Hraðskákmót Hellis fer fram á mánudagskvöld

Hraðskákmót Hellis verður haldið mánudaginn 19. ágúst nk. og hefst það kl. 20.00. Teflt er í Hellisheimilinu, Álfabakka 14a. Heildarverðlaun á mótinu er kr. 20.000.  Tefldar verða 7 umferðir 2*5 mínútur.  Núverandi hraðskákmeistari Hellis er Davíð Ólafsson. Þetta er í átjánda sinn sem mótið fer fram.  Björn Þorfinnsson og Davíð Ólafsson hafa hampað titlinum oftast eða fjórum sinnum.

Verðlaun skiptast svo:

1. 10.000 kr.
2.   6.000 kr.
3.   4.000 kr.

Þátttökugjöld eru kr. 400 fyrir félagsmenn en kr. 600 fyrir aðra. Fyrir unglinga í Helli eru þau kr. 300 en kr. 400 fyrir aðra. Skráning fer fram á skákstað.

Hraðskákmeistarar Hellis:

• 1995: Davíð Ólafsson
• 1996: Andri Áss Grétarsson
• 1997: Hannes Hlífar Stefánsson
• 1998: Bragi Þorfinnsson
• 1999: Davíð Ólafsson (Jón Viktor Gunnarsson sigraði á mótinu)
• 2000: Bragi Þorfinnsson
• 2001: Helgi Áss Grétarsson
• 2002: Björn Þorfinnsson
• 2003: Björn Þorfinnsson
• 2004: Sigurbjörn J. Björnsson
• 2005: Sigurður Daði Sigfússon
• 2006: Hrannar Baldursson
• 2007: Björn Þorfinnsson (Jón Viktor Gunnarsson sigraði á mótinu)
• 2008: Gunnar Björnsson
• 2009: Davíð Ólafsson
• 2010: Björn Þorfinnsson
• 2011: Hjörvar Steinn Grétarsson
• 2012: Davíð Ólafsson

Mjög öruggur sigur Færeyinga í fyrri hlutanum

Færeyingar unnu afar öruggan sigur í fyrri umferð Landskeppninnar á milli þeirra og Íslendinga sem fram fer um helgina í Klaksvík. Það var snemma ljóst hvert stefndi en sigurinn var þó fullstór eða 8,5-1,5 og litlu samhengi við styrkleikamuninn á milli liðanna.

Allt gekk upp hjá hjá Færeyingum. Hjá íslenska liðinu,voru það Rúnar Sigurpálsson, Gunnar Björnsson og Haraldur Haraldsson sem gerðu jafntefli en aðrir töpuðu.

Færeyingar hafa sínt gestum sínum ákaflega mikla gestrisni - nema við skákborðið!

Síðari hluti landskeppninnar fer fram á sunnudag.

• Heimasíða færeyska skáksambandsins
• Chess-Results

Landsdystur Færeyinga og Íslendinga hefst í kvöld

Landsdystur Færeyinga hefst í Klaksvík í Færeyjum í kvöld. Lið Íslendinga er að mestu skipað félögum frá Norður- og Austurlandi eins og hefur verið í gegnum tíðina auk þess sem eyfirksættaði Gunnar Björnsson er með í för. Lið Færeyinga er heldur sterkara á pappírnum (munar um 50 stigum í kvöld) en á fyrsta borði hjá þeim teflir alþjóðlegi meistarinn Helgi Dam Ziska sem náði sínum fyrsta stórmeistara á alþjóðlegu móti í Riga fyrir skemmstu. Landskeppninni er svo framhaldið á sunnudag en á morgun laugardag verður tefld hraðskák.

Færeyingar taka ákaflega vel sínum gestum og vonandi verða þeir gestrisnir við skákborðið í kvöld.

Liðsskipan liðanna (fyrri og seinni viðuregin)

 

