Tómas 15 mín skákmeistari Hugins

Tómas Veigar Sigurðarson vann sigur á hinu árlega 15. mín skákmóti Hugins á norðursvæði sem fram fór á Húsavík í gær. Tómas fékk sex og hálfan vinning af sjö mögulegum og einungis Smári Sigurðsson náði að halda jöfnu gegn Tómasi. Þetta er annar titill Tómasar í vikunni því hann er nýkrýndur atskákmeistari Akureyrar eftir sigur á atskákmóti Akureyrar um sl. helgi.

Smári, Tómas og Rúnar

Rúnar Ísleifsson varð í öðru sæti með sex vinninga og Smári Sigurðsson varð þriðji með fimm vinninga. Í flokki 16 ára og yngri vann Jón Aðalsteinn Hermannsson sigur með þrjá og hálfan vinning, Jakub Piotr Statkiewicz varð annar með þrjá vinninga og Eyþór Kári Ingólfsson varð þriðji, einnig með þrjá vinninga en stigalægri. Átta keppendur tóku þátt í fullorðinsflokki en sex keppendur í flokki 16 ára og yngri og tefldu allir saman ein einum flokki. Skemmtikvöld Hugins fór svo fram um kvöldið í Dalakofanum á Laugum og verður nánar sagt frá því eftir helgi.

Jakub, Jón og Eyþór

Jón Kristinn efstur á Íslandsmóti 15 ára og yngri

Akureyringurinn knái, Jón Kristinn Þorgeirsson (2059), er efstur með fullt hús á Íslandsmóti 15 ára og yngri en fyrstu fimm umferðir mótsins fóru fram í dag í Rimaskóla. Dswid Kolka (1829) kemur næstur með 4,5 vinning. Fimm skákmenn koma næstir með 4 vinninga. 

Mótið í dag er jafnframt Íslandsmót 13 ára og yngri. Þar eru þau Vignir Vatnar Stefánsson (1959), Nansý Davíðsdóttir (1641) og Mykhaylo Kravchuk (1462) efst með 4 vinninga. 

Mótinu verður framhaldið á morgun með umferðum 6-9. Klukkurnar verða settar í gang kl. 11.

Núna kl. 17 hófst síðari hluti Unglingameistaramóts Íslands (u20). Hægt er að fylgjast með gangi mála á Chess-Results.

• Heimasíða SÍ
• Chess-Results
• Myndaaalbúm (GB)

 

Íslandsmót 15 ára og yngri hefst í dag í Rimaskóla

Keppni á Íslandsmótinu í skák 2014 - 15 ára og yngri (fædd 1999 og síðar) og 13 ára og yngri (fædd 2001 og síðar) verður haldið í Rimaskóla dagana 8. og 9. nóvember nk. Tefldar verða 9 umferðir eftir svissneska kerfinu og er umhugsunartími 20 mín + 5 sek. viðbótartími á hvern leik. Teflt verður í einum flokki.

Skráning fer fram á www.skak.is (skráningarform í gula kassanum efst).

Umferðataflan er þannig:

Laugardagur 8. nóvember     

• kl. 12.00 1. umferð
• kl. 13.00 2. umferð
• kl. 14.00 3. umferð
• kl. 15.00 4. umferð
• kl. 16.00 5. umferð

Sunnudagur 9. nóvember      

• kl. 11.00 6. umferð
• kl. 12.00 7. umferð
• kl. 13.00 8. umferð
• kl. 14.00 9. umferð

Þetta eru áætlaðar tímasetningar, en hver ný umferð hefst að þeirri fyrri lokinni.

Að því loknu verðlaunaafhending og mótsslit.

Þátttökugjöld: kr. 1.000.- (hámark kr. 1.500.- fyrir fjölskyldu)

Verðlaun: Verðlaunabikarar fyrir þrjú efstu sætin í hvorum flokki.

Mótið er reiknað til alþjóðlegra atskákstiga.

Mótið á Chess-Results.

Mikael Jóhann og Jón Kristinn efstir á Unglingameistaramóti Íslands

Félagarnir úr Skákfélagi Akureyrar, Mikael Jóhann Karlsson (2077) og Jón Kristinn Þorgeirsson (2059) eru efstir og jafnir með fullt hús að loknum þremur umferðum á Unglingameistaramóti Íslands sem hófst í kvöld í húsnæði SÍ.

Mótstöflu má nálgast á Chess-Results.

