Nóa Síríus-mótið: Bragi efstur - fimmta umferð í kvöld

Fimmta umferð Nóa Síríus mótsins - Gestamóts GM Hellis og Breiðabliks fer fram í kvöld í Stúkunni í Kópavogi og hefst kl. 19:30. Bragi Þorfinnsson (2454) er einn efstur með fullt hús eftir sigur á Björgvini Jónssyni (2340) í frestaðri skák.

Stefán Kristjánsson (2491), Dagur Arngrímsson (2381) og Björn Þorfinnsson (2387) eru næstir með 3½ vinning.

Í umferð kvöldsins, mætast meðal annars: Björn - Stefán, Dagur - Bragi og Björgvin - Jón Viktor. Ein helsta viðureign kvöldsins er svo án efa skák Akureyringana Stefáns Bergssonar og Halldórs Brynjar Halldórssonar- þar sem án efa verður hart barist - rétt eins og mótunum á Akureyri hér í denn.

• Heimasíða GM Hellis
• Chess-Results
• Myndaalbúm (GB, SB og HGE)
  

260 þátttakendur á Skákdögum Hraunvallaskóla

Sunnudaginn 26. janúar var Skákdagurinn haldinn hátíðlegur víða um land. Af því tilefni var bókasafn Hraunvallaskóla í Hafnarfirði tileinkað skáklistinni dagana 27. - 29.  janúar. Yngstu nemendunum var boðið upp á kennslu í peðskák og kom fjöldi nemenda úr fyrsta og öðrum bekk á safnið og sýndi snilldar skáktakta.

Skáksveit skólans, skipuð þeim Brynjari Bjarkasyni, Helga Svanberg Jónssyni, Burkna Björnssyni og Þorsteini Emil Jónssyni, tefldi svo fjöltefli við nemendur á miðstigi, en þess má geta að skáksveitin náði þriðja sæti á Íslandsmóti barnaskólasveita á síðsta ári. Liðsmenn sveitarinnar hafa verið iðnir við æfingar síðasta árið, svo að það verður spennandi að fylgjast með árangri skólans í skólamótum á komandi misserum.

Síðast en ekki síst rifjuðu nokkrir kennarar í unglingadeild upp gamla takta og tefldu fjöltefli við nemendur sína.  Skákdagarnir heppnuðust í alla staði vel, en rúmlega 260 nemendur úr öllum bekkjum tóku þátt, sátu einbeittir við taflborðin og sýndu margir skemmtilega takta.

Myndaalbúm

Elsa sigraði á hraðkvöldi GM Hellis

Elsa María Kristínardóttir sigraði á hraðkvöldi  GM Hellis sem fram fór 3.  febrúar. Elsa María fékk 6 vinninga af sjö mögulegum og tapaði ekki skák en gerði jafntefli við Örn Leó í 4. umferð og Gauta Pál í lokaumferðinni. annar varð sigurvegari síðasta hraðkvöld Örn Leó Jóhannsson með 5,5v og þriðji var Jóhanna Björg Jóhannsdóttir með 5v. Í lok hraðkvöldsins dró svo Elsa María í happdrættinu og þá hafði Gunnar Nikulásson heppnina með sér og fengu þau bæði gjafamiða á Saffran.

Næst viðburður í félagsheimili GM Hellis í Álfabakka 14a verður mánudaginn 10. febrúar kl. 20 og þá verður einnig hraðkvöld.

Lokastaðan á hraðkvöldinu:

Röð	Nafn	Vinn.	TB1	TB2	TB3
1	Elsa María Kristínardóttir	6	26	19	22
2	Örn Leó Jóhannsson	5,5	27	19	19
3	Jóhanna Björg Jóhannsdóttir	5	26	18	18
4	Vigfús Vigfússon	4	27	19	10
5	Hjálmar Sigurvaldason	3,5	25	17	8,3
6	Gauti Páll Jónsson	3,5	24	17	9,5
7	Gunnar Nikulásson	3,5	23	16	8,3
8	Sigurður Freyr Jónatansson	3	26	19	8,5
9	Sverrir Sigurðsson	3	23	16	8
10	Hörður Jónasson	2	25	18	6,5
11	Björgvin Kristbergsson	1,5	23	16	3,8
12	Pétur Jóhannesson	1,5	23	15	2,8

Veronika vann á afmælisdaginn

Feðginin Magnús Kristinsson (1741) og Veronika Steinunn Magnúsdóttir (1561) eru meðal keppenda á opna mótinu í Gíbraltar líkur á morgun. Veronika, sem átti sextán ára afmæli dag fagnaði afmælisdeginum á viðeigandi hátt, það er með sigri á mun stigahærri andstæðingi!

