TR Íslandsmeistari unglingasveita

Taflfélag Reykjavíkur sigraði í æsispennandi Íslandsmóti unglingasveita sem fram fór í dag í Garðaskóla í Garðabæja. Skákfélagið Hugin varð í öðru sæti með hálfum vinningi minna. B-sveit TR varð í þriðja sæti.

Ítarleg myndskreytt frétt um mótið verður birt á morgun.

Íslandsmót unglingasveita hefst kl. 13 í Garðaskóla

Íslandsmót Unglingasveita 2014 verður haldið þann 15. nóvember næstkomandi í Garðalundi í Garðabæ. (Garðaskóli)

Mótið hefst kl. 13 og stendur líklega fram til 17. Umhugsunartími eru 15 mínútur á mann.

Mótið er liðakeppni Taflfélaga og eru 4 í hverju liði auk varamanna.

Reglugerð mótsins má finna á vefnum skaksamband.is http://www.skaksamband.is/?c=webpage&id=249

Þátttökurétt hafa öll taflfélög sem og/eða íþrótta/héraðssambönd svo framarlega að ekki er taflfélag á sama svæði.

Skráning fer fram í tölvupósti til félagsins [e-mail]

Benda ber sérstaklega á
• að sameinuð lið geta ekki orðið Íslandsmeistarar
• hverju liði skal fylgja liðsstjóri sem sér um liðið og að fylla út öll úrslit í mótinu. Hver liðsstjóri skal ekki stýra meira en 2 liðum
• Þátttökugjöld eru 3000 kr. á hvert lið.
• Mótið verður reiknað til alþjóðlegra atskákstiga. Fæðingardagar þeirra keppenda sem eru ekki á stigalista þurfa fylgja með skráningu.

Íslandsmeistarar 2013 voru Taflfélag Reykjavíkur.

Sjá má úrslit á mótinu í fyrra á Chess-Results.com síðunni
http://www.chess-results.com/tnr116230.aspx?lan=1

Jafntefli í fimmtu skák einvígisins

Anand (2792) og Carlsen (2863) gerðu jafntefli í fimmtu skák heimsmeistaraeinvígis þeirra sem tefld var í dag í Sochi í Rússlandi. 

Anand hafði hvítt og tefld var drottningarindversk vörn. Carlsen tefldi um tíma ónákvæmt og var ljóslega kominn með verra tafl þótt líklegt sé að staðan sé engu að síður jafntefli með bestu taflmennsku.

Anand tefldi að marga mati þá of linkulega og gaf Carlsen tækifæri á auðveldu jafntefli í stað þess að láta hann verjast.

Staðan er nú 2½-2½. Sjötta skákin verður tefld á morgun og þá hefur Carlsen hvítt. Skákin hefst kl. 12 að hádegi. Magnus hefur svo aftur hvítt í sjöundu skákinni sem tefld verður á mánudaginn.

Rennum venju samkvæmt yfir nokkur tíst um skák dagsins:

Carlsen to Norwegian press: "Anand played impressively today, was well prepared for a rare line and created problems for me." #CarlsenAnand

— Tarjei J. Svensen (@TarjeiJS) November 14, 2014

Sad to return to an anti-climax. Not sure why Vishy played Rb7 not Ra4, and Rxa7 rather than Kg2!? but still a quality game. #CarlsenAnand

— Jonathan Rowson (@Jonathan_Rowson) November 14, 2014

Harsh? @mikhail_golubev: "From move 26 Anand played like a Candidate Master who accidentally got an edge vs. a GM & rushed to fix a draw"

— chess24.com (@chess24com) November 14, 2014

Carlsen [to a reporter who thinks all draws are equal]: "It's much more pleasant to draw with Black than with White." #CarlsenAnand

— Olimpiu G. Urcan (@OlimpiuUrcan) November 14, 2014

Carlsen holds - I can't help thinking that if he'd been White in this middlegame Anand would be defending for a lot longer #CarlsenAnand

— Thomas Rendle (@TERendle) November 14, 2014

In each game the players change opening, in stark contrast to WC matches of the past. #CarlsenAnand

— Fabiano Caruana (@FabianoCaruana) November 12, 2014

A tame draw in the end. Missed opportunity for Anand! Two white games for Magnus ! Survival is the key for Anand in next two #CarlsenAnand

— Vishal Sareen (@vishalsareen) November 14, 2014

• Beinar útsendingar
• Chess24 (beinar útsendingar)

