Skákhöfðingi fallinn frá - Birgir Sigurðsson látinn

Birgir Sigurðsson er látinn. Hann lést  að morgni þriðjudags 22. apríl. Birgir var fæddur 11. janúar 1927 hann var því 87 ára er hann lést. Birgir var lærður prentari og vann við þá iðn alla sína starfsæfi. Birgir heillaðist ungar af skákíþróttinni og var meistaraflokksmaður í skák. Hann tefldi á mörgum skákmótum m.a. á Skákþingi Norðurlanda með góðum árangri. Hann hóf útgáfu á Tímaritinu Skák á eigin vegum og vann svo við það blað í tugi ára.

Birgir var brautryðjandi að skákstarfi eldri borgara og var formaður skákfélagsins Æsir alla þessa öld. Hann lét af störfum sem formaður í nóvember sl.

Birgir var kjörinn heiðursfélagi Skáksambands Íslands á aðalfundi þess 2013.

Í nóvember 2012 var haldið skákmót í Stangarhyl 4 þar sem tuttugugátta heldri skákmenn tefldu honum til heiðurs.

Birgir var einstaklega góður félagi og gott að vinna með honum en það var erfitt að vinna hann við skákborðið. Hann var mjög sterkur skákmaður meðan að heilsan var í lagi en síðustu árin var hann sáttur við að skákir hans enduðu með jafntefli.

Prúðmennska við skákborðið var hans aðalsmerki alla tíð.

Við skák félagar hans þökkum honum  fyrir vináttu og  samstarf á liðnum árum og biðjum Guð að blessa minningu hans og sendum eiginkonu hans og öllum afkomendum innilegar samúðar kveðjur.

Finnur Kr. Finnsson

Myndaalbúm (ESE)

Björgvin ósigrandi í gær

Nokkrum mínútum áður en fyrsta umferð hófst í dag hjá Ásum í Stangarhyl fengum við þær fréttir að Birgir Sigurðsson fyrrverandi formaður okkar væri látinn.

Við byrjuðum því skákfundinn í dag með því að votta honum virðingu okkar.

Það voru tuttugu og sex skákvíkingar mættir til leiks.

Björgvin Víglundsson var í miklu stuði og leifði engin frá vik,hann vann alla sína 10  andstæðinga. Össur Kristinsson varð í öðru sæti með 8 ½ vinning og Guðfinnur R Kjartansson í því þriðja með 7 ½ vinning.

Sjá töflu og myndir frá ESE

Smári sigurvegari Páskamóts GM Hellis

Smári Sigurðsson vann sigur á Páskaskámóti GM-Hellis með 5,5 vinninga af sex mögulegum en mótið fór fram á Húsavík í gær. Smári vann allar sínar skákir utan eina við Jakob Sævar bróðir sinn en þeir gerðu jafntefli. Jakob Sævar og Hlynur Snær Viðarsson urðu jafnir í öðru til þriðja sæti með 4,5 vinninga. Umhugsunartíminn var 10 mín á mann að viðbættum 5 sek á hvern leik.

 

Lokastaðan:

1.     Smári Sigurðsson             5,5 af 6
2-3. Hlynur Snær Viðarsson    4,5
2-3. Jakob Sævar Sigurðsson  4,5
4.     Hermann Aðalsteinsson   3,5
5.     Ævar Ákason                      2
6.     Sigurbjörn Ásmundsson   1
7.     Jón A Hermannsson          0

Fréttir af barna- og unglingastarfi GM Hellis í Mjóddinni

Barna- og unglingaæfingar GM Hellis í Mjóddinni hafa verið afar vel sóttar í vetur og það bæði við um almennu æfingarnar sem eru á mánudögum sem og stelpuæfingarnar á miðvikudögum. Þegar mest hefur verið hafa um 50 krakkar sótt æfingarnar í viku hverri. 

 

Á stelpuæfingunum sem Elsa María Kristínardóttir og Jóhanna Björg Jóhannsdóttir hafa umsjón með hafa að jafnaði sótt 10-20 stelpur og er kominn kjarni af skákstelpum sem sækja æfingarnar reglulega. Þær hafa verið með hefbundnar æfingar þar sem þátttakendur tefla saman og blandað saman við kennslu eins og aðstæður hafa boðið upp á. Einnig hafa Lenka Ptáchníková og Hjörvar Steinn Grétarsson teflt fjöltefli á æfingunum við mikla ánægju þátttakenda.

