Tómas Veigar atskákmeistari Akureyrar

Atskákmóti Akureyrar lauk í gær þegar fjórar síðustu umferðirnar af sjö voru tefldar.  Toppbaráttan var æsispennandi. Þegar tvær umferðir voru eftir hafði Jón Kristinn enn fullt hús, vinningi á undan Tómasi og Áskatli. Tómas gerði sér lítið fyrir og vann Jón Kristin í næstu umferð og voru þeir þá þrír jafnir. Hann lagði Áskel svo að velli í flókinni skák í lokaumferðinni en Jokko mátti láta sér jafntefli nægja gegn Andra. 

Þar með lágu þessi úrslit fyrir:

 

		1	2	3	4	5	6	7	8	vinn
1	Tómas Veigar Sigurðarson		1	1	1	0	1	1	1	6
2	Jón Kristinn Þorgeirsson	0		1	½	1	1	1	1	5½
3	Áskell Örn Kárason	0	0		1	1	1	1	1	5
4	Andri Freyr Björgvinsson	0	½	0		1	1	1	1	4½
5	Smári Ólafsson	1	0	0	0		1	1	1	4
6	Haraldur Haraldsson	0	0	0	0	0		1	1	2
7	Kristjan Hallberg	0	0	0	0	0	0		1	1
8	Gabríel Freyr Björnsson	0	1	0	0	1	0	0		0

Mótið á Chess-Results.

Skákþáttur Morgunblaðsins: Batumi-bragðið

Það er kunnara en frá þurfi að segja að skákbyrjanir draga oft nöfn sín af þjóðríkjum, borgum eða jafnvel bæjum: spænski leikurinn, ítalski leikurinn, frönsk vörn og íslenski gambíturinn. Og borgarnöfnin: Gautaborgar-afbrigðið, Sevilla-afbrigðið, Berlínarvörn og svo mætti lengi telja. Ég veit ekki til þess að nokkur skábyrjun sé nefnd eftir strandbænum Batumi í Georgíu sem liggur við landamæri Tyrklands en tilheyrði áður Óttóman-veldinu en þessa dagana fer þar fram Evrópumót ungmenna.

„Batumi-bragðið" mætti kannski kalla það háttalag mótshaldarans, sem er því miður ekki með öllu óþekkt í skákheiminum, að rukka fyrirfram fyrir fjögurra eða fimm stjörnu hótel en senda síðan keppendur á óupphitað gistiheimili að kljást þar við sagga, flóabit og kaldar kjötbollur. Helstu meðmælin með vistarverum íslenska hópsins voru þau, að hinn nýi forseti evrópska skáksambandsins, Georgíumaðurinn Zurab Azmaparashvili, hefði dvalist þar í nokkra daga fyrir fáeinum árum og líkað vel. Þeir eru svolítið að kenna hvor öðrum um hvernig þetta gat farið svona, framkvæmdastjórar mótsins, en svo dæmi sé tekið um mismununina þá rúlluðu rússnesku keppendurnir sem koma hingað í stórum hópum beint inn á bestu hótelin og mér er til efs að nokkur þeirra hafi greitt eitthvað svipað því sem íslensku keppendurnir þurftu að reiða fram. Ráfandi um í lobbíi Sheraton eru „utangarðsmennirnir" stöðugt minntir á að þarna hafi nú aldeilis gist höfðingjar á borð við Hillary Clinton, Sting og Pavarotti og fleiri stórlaxar.

Stundum er eins og ekkert hafi breyst hér í Georgíu þó að liðinn sé næstum aldarfjórðungur frá því að Sovétríkin leystust upp; þvergirðingsháttur, „njet" og margefld dyravarsla er gamalkunnur veruleiki. En hver veit nema Eyjólfur hressist.