	Færeyjar		Ísland
		ELO		ELO
Borð 1	IM Helgi Dam Ziska	2468	Einar Hjalti Jensson	2305
Borð 2	Rógvi Egilstoft Nielsen	2243	Hlíðar Þór Hreinsson	2238
Borð 3	FM Carl Eli Nolsøe Samuelsen	2194	Rúnar Sigurpálsson	2230
Borð 4	Høgni Egilstoft Nielsen	2102	Halldór Brynjar Halldórsson	2228
Borð 5	Torkil Nielsen	2113	Stefán Bergsson	2157
Borð 6	Torbjørn Thomsen	2143	Gunnar Bjørnsson	2102
Borð 7	Herluf Hansen	2028	Haraldur Haraldsson	2005
Borð 8	Terji Petersen	2037	Sigurður Eiríksson	1948
Borð 9	Martin Brekká	2028	Viðar Jónsson	1891
Borð 10	Súni Jacobsen	1865	Óskar Long Einarsson	1605
Miðaltal		2122		2071
	Føroyar		Ísland
		ELO		ELO
Borð 1	IM Helgi Dam Ziska	2468	Einar Hjalti Jensson	2305
Borð 2	IM John Rødgaard	2366	Hlíðar Þór Hreinsson	2238
Borð 3	FM Carl Eli Nolsøe Samuelen	2194	Rúnar Sigurpálsson	2230
Borð 4	Torkil Nielsen	2113	Halldór Brynjar Halldórsson	2228
Borð 5	Torbjørn Thomsen	2143	Stefán Bergsson	2157
Borð 6	Terji Petersen	2037	Gunnar Bjørnsson	2102
Borð 7	Martin Brekká	2028	Haraldur Haraldsson	2005
Borð 8	Tummas Martin Sólsker	1927	Sigurður Eiríksson	1948
Borð 9	Súni Jacobsen	1865	Viðar Jónsson	1891
Borð 10	Jóannes Guttesen	1609	Óskar Long Einarsson	1605
Miðaltal		2075		2071

 

 

TV vann öruggan sigur á SSON

TV lagði SSON að velli 65-7 í hraðskákkeppni taflfélaga í gærkveldi. Viðureignin fór fram í húsakynnum Skáksambandsins í Faxafeni. Staðan í hálfleik var 33-3. Björn Freyr Björnsson fór mikinn í liði TV og vann allar sínar skákir 12 að tölu. Næstir komu Ingvar Þór Jóhannesson og Björn Ívar Karlsson með 11,5 vinning. Magnús Matthíasson náði bestum árangri hjá SSON.

Fyrir TV tefldu:

• Ingvar Þ. Jóhannesson
• Björn Í. Karlsson
• Þorsteinn Þorsteinsson
• Björn F. Björnsson
• Nökkvi Sverrisson
• Ægir Ó. Hallgrímsson.

Fyrir SSON tefldu:

• Björgvin S. Guðmundsson
• Ingvar Ö. Birgisson
• Ingimundur Sigurmundsson
• Erlingur F. Jensson
• Magnús Matthíasson
• Grantas Grigorianas.

Rúnar Berg var dómari í þessari viðureign og leysti vel úr þeim örfáu vafamálum sem upp komu.

Smá hlé verður á keppninni nú en þær fjórar viðureignir sem enn er ólokið í fyrstu umferð fara fram 19. og 20. ágúst. Dregið verður í aðrar umferð að lokinni viðureign Hellis og Vinjar þann 20. ágúst

Úrslit fyrstu umferðar:

• Taflfélag Garðabæjar - Taflfélag Bolungarvíkur (19. ágúst kl. 19:45 í TG)
• Briddsfjelagið - Skákfélag Reykjanesbæjar (19. ágúst kl. 19:00 í SÍ)
• Taflfélag Vestmannaeyja - Skákfélag Selfoss og nágrennis 65-7
• Skákfélag Íslands - Taflfélag Akraness (20. ágúst kl. 19:30 í SÍ)
• Skákdeild Fjölnis - Skákfélag Akureyrar 35-37
• Taflfélagið Hellir - Skákfélag Vinjar (20. ágúst kl. 20 í Helli)
• Goðinn-Mátar - Taflfélag Reykjavíkur 52-20
• Víkingaklúbburinn er kominn áfram

Heimasíða Hellis

Myndaalbúm (Ýmsir)

Wei sló út sjálfan Shirov - Aronian og Kramnik þurfa að tefla til þrautar

Kínverski undradrengurinn, hinn 14 ára, Wei Yi, sem varð stórmeistari á N1 Reykjavíkurskákmótinu í mars sl., heldur áfram að slá í gegn á Heimsbikarmótinu í skák í Tromsö. Í dag gerði hann sér lítið fyrir að lagði lettneska stórmeistarann Alexei Shirov í frábærri skák og er þar kominn áfram í þriðju umferð (32 manna úrslit) þar sem hann mætir annað hvort Mamedyarov eða Matlakov. Hvorki Aroian né Kramnik tókst að knésetja andstæðinga sína og þurfa að tefla til þrautar á morgun í styttri skákum.

Meðal þeirra sem eru þegar komnir áfram eru Caruana, Giri, Ivanchuk og Granda Zuniga sem vann Peter Leoko.

Úrslit og pörun má nálgast á aðgengilegan hátt á Chessvibes.