Sá sem lagður var að velli var kanadíski skákmeistarinn David Kenney (1999). Veronika hefur nú hlotið 3½ sem er langtum betra en stig hennar gefa til kynna. Magnús vann einnig sína skák og hefur 3 vinninga.

Úkraínski stórmeistarinn Vassily Ivanchuk (2739) er efstur með 7½ vinning. Sjö skákmenn koma næstir með 7 vinninga. 

Úrslit í skákum feðgina má nálgast á Chess-Results.

 

• Heimasíða mótsins
• Chess-Results
• Beinar útsendingar (hefjast kl. 14)

Ný fundargerð stjórnar SÍ

Stjórnarfundur var hjá Stjórn SÍ, 27. janúar sl. Fundargerðin má finna hér:

7. stjórnarfundur SÍ

fimmtudaginn 30. janúar 2012

 

Mættir:  Gunnar Björnsson, Pálmi Pétursson, Ingibjörg Edda Birgisdóttir, Helgi Árnason, Óskar Long, Ásdís Bragadóttir.

1.       Fjármál.

Lagðir voru fram reikningar sambandsins fyrir árið 2013.  Halli á árinu var rúmar 3 milljónir sem skýrist af tapi á Reykjavíkurskákmótinu.

2.       Íslandsmót skákfélaga.

Seinni hlutinn ferð fram dagana 27. febrúar – 1. mars.  Komið hefur í ljós að Harpa verður að upptekin þessa helgi.  Mótið mun því fara fram í Menntaskólanum við Hamrahlíð.

3.       Reykjavíkurskákmót 2014.

Gunnar fór yfir stöðuna.  Skráning gengur vel og er útlit fyrir nýtt met í fjölda þátttakenda.  Gunnar lagði fram kostnaðaráætlun og verður lögð áhersla á að mótið komi vel út fjárhagslega.

4.       Afmælisbók Reykjavíkurskákmótanna.

Samið hefur verið við Helga Ólafsson stórmeistara og hefur hann þegar hafið vinnu við skrif bókarinnar.  Stefnt er að útgáfu á afmælisárinu. Undirtektar hafa verið góðar og á annað hundrað eintök þegar selst í forsölu.

5.       Íslandsmótið í skák 2014. 

Landsliðsflokkur, áskorendaflokkur og Íslandsmót kvenna mun fara fram á sama tíma – í júnímánuði.  Landsliðsflokkur verður lokaður en áskorendaflokkur og Íslandsmót kvenna verður að öllum líkindum teflt í einum flokki.

6.       NM stúlkna.

Mótið fer fram á Íslandi síðustu helgina í apríl.  Staðsetning óákveðin.

7.       Önnur mál.

Erindi frá Guðmundi Sverri Þór.

Guðmundur Sverrir fer fram á að fá að skipta um taflfélag og tefla með nýja félaginu í seinni hluta Íslandsmóts skákfélaga.  Í lögum SÍ er skýrt tekið fram að þessi möguleiki sé einungis fyrir hendi fyrir skákmenn með lögheimili á Íslandi en Guðmundur Sverrir er með lögheimili í Svíþjóð.  Með tilvísun til laganna sér stjórn SÍ sér ekki fært að verða við erindinu.

Skákdagurinn 26. janúar.

Skákdagurinn gekk afar vel að þessu sinni og mörg sveitarfélög, taflfélög og skólar tóku vel við sér. Má þar sérstaklega nefna suðurfirði Vestfjarða þar sem glæsileg dagskrá fór fram í skákvikunni þar sem mörg fyrirtæki tóku við sér og styrktu skákstarfið með skákklukkugjöfum.

 

Fundi slitið 18.45

Fundarritari

Ásdís Bragadóttir

 

Hjörvar Steinn með fjöltefli í Víkinni kl. 17

Stórmeistarinn Hjörvar Steinn Grétarsson annar stigahæsti íslenski skákmaður Víkingaklúbbsins verður með fjöltefli í Víkinni Víkingsheimilinu miðvikudaginn 5. febrúar kl. 17.10-18.30.  Allir krakkar velkomnir að tefla við meistarann meðan næg töfl eru til staðar (öruggast að taka tafl og dúk með sér).  Yngstu krakkarnir fá svo að tefla peðaskák við meistarann.  Víkingaklúbburinn og Knattspyrnufélagið Víkingur hafa verið með barnaæfingar kl. 17.10 á miðvikudögum í vetur.