 

Veljið skák (5 alls): 1: Anand,V - Carlsen,M 2: Carlsen,M - Anand,V 3: Anand,V - Carlsen,M 4: Carlsen,M - Anand,V 5: Anand,V - Carlsen,M

[Event "WCh 2014"] [Site "Sochi RUS"] [Date "2014.11.08"] [Round "1"] [White "Anand,V"] [Black "Carlsen,M"] [Result "1/2-1/2"] [WhiteElo "2792"] [BlackElo "2863"] [EventDate "2014.11.08"] [ECO "D85"] 1. d4 Nf6 2. c4 g6 3. Nc3 d5 4. cxd5 Nxd5 5. Bd2 Bg7 6. e4 Nxc3 7. Bxc3 O-O 8. Qd2 Nc6 9. Nf3 Bg4 10. d5 Bxf3 11. Bxg7 Kxg7 12. gxf3 Ne5 13. O-O-O c6 14. Qc3 f6 15. Bh3 cxd5 16. exd5 Nf7 17. f4 Qd6 18. Qd4 Rad8 19. Be6 Qb6 20. Qd2 Rd6 21. Rhe1 Nd8 22. f5 Nxe6 23. Rxe6 Qc7+ 24. Kb1 Rc8 25. Rde1 Rxe6 26. Rxe6 Rd8 27. Qe3 Rd7 28. d6 exd6 29. Qd4 Rf7 30. fxg6 hxg6 31. Rxd6 a6 32. a3 Qa5 33. f4 Qh5 34. Qd2 Qc5 35. Rd5 Qc4 36. Rd7 Qc6 37. Rd6 Qe4+ 38. Ka2 Re7 39. Qc1 a5 40. Qf1 a4 41. Rd1 Qc2 42. Rd4 Re2 43. Rb4 b5 44. Qh1 Re7 45. Qd5 Re1 46. Qd7+ Kh6 47. Qh3+ Kg7 48. Qd7+ 1/2-1/2

[Event "WCh 2014"] [Site "Sochi RUS"] [Date "2014.11.09"] [Round "2"] [White "Carlsen,M"] [Black "Anand,V"] [Result "1-0"] [WhiteElo "2863"] [BlackElo "2792"] [EventDate "2014.11.08"] [ECO "C65"] 1. e4 e5 2. Nf3 Nc6 3. Bb5 Nf6 4. d3 Bc5 5. O-O d6 6. Re1 O-O 7. Bxc6 bxc6 8. h3 Re8 9. Nbd2 Nd7 10. Nc4 Bb6 11. a4 a5 12. Nxb6 cxb6 13. d4 Qc7 14. Ra3 Nf8 15. dxe5 dxe5 16. Nh4 Rd8 17. Qh5 f6 18. Nf5 Be6 19. Rg3 Ng6 20. h4 Bxf5 21. exf5 Nf4 22. Bxf4 exf4 23. Rc3 c5 24. Re6 Rab8 25. Rc4 Qd7 26. Kh2 Rf8 27. Rce4 Rb7 28. Qe2 b5 29. b3 bxa4 30. bxa4 Rb4 31. Re7 Qd6 32. Qf3 Rxe4 33. Qxe4 f3+ 34. g3 h5 35. Qb7 1-0

[Event "WCh 2014"] [Site "Sochi RUS"] [Date "2014.11.11"] [Round "3"] [White "Anand,V"] [Black "Carlsen,M"] [Result "1-0"] [WhiteElo "2792"] [BlackElo "2863"] [EventDate "2014.11.08"] [ECO "D37"] 1. d4 Nf6 2. c4 e6 3. Nf3 d5 4. Nc3 Be7 5. Bf4 O-O 6. e3 Nbd7 7. c5 c6 8. Bd3 b6 9. b4 a5 10. a3 Ba6 11. Bxa6 Rxa6 12. b5 cxb5 13. c6 Qc8 14. c7 b4 15. Nb5 a4 16. Rc1 Ne4 17. Ng5 Ndf6 18. Nxe4 Nxe4 19. f3 Ra5 20. fxe4 Rxb5 21. Qxa4 Ra5 22. Qc6 bxa3 23. exd5 Rxd5 24. Qxb6 Qd7 25. O-O Rc8 26. Rc6 g5 27. Bg3 Bb4 28. Ra1 Ba5 29. Qa6 Bxc7 30. Qc4 e5 31. Bxe5 Rxe5 32. dxe5 Qe7 33. e6 Kf8 34. Rc1 1-0