Helstu barna- og unglingamót félagsins sem haldin verða á suðursvæði er lokið. Í október var unglingameistaramót félagsins. Rétt fyrir jól var fjölmennt jólapakkamótið í Ráðhúsinu og rétt fyrir páska var vel sótt páskaeggjamót. Lokaspretturinn á barna- og unglingaæfingum er framundan en almennu æfingunum líkur mánudaginn 2. júní. Heimir Páll Ragnarsson og Óskar Víkingur Davíðsson eru efstir í stigakeppni æfinganna með 29 stig. Þriðji er Dawid Kolka með 26 stig. Stigakeppni æfinganna hefur sjaldan verið jafnari og spennandi og margir sem eiga möguleika á verðlaunasæti. Það hafa margir mætt vel á æfingarar en best allra hefur Halldór Atli Kristjánsson mætt eða 31 sinni en næstir koma svo Alec Elías Sigurðarsson, Brynjar Haraldsson og Óskar Víkingur Davíðsson með 30 mætingar. Næsta æfing verður 28. apríl nk og hefst kl. 17.15. Stefnt er að því að skipta þá í tvo flokka eftir styrkleika og aldri. Tefld verður þemskák í eldri flokki í tveimur fyrstu umferðunum en hefðbundin æfingin í yngri flokki. Æfingarnar eru í Álfabakka 14a í Mjóddinni. Inngangur milli Fröken Júlíu og Subway og salurinn er á 3 hæð. Umsjón með þessum æfingum í vetur hafa haft Erla Hlín Hjálmarsdóttir og Vigfús Ó. Vigfússon

 

Á síðustu æfingunni í byrjun júní verða veitt verðlaun fyrir góða mætingu, framfarir á æfingunum í vetur og til þeirra sem sýnt hafa verulegar framfarir yfir veturinn og þeirra sem eru efstir í stigakeppninni. Staðan í stigakeppninni og listi yfir þá sem hafa mætt best er hér fyrir neðan.

Með besta mætingu eru:

Halldór Atli Kristjánsson                31 mætingar

Alec Elías Sigurðarson                   30 ----"------

Brynjar Haraldsson                       30 ----"------

Óskar Víkingur Davíðsson             30 ----"------

Adam Omarsson                           28 ----"------

Birgir Ívarsson                              26 ----"------

Egill Úlfarsson                               26 ----"------

Ívar Andri Hannesson                   26 ----"------

Oddur Þór Unnsteinsson              26 ----"------

Stefán Orri Davíðsson                   26 ----"------

Sindri Snær Kristófersson             24 ----"------

Heimir Páll Ragnarsson                 24 ----"------

Róbert Luu                                    23 ----"------

Óttar Örn Bergmann                     19 ----"------

Sævar Breki Snorrason                 18 ----"------

Aron Kristinn Jónsson                   17 ----"------

Baltasar Máni Wetholm                 17 ----"------

 

Efstir í stigakeppninni:

1. Óskar Víkingur Davíðsson     29 stig

2. Heimir Páll Ragnarsson         29   -

3. Dawid Kolka                          26   -

4. Brynjar Haraldsson               22   -

5. Mikhael Kravchuk                  22   -

6. Stefán Orri Davíðsson           20   -

7. Baltasar Máni Wedholm        17   -

8. Róbert Luu                            16   -

9. Felix Steinþórsson                14   -

10. Sindri Snær Kristófersson   13   -

11. Egill Úlfarsson                     12   -

12. Alec Elías Sigurðarson        11   -

Sumarnámskeið í skák

Skákakademía Reykjavíkur og Skákskóli Íslands efna til tveggja skáknámskeiða í sumar fyrir krakka fædda 2001-2007. Hvort námskeið er vika í senn.

Hvenær? Fyrra námskeiðið verður kennt 23. - 27. júní.

Seinna námskeiðið verður kennt 30. júní - 4. júlí.

Skipt verður í stelpuflokk og strákaflokk. Kennt verður alla virka daga vikunnar. Stelpuflokkur er frá 09:30 - 10:30 og strákaflokkur frá 10:40-11:40.