Aftur að mótinu; eftir fjórar umferðir er Akureyringurinn Símon Þórhallsson sá keppandi sem mest hefur bætt sig miðað við ætlaðan árangur. Aðrir fulltrúar Íslands eru Dagur Ragnarsson, Oliver Aron Jóhannesson og Gauti Páll Jónsson. Í afbrigði hollenskrar varnar sem kennt er við Leningrad sló hann andstæðinginn út af laginu með leik sem ekki er minnst á í nýútkominni bók sem fjallar um refilstigu hollensku varnarinnar:

EM Batumi 2014; 4. umferð:

Símon Þórhallsson - Egor Filipets (Hvíta- Rússland)

Hollensk vörn

1.d4 Rf6 2. g3 Rf6 3. Bg2 g6 4. Rf3 Bg7 5. O-O O-O 6. c4 d6 7. Rc3 De8 8. e4!?

Óvæntur leikur sem Símon hafði áður beitt á Skákþingi Norðlendinga.

8. ... Rxe4?!

Sennilega er 8. ... fxe4 betra - til að eiga leið fyrir biskupinn niður á g4.

9. Rxe4 fxe4 10. Rg5 e5 11. Bxe4 h6 12. Rf3 Rc6

Eftir 12. ... exd4 13. He1! er svartur í vanda.

13. dxe5 Bg4?

Hyggst notfæra sér leppun riddarans en hugmyndin gengur ekki upp. Betra var 13. ... dxe5.

14. Dd5+! Be6 15. Db5!

Snarplega leikið og hótar 16. Dxb7.

15. ... Rxe5 16. Rxe5 Dxb5 17. cxb5 dxe5 18. Be3!

Fer sér að engu óðslega. Svartur getur ekki varið peðin á drottningarvæng.

18. ... Bc4 19. Hfc1 Bxb5 20. Bxb7 Had8 21. Hxc7 Hf7 22. Hac1 Hdd7 23. Hxd7 Hxd7 24. Bc6!

Uppskipti treysta oft yfirburði þess sem meiri hefur liðsafla.

24. ... Bxc6 25. Hxc6 Hd1+ 26. Kg2 Hb1 27. Hxg6 Kh7 28. Ha6 Hxb2 29. Hxa7

- og svartur gafst upp. Brátt brunar a2-peðið af stað.

Helgi Ólafsson [e-mail]

----------------------------------------------

Skákþættir Morgunblaðsins eru birtir á Skák.is viku síðar en í sjálfu Morgunblaðinu.  

Grein þessi birtist í Laugardagsmogganum, 25. október 2014

Skákþættir Morgunblaðsins

Atskákmót Reykjavíkur fer fram á morgun

Atskákmót Reykjavíkur sem jafnframt er atskákmót Hugins, suðursvæði fer fram mánudaginn 3. nóvember.

Mótið fer fram í félagsheimili Hugins, Álfabakka 14a í Mjódd. Tefldar verða 6 umferðir með Svissnesku-kerfi og hefur hvor keppandi 15 mínútur á skák. Mótið hefst kl. 19:30.

Verði tveir jafnir í baráttunni um annan hvorn titilinn verður teflt tveggja skáka hraðskákeinvígi.  Verði jafnt að því loknu verður hraðskákbráðabani. Verði fleiri en tveir jafnir verður tefld einföld umferð, hraðskák. Verði enn jafnt, þá bráðabani. Verði fleiri en tveir jafnir verður tefld einföld umferð, hraðskák. Verði enn jafnt þá bráðabani.

Núverandi atskákmeistari Reykjavíkur og atskákmeistari GM Hellis er Einar Hjalti Jensson.

Verðlaun:

• 1. 15.000
• 2.   8.000
• 3.   4.000

Þátttökugjöld:

• 16 ára og eldri: 1000 kr
• 15 ára og yngri: 500

 

Afmælismót Einars Ben: Helgi sigraði - Skáksögufélag stofnað

Helgi Ólafsson sigraði á Afmælismóti Einars Benediktssonar sem haldið var á veitingahúsinu Einari Ben við Ingólfstorg, laugardaginn 1. nóvember. Helgi hlaut 6 vinninga af 7 mögulegum. Í 2.-3. sæti urðu Jóhann Hjartarson og Hjörvar Steinn Grétarsson, en alls voru keppendur 39. Í mótslok var Söguskákfélagið stofnað, en því er ætlað að stuðla að rannsóknum og skráningu á íslenskri skáksögu, sem spannar heilt árþúsund.

