Henrik með jafntefli - Lenka tapaði

Sjöunda umferð Xtracon-mótsins í Köge fór fram í gær. Henrik Danielsen (2490) gerði stutt jafntefli við sænska stórmeistarann Daniel Semcesen (2490). Henrik hefur 5 vinninga og er í 3.-9. sæti.

Opni flokkurinn

Lenka Ptácníková (2265) tapaði í gær fyrir þýsku skákkonunni Alisa Frey (2098). Lenka hefur 3½ vinning og er í 5.-7. sæti.

Kvennamótið

Áttunda og næstsíðsta umferð er tefld í dag. Þá teflir Henrik við pólska stórmeistarann Michal Krasenkow (2631) og Lenka við dönsku skákkonuna Esmat Susanne Guindy (2062). Umferðin hefst kl. 16.

Beinar útsendingar (báðir flokkar)

 

Skákþing Garðabæjar hefst á mánudaginn

Skákþing Garðabæjar hefst mánudaginn 20. október 2014.   Tefldar verða 7 umferðir og verður mótið reiknað til íslenskra og alþjóðlegra stiga.  

Mótsstaður: Garðatorg 1. (gamla Betrunarhúsið). 2. hæð. Inngangur til hægri við verslunina Víði. 

Skráning:

Skáningarsíða mótsins eða skilaboð til Skákstjóra. 

Þegar skráðir

Umferðatafla:

• 1. umf. Mánudag   20. okt.  kl. 19.30. (B flokkur kl. 18:00)
• 2. umf. Mánudag 27. okt.  kl. 19.30  (B flokkur kl. 18:00)
• 3. umf. Mánudag 3. nóv. kl. 19.30  (B flokkur kl. 18:00)
• 4. umf. Mánudag 10. nóv. kl. 19.30  (B flokkur kl. 18:00)
• 5. umf. Mánudag 17. nóv. kl. 19.30  (B flokkur kl. 18:00)
• 6. umf. Mánudag 24. nóv. kl. 19.30  (B flokkur kl. 18:00)
• 7. umf. Mánudag 1. des.  kl. 19.30  (B flokkur kl. 18:00)

Verðlaunaafhending og Hraðskákmót Garðabæjar 8. Desember kl 19:30.

Keppnisfyrirkomulag er svissneskt kerfi. Skákstjóri er Páll Sigurðsson. Sími 860 3120860 3120. 

Tímamörk eru 90 mínútur og 30 sek sem bætist við hvern leik. Mótið er opið öllum og geta því stigalágir valið milli flokka.

B flokkur bara fyrir skákmenn með 1499 stig eða minna. Umhugsunartími þar er 45 mín auk 30 sek. á leik. 

Leyfilegt er í mótinu í umferðum 1-5 að taka hjásetu gegn hálfum vinning. Ekki er hægt að taka hjásetu eftir að pörun í umferð liggur fyrir. 

Verðlaun auk verðlaunagripa:

Heildarverðlaun 70 prósent af aðgangseyri. (Hort system). Amk. 3 verðlaun í hvorum flokki.

Mótið er um leið Skákþing Taflfélags Garðabæjar.

Sæmdartitilinn Skákmeistari Garðabæjar geta aðeins fengið félagsmenn Taflfélags í Garðabæ eða skákmaður með lögheimili í Garðabæ.

Þátttökugjöld:

Félagsmenn: Fullorðnir 3000 kr. Skákmenn fæddir 1997 og síðar frítt.

Utanfélagsmenn: Fullorðnir 4000 kr. Skákmenn fæddir 1997 og síðar 2000 kr. 

Skákmeistari Garðabæjar 2013 er Bjarnsteinn Þórsson.

Call

Send SMS

Add to Skype

You'll need Skype CreditFree via Skype

Kaffihúsaskák á Stofunni í kvöld!

Hrókurinn og Stofan Café, Vesturgötu 3, efna til hraðskákmóts í kvöld 16. október klukkan 20. Tefldar verða 8 umferðir með 5 mínútna umhugsunartíma og leggur Stofan til verðlaun í formi gjafabréfa, auk þess sem sérstakt tilboð verður á veitingum fyrir keppendur.