Fyrir hverja? Námskeiðin eru sérstaklega ætluð ungum skákkrökkum, fæddum 2001-2007, sem hafa æft skák í vetur í skólanum sínum, hjá taflfélögunum eða Skákskóla Íslands. Allir eru þó velkomnir en þurfa að kunna mannganginn og skák og mát. Hámarksþátttökufjöldi er 20 á hvert námskeið. Skipt verður í nokkra hópa í hverjum tíma eftir kunnáttu og reynslu.

Hvað verður kennt? Áhersla verður lögð á áætlanagerð og ákvarðanatökur auk þess sem farið verður yfir skákbyrjanir. Kennt verður 45mín. í hverjum tíma og teflt í 15mín. með áherslu á efni tímans.

Hvar? Skákskóla Íslands Faxafeni 12.

Hverjir kenna? Hjörvar Steinn Grétarsson stórmeistari, Stefán Bergsson skákkennari, Siguringi Sigurjónsson skákkennari, Björn Ívar Karlsson skákkennari og Ingibjörg Edda Birgisdóttir skákkennari. Þá mun kvennalandslið Íslands koma að æfingunum. Í hverjum tíma verða 3-4 kennarar.

Hvað kostar? Eitt námskeið er á 6.000 kr. en séu bæði tekin kosta þau samtals 10.000 kr. Systkinaafsláttur er 50%.

Skráning? [e-mail] Fram þarf að koma nafn þátttakenda og fæðingarár. Nafn og kennitala greiðanda. Skráningarfrestur rennur út 20. maí. Sé skráð fyrir 5. maí er veittur 10% afsláttur.

Skólaskákmót Reykjavíkur fer fram á sumardaginn fyrsta

Skólaskákmót Reykjavíkur 2014 fer fram í Rimaskóla fimmtudaginn 24. apríl sem er Sumardagurinn fyrsti.

Mótið hefst 16:30. Mæting 16:15.

Teflt verður í yngri flokki (1. - 7. bekkur) og eldri flokkur (8.-10. bekkur).

Tefldar verða átta umferðir með tímamörkunum 10 03. Hvor keppandi með tíu mínútur á klukkunni og þrjár sekúndur til viðbótar fyrir hvern leik.

Mótið er ætlað sterkustu skákmönnum og/eða skólameisturum hvers reykvísks skóla. Hver skóli hefur þannig rétt á að senda einn keppanda í hvorn flokk. Séu margir sterkir skákmenn í sama skóla geta skákkennarar, liðsstjórar, foreldrar, skákmenn sjálfir eða skólastjórnendur óskað eftir fleiri sætum.

Þátttaka og ósk eftir fleiri sætum berist í netfangið [e-mail] fyrir mótsdag. Skráning á mótsdegi er ekki tekin gild. Skráning þarf að innihalda fullt nafn, aldur og skóla.

Í eldri flokki er teflt um þrjú sæti á Landsmótinu í skólaskák.

Í yngri flokki er teflt um tvö sæti á Landsmótinu í skólaskák.

Landsmótið fer fram í Reykjavík dagana 1. - 4. maí.

Meistaramót Kópavogs fer fram á morgun og á föstudag

Meistararamót Kópavogs fyrir grunnskóla miðstig (1.-7. bekk ) og unglingastig verða haldin eftir páska.

Dagskrá:

23.04.2014  síðasta vetrardag verður Meistaramót Kópavogs fyrir krakka úr 1.-7. bekk haldið í Salaskóla.

Keppnisrétt hafa öflugustu krakkarnir úr hverjum skóla á þessu aldursbili. Þeir þjálfarar og kennarar sem sjá um skákstarf á hverjum stað eiga að velja sína öflugustu fulltrúa. Tveir efstu fá síðan keppnisrétt á kjördæmismóti.

Keppni hefst stundvíslega kl: 13:00 og lýkur um kl: 16:00

Umhugsunartími er 2x10 mín á skák.

Keppni í unglingadeild verður síðan föstudaginn 25.04.2014 einnig í Salaskóla.

Keppni hefst stundvíslega kl: 08:40 og lýkur um kl: 12:00

Umhugsunartími er 2x 10 mín á skák.

Tveir efstu fá síðan keppnisrétt á kjördæmismóti.

Listi yfir keppendur frá hverjum skóla sendist á [e-mail]

Vinsamlegst setjið inn fullt nafn og bekk (árgang).

Tilkynningar um keppendur verða að berast fyrir kl 12:00 þann 22.04.2014.