Mótinu verður framhaldið á morgun með umferðum 4-7. Taflmennskan hefst kl. 17. 

Íslandsmót 15 ára og 13 ára og yngri hefst á morgun kl. 12 í Rimaskóla. Enn er opið fyrir skráningu (guli kassinn efst á Skák.is).

• Heimasíða SÍ
• Chess-Results
• Myndaalbúm (GB)

 

 

15 mínútna mót Hugins á norðursvæði fer fram á morgun

Hið árlega 15 mín skákmót Hugins á norðursvæði verður haldið laugardaginn 8. nóvember í Framsýnarsalnum Garðarsbraut 26 á Húsavík og hefst mótið kl 14:00. Áætluð mótslok eru um kl 17:00. Tefldar verða 7 umferðir eftir monrad-kerfi og verður umhugsunartíminn 15 mín, eins og gefur að skilja. Umferðafjöldinn fer þó eftir fjölda keppenda.

Teflt verður í einum flokki en verðlaun veitt fyrir 3 efstu í fullorðinsflokki og flokki 16 ára og yngri.

Veittur verður farandbikar fyrir sigurvegarann í báðum flokkum.
Þátttökugjald er kr 500 á alla keppendur.

Hægt er að skrá sig til leiks með því að hringja í síma 4643187 og 8213187 eða með tölvupósti á [e-mail].

Mótið á Chess-Results.

Fjórir efstir á Vetrarmóti öðlinga

Magnús Pálmi Örnólfsson (2167), Sverrir Örn Björnsson (2104), Magnús Magnússon (1978) og Þorvarður F. Ólafsson (2213) eru efstir og jafnir með fullt hús að lokinni annarri umferð Vetrarmóts öðlinga sem fram fór sl. miðvikudagskvöld. Lítið óvænt við það enda fjórir stigahæstu keppendur mótsins.

Þriðja umferð fer fram á miðvikudagskvöld.

 

• Heimasíða TR
• Chess-Results

Skemmtikvöld Hugins í Dalakofanum á morgun

Fyrsta skemmtikvöld Hugins á norðursvæði í vetur verður haldið í Dalakofanum á Laugum í Reykjadal nk. laugardagskvöld kl 20:30. Á dagskrá verður fyrirlestur um Milljónamótið í Las Vegas frá sjónarhóli Hermanns Aðalsteinssonar.

Herman segir frá mótinu, sýnir nokkrar skákir og birtir myndir sem ekki hafa verið birtar áður. Einnig mun Hermann sýna stutt brot úr væntanlegri heimildamynd um skák á Íslandi, en kvikmyndagerðarmaður var með í förinnni til Las Vegas og mun vænn hluti væntanlegra myndir vera tekinn upp í Las Vegas.

Félagsmenn Hugins og nágrannar okkar hjá Skákfélagi Akureyrar eru boðnir velkomnir á skemmtikvöldið í Dalakofanum.

Unglingameistaramót Íslands (u20) hefst í kvöld í SÍ

Unglingameistaramót Íslands 2014 fer fram í húsnæði SÍ dagana 7.- 8. nóvember nk.  Þátttökurétt eiga þeir sem verða 20 ára á almanaksárinu og yngri.

Athugið að mótið hefur verið flutt úr Rimaskóla yfir í húsnæði SÍ Faxafeni 12. Íslandmót 15 ára og yngri verður engu að síður í Rimaskóla á laugardag og sunnudag. Aðeins er verið að flytja Unglingameistaramótið - ekki bæði mótin.

Sigurvegari á mótinu hlýtur titilinn “Unglingameistari Íslands 2014” og í verðlaun farseðil - að hámarki kr. 50.000.-  á skákmót erlendis.  Farseðilinn gildir í eitt ár.                       

Umferðatafla:            

• Föstudagur 7. nóv.     kl. 20.00                                 3 atskákir
• Laugardagur 8. nóv.:  kl. 17.00                                 4 atskákir

Að móti loknu verður verðlaunaafhending.           

Tímamörk:                  25 mín + 10 sek. viðbótartími á hvern leik   

Þátttökugjöld:            kr. 2.000.-

Skráning:                    http://www.skak.is (guli kassinn efst)

Upplýsingar um þegar skráða keppendur má finna hér.

Mótið á Chess-Results.

