstum sætum eru Héðinn Steingrímsson (2566) og Hjörvar Steinn Grétarsson (2561).

Nr.	Nafn	Tit	Stig	Sk.	Mis	At	Hrað
1	Stefansson, Hannes	GM	2602	5	2	2510	2619
2	Steingrimsson, Hedinn	GM	2566	5	7	2554	2587
3	Gretarsson, Hjorvar Steinn	GM	2561	5	1	2557	2583
4	Olafsson, Helgi	GM	2549	5	3	2542	2537
5	Hjartarson, Johann	GM	2529	0	0		2632
6	Petursson, Margeir	GM	2520	3	-1	2454	2525
7	Danielsen, Henrik	GM	2509	1	-1		2473
8	Arnason, Jon L	GM	2497	3	-2		2356
9	Kristjansson, Stefan	GM	2471	4	-14	2535	2488
10	Kjartansson, Gudmundur	IM	2465	8	-9	2459	2348
11	Gunnarsson, Jon Viktor	IM	2455	5	-3	2394	2511
12	Gretarsson, Helgi Ass	GM	2452	2	2	2481	2459
13	Thorsteins, Karl	IM	2449	3	-4		2387
14	Gunnarsson, Arnar	IM	2426	3	1	2433	2444
15	Thorhallsson, Throstur	GM	2423	5	8	2487	2465
16	Thorfinnsson, Bjorn	IM	2418	5	7	2412	2509
17	Thorfinnsson, Bragi	IM	2417	5	3	2455	2381
18	Olafsson, Fridrik	GM	2392	0	0		2382
19	Arngrimsson, Dagur	IM	2376	3	4		2327
20	Ulfarsson, Magnus Orn	FM	2375	2	-2	2304	2280

Heildarlistinn fylgir með sem viðhengi. 

Nýliðar

Hvorki meira né minna en sextán nýliðar eru á listanum nú. Rögnvaldur Möller (1851) er þeirra stigahæstur en í næstu sætum er Þorvaldur Siggason (1767) og Guðmundur Reynir Gunnlaugsson (1745).

Nr.	Nafn	Tit	Stig	Sk.	Mis	At	Hrað
1	Moller, Rognvaldur		1851	5	1851
2	Siggason, Thorvaldur		1767	7	1767
3	Gunnlaugsson, Gudmundur Reynir		1745	5	1745	1703	1663
4	Gunnarsson, Helgi Petur		1737	8	1737
5	Karason, Halldor Ingi		1674	6	1674
6	Steinthorsson, Steingrimur		1659	7	1659
7	Bjarnason, Stefan		1507	6	1507
8	Geirsson, Kristjan		1492	5	1492
9	Thorsteinsdottir, Svava		1435	5	1435
10	Briem, Stephan		1396	10	1396
11	Orrason, Alex Cambray		1394	7	1394
12	Magnusson, Bjorn		1280	5	1280
13	Stefansson, Benedikt		1256	6	1256	1260
14	Karlsson, Isak Orri		1204	14	1204
15	Steinthorsson, Birgir Logi		1045	7	1045
16	Torfason, Mikael Maron		1008	5	1008

Mestu hækkanir

Bárður Örn Birkisson hækkar mest frá september-listanum eða um 131 skákstig. Í næstum sætum er Arnar Hreiðarsson (122) og Vignir Vatnar Stefánsson (112).

Nr.	Nafn	Tit	Stig	Sk.	Mis	At	Hrað
1	Birkisson, Bardur Orn		1985	11	131	1643	1653
2	Heidarsson, Arnar		1177	12	122		1115
3	Stefansson, Vignir Vatnar		2033	7	112	1791	2016
4	Thorgeirsson, Jon Kristinn		2282	8	93	1952	2269
5	Finnsson, Johann Arnar		1580	8	84	1443	1483
6	Bjorgvinsson, Andri Freyr		1931	6	79	1661
7	Lemery, Jon Thor		1342	5	67	1429	1380
8	Kristjansson, Hjortur		1352	9	63
9	Hrafnsson, Hreinn		1612	6	60	1547
10	Kolka, Dawid		1869	10	50	1627	1668

Stigahæstu skákkonur landsins

Lenka Ptácníková (2228) er langstigahæsta skákkona landsins. Í næstum sætum eru Hallgerður Helga Þorsteinsdóttir (2014) og Guðlaug Þorsteinsdóttir (1955).