Afmælismót Einars Benediktssonar var haldið í tilefni af því að föstudaginn 31. október voru 150 ár frá fæðingu skáldsins, sem setti svo sterkan svip á samtíð sína. Guðmundur Andri Thorsson rithöfundur, sem flutti ávarp við setningu mótsins sagði að Einar hefði verið ,,hið síðasta í röð  stórskálda 19. aldar, Hann var líka fyrsta þjóðskáld 20. aldarinnar en um leið hið síðasta. Hann orti ljóð sem rúmuðu allt."

Einar var einn af stofnendum Taflfélags Reykjavíkur um aldamótin 1900 og skák var ein hans helsta skemmtun, eins og fram kemur í endurminningum konu hans, Valgerðar Benediktsson. Einar tefldi að staðaldri við bestu skákmenn Íslands, og notaði einatt líkingamál úr skákinni í skáldskap sínum.

Einar Benediktsson sendiherra, sonarsonur þjóðskáldsins, lék fyrsta leikinn fyrir Friðrik Ólafsson sem hafði hvítt gegn hinum 11 ára gamla Mykhaylo Kravchuk, sem er afar efnilegur.Katrín Einarsdóttir, langafabarn skáldsins, lék fyrsta leikinn fyrir Mykhaylo.

Jóhann Hjartarson byrjaði af miklum krafti og lagði Vigni Vatnar Stefánsson, Róbert Lagerman, Davíð Kjartansson og Hjörvar Stein Grétarsson í fyrstu fjórum umferðunum. Í 5. umferð gerði Jóhann jafntefli við Björn Þorfinnsson og tapaði fyrir Braga bróður hans í næstsíðustu umferð. Bragi var í toppbaráttunni allan tímann en tapaði fyrir Helga í magnaðri úrslitaskák í síðustu umferð.

Helgi Ólafsson hóf mótið með sigri á hinum efnilega Gauta Páli Jónssyni, en tapaði í 2. umferð fyrir Lenku Ptacnikova, bestu skákkonu Íslands. Helgi beit í skjaldarrendur, vann 5 síðustu skákirnar og sigraði á mótinu.

Verðlaunahafar fengu m.a. gjafabréf frá veitingahúsinu Einar Ben, sem stóð að mótinu ásamt Taflfélagi Reykjavíkur og Hróknum.

Við lokaathöfn mótsins var tilkynnt um stofnun Skáksögufélagsins, en því er haldað að stuðla að rannsóknum og fræðslu, sem varða skáksögu Íslands að fornu og nýju. Þá mun félagið beita sér fyrir varðveislju hverskonar skákminja og að saga mestu skákmeistara Íslands verði skráð. Skáksögufélagið mun ennfremur gangast fyrir og styðja útgáfu, málþing og sýningar.

 Einar S. Einarsson fv.  forstjóri, sem gegnt hefur ótal mikilvægum trúnaðarstörfum fyrir skákhreyfinguna, var kjörinn fyrsti forseti Skáksögufélagsins. Aðrir í stjórn eru Jón Þ. Þórsagnfræðingur, Róbert Lagerman forseti Vinaskákfélagsins og stjórnarmaður í SÍ, Guðmundur G. Þórarinsson verkfræðingur og fv. forseti SÍ og  Jón Torfason íslenskufræðingur og skjalavörður.

Chess-Results

Myndir má finna á heimasíðu Hróksins.

Ný alþjóðleg skákstig

Nýr stigalisti kom út í dag. Jóhann Hjartarson er sem fyrr stigahæsti skákmaður landsins. Arngrímur Gunnhallsson er stigahæsti nýliðinn. Símon Þórhallsson hækkar mest frá október-listanum.

Topp 20

Jóhann Hjartarson (2576) er stigahæstur íslenskra skákmanna. Í næstum eru Hannes Hlífar Stefánsson (2555) og Hjörvar Steinn Grétarsson (2554).