[Event "WCh 2014"] [Site "Sochi RUS"] [Date "2014.11.12"] [Round "4"] [White "Carlsen,M"] [Black "Anand,V"] [Result "1/2-1/2"] [WhiteElo "2863"] [BlackElo "2792"] [EventDate "2014.11.08"] [ECO "B40"] 1. e4 c5 2. Nf3 e6 3. g3 Nc6 4. Bg2 d5 5. exd5 exd5 6. O-O Nf6 7. d4 Be7 8. Be3 cxd4 9. Nxd4 Bg4 10. Qd3 Qd7 11. Nd2 O-O 12. N2f3 Rfe8 13. Rfe1 Bd6 14. c3 h6 15. Qf1 Bh5 16. h3 Bg6 17. Rad1 Rad8 18. Nxc6 bxc6 19. c4 Be4 20. Bd4 Nh7 21. cxd5 Bxd5 22. Rxe8+ Rxe8 23. Qd3 Nf8 24. Nh4 Be5 25. Bxd5 Qxd5 26. Bxe5 Qxe5 27. b3 Ne6 28. Nf3 Qf6 29. Kg2 Rd8 30. Qe2 Rd5 31. Rxd5 cxd5 32. Ne5 Qf5 33. Nd3 Nd4 34. g4 Qd7 35. Qe5 Ne6 36. Kg3 Qb5 37. Nf4 Nxf4 38. Kxf4 Qb4+ 39. Kf3 d4 40. Qe8+ Kh7 41. Qxf7 Qd2 42. Qf5+ Kh8 43. h4 Qxa2 44. Qe6 Qd2 45. Qe8+ Kh7 46. Qe4+ Kh8 47. Qe8+ Kh7 1/2-1/2

[Event "WCh 2014"] [Site "Sochi RUS"] [Date "2014.11.14"] [Round "5"] [White "Anand,V"] [Black "Carlsen,M"] [Result "1/2-1/2"] [WhiteElo "2792"] [BlackElo "2863"] [EventDate "2014.11.08"] [ECO "E15"] 1. d4 Nf6 2. c4 e6 3. Nf3 b6 4. g3 Bb4+ 5. Bd2 Be7 6. Nc3 Bb7 7. Bg2 c6 8. e4 d5 9. exd5 cxd5 10. Ne5 O-O 11. O-O Nc6 12. cxd5 Nxe5 13. d6 Nc6 14. dxe7 Qxe7 15. Bg5 h6 16. d5 Na5 17. Bxf6 Qxf6 18. dxe6 Qxe6 19. Re1 Qf6 20. Nd5 Bxd5 21. Bxd5 Rad8 22. Qf3 Qxb2 23. Rad1 Qf6 24. Qxf6 gxf6 25. Re7 Kg7 26. Rxa7 Nc6 27. Rb7 Nb4 28. Bb3 Rxd1+ 29. Bxd1 Nxa2 30. Rxb6 Nc3 31. Bf3 f5 32. Kg2 Rd8 33. Rc6 Ne4 34. Bxe4 fxe4 35. Rc4 f5 36. g4 Rd2 37. gxf5 e3 38. Re4 Rxf2+ 39. Kg3 Rxf5 1/2-1/2

MS Afmælismót Jónasar Hallgrímssonar á sunnudaginn í Ráðhúsinu

• Mót fyrir börn á grunnskólaaldri
• Sunnudagur 16. nóvember kl. 14Mjög vegleg verðlaun
• Hverður valin(n) best klæddi keppandinn?
• Skráið ykkur sem fyrst!

Skákfélagið Hrókurinn og Taflfélag Reykjavíkur standa fyrir MS Afmælismóti Jónasar Hallgrímssonjar í Ráðhúsi Reykjavíkur, sunnudaginn 16. nóvember kl. 14. Mótið er haldið á fæðingardegi þjóðskáldsins sem jafnframt er Dagur íslenskrar tungu. Mjög vegleg verðlaun eru á mótinu og má búast við flestum bestu og efnilegustu börnum og ungmennum landsins. Heiðursgestir  við setningu mótsins verða frú Vigdís Finnbogadóttir, fv. forseti Íslands og Friðrik Ólafsson fyrsti stórmeistari Íslands og fv. forseti FIDE.