 

• Heimasíða mótsins 
• Beinar útsendingar (hefjast kl. 13)

GM lagði TR í Hraðskákkeppni taflfélaga - Helgi Áss með fullt hús

Taflfélagið Goðinn-Mátar bar sigurorð af Taflfélagi Reykjavíkur í 1. umferð hraðskákkeppni skákfélaga með 52 vinningum gegn 20. Bæði félög tefldu fram öflugum liðum en stríðsgæfan var GM megin þetta kvöld og því fór sem fór.  Margar viðureignirnar voru virkilega spennandi og snilldartilþrif sáust á báða bóga en ekki uppskáru menn þó alltaf  eins og til var sáð innan þess nauma tímaramma sem keppendum var skammtaður.

Bestum árangri TR-inga náðu þeir Arnar E. Gunnarsson sem hlaut 7 vinninga af 12 mögulegum og Karl Þorsteins sem var með 6 vinninga af 12.

Fremstir í liði GM að þessu sinni voru Helgi Áss Grétarsson með 12 af 12 mögulegum, Kristján Eðvarðsson með 8 vinninga af 9, Tómas Björnsson með 7 vinninga af 8,  Ásgeir Ásbjörnsson með 9 vinninga af 12 og Einar Hjalti Jensson með 7 vinninga af 10.

Lið GM:

Helgi Áss Grétarsson

Einar Hjalti Jensson

Ásgeir P. Ásbjörnsson

Hlíðar Þór Hreinsson

Arnar Þorsteinsson

Tómas Björnsson

Kristján Eðvarðsson

Pálmi R. Pétursson

Jón Þorvaldsson

 

Lið TR

Arnar E. Gunnarsson    

Karl Þorsteins   

Þorvarður Ólafsson

Júlíus Friðjónsson

Kjartan Maack 

Halldór Pálsson

Vignir Vatnar Stefánsson

Björn Jónsson  

Ríkharður Sveinsson

Í lið TR-inga vantaði m.a. þá Margeir Pétursson, Guðmund Kjartansson og Daða Ómarsson en GM-menn voru m.a. án Þrastar Þórhallssonar, Sigurðar Daða Sigfússonar og Þrastar Árnasonar.

Góður andí ríkti í keppninni,  vel fór á með liðsmönnum beggja liða og yfirsetumenn skemmtu sér við gamanmál meðan félagarnir svitnuðu yfir flóknum stöðum.  Nýjum formanni TR, Birni Jónssyni, var sérstaklega fagnað með lófataki áður en viðureignin hófst og honum og Taflfélagi Reykjavíkur óskað velfarnaðar af hálfu Goðans-Máta.

Við þökkum TR-ingum kærlega fyrir drengilega viðureign og prúðmannlega framgöngu og hlökkum til að mæta þeim á Íslandsmóti skákfélaga í október. Þar verður róðurinn eflaust þyngri fyrir okkar menn og viðureignin vægast sagt tvísýn.

Útskýring skákreglna og dómgæsla var í öruggum höndum Rúnars Berg sem leysti úr þeim örfáu álitamálum  sem upp komu af sinni ljúfmennsku og réttsýni. Kunnum við honum bestu þakkir fyrir.

Þá þökkum við félaga okkar Kristjáni Eðvarðssyni fyrir afnot af hinum vistlegu salarkynnum Sensa að Kletthálsi 1.

Jón Þorvaldsson.

Keppnin heldur áfram í kvöld en þá mætast Eyjamenn og Selfyssingar í húsnæði SÍ kl. 20. Viðureignirnar detta svo inn hver á fætur annarri en fyrstu umferð skal vera lokið eigi síðar en 20. ágúst nk. Dregið verður í aðrar umferð að lokinni viðureign Hellis og Vinjar þann 20. ágúst

Úrslit fyrstu umferðar:

• Taflfélag Garðabæjar - Taflfélag Bolungarvíkur (óákveðið)
• Briddsfjelagið - Skákfélag Reykjanesbæjar (óákveðið)
• Taflfélag Vestmannaeyja - Skákfélag Selfoss og nágrennis (15. ágúst kl. 20 í SÍ)
• Skákfélag Íslands - Taflfélag Akraness (20. ágúst kl. 19:30 í SÍ)
• Skákdeild Fjölnis - Skákfélag Akureyrar 35-37
• Taflfélagið Hellir - Skákfélag Vinjar (20. ágúst kl. 20 í Helli)
• Goðinn-Mátar - Taflfélag Reykjavíkur 52-20
• Víkingaklúbburinn er kominn áfram

Heimasíða Hellis

Myndaalbúm (HÁ)

Meistaramót Hellis hefst 26. ágúst

Meistaramót Hellis 2013 hefst mánudaginn 26. ágúst klukkan 19:30. Mótið er 7 umferða opið kappskákmót sem lýkur 9. september.   Vegleg og fjölbreytt verðlaun eru í boði. Umhugsunartíminn verður 1½ klst. á skákina auk hálfrar mínútu á hvern leik.