Listann í heild sinni má nálgast í meðfylgjandi PDF-viðhengi.

 

Nr.	Nafn	Tit	Stig	Sk.	Br.
1	Hjartarson, Johann	GM	2576	3	5
2	Stefansson, Hannes	GM	2555	7	6
3	Gretarsson, Hjorvar Steinn	GM	2554	5	6
4	Olafsson, Helgi	GM	2547	3	4
5	Petursson, Margeir	GM	2536	2	4
6	Steingrimsson, Hedinn	GM	2530	5	0
7	Danielsen, Henrik	GM	2509	15	19
8	Arnason, Jon L	GM	2502	4	0
9	Kristjansson, Stefan	GM	2492	5	2
10	Gretarsson, Helgi Ass	GM	2458	2	2
11	Thorsteins, Karl	IM	2456	0	0
12	Kjartansson, Gudmundur	IM	2444	23	5
13	Gunnarsson, Jon Viktor	IM	2433	5	7
14	Thorhallsson, Throstur	GM	2433	3	3
15	Thorfinnsson, Bragi	IM	2432	5	-5
16	Gunnarsson, Arnar	IM	2416	4	-19
17	Olafsson, Fridrik	GM	2397	0	0
18	Arngrimsson, Dagur	IM	2391	12	15
19	Jensson, Einar Hjalti	FM	2390	4	-1
20	Ulfarsson, Magnus Orn	FM	2377	3	-3

Nýliðar

Þrír nýliðar eru á listanum. Þeirra langstigahæstur eru Arngrímur Gunnhallsson (2140).

 

Nr.	Nafn	Tit	Stig	Sk.	Br.
1	Gunnhallsson, Arngrimur		2140	9	2140
2	Bragason, Arnfinnur		1453	9	1453
3	Kjartansson, Kristofer Halldor		1380	5	1380

Mestu hækkanir

Kunnugleg nöfn eru á listanum yfir mestar hækkanir. Þar er Símon Þórhallsson (165) hæstur. Í næstum sætum eru Björn Hólm Birkisson (138) og Gauti Páll Jónsson (104). 

Ritstjóri tók saman topp 20 að þessu sinni enda mjög margir sem hækka mikið á stigum.

Nr.	Nafn	Tit	Stig	Sk.	Br.
1	Thorhallsson, Simon		1961	15	165
2	Birkisson, Bjorn Holm		1856	9	138
3	Jonsson, Gauti Pall		1843	19	104
4	Finnsson, Johann Arnar		1477	10	90
5	Thorgeirsson, Jon Kristinn		2059	7	84
6	Birkisson, Bardur Orn		1736	9	71
7	Ragnarsson, Heimir Pall		1490	3	66
8	Hauksson, Hordur Aron		1853	7	61
9	Bjorgvinsson, Andri Freyr		1754	6	57
10	Davidsdottir, Nansy		1641	5	57
11	Steinthorsson, Felix		1614	12	53
12	Gestsson, Sverrir		1960	3	47
13	Kolka, Dawid		1829	11	47
14	Sigurdsson, Snorri Thor		1966	4	41
15	Kjartansson, Dagur		1731	2	41
16	Mai, Aron Thor		1294	5	41
17	Davidsson, Stefan Orri		1061	5	36
18	Palmarsson, Erlingur Atli		1506	1	33
19	Johannesson, Kristofer Joel		1454	11	32
20	Heimisson, Hilmir Freyr		1856	4	30

Stigahæstu skákkonur landsins

Lenka Ptácníková (2270) er langstigahæsta skákkona landsins. Í næstum sætum eru Hallgerður Helga Þorsteinsdóttir (1992) og Guðlaug Þorsteinsdóttir (1984). 