Mótsstjórar verða Lenka Ptacniková og Tómas Rasmus

Kjördæmismót Vesturlands í skólaskák

Kjördæmismót Vesturlands í skólaskák verður haldið föstudaginn 25. apríl í Grunnskólanum í Borgarnesi og hefst kl. 17:00. Keppt er í tveim flokkum. 1-7 bekk og 8-10 bekk. Sigurvegari í hvorum flokki vinnur sér inn keppnisrétt á Landsmóti í skólaskák sem fram fer á höfuðborgarsvæðinu 1.-4.. maí.

Magnus byrjar vel á minningarmóti um Gashimov

Magnus Carlsen (2881) byrjar með látum á minningarmótinu um Vugar Gashimov sem hófst í gær í Shamkir í Aserbaídsjan. Í fyrstu umferð vann Shakhriyar Mamedyarov (2760) og í þeirra annarri lagði hann Hikaru Nakamura (2772).  Sex skákmenn taka þátt og tefld er tvöföld umferð. Öllum öðrum skákum hefur lokið með jafntefli og er því Norðmaðurinn ungi þegar kominn með vinningsforskot.

Stigatala Carlsen eftir þessar tvær skákir er 2889 og því styttist óðum í 2900 skákstiga-múrinn.

Á morgun teflir Carlsen við Karjakin (2772). 

Heimasíða mótsins (beinar útsendingar hefjast kl. 10)

Heimir Páll: Pistill frá Pardubice

Þá er haldið áfram með birtingu pistla frá síðasta ári. Að þessu sinni er það pistill Heimis Páls Ragnarssonar frá Czech Open.

Haldið var af stað til Tékklands þann 19. júli til að taka þátt í Czech Open. Dawid Kolka og Felix voru með ásamt pabba Felix honum Steinþóri.  Ég hef aldrei áður komið til Tékklands og fannst mér Prag mjög flott borg en við forum þangað fyrst áður en við komum til Pardubice þar sem skákmótið var haldið.  Við fengum fínt hótelherbergi, bara við strákarnir sér, Steinþór var i öðru herbergi.  Steinþór og pabbi voru samt eitthvað að kvarta yfir engri loftræstingu.

Þegar við mættum fyrsta skákdag á staðinn þar sem mótið var haldið þá fannst mér frekar heitt enda var  líka um 34-37 stiga hiti úti alla ferðina. Þetta var í stórum íþróttasal, íshokkíhöll held ég. Ég verð að viðurkenna að fyrir fyrstu skákina þá var ég stressaður. Ég lenti á móti gömlum Tékka sem var með 1770 elo stig.  Ég náði góðu jafntefli sem ég var mjög sáttur við.  Lék þar góðum drottningarleik sem tryggði mér þráskák.

Steinþór hafði það sem reglu að fyrir hverja umferð að við skildum fara með honum yfir skákina frá umferðinni áður og reyna að skoða næsta andstæðing. Eftir skákgreiningu gerðum við oft eitthvað skemmtilegt áður en næsta umferð byrjaði. Fyrir aðra umferð fórum við t.d. í borðtennis. Í þeirri umferð lenti ég á móti öðrum tékkneskum manni sem var með um 1750 stig og gerði ég þar einnig jafntefli í hörkuskák.

Í þriðju umferð vann ég rússneskan strák sem var einu ári yngri en ég en hann var með 1755 stig. Ég var minna stressaður nú en fyrir fyrstu skákina. 

Sama dag var tefld 4. umferð þar sem ég tapaði fyrir öðrum Tékka en hann var með 1823 stig. Langur dagur fengum okkur KFC og horfðum á bíómynd. Okkur strákunum gekk illa á tvöfalda deginum - töpuðum allir.

Steinþór fór með okkur í Lazertag fyrir 5. umferð, það var mjög gaman.

Fimmta og sjötta umferð voru ekki góðar, lék af mér illa í 19. leik og tapaði fyrir enn einum Tékkanum með yfir 1700 stig. Hefði vel getað haldið jafntefli  á móti þýskri stelpu í 6 umferð en missti af því. Hér hafði ég tapað þremur skákum í röð og sjálfstraustið svoldið farið. En ég átti mjög góðan endasprett!

Pabbi kom eftir 6. umferð og var með okkur út ferðina.  Eftir skákgreiningu fórum við í mjög skemmtilegt klifur í köðlum hátt uppi og var það frábært.