Skák hefur um aldir notið mikilla vinsælda á kaffihúsum, og Stofan hefur fest sig í sessi sem vinsælasta skákkaffihús borgarinnar. Þar er góð aðstaða til taflmennsku, einstaklega góður andi og fjölbreyttar veitingar.

Keppendur eru hvattir til að mæta tímanlega. Tekið er við skráningum í [e-mail]. Allir eru velkomnir og þátttaka er ókeypis.

Davíð með vinningsforskot fyrir lokaumferð Haustmóts TR

Áttunda og næstsíðasta umferð Haustmóts Taflfélags Reykjavíkur fór fram í gærkveldi. Einni skák var frestað í a-flokki en öðrum skákum lauk með hreinum úrslitum. Davíð Kjartansson (2331) er efstur með 6½ vinning. Þorsteinn Þorsteinsson (2242) er sá eini sem getur náð honum en hann hefur 5½ vinning.

Í lokaumferðinni teflir Davíð við Kjartan Maack (2131) en Þorsteinn við Sævar Bjarnason (2095).

Þorvarður F. Ólafsson (2213) er efstur í baráttunni um meistaratitil TR en hann hefur 5 vinninga. Sævar Bjarnason (2095) getur náð honum að vinningum en hann hefur 3½ vinning og frestaða skák til góða gegn Degi Ragnarssyni (2154) sem tefld verður væntanlega í kvöld.

Chess-Results

B-flokkur

Mikil spenna er í b-flokki. Þar er Damia Benet Morant (2058) efstur með 6 vinninga en Björn Hólm Birkisson (1655) og Christopher Vogel (2011) koma næstir með 5½ vinning. 

Chess-Results

C-flokkur

Bárður Örn Birkisson (1636) er efstur með 7½ vinning og Felix Steinþórsson (1549) er annar með 6½ vinning. Þeir mætast í lokaumferðinni. Jóhann Arnar Finnsson (1399) er þriðji með 4½ vinning.

Chess-Results

D-flokkur

Ólafur Evert Úlfsson (1430) hefur tryggt sér sigur í flokknum en hann hefur unnið allar sínar skákir. Arnþór Hreinsson (1295) er annar með 6½ vinning og Aron Þór Mai (1274) og Alex Cambrey Orrason (1580) eru í 3.-4. sæti með 5½ vinning.

Chess-Results 

Lokaumferðin fer fram á föstudagskvöldið og verða klukkur settar í gang klukkan 19:30.

Heimasíða TR

Henrik með jafntefli - Lenka með tap

Sjötta umferð Xtracon-mótsins í Köge fór fram í gær. Henrik Danielsen (2490) gerði jafntefli við ungverska stórmeistarann Peter Prohaszka (2588). Henrik hefur 4½ vinning og er í 2.-7. sæti. Prohaszkha þessi er efstur með 5 vinninga.

Í sjöundu umferð, sem fram fer í dag og hefst kl. 16, teflir Henrik við sænska stórmeistarann Daniel Semcesen (2490).

Opni flokkurinn

Lenka Ptácníková (2265) tapaði fyrir litháísku skákkonunni Deimante Daulyte (2356) í gær. Lenka hefur 3½ vinning og er í 4.-5. sæti.

Í dag teflir Lenka við þýsku skákkonuna Alisa Frey (2098).

Kvennamótið

 

Rúnar með mjög góðan árangur í lest!

 

Rúnar Sigurpálsson (2249) tók fyrir skemmstu þátt í skákmóti þar sem teflt var í lest á ferð! Mótið hófst í Prag og í framhaldinu var farið til Vínar, Búdapest, Trencin, Krakow og að lokum komið aftur til Prag. Tefldar voru 12 umferðir með atskákfyrirkomulagi. Rúnar hlaut 8 vinninga í 12 skákum og gerði jafntefli meðal annars við 3 stórmeistara.

 

Rúnar tefldi t.a.m. við goðsögnina Vlastimil Hort (2455) sem var eini stórmeistarinn sem náði að leggja Rúnar að velli!

Rúnar endaði í 9.-11. sæti. Efstir og jafnir með 9 vinninga urðu stórmeistararnir Ian Rogers (2545), Ástralíu, og Martin Petr (2559), Tékklandi.

Einstaklingsárangur Rúnars má nálgast á Chess-Results.