MS Afmælismót Jónasar Hallgrímssonar er ætlað börnum á grunnskólaaldri, fædd 1999 og síðar, og er gert ráð fyrir 64 keppendum. Tefldar verða 7 umferðir með 7 mínútna umhugsunatíma. Fyrstu verðlaun eru 30.000 krónur, önnur verðlaun 20.000 og þriðju verðlaun 15.000. Verðlaun fyrir bestan árangur stúlkna er 10.000 kr. Þá verða 4 heppnir keppendur dregnir út sem hljóta 5000 krónur hver. Þeim til mælum er beint til þátttakenda að mæta snyrtilega til fara, enda verður best klæddi keppandinn verðlaunaður sérstaklega með 5000 kr.

Veitt eru verðlaun og viðurkenningar fyrir bestan árangur í þremur aldursflokkum: 1.-3. bekk, 4.-6. bekk og 7.-10. bekk. Mjólkursamsalan mun sjá keppendum fyrir veitingum á mótsstað.

Það er Taflfélagi Reykjavíkur og Hróknum mikil ánægja að heiðra minningu Jónasar Hallgrímssonar (1807-1845) sem vafalaust má telja ástsælasta skáld Íslandssögunnar. Skák og skáldskapur, þessar miklu íþróttir hugans, hafa átt samleið á Íslandi frá öndverðu. Á dögunum stóðu TR og Hrókurinn fyrir glæsilegu Afmælismóti Einars Benediktssonar og er í ráði að minnast fleiri skálda með þessum skemmtilega hætti. Mjólkursamsalan hefur gegnum tíðina verið ötull bakhjarl skáklífs á Íslandi, og hefur líka markvisst beitt sér fyrir eflingu móðurmálsins í rúmlega 20 ár.  Kjörorð MS í þeirri vinnu er Íslenska er okkar mál. Um árabil hafa verið birtir textar af ýmsu tagi á mjólkurumbúðum, ábendingar um gott málfar, útskýringar á orðtökum og fallega skrifaðir textar.

Við setningu mótsins mun Björn Jónsson formaður TR kynna nýja skákbók, Lærðu að tefla, sem út kom í vikunni. Þetta er fyrsta frumsamda, íslenska kennslubókin í skák sem út hefur komið hérlendis í áraraðir og er afar kærkomin, því mjög mikill áhugi er meðal barna og ungmenna á skák. 

Áhugasöm börn og ungmenni, sem vilja spreyta sig á einu glæsilegasta móti ársins ættu að skrá sig sem fyrst.

Skráning mun fara fram á vef TR www.taflfelag.is og Hróksins www.hrokurinn.is

Fimmta skák heimsmeistaraeinvígisins hafin

Fimmta skák heimsmeistaraeinvígis Carlsen og Anand hófst nú kl. 12 í Sochi í Rússlandi. Anand hefur hvítt og beitti Norðmaðurinn drottningarindverski vörn gegn drottningarpeðsleik Anand. Þegar 17 leikjum er lokið hefur Anand eilítið betra tafl en hefur eitt mun meiri tíma sem bendir til þess að Carlsen sé betur undirbúinn. Ekki nema að Indjverjinn sé að rifja upp leikjaraðir. 

Sem fyrr mælir ritstjóri með Chess24 sem býður að mati hans upp á bestu útsendingarnar frá einvíginu. 

Í settinu nú eru rússnesku landsliðsmennirnir Svidler og Nepo sem eru báðir mjög léttir og góðir lýsendur. 

• Heimasíða einvígisins
• Beinar útsendingar (hefjast kl. 12)

Íslandsmót eldri skákmanna - Strandbergsmótið í skák

Íslandsmót eldri skákmanna sem eru 50 ára + og 65 ára +  í atskák eru nú haldin í fyrsta sinn. Stefnt er því að gera þau að árlegum viðburði sem hluta af Skákþingi Íslands sem fer í mörgum flokkum eins og kunnugt er.   

Mótin verða haldin laugardaginn 22. nóvember nk. í Strandbergi, safnaðarheimili Hafnarfjarðarkirkju, í samstarfi við RIDDARANN, annan af tveimur skákklúbbum eldri borgara á höfuðborgarsvæðinu, sem þar hefur aðsetur. Mótshaldið er liður í 100 ára afmæli kirkjunnar nú um þessar mundir, sem stutt hefur að skáklistinni um árabil. Teflt verður í hátíðarsalnum svo aðstæður á mótsstað verða eins og best verður á kosið og boðið upp kaffi, svaladrykki og kruðerí meðan á móti stendur. Hádegisverðartilboð. 