Nr.	Nafn	Tit	Stig	Sk.	Br.
1	Ptacnikova, Lenka	WGM	2270	11	5
2	Thorsteinsdottir, Hallgerdur		1992	2	-16
3	Thorsteinsdottir, Gudlaug	WFM	1984	4	-22
4	Finnbogadottir, Tinna Kristin		1938	3	16
5	Johannsdottir, Johanna Bjorg		1862	0	0
6	Kristinardottir, Elsa Maria		1861	3	14
7	Fridthjofsdottir, Sigurl. Regina		1789	0	0
8	Birgisdottir, Ingibjorg		1779	0	0
9	Helgadottir, Sigridur Bjorg		1776	5	18
10	Hauksdottir, Hrund		1692	5	21

Stigahæstu ungmenni landsins (20 ára og yngri)

Oliver Aron Jóhannesson (2170) er sem fyrr stigahæsta ungmenni landsins. Í næstum sætum eru Nökkvi Sverrisson (2083) og Mikael Jóhann Karlsson (2077). Hækkunarkóngurinn, Símon Þórhallsson (1961), kemur nú í fyrsta skipti inn á topp 10.

 

 

Nr.	Nafn	Stig	Sk.	B-day	Br.
1	Johannesson, Oliver	2170	27	1998	-22
2	Sverrisson, Nokkvi	2083	5	1994	1
3	Karlsson, Mikael Johann	2077	5	1995	21
4	Hardarson, Jon Trausti	2067	17	1997	-25
5	Thorgeirsson, Jon Kristinn	2059	7	1999	84
6	Ragnarsson, Dagur	2059	26	1997	-95
7	Johannsson, Orn Leo	2048	5	1994	10
8	Thorhallsson, Simon	1961	15	1999	165
9	Stefansson, Vignir Vatnar	1959	3	2003	26
10	Sigurdarson, Emil	1922	2	1996	19

Stigahæstu skákmenn 65+

Í ljósi þess að FIDE hefur breytt skilgreiningu á "seniors" úr 60 í 50 og 65 hefur ritstjóri ákveðið að feta í það fótspor.

Friðrik Ólafsson (2397) er sem fyrr stigahæstur skákmenn 65 ára eldri. Jónas Þorvaldsson (2264) og Jón Kristinsson (2251) koma næstir.

 

Nr.	Nafn	Tit	Stig	Sk.	Br.
1	Olafsson, Fridrik	GM	2397	0	0
2	Thorvaldsson, Jonas		2264	0	0
3	Kristinsson, Jon		2251	5	-2
4	Einarsson, Arnthor		2229	3	7
5	Thorsteinsson, Bjorn		2203	0	01
6	Viglundsson, Bjorgvin		2181	1	-12
7	Thorvaldsson, Jon		2164	0	0
8	Gunnarsson, Gunnar K		2158	0	0
9	Briem, Stefan		2148	0	0
10	Halldorsson, Bragi		2140	4	7

 
Stigahæstu skákmenn 50+

 

Nr.	Nafn	Tit	Stig	Sk.	Br.
1	Hjartarson, Johann	GM	2576	3	5
2	Olafsson, Helgi	GM	2547	3	4
3	Petursson, Margeir	GM	2536	2	4
4	Arnason, Jon L	GM	2502	4	0
5	Thorsteins, Karl	IM	2456	0	0
6	Olafsson, Fridrik	GM	2397	0	0
7	Jonsson, Bjorgvin	IM	2353	5	0
8	Gudmundsson, Elvar	FM	2326	2	0
9	Vidarsson, Jon G	IM	2322	1	-7
10	Gislason, Gudmundur	FM	2315	5	6

 
Atskákstig (topp 10)

 

Nr.	Nafn	RRtng
1	Olafsson, Helgi	2542
2	Kristjansson, Stefan	2535
3	Stefansson, Hannes	2510
4	Gretarsson, Helgi Ass	2481
5	Thorfinnsson, Bragi	2455
6	Thorhallsson, Throstur	2452
7	Kjartansson, Gudmundur	2437
8	Gunnarsson, Arnar	2433
9	Thorfinnsson, Bjorn	2412
10	Gunnarsson, Jon Viktor	2394

 
Hraðskákstig (topp 10)

 