• Heimasíða mótsins
• Chess-Results

 

Björgvin gefur ekkert eftir

Það má segja að það væri stuð á toppnum í Stangarhyl í gær þar sem Björgvin Víglundsson vann alla sína andstæðinga, tíu að tölu eins og hann hefur nokkrum sinnum gert áður. Guðfinnur R Kjartansson varð í öðru sæti með átta vinninga. Guðfinnur er nú vanur að vera í bilinu fyrsta til fjórða sæti. Friðgeir Hólm varð svo í þriðja sæti með sjö og hálfan vinning. Fast á eftir koma svo Ari Stefánsson og Páll G Jónsson, þetta er allt svona nokkuð eftir bókinni.

Það var líka stuð á hinum endanum þ. e. a .s óstuð, þar sem undirritaður varð neðstur ásamt Skottu. Tuttugu og sjö skákmenn tefldu í gær.

Við verðum alltaf kátir þegar við sjáum nýja menn ganga í salinn.

Það komu tveir nýir skákfélagar í dag, það voru þeir Björn Lárusson og Gylfi Þórðarson, vonandi fáum við að sjá þá aftur .

Garðar Guðmundsson formaður sat við stjórnina í dag.

 

 

 

Sjá meðf. töflu og myndir frá ESE

Henrik með sigur, Lenka jafntefli

Henrik Danielsen heldur áfram traustri taflmennsku í Köge og í dag lagði hann Íslandsvininn Jacob Carstensen í rétt rúmlega 20 leikjum en Jacob lék af sér manni og mótspil hans í kjölfarið fjaraði mjög fljótlega út.

Opni flokkurinn

Lenka var kominn með þrjár sigurskákir í röð en varð að sættast á skiptan hlut gegn Karinu Ambartsoumovu. Lenka stýrði svörtu mönnunum eins og Henrik.

Kvennamótið

 

Bæði eru líkleg í toppbaráttu í sitt hvoru mótinu en Henrik er nú í efsta sæti ásamt nokkrum öðrum.

 

Caruana og Gelfand hlutskarpastir í Baku

Boris Gelfand og Fabiano Caruana enduðu jafnir í efsta sæti Grand Prix mótsins í Baku. Báðir gerðu þeir jafntefli í lokaumferðinni.

Næstu keppinautar náðu ekki að vinna sínar skákir og í raun var Alexander Grischuk sá eini sem vann skák í lokaumferðinni en hafði ekki tök á að ná þeim félögum.

Úrslit eru hér

Mótstaflan.

Dagur endaði í þriðja sæti

Milljónaskákmótinu lauk með glæsibrag í nótt með hinum svokallaða "Millionaire Monday". Keppendur sem unnu sér rétt í 4-manna úrslitum bæði í opnum flokki og ýmsum stigaflokkum kepptu þá til úrslita.

Dagur átti möguleika á að vinna fyrstu verðlaun sem voru heilir 40.000 dolllarar. Dagur missteig sig hinsvegar í undanúrslitum gegn Ronald Burnett og keppti um 3. sætið.  Þar mætti hann David Kharatossian og jarðaði Armenanann og tryggði sér verðlaunafé upp á 10.000 dollara. Glæsilegur árangur hjá Degi

Í aðalmótinu tryggði Wesley So sér sigur eftir harða baráttu en í úrslitarimmunni tefldi hann gegn Ray Rboson sem hafði lukkudísirnar á sínum snærum seinni part móts. Sigurinn tryggði Wesley hvorki fleiri né færri en 100.000 Bandaríkjadali og sæti á topp 10 listanum í heiminum.

Mótið heppnaðist að mestu leiti vel ef frá er skilin slök upplýsingagjöf til alþjóðlegra aðdáenda lengst af móts. Vonandi verður þetta mót endurtekið og þá er hægt að bæta þessa einföldu hluti.

Flestir íslensku keppendanna stóðu sig með sóma og Hermann Aðalsteinsson fékk m.a. verðlaun í sínum flokki þó þau hafi aðeisn dugað upp í þátttökugjald mótsins. Björn Þorfinsson og Ólafur Kjartansson þurftu aðeins örlitla aðstoð frá heilladísum og þá hefðu þeir einnig átt möguleika á að tefla upp á há verðlaun.