Fyrirkomulag

Tefldar verða 9 umferðir eftir svissneska kerfinu. 

Mótshaldarar áskilja ser rétt til að breyta fyrirkomulaginu ef þáttökutölur gefa tilefni til þess.

Tímamörk

• Umferðir 1-4: 10 mínútur + 5 sekúndur á hvern leik
• Umferðir 5-9: 20 mínútur + 10 sekúndur á hvern leik 

Umferðartafla 

• 1. umf: Kl. 10:00
• 2. umf: Kl. 10:30
• 3. umf: Kl. 11:00
• 4. umf: Kl. 11:30
• Hlé
• 5. umf: Kl. 13:00
• 6. umf: Kl. 14:00
• 7. umf: Kl. 15:00
• 8. umf: Kl. 16:00
• 9. umf: Kl. 17:00
• Verðl.  Kl. 18:00

Flokkaskipting

Teflt verður í tveimur flokkum 65 ára + (1949 og fyrr) og 50 ára + (1950-64)

Verði skráðir keppendur í öðrum hvorum flokknum færri en 12 kunna flokkarnir að vera sameinaðir en engu að síður teflt um tvo Íslandsmeistaratitla.

Verði tveir eða fleiri efstir og jafnir verður stigaútreikningur látinn ráða.                                                                                              

Þátttökugjöld

• 1.500 kr. 

Verðlaun: 

• Aðalverðlaun (nánar síðar)
• Sérstök aldurflokkaverðlaun fyrir 70+, 75+ og 80+
• Sportvörubúðin Jói Útherji/Magnús V. Pétursson gefur alla verðlaunagripi 

Skráning

• Á www.skak.is eða í síma 568 9141
• Einnig er hægt að skrá sig á þriðjudagsmótum hjá ÆSUM eða hjá RIDDARANUM á miðvikudögum.
• Upplýsingar um þegar skráða keppendur má nálgast hér. 

Ný íslensk skákbók

Formaður Taflfélags Reykjavíkur, Björn Jónsson, hefur látið mikið að sér kveða á síðustu misserum.  Meðal verka hans eru vönduð íslensk kennsluhefti fyrir byrjendur í skák sem notuð hafa verið við skákkennslu í félaginu að undanförnu og notið mikilla vinsælda.  Björn hefur nú sett hluta heftanna undir einn hatt í nýrri og glæsilegri bók, Lærðu að tefla, sem gefin er út af Sögur útgáfu.  Stefnt er á frekari útgáfu efnis úr skákheftunum góðu.

Í bókinni kennir ýmissa grasa en í fyrsta kafla hennar er farið yfir uppbyggingu skákborðsins, virði taflmannanna og manngang þeirra.  Þá er farið yfir hugtökin skák og mát sem og skákritun en lokakaflinn fjallar um helstu byrjanagildrur sem hverjum skákmanni er nauðsynlegt að þekkja.

Það er óhætt að mæla með Lærðu að tefla fyrir alla sem áhuga hafa á að kynna sér leyndardómaskáklistarinnar en inngang bókarinnar ritaði stórmeistarinn Hannes Hlífar Stefánsson þar sem segir m.a.: 

Mikil gróska og áhugi er meðal yngstu kynslóðarinnar fyrir skák nú um mundir.  Það er því mikið ánægjuefni að sjá þessa vönduðu kennslubók fyrir byrjendur í skáklistinni koma út...Framsetningin er einföld og hnitmiðuð en um leið lifandi.  Fjölmörg æfingadæmi fylgja efni hvers kafla og eru þau vel valin og lærdómsrík...

Bókin hefur fengið góðar viðtökur og umsagnir.  M.a. segir Stefán Bergsson framkvæmdastjóri Skákakademíu Reykjavíkur um bókina:

Hin nýútkomna bók Lærðu að tefla eftir Björn Jónsson formann Taflfélags Reykjavíkur er að mínu mati besta námsefnið sem gefið hefur verið út síðustu árin og jafnvel áratugina. Bókin er afar skýr, hún er skemmtileg og gott jafnvægi er milli lestexta og æfinga.