Mótið er öllum opið og er reiknað til alþjóðlegra skákstiga. Skráning fer fram hér á Skák.is

Teflt er á mánudögum, þriðjudögum og miðvikudögum.

Aðalverðlaun:

1. 40.000
2. 30.000
3. 20.000

• Upplýsingar um aukaverðlaun koma síðar.

Þátttökugjöld:

• Félagsmenn kr. 3.000; aðrir 4.000-
• Unglingar 15 ára og yngri: Félagsmenn: 2.000; Aðrir 3.000.
• Allir titilhafar fá frítt í mótið

Umferðartafla: 

• 1. umferð, mánudaginn, 26. ágúst, kl. 19:30
• 2. umferð, þriðjudaginn, 27. ágúst, kl. 19:30
• 3. umferð, miðvikudaginn, 28. ágúst, kl. 19:30
• 4. umferð, mánudaginn, 2. september, kl. 19:30
• 5. umferð, þriðjudaginn, 3. september, ágúst, kl. 19:30
• 6. umferð, miðvikudaginn, 4. september, kl. 19:30
• 7. umferð, mánudagur, 9. september, kl. 19:30

Hraðskákmót Hellis fer fram mánudaginn 19. ágúst

Hraðskákmót Hellis verður haldið mánudaginn 19. ágúst nk. og hefst það kl. 20.00. Teflt er í Hellisheimilinu, Álfabakka 14a. Heildarverðlaun á mótinu er kr. 20.000.  Tefldar verða 7 umferðir 2*5 mínútur.  Núverandi hraðskákmeistari Hellis er Davíð Ólafsson. Þetta er í átjánda sinn sem mótið fer fram.  Björn Þorfinnsson og Davíð Ólafsson hafa hampað titlinum oftast eða fjórum sinnum.

Verðlaun skiptast svo:

1. 10.000 kr.
2.   6.000 kr.
3.   4.000 kr.

Þátttökugjöld eru kr. 400 fyrir félagsmenn en kr. 600 fyrir aðra. Fyrir unglinga í Helli eru þau kr. 300 en kr. 400 fyrir aðra. Skráning fer fram á skákstað.

Hraðskákmeistarar Hellis:

• 1995: Davíð Ólafsson
• 1996: Andri Áss Grétarsson
• 1997: Hannes Hlífar Stefánsson
• 1998: Bragi Þorfinnsson
• 1999: Davíð Ólafsson (Jón Viktor Gunnarsson sigraði á mótinu)
• 2000: Bragi Þorfinnsson
• 2001: Helgi Áss Grétarsson
• 2002: Björn Þorfinnsson
• 2003: Björn Þorfinnsson
• 2004: Sigurbjörn J. Björnsson
• 2005: Sigurður Daði Sigfússon
• 2006: Hrannar Baldursson
• 2007: Björn Þorfinnsson (Jón Viktor Gunnarsson sigraði á mótinu)
• 2008: Gunnar Björnsson
• 2009: Davíð Ólafsson
• 2010: Björn Þorfinnsson
• 2011: Hjörvar Steinn Grétarsson
• 2012: Davíð Ólafsson

Skákfélag Akureyrar vann nauman sigur á Fjölni

Hraðskákkeppni taflfélaga hófst í gær. Fyrsta viðureign keppninnar í ár var viðureign Skákdeildar Fjölnis og Skákfélags Akureyrar. Norðmenn heimsóttu Grafarvoginn og tefldu við Fjölnismenn í Rimaskóla. Norðanmenn gerðu þangað góða ferð því þeir unnu viðureignina, en tæpara gat það ekki orðið, því að viðureigninni lauk 35 - 37. Í hálfleik var staðan jöfn 18 - 18.

Viðureignin var bráðskemmtileg frá upphafi til enda og fyrir síðustu umferðina var allt í járnum. Það voru Fjölnismenn sem héldu forustunni lengst af í fyrri umferð og náðu mest 3 vinninga forskoti en í þeim síðari voru það norðanmenn sem tóku forustuna og lönduðu sigri þrátt fyrir naumt tap í lokaumferð.

