Íslandsmót ungmenna 2015 - teflt um 10 Íslandsmeistaratitla!

Íslandsmót ungmenna fer fram helgina 17.–18. október í Rimaskóla. Teflt er í fimm flokkum. Krýndir verða 10 Íslandsmeistarar - efsta strákur og stelpa í öllum flokkunum fimm.

Allir flokkar hefjast 12:00 á laugardeginum. Tekið verður við þátttökugjöldum og staðfestingu á mætingu frá 11:20 – 11:50. Þeir keppendur sem mæta eftir 11:50 geta misst sæti sitt í mótinu.

Þátttökugjald er krónur 1.500 og greiðist með reiðufé við staðfestingu á mætingu.

Stelpur og strákar tefla saman í flokkum en veitt eru verðlaun fyrir bæði kyn. Sigurvegari í flokki 9-10 ára tryggir sér sæti á Norðurlandamótinu í skák sem fer fram í febrúar í Svíþjóð. Sigurvegarar í elstu flokkunum þremur tryggja sér sæti á Unglingameistaramóti Íslands.

Verði menn jafnir í efstu sætum er teflt um Íslandsmeistaratitla en stig reiknuð um önnur sæti.

Skráning er á Skák.is til og með 14. október. Mikilvægt er að mæta tímanlega milli 11:20 – 11:50 á laugardeginum til að staðfesta mætingu. Ekki er tekið við skráningum eftir 14. október.

8 ára og yngri (f. 2007 og síðar)

Umhugsunartími: 7 mínútur.

Fjöldi umferða: Allir keppendur tefla fimm umferðir á laugardeginum. Eftir fimm umferðir verður niðurskurður þannig að keppendur með þrjá vinninga eða fleiri komast áfram og mæta líka á sunnudegi. Umferðafjöldi á sunnudegi verður tvær til fjórar umferðir eftir heildarfjölda keppenda.

Dagskrá: Mótið hefst 12:00 á laugardeginum og 12:00 á sunnudeginum fyrir þá sem komast áfram. 

9-10 ára (f. 2005 og 2006)

Umhugsunartími: 10 mínútur.

Fjöldi umferða: Allir keppendur tefla fimm umferðir. Eftir fimm umferðir verður niðurskurður þannig að keppendur með þrjá vinninga eða fleiri komast áfram og mæta líka á sunnudegi. Umferðafjöldi á sunnudegi verður tvær til fjórar umferðir eftir heildarfjölda keppenda.

Dagskrá: Mótið hefst 12:00 á laugardeginum og 12:00 á sunnudeginum fyrir þá sem komast áfram.

11–12 ára (f. 2003 og 2004)

Umhugsunartími: 15 mínútur með 5 sekúndna viðbótartíma fyrir hvern leik.

Fjöldi umferða: 9

Dagskrá: Mótið hefst 12:00 á laugardeginum og verða þá tefldar 5 umferðir. Mótinu verður framhaldið 12:00 á sunnudeginum og verða þá tefldar fjórar umferðir.

13–14 ára (f. 2001 og 2002)

Umhugsunartími: 15 mínútur með 5 sekúndna viðbótartíma fyrir hvern leik.

Fjöldi umferða: 9

Dagskrá: Mótið hefst 12:00 á laugardeginum og verða þá tefldar 5 umferðir. Mótinu verður framhaldið 12:00 á sunnudeginum og verða þá tefldar fjórar umferðir.

15–16 ára (f. 1999 og 2000)

Umhugsunartími: 15 mínútur með 5 sekúndna viðbótartíma fyrir hvern leik.

Fjöldi umferða: 9

Dagskrá: Mótið hefst 12:00 á laugardeginum og verða þá tefldar 5 umferðir. Mótinu verður framhaldið 12:00 á sunnudeginum og verða þá tefldar fjórar umferðir.

 

Bragi efstur á Haustmóti TR

Alþjóðlegi meistarinn Bragi Þorfinnsson (2414) er efstur með 3½ vinning að lokinni fjórðu umferð Haustmóts Taflfélag Reykjavíkur sem fram fór í gærkveldi. Bragi vann Sævar Bjarnason (2108). Oliver Aron Jóhannesson (2198), sem gerði jafntefli við Björgvin Víglundsson (2169), er annar með 3 vinninga.

Benedikt Jónasson (2230) og Örn Leó Jóhannsson (2123) eru í 3.-4. sæti með 2½ vinning. Benedikt vann Gylfa Þórhallsson (2080) en Örn Leó gerði jafntefli við Einar Hjalta Jensson (2392).

Nánar á Chess-Results.

B-flokkur:

Landsliðskonan Guðlaug Þorsteinsdóttir (1934) er óstöðvandi í b-flokki. Í gær vann hún Björn Hólm Birkisson (1907) og er efst með fullt hús. Agnar Tómas Möller (1854), sem vann Snorra Þór Sigurðsson (1956) er annar með 3 vinninga. Vignir Vatnar Stefánsson (1921) og Siguringi Sigurjónsson (1989) eru í 3.-4. sæti með 2½ vinning.

Úrslit má nálgast á Chess-Results.

C-flokkur:

Gauti Páll Jónsson (1769) er efstur með 3 vinninga og á auk þess inni frestaða skák til góða. Aron Þór Mai (1502), Veronika Steinunn Magnúsdóttir (1843) og Óskar Víkingur Davíðsson (1742) eru í 2.-4. sæti með 2½ vinning.

Opinn flokkur:

Alexander Oliver Mai (1242) er efstur með 3½ vinning. Arnar Heiðarsson (1055), Hjálmar Sigurvaldason (1488) og Halldór Atli Kristjánsson (1441) koma næstir með 3 vinninga.

Sjá nánar á Chess-Results

Næsta umferð verður tefld á sunnudaginn.

 

• Heimasíða TR
• Chess-Results

Kringluskákmótið fer fram í dag

Kringluskákmótið 2015 fer fram fimmtudaginn 1. október, og hefst það kl. 17:00. Mótið fer fram í Kringlunni, en að mótinu stendur Víkingaklúbburinn skákfélag, með aðsetur í Víkingsheimilinu í Víkinni,í samstarfi við markaðsdeild Kringlunnar. 

Gera má ráð fyrir að margir af sterkustu skákmönnum þjóðarinnar muni taka þátt í því. Skákmenn eru hvattir til að skrá sig sem fyrst eftir að opnað verður fyrir skráningu. Mótið er öllum opið og er þátttaka ókeypis en skráning mun fara fram á Skák.is (Guli kassinn). Hámarkfjöldi keppenda er 60 manns og því er ekki hægt að tryggja þátttöku nema að skrá sig til leiks. Einnig er hægt að skrá sig í síma 8629744 (Gunnar).

Fyrirkomulag mótsins er þannig að keppendur draga fyritækjaspjald úr hatti, sem keppandinn síðan teflir fyrir í mótinu. Skráningu líkur kl 12.00 að hádegi á mótsdag. Tefldar verða 8 umferðir með 5 mínútna umhugsunartíma. Skákstjóri er Haraldur Baldursson. Fyrstu verðlaun eru 20.000 kr. og góðir aukavinningar eru fyrir sætkin þar fyrir neðan.

Upplýsingar um þegar skráða keppendur má finna hér