Fyrir alla krakka sem langar að læra að tefla er bókin í senn skemmtilegur og lærdómsríkur kostagripur. Hún er einnig kjörið tæki fyrir alla þá sem langar að kenna börnum og unglingum að tefla. Spennandi verður að sjá áframhald á skrifum Björns og fleiri kennslubækur frá honum. 

Nánari upplýsingar um hina nýju bók má finna hér.

Gallerý Skák - lífleg skákkvöld

Fimmtudagsskákmótin í Faxafeninu á vegum Gallerý Skákar hafa verið lífleg að vanda að undanförnu. Ástríðuskákmenn á öllum aldri mætta þar til tafls sjálfum sér til upplyftingar og öðrum til ánægju – einkum þeim sem leggja þá að velli.

Forseti SÍ blandaði sér í slaginn í síðustu viku og náði að landa sætum sigri í 10 skákum af 11. Varð aðeins að lúta í gras fyrir Viðeyjarundrinu Guðfinni R. Kjartanssyni, sem reyndar er nú hættur að vekja undrun vegna góðs gengis að undanförnu. Gauti Páll sýndi líka flotta takta og náði öðru sæti. Þó má að hinni ungi Stefán Orri Davíðsson, aðeins 8 ára hafi verið stjarna mótsins og lauk keppni með 5 vinninga, varð fyrir ofan bróður sinn Óskar Víking, sem segir sína sögu um hversu efnilegur hann er og þeir bræður báðir. 

Mótið að þessu sinni var liður í Kappteflinu um Patagóníusteininn, sem er 6 vikna mótaröð þar sem þeir sem mæta í 4 mót geta hlotið stig eftir frammistöðu sinni.  Annars eru þetta bara fyrst og fremst vináttuskákmót þar sem menn koma til að tefla sjálfum sér og öðrum til yndisauka.

Munið að mæta í kvöld kl. 18 þegar degi hallar. Allir velkomnir.

Þátttökugjald kr. 500 en 1000 fyrir þá sem eru í fæði og húsnæði!

Magnús efstur á Vetrarmóti öðlinga

Skagamaðurinn, Magnús Magnússon (1978) er efstur með fullt hús að lokinni þriðju umferð Vetrarmóts öðlinga sem fram fór í gærkveldi. Magnús hafði þá sigur gegn Siguringa Sigurjónssyni (1942). Magnús Pálmi Örnólfsson (2167) og Þorvarður F. Ólafsson (2213) gerðu jafntefli í innbyrðis skák og eru í 2.-4. sæti með 2½ vinning ásamt Sverri Erni Björnssyni (2104).

Fjórða umferð fer fram nk. miðvikudagskvöld. Þá mætast meðal annars: Magnús M - Þorvarður og Magnús Pálmi - Sverrir Örn.

 

• Heimasíða TR
• Chess-Results

Örn Leó sigraði á hraðkvöldi Hugins

Örn Leó Jóhannsson sigraði með 6,5v í sjö skákum á hraðkvöldi Hugins sem fram fór 10. nóvember sl. Örn gerði jafntefli við Hallgerði í 2. umferð og sigraði svo Vigfús í fimmtu umferð í spennandi skák þar sem gekk á ýmsu. Næstir komu svo Kristófer Ómarsson og Vigfús Ó. Vigfússon með 5,5v. Örn Leó dró svo í lok hraðkvöldsins Stefán Orra Davíðsson og völdu þeir báðir gjafabréf frá Dominos, enda svo sem ekki annað í boði í þetta skipti þar sem gjafabréfin frá Saffran voru ekki tilbúin en það stendur til bóta næst.

Næsta skákkvöld í félagsheimili Hugins í Álfabakka 14a verður mánudaginn 24. nóvember kl. 20 og þá verður einnig hraðkvöld.

Lokastaðan á hraðkvöldinu:

1.     Örn Leó Jóhannsson, 6,5v/7
2.     Kristófer Ómarsson, 5,5v
3.     Vigfús Ó. Vigfússon, 5,5v
4.     Hallgerður Helga Þorsteinsdóttir, 4,5v
5.     Óskar Víkingur Davíðsson, 4v
6.     Finnur Kr. Finnsson, 3v
7.     Stefán Orri Davíðsson, 2v
8.     Sindri Snær Kristófersson, 2v
9.     Björgvin Kristbergsson, 1v
10.     Axel Ingi Árnason, 1v