Skemmtikvöld TR í kvöld

Á föstudagskvöld kl. 20.00 er komið að þriðja skemmtikvöldi vetrarins!  Í tilefni af einvígi Magnúsar Carlsen og Viswanathan Anand um heimsmeistartitilinn sem hefst í Sochi á laugardag munum við tefla stöður úr innbyrðis viðureignum þessara miklu meistara.  En eins og alltaf á skemmtikvöldum TR þá eru sérreglur varðandi mótið.

Fyrirkomulagið verður eftirfarandi:

1. Tímamörkin eru sótt í smiðju Stefáns Steingríms Bergssonar úðunarsérfræðings og framkvæmdastjóra Skákakademíunnar. 
   • Keppendur skipta milli sín tíu mínútum. Hver 100ELO-stig sem munar á keppendum draga þá í sundur um eina mínútu í hvora átt. 200 stig tvær mínútur í hvora átt. Alveg niður í eina mínútu gegn níu mínútum þegar munurinn er 400 stig eða meir. 1 sekúnda bætist við hvern leik. Sá sem hefur minni tíma á klukkunni í upphafi skákar ræður hvoru megin hún stendur.  
2. Tefldar verða stöður úr skákum Carlsen og Anand
3. Tefldar verða 12 skákir.
4. Keppendur tefla innbyrðis eina skák með hvítt og eina skák með svart. (2. skáka viðureign milli keppenda)
5. Tvær stöður úr skákum Carlsen/Anand verða í boði í hverri viðureign.  Sá sem stýrir svörtu mönnunum í hvorri skák velur hvor staðan er tefld!  Hvítur á alltaf fyrsta leik í stöðunum.
6. Önnur af stöðunum sem hægt er að velja úr í hverri umferð verður gerð opinber á fimmtudag, og keppendur geta því undirbúið sig og valið þá stöðu þegar þeir fá svart, ..eða ekki.
7. Stöðurnar geta bæði verið úr þekktum byrjunum eða þegar þeim sleppir.
8. Gerð verða tvö hlé til Billjardbarsferða meðan á mótinu stendur.
9. Verðlaun:
   1.sæti 8000 króna úttekt á billjardbarnum í formi veitinga.
   2.sæti 5000 króna úttekt á Billjardbarnum í formi veitinga.
   3.sæti 2000 króna úttekt á Billiardbarnum í formi veitinga.
10. Þátttökugjald er 500 krónur sem innheimt verður af festu og ákafa fyrir fyrstu umferð.
11. Aldurstakmark er 20 ár og rétt er að geta þess að áfengisbann ríkir í húsakynnum Taflfélagsins.
12. Sigurvegarinn hlítur nafnbótina Karlöndin 2014 

Tekið skal fram að í vor verður haldin skemmtikvöldakóngakeppni þar sem Mórinn 2014,Karlöndin 2014, Úlfurinn 2014 (eða 2015) og aðrir sigurvegarar skemmtikvöldanna munu mætast í uppgjöri þeirra bestu.

 Skemmtikvöld Taflfélags Reykjavíkur hafa notið mikilla vinsælda og eru frábær skemmtun!

Stöður fyrir Skemmtikvöld TR annað kvöld

Hér koma stöðurnar sex sem gefnar verða upp fyrir skemmtikvöld Taflfélags Reykjavíkur sem fram fer annað kvöld og hefst kl. 20.00

Tefldar verða stöður úr skákum Carlsen og Anand en einvígi þeirra hefst á morgun í Sochi. Vonumst til að sjá sem flesta skákáhugamenn taka þátt í þessum skemmtilega viðburði!

r1bq1rk1/pp3ppp/5n2/n2p4/2pP2P1/P1P1PP2/4N1BP/R1BQK2R w KQ - 3 12

2rr2k1/p4pp1/1qn1bb1p/3p4/1P3B2/P1p1PN1P/2Q1BPP1/1R1R2K1 w - - 1 20

r1bqk2r/ppb2ppp/2n1p3/8/2PN4/P1NQP3/1P4PP/2KR1B1R w kq - 1 14

1r2rbk1/1pqn1ppp/p3b3/4pNP1/P3P3/2N2B2/1PP2Q1P/3R1R1K w - - 1 21

2r2rk1/1pq1bppp/p1bppn2/6B1/2PNP3/1PNQ4/P4PPP/R4RK1 w - - 1 14

 

r3k2r/pppnqp1p/2p3p1/2b1p3/4P3/3PBQNP/PPP2PP1/R3K2R w KQkq - 2 12