Nr.	Nafn	Tit	Stig	Sk.	Mis	At	Hrað
1	Ptacnikova, Lenka	WGM	2228	2	-7	2267	2089
2	Thorsteinsdottir, Hallgerdur		2014	0	0	1927	1943
3	Thorsteinsdottir, Gudlaug	WFM	1955	3	21	2007	2004
4	Finnbogadottir, Tinna Kristin		1921	3	-5	1893	1884
5	Kristinardottir, Elsa Maria		1896	3	2	1842	2020
6	Fridthjofsdottir, Sigurl. Regina		1807	2	17
7	Helgadottir, Sigridur Bjorg		1784	1	13		1737
8	Hauksdottir, Hrund		1773	1	-2	1648
9	Magnusdottir, Veronika Steinunn		1773	9	-70	1492	1557
10	Davidsdottir, Nansy		1750	6	-3	1560	1510

Stigahæstu ungmenni landsins (u20)

Jón Kristinn Þorgeirsson (2282) er í fyrsta skipti stigahæsta ungmenni landsins. Í næstum sætum eru Dagur Ragnarsson (2265) og Oliver Aron Jóhannesson (2202).

Nr.	Nafn	Tit	Stig	Mis	At	Hrað	B-day
1	Thorgeirsson, Jon Kristinn		2282	93	1952	2269	1999
2	Ragnarsson, Dagur	FM	2265	-7	2071	2023	1997
3	Johannesson, Oliver	FM	2202	4	2061	2161	1998
4	Karlsson, Mikael Johann		2161	4	2027	2069	1995
5	Thorhallsson, Simon		2057	-4	1891	1713	1999
6	Stefansson, Vignir Vatnar		2033	112	1791	2016	2003
7	Hardarson, Jon Trausti		2015	-102	1931	1971	1997
8	Heimisson, Hilmir Freyr		2009	30	1716	1802	2001
9	Birkisson, Bardur Orn		1985	131	1643	1653	2000
10	Sigurdarson, Emil		1968	13			1996

Stigahæstu heldri skákmenn landsins (65+)

Friðrik Ólafsson (2392) er langstigahæsti skákmaður landsins 65 ára og eldri. Í næstum sætum eru Jón Kristinsson (2240) og Arnþór Sævar Einarsson (2228).

Nr.	Nafn	Tit	Stig	Mis	At	Hrað
1	Olafsson, Fridrik	GM	2392	0		2382
2	Kristinsson, Jon		2240	1
3	Einarsson, Arnthor		2228	0
4	Viglundsson, Bjorgvin		2175	6	2182
5	Gunnarsson, Gunnar K		2160	-4		2148
6	Fridjonsson, Julius		2137	-16
7	Briem, Stefan		2125	-17
8	Georgsson, Harvey		2124	-16
9	Thor, Jon Th		2112	0	2097
10	Kristjansson, Olafur		2102	-1	2138

Stigahæstu skákmenn landsins (50+)

Helgi Ólafsson (2549) er stigahæsti skákmaður landsins 50 ára og eldri. Í næstu sætum eru Jóhann Hjartarson (2529) og Margeir Pétursson (2520).

Nr.	Nafn	Tit	Stig	Mis	At	Hrað
1	Olafsson, Helgi	GM	2549	3	2542	2537
2	Hjartarson, Johann	GM	2529	0		2632
3	Petursson, Margeir	GM	2520	-1	2454	2525
4	Arnason, Jon L	GM	2497	-2		2356
5	Thorsteins, Karl	IM	2449	-4		2387
6	Olafsson, Fridrik	GM	2392	0		2382
7	Jonsson, Bjorgvin	IM	2342	7		2380
8	Gudmundsson, Elvar	FM	2326	-7	2287	2324
9	Vidarsson, Jon G	IM	2322	0		2309
10	Karason, Askell O	FM	2314	9	2229	2240

Reiknuð skákmót

• Meistaramót Hugins
• Bikarsyrpa TR nr. 1
• Hraðskákkeppni taflfélaga (fjórar viðureignir)
• Skákþing Norðlendinga (atskák- og kappskák)
• Íslandsmót skákfélaga (1.-4. deild)
• Menningarnótt: Ólympíuliðið-Gullaldarliðið (hraðskák)

Skrár tengdar þessari bloggfærslu:

• Alþjóðleg skákstig, 1. október 2015