Í sjöundu umferð náði  ég góðum sigri á móti þýskum manni með 1616 stig, hefði reyndar geta tapað en eftir skákina sá ég að hann hefði lokað drottninguna mína inni.

Í áttundu og næstsíðustu umferðinni var ég búinn að fá sjálfstraustið aftur eftir sigurinn í umferðinni áður.  Þessi skák var miklu styttri en hinar eða aðeins 17 leikir. Ég bauð jafntefli þar sem mér fannst staðan vera mjög jöfn eða jafnvel verri á mig.

Átti langa góða skák á móti þýskri skákkonu með rúmlega 1700 stig í síðustu umferð. Í lok skákar var ég með mjög lítinn tíma en auka 30 sekúndur á leik urðu til þess að ég gat klárað það sem ég ætlaði mér.  Semsagt góður sigur í síðustu skák. Mín besta skák á mótinu sem ég skýri hérna á eftir.

Ég lærði mikið í þessari ferð enda töluvert öðruvísi en því sem ég var vanur heima. Fyrir frammistöðuna hækkaði ég um heil  49 skákstig.

Heimir Páll Ragnarsson.

[Event "Czech open"] [Site "?"] [Date "2013.07.27"] [Round "9"] [White "Ragnarsson, HeimirPáll"] [Black "von, keyserlingk"] [Result "1-0"] [ECO "E62"] [WhiteElo "1406"] [BlackElo "1709"] [Annotator "Notandi"] [PlyCount "129"] [EventDate "2013.??.??"] 1. c4 Nf6 2. Nc3 g6 3. g3 Bg7 4. Bg2 O-O 5. d4 d6 6. Nf3 c6 7. O-O Na6 8. Qb3 Nc7 {Hérna fannst mér hún vera leika af sér} 9. Re1 d5 10. cxd5 Ncxd5 11. Nxd5 Nxd5 12. e4 Nb6 13. Be3 Be6 14. Qb4 a5 {Mér leið dálítið illa í thessari stöðu. } 15. Qc5 Nd7 16. Qc2 Rc8 $2 {Hérna sá ég strax að thetta væri afleikur. Betra var að búa til flóttaleið fyrir biskupinn.} 17. Ng5 $1 Kh8 18. Nxe6 fxe6 19. Qb3 {Núna er ég að vinna peð} e5 20. dxe5 Nxe5 21. f4 Nf7 {21... a4 hefði verið betra.} 22. Qxb7 Nd6 23. Qa6 c5 $2 24. e5 $1 Nf5 25. Rad1 Qc7 26. Bd2 c4 27. Bxa5 {27. Dxa5 hefði verið betri leikur heldur en Bxa5.} Qc5+ 28. Kh1 Rb8 29. Rd5 $2 {Miklu öruggura hefði verið að leika 29. Bc3.} Qc8 {Betra hefði verið að tefla virka vörn með 29. Df2 thvi thá hefði verið hægt að svara 30. Bc3 með 30...Hxb2! Hvítur gerir thá best að leika 30. Dxc4 Hxb2 31. Df1.} 30. Qxc8 Rbxc8 31. Bh3 Rb8 32. Bc3 Ra8 33. Bxf5 gxf5 34. Ra1 e6 {Hægt og rólega vinn ég thessa skák thrátt fyrir að vera í miklu tímahraki.} 35. Rd6 Rfe8 36. Kg2 Kg8 37. Kf2 Bf8 38. Rc6 Rec8 39. Rxe6 Rd8 40. Ke2 Bc5 41. Rc6 Rac8 42. Rxc8 Rxc8 43. Rd1 Kf8 44. Rd7 Be7 45. a4 Ra8 46. a5 Rc8 47. a6 Ra8 48. a7 Bc5 49. Rxh7 { 49. Bb4! hefði verið skemmtilegur vinningsleikur.} Rxa7 50. Rxa7 Bxa7 51. h4 Bc5 52. Kf3 Kf7 53. g4 Kg6 54. h5+ Kh6 55. gxf5 Kxh5 56. f6 Kg6 57. Kg4 Kf7 58. f5 Kf8 59. e6 Ke8 60. Kg5 Kf8 61. Kg6 Bd6 62. f7 Ke7 63. Bf6+ Kf8 64. Bg7+ Ke7 65. f8=Q# {Ég var mjög ánægður með thessa skák. Mín besta skák á mótinu.} 1-0