Nr.	Nafn	BRtng
1	Olafsson, Helgi	2611
2	Stefansson, Hannes	2585
3	Gretarsson, Hjorvar Steinn	2581
4	Steingrimsson, Hedinn	2573
5	Hjartarson, Johann	2570
6	Petursson, Margeir	2546
7	Thorhallsson, Throstur	2481
8	Gretarsson, Helgi Ass	2477
9	Gunnarsson, Arnar	2461
10	Thorfinnsson, Bjorn	2459

Reiknuð skákmót (kappskák)

• Haustmót TR (a-d flokkur)
• Haustmót SA (5.-9. umferð)
• Íslandsmót skákfélaga (1.-4. deild)
• Bikarsyrpa TR nr. 2

Skrár tengdar þessari bloggfærslu:

• Alþjóðleg skákstig, 1. nóvember 2014

Afmælismót Einars Ben fer fram í dag

Afmælisskákmót Einars Benediktssonar verður haldið á veitingastaðnum Einari Ben, laugardaginn 1. nóvember klukkan 14. Meðal keppenda verða margir af bestu skákmönnum Íslands. Tefldar verða sjö umferðir með 7 mínútna umhugsunartíma. Að mótinu standa Skákfélagið Hrókurinn og Taflfélag Reykjavíkur.

Þjóðskáldið Einar Benediktsson fæddist 31. október 1864 og lést árið 1940. Hann var ástríðufullur skákmaður og meðal stofnenda Taflfélags Reykjavíkur um aldamótin 1900. Í ljóðinu Væringjar nota skáldið líkingamál úr skákinni með eftirminnilegum hætti:

Vort heimslíf er tafl fyrir glöggeygan gest

þar sem gæfan er ráðin ef leikurinn sést.

Einar tók þátt í fyrsta opinbera skákviðburðinum á Íslandi sem sögur fara af, þegar hann tefldi sýningarskák á þjóðhátíð í Reykjavík 1901 með lifandi taflmönnum gegn Pétri Zóphóníassyni, sem var besti skákmaður landsins í upphafi 20. aldar. Fjöldi áhorfenda fylgdist með skákinni, sem lauk með jafntefli.

Þá var Einar mjög áhugasamur um málefni Grænlands, en þar hefur Hrókurinn staðið að útbreiðslu skáklistarinnar síðan 2003. Það fer því einkar vel á því að TR og Hrókurinn minnist skáldsins í sameiningu á hinum merku tímamótum. Veitingahúsið Einar Ben, Veltusundi 1 við Ingólfstorg, gefur veglega vinninga, m.a. gjafakort og bækur með ljóðum þjóðskáldsins.

Margir meistarar þegar skráðir til leiks. Það er sérstakt ánægjuefni að Friðrik Ólafsson, fyrsti stórmeistari Íslands og fv. forseti FIDE, mun tefla á mótinu. Friðrik, sem verður 80 ára í janúar, var um árabil meðal sterkustu skákmanna heims og bar hróður Íslands víða. Hann tefldi sína fyrstu kappskák á Íslandsmóti árið 1946, þegar hann var 11 ára gamall.

Fleiri nafntogaðir meistarar heiðra minningu skáldsins með þátttöku á mótinu, m.a. stórmeistararnir Jóhann Hjartarson, Jón L. Árnason, Þröstur Þórhallsson og Hjörvar Steinn Grétarsson, og alþjóðlegu meistararnir Björn Þorfinnsson og Jón Viktor Gunnarsson. Alls verða keppendur 40 og í þeim hópi verða mörg bestu og efnilegustu börn og ungmenni landsins.

Við setningu mótsins kl. 14 á laugardaginn mun Guðmundur Andri Thorsson rithöfundur flytja afmælisræðu um Einar Benediktsson, en að því búnu mun Einar Benediktsson sendiherra leika fyrsta leikinn á Afmælismóti Einars Benediktssonar á veitingastaðnum Einari Ben við Ingólfstorg. Áhorfendur hjartanlega velkomnir meðan húsrúm leyfir.