Bæði félögin tefldu fram okkar efnilegustu skámönnum á unglinga-og framhaldsskólastigi. Rimaskólastrákarnir núverandi og fyrrverandi þeir Oliver Aron, Jón Trausti, Dagur R og Hörður Aron náðu allir 50% vinningshlutfalli eða meira og í liði Akureyringa stóðu þeir Jón Kristinn og Símon Þórhallsson svo sannarlega fyrir sínu.

Stefán Bergsson og Halldór Halldórsson voru illviðráðanlegir og gamla kempan Jón Þ. Þór reyndist drjúgur. Fjölnisliðið var að venju skipað unglingum sem teflt hafa með skákdeildinni allt frá ungbernsku og eru að mynda þéttan kjarna frábærra skákmanna. Það er fengur fyrir Fjölnismenn að fá Dag Andra að nýju inn í hópinn og með meiri æfingu kemur hann til með að reynast Grafarvogsliðinu drjúgur liðsmaður.

Þar sem viðureignin var allan tímann jöfn og spennandi þá ver einbeitingin og baráttan í fyrirrúmi og skákmennirnir sem flestir höfðu tekið þátt í Borgarskákmótinu fyrr um daginn drógu ekkert af sér.

Oliver Aron var með flesta vinninga í liði Fjölnismanna eða 8, Jón Trausti 7,5 , Dagur R 6,5 , Hörður Aron 5,5 Dagur Andri 3,5, Erlingur 3 og Nansý 1.

Í liði Akureyringa hlaut Halldór Brynjar 9 vinninga í 10 skákum, Stefán jafnmarga vinninga en í 12 skákum, Jón Kristinn og Jón Þ. Þór 7½ vinning, Símon 2½ í 7 skákum en aðrir vinna.

Í kvöld kl. 20 heldur keppnin svo áfram en þá mætast Goðinn-Mátar og Taflfélag Reykjavíkur í húsnæði Sensa í Kletthálsi 1. Á morgun mætast svo Eyjamenn og Selfyssingar í húsnæði SÍ kl. 20. Viðureignirnar detta svo inn hver á fætur annarri en fyrstu umferð skal vera lokið eigi síðar en 20. ágúst nk.

Úrslit fyrstu umferðar:

• Taflfélag Garðabæjar - Taflfélag Bolungarvíkur (óákveðið)
• Briddsfjelagið - Skákfélag Reykjanesbæjar (óákveðið)
• Taflfélag Vestmannaeyja - Skákfélag Selfoss og nágrennis (15. ágúst kl. 20 í SÍ)
• Skákfélag Íslands - Taflfélag Akraness (20. ágúst kl. 19:30 í SÍ)
• Skákdeild Fjölnis - Skákfélag Akureyrar 35-37
• Taflfélagið Hellir - Skákfélag Vinjar (20. ágúst kl. 20 í Helli)
• Goðinn-Mátar - Taflfélag Reykjavíkur (14. ágúst kl. 20 í Sensa)
• Víkingaklúbburinn er kominn áfram

Heimasíða Hellis

Myndaalbúm (HÁ)

Hammer áfram á Heimbikarmótinu - Jorge Cori tapaði fyrir misskilning

Í dag var teflt til þrautar í 1. umferð (128 manna úrslitum) Heimsbikarmótsins í skák með styttri tímamörkum. Fjörlega var teflt. Jon Ludvig Hammer er einni fulltrúi heimamanna og reyndar Norðurlandanna sem komst áfram eftir sigur á Sergei Movsesan. Allar fjórar skákkonurnar eru nú fallnar úr leik en Hou Yifan tapaði fyrir Alexei Shirov og Anna Ushenina fyrir Peter Svidler.

Það vakti mikla athygli að Jorge Cori tapaði fyrri hraðskákinni fyrir Teimor Radjabov. Cori, sem talar afar lítið í ensku, misskyldi skákstjóranna þegar hann sagði að hraðskákin hæfist 6:15 (six fifteen) en Cori fannst hann segja 6:50 (six fifty). Cori gerði sér grein fyrir mistökunum en tveimur mínútum of seint og dæmdu skákstjórar tap á hann. Cori kæri niðurstöðuna en úrskurðurinn stóð. Nokkuð umdeilt sérstaklega í ljósi þess að þarna var um að ræða styttri skákir og sárgrætilegt að Cori skuli þarna hafa liðið fyrir þennan misskiling.

Röðun 2. umferðar má finna á Chessvibes sem og öll úrslit fyrstu umferðar. Í 2. umferð mætast meðal annars Wei Yi og Alexei Shirov. 

 

• Heimasíða mótsins 
• Beinar útsendingar (hefjast kl. 13)