Jakob og Guðmundur efstir á Meistaramóti Sauðárkróks

Önnur umferð meistaramóts Skákfélags Sauðárkróks fór fram í gærkvöldi. Tveir keppenda nýttu sér rétt til að sitja yfir, þannig að einungis var teflt á þremur borðum. Siglfirðingurinn Jakob Sævar Sigurðsson hélt áfram sigurgöngu sinni og var Einar Örn Hreinsson örugglega. Guðmundur Gunnarsson sigraði Hörð Ingimarsson í skák sem skipti algjörlega um eigendur undir lokin. Loks gerðu Unnar Ingvarsson og Jón Arnljótsson jafntefli í langri og erfiðri skák.

Þeir Guðmundur og Jakob eru efstir með 2 vinninga. Sigurður Ægisson er þriðji með 1½ vinning. 

Næsta umferð verður tefld næsta þriðjudagskvöld

• Heimasíða Skákfélags Sauðárkróks
• Chess-Results

Páll sigraði á Breiðabliksæfingu

Páll Andrason kom sá og sigraði á fyrstu æfingu febrúarmánaðar.

Röð efstu manna:

1. Páll Snædal Andrason TG 5.5 vinninga
2. Jón Svavar Úlfljótsson Víkingaklúbbnum 5 vinninga
3. Halldór Grétar Einarsson TB 5 vinninga

Átta skákmenn úr öllum félögum mættu. Tefldar voru sjö umferðir 5min + 2 sek. 

Nánari úrslit á: http://chess-results.com/tnr123738.aspx?lan=1&art=4&wi=821

Heimasíða Skákdeildar Breiðabliks; http://breidablik.is/skak

Þór sigraði hjá Ásum í gær

Þór Valtýsson var sigursælastur í Stangarhyl í gær, þar sem 27 kappar skemmtu sér við skákborðið. Þór fékk 9½ vinning af 10 mögulegum. Í öðru sæti varð Friðgeir Hólm með 8 vinninga og í þriðja sæti varð svo baráttujaxlinn Guðfinnur R Kjartansson með 7½ vinning.

Björgvin Víglundsson sem hefur verið nær ósigrandi undanfarið kom fast á eftir með 7 vinninga. Páll G Jónsson með 6,5 vinninga og Össur Kristinsson með 6 vinninga. Finnur Kr. Fiinnsson sem er að byrja að tefla aftur eftir veikindafrí var nokkuð sáttur að ná 5½ vinningi.

Menn eru farnir að velgja stjörnunum og meðal annars var skák Einars S Einarsson gegn sigurvegaranum Þór Valtýssyni æsispennandi . Í lokin var allt  í járnum þar til klukkan tók af skarið. Lítum á stöðu keppenda.

 

 

 

 

 

Skákkeppni vinnustaða fer fram eftir viku

Taflfélag Reykjavíkur býður öllum vinnustöðum að taka þátt í Skákkeppni vinnustaða 2014 sem fram fer í félagsheimili T.R., Skákhöllinni Faxafeni 12, miðvikudaginn 12. febrúar og hefst kl. 19.30.  Mótið, sem er styrktarmót Taflfélags Reykjavíkur,  er kjörið fyrir hinn almenna skákáhugamann þar sem vinnufélagar geta myndað lið og spreytt sig gegn skákmönnum annarra vinnustaða.

Dagsetning

Miðvikudagur 12. febrúar kl. 19.30

Staður

Taflfélag Reykjavíkur, Faxafeni 12

Keppnisfyrirkomulag

Þriggja manna lið með 1-2 varamönnum
Vinnustaður getur sent nokkur lið til keppni sem verða þá auðkennd sem A-lið, B-lið o.s.frv.
Svissneskt pörunarkerfi og flestir vinningar gilda
7-11 umferðir (bundið þátttöku)
Umhugsunartími er 10 mínútur á mann

Verðlaun

1. Eignabikar fyrir vinnustaðinn og farandbikar til vörslu í 1 ár auk verðlaunapeninga fyrir keppendur

2. Eignabikar fyrir vinnustaðinn auk verðlaunapeninga fyrir keppendur

3. Eignabikar fyrir vinnustaðinn auk verðlaunapeninga fyrir keppendur

Þátttökugjald

15.000 kr fyrir hvert lið

Nánari upplýsingar

Ríkharður Sveinsson, stjórnarmaður í Taflfélagi Reykjavíkur. Netfang:[e-mail] gsm: 772 2990.

Skráning og staðfesting þátttöku

Skráning fer fram á heimasíðu Taflfélags Reykjavíkur

Þátttökugjaldið greiðist inn á reikning Taflfélags Reykjavíkur. Reikningsnúmer: 0101-26-640269. Kennitala: 640269-7669. Vinsamlegast setjið í skýringu: VINNUST

Verið velkomin að taka þátt í Skákkeppni vinnustaða 2014 - hlökkum til að